السلام عليكم ،
انا عندي مشكله حرفيا الموضوع بقا صعب جدا انا بنسبه ٨٠٪ ببقى حاسس بتشتت وضعف تركيز لدرجه اني لو بكلم حد بجد صعوبه في اني أركز في الكلام يعني ممكن حد يقولي انت ساكن فين بقعد كتير على ما افكر ارد فبالتالي بتهته في الكلام وبحس بالإحراج
وأحيانا كتير اكون رايح عشان اشتري بقف قدام الراجل وبقول كلام متلخبط لأني مش عارف أرتب الكلام وببقا دائما حاسس بإحساس قريب جدا من دوار البحر وبحس اني هدوخ وأقع أو عايز انام
مع العلم اني ببقى نايم كويس جدا وواكل وشارب لكن وشي بيبقى شاحب ولاحظت كذا مره اني لما بروح اركب المترو خصوصا لو هركب الخط التاني أو التالت لأنهم تحت الأرض بحس بدوخه زايده وبحس أن الأرض بتهتز لدرجه اني مره كنت هقع
وسألت اللي كان حوليا إذا كان في هزه ارضيه ولا لأ قالي مفيش حاجه ولقيت الناس ماشيه عادي والموضوع اتكرر كذا مره بحس بإحساس أشبه انك لما تبقى جالس في أوضه كلها أضواء في كل حته وألوان إضاءه مختلفه بتحس بحاجه زي عدم التركيز كده او التشتت اهو ده الإحساس الي انا حاسس به حتى لو أنا قاعد في أوضه ضلمه كحل
وبردوا انا كنت عملت تحاليل للغده وعملت تحاليل لهرمونات الذكوره وعملت تحليل فايتمين د وكل حاجه كانت سليمه اينعم كان عندي نقص في فيتامين د لكن تم علاجه الحمد لله لكن مازلت اعاني من هذا الشعور اللي دائما بيسبب لي إحراج ودائما الي يشوفني يفتكر اني عايز انام لأن ملامحي وقتها بتبقا عامله زي النعسان وعيني بتبقى داخله لجوه مع العلم اني ببقى ممكن اكون نايم بال٨ وال٩ ساعات
الموضوع بقا متعب جدا هل مثلا ده نقص oxygen في الجسم وازاي ازوده ولا ايه المشكله
السلام عليكم ورحمه الله وبركاته طيب لو احنا ما عملناش كشف على التنفس فهنا هنحتاج نتأكد ان احنا بنتنفس كويس يعني ايه بنتنفذ كويس في اوقات كثير جدا حنتنفس ولكن بنتنفس نفس قصير يعني مش بنملى الرئه بالكامل ففي تمرين للتنفس المضبوط بنبدا نتمرن عليه بشكل مقصود لحد ما بيبقى تلقائيا هو ده النفس اللي احنا بناكله فالتمرين ده بيبقى ان احنا بناخذ نفس عميق جدا النفس ده بعيدا لحد ما بطنيه تتنفخ لبره مش تبقى لجوه عشان هو ده اللي بيكون التنفس الغلط فلما ناخد النفس وناخده من مناخيرنا جامد جامد جامد لحد ما ننفخ طالما اتنفخت معانا كده ان رئتنا اتنفخت بالهواء بشكل كويس بعد كده نبدا نطلعه بس من الفم واحده واحده وهكذا نكرر ده على الاقل 10 مرات. نعملها في اوقات متفرقه من اليوم علشان نبدا يبقى ده النفس الطبيعي بتاعنا في اي مكان احنا موجودين فيه هنبقى بنتنفس نسبه اكسجين المفروض مناسبه اولا ثانيا هتحتاج تتاكد من انه الرئه مش متاثره مثلا باي أدخنة لو انت على طول بتقعد في وسط مدخنين ممكن ده يكون مؤثر على يعني درجه تنفسك وتشبع جسمك بالاكسجين لو انت شخصيًا لا قدر الله بتدخن فده هيكون أثر ده كده جزئية ممكن نقول إنها عضوية طيب فيه جزئية تانية وهي جزئية بقى ذهنية في يومك العادي في حياتك العادية بتلعب فيديو جيمز كتيرة فيديو جيمز تكون فيها أنت طول الوقت باصص في الموبايل أو في الشاشة زي مثلا بلاي ستايشن او غيره لو بتلعب أنواع ألعاب كلها فيها شد أعصاب جامد الألعاب القتالية ألعاب الحرب والأمور دي فدي بيكون لها تأثير كبير جدا في التركيز والتشتت. فمحتاج لو انت بتلعب الالعاب دي لوقت طويل هتحتاج ان انت تقلل الالعاب دي او تقطعها لمده علشان ترجع تستