السلام عليكم
انا شخصيه مش انطوائيه وبتكلم وبهزر مع صديقاتي ومش بحب العزله وبحب انصح وبحب اسمع النصيحه بس مشكلتي اني مش بحب التجمعات يعني اي فرصه للمقابلات والتجمعات معاهم ارفض واتحجج بأي حجه ومش بوافق وفي نفس الوقت بتكلم معاهم وممكن نقعد ع الواتس او الفون بالساعات ونتكلم براحتنا بس عندي رهبه فظيعه في التجمعات ومعرفش السبب ومش عارفه ايه الحل
و عليكم السلام ، دي مش رهبة اجتماعية ، ده تعود على الكلام من خلف الشاشة ، فعمل عندك نقص في التفاعل البشري المباشر ، ده مش خوف ده قلة خبرة ،طيب و الخبرة بتزيد ازاي ، من النجربة اكيد ، و طبيعي اي تحربة جديدة بنختف منها وبتبقى تقيلة اووووي على القلب ،لكن مره في مره في مره بنتعود عليها و لو عجبتنا بنبقى احنا اللي بنبادر بيها ، فدوري على اي حاجه بسيطة تبسطك في الخروج معاهم و ركزي عليها اوووووي و ما تفكريش في اي حاجه تانيه ، ما تقعديش تتخيلي هيقولوا عليكي ايه او شكل الشارع او في خوفك من الطريق لوحدك لحد نا توصليلها ، ابعدي ابعدي عن أي افكار او توقعات عن التجربة سلبية ، و ركزي بس على احساس واحد يخليكي مبسوطة و اسعي له ، و بالتوفيق 😊
تم النشر الاثنين، ٣٠ مارس ٢٠٢٦
وعليكم السلام ورحمة الله وبركاته يا مسك الكعبه 🌸 أولاً، أشكرك إنك شاركتيني ده، وأنا فاهمة تمامًا إيه اللي بيحصل معاكي. أنتِ شخصية اجتماعية حلوة ومرحة، بتحبي التواصل والنصايح، بس الرهبة دي من التجمعات الكبيرة (اللي بنسميها أحيانًا "قلق اجتماعي خفيف") شائعة جدًا، وغالباً بتيجي من خوف غير واضح زي الضغط أو الإحساس إن السيطرة هتقل، أو حتى تجارب قديمة صغيرة. الجميل إنكِ مرتاحة أونلاين أو بالفون، يعني التواصل نفسه مش مشكلة – ده خطوة كبيرة إيجابية! حلول عملية خطوة بخطوة عشان تتغلبي عليها: ابدئي صغير جدًا : قولي "نعم" لدعوة تجمع صغير (2-3 صديقات بس، مش حفلة كبيرة). حددي وقت قصير زي ساعة واحدة، وقولي لنفسك "همشي لو حسيت إني مش مرتاحة". بعد كده، اكتبي 3 حاجات إيجابية حصلت (زي "ضحكنا كتير" أو "اتعلمت حاجة جديدة"). اكتشفي السبب : اجلسي لوحدك 5 دقايق واكتبي "إيه الأسوأ اللي ممكن يحصل في التجمع؟" غالباً هتلاقي الخوف مبالغ فيه، وده هيخفف الرهبة. مارسي التعرض التدريجي : كل أسبوع، زدي شوية. مثلاً: أسبوع 1: قهوة مع واحدة. أسبوع 2: مع اتنين. هتتعودي وهتشوفي إنها أحلى مما تتخيلي! قبل التجمع، حضري نفسك : اختاري موضوعين سهلين تهزري بيهم (زي نكتة خفيفة أو سؤال عن يومهم)، وارتدي حاجة مريحة تخليكِ واثقة. أنتِ قوية وقادرة، وده مش عيب – كتير بنات زيك بيتغلبوا عليه كده. لو عايزة دعم أكتر، شوفي الخبراء في https://www.fedni.net/experts، فيه متخصصين نفسيين واجتماعيين هيساعدوكِ بشخصي. وابحثي في فدني عن "رهاب التجمعات" هتلاقي إجابات تانية مفيدة! إيه رأيك نبدأ بتحدي صغير الأسبوع ده؟ قوليلي إيه اللي هتحاوليه، أنا معاكِ 💪❤️
تم النشر الاثنين، ٣٠ مارس ٢٠٢٦
بصي الموضوع ده طبيعي جدًا ومش لوحدك فيه خالص، انتي غالبًا عندك رهبة اجتماعية خفيفة مش أكتر، ودي بتيجي من دماغك مش من الناس، يعني دماغك بيهيألك إنك متراقبة أو ممكن تتكسفي فبتحاولي تهربي والدليل إنك لما بتقعدي مع نفس الناس في وقت تاني بتبقي عادي وتهزري وتقعدي بالساعات، يبقى المشكلة مش فيك كشخص ولا في الناس، المشكلة في أول لحظة بس الحل ببساطة إنك متستنيش الإحساس يروح، انزلي حتى لو مش مرتاحة، اقعدي شوية وامشي عادي، وبعد كده زوّدي الوقت واحدة واحدة، دماغك هيتعود وهيفهم إن مفيش خطر وكمان بلاش تفكري كتير قبلها عشان ده بيكبر الموضوع، خشي على طبيعتك وخلاص وتقبلي إنك تتوتري في الأول، ده طبيعي جدًا، ومحدش مركز معاكي زي ما انتي متخيلة ربنا يروق بالك و يوفقك 💗
تم النشر الثلاثاء، ٣١ مارس ٢٠٢٦
حضرتك صح ف كل كلامك ماعدا ان خلقي ضيق طيب ده حله ايه
تم النشر الثلاثاء، ٣١ مارس ٢٠٢٦
وعليكم السلام ورحمة الله وبركاته ... ممكن يكون دا نمط شخصية مثلا تكونى انتى بتتعاملى مع أصحابك عادى وتهزرى بس فى نفس الوقت لو نفس صحابك دول اتجمعوا واتطلب منك تتكلمى فى حاجه مثلا وهما كلهم حواليكى تتوترى مثلا .... أو ممكن يكون انك بتخافى من كلام الناس عموما حد يكلمك ف يقول كلمة تزعلك أو يعلق تعليق مثلا ف انتى تخافى موقف زى دا يحصل .... او ممكن يكون انتى مبتحبش الظهور عموما رغم تعاملك الجيد مع الأصدقاء ... ممكن مبتحبيش المجاملة فى الكلام أو مثلا خلقك بيضيق بسرعة أو ما إلا ذلك كل دا ممكن يكون طبيعة شخصيه + ممكن يكون ب أثر أو سبب مش نمط شخصيه موقف وحش حصل زمان أو سبب ما خلاكى تكرهى التجمعات
تم النشر الثلاثاء، ٣١ مارس ٢٠٢٦
عندك مرونه فى الردود المباشره؟ لازم يبقى عندك ثقه فى نفسك انك مش هتغلطى ولو غلطتى ف دول بشر زيهم زيك ،سيدنا موسى عليه السلام أخذ برأس أخيه ولحيته من الغضب بشر خطاء عادى لكن تدارك الخطأ ، چل من لا يخطئ سبحانه وتعالى ، أما إنك تحسى انك معندكش ردود أو بتحسى لسانك بيتربط فجأه أثناء الرد حاجه شبه التلعثم كده كانت عندى وسببها عشان كنت قاعد لوحدى فترة لما اختلط بشكل مباشر بدأ الموضوع يقل بشكل قد يصل إلى 70 فى الميه ،اوصى نفسى واياكى بدعاء سيدنا موسى عليه السلام : ربى اشرح لى صدرى ويسر لي أمري واحلل عقدة من لساني يفقهوا قولى ...🤲
تم النشر الثلاثاء، ٣١ مارس ٢٠٢٦
مش لازم تكون دي مشكله عندك دي بتكون شخصيتك مش لازم تغيريها
تم النشر الأربعاء، ١ أبريل ٢٠٢٦
@مسك الكعبه ديه مجرد أسباب مش لازم بالتبعية على الكلام يكون خلقك ضيقك قصدى ممكن يكون سبب أو ممكن يكون سبب تانى فاهمانى .......... لو دا بسبب موقف أو حاجة حصلت ف بتتعافى نفسبا الأول من الحاجه ديه بحيث لو نفس الموقف مثلا اتذكر قدامك ولا يأثر فيكى أما بقىىلو نمط شخصية ف علاجها فى انك تقفزى فى مستنقع التجمعات 🥺 ب معنى مثلا تشتركى فى نشاط اجتماعى معين سواء فى جامعة أو دراسة أو ما شابه يعنى حل كره التجمعات هو مواجهة التجمعات نفسها وإجبار نفسنا عليها بل التدريب على ازاى منتوترش وازاى نتعامل وهكذا
تم النشر الأربعاء، ١ أبريل ٢٠٢٦
لعرض السؤال في فدني اضغط هنا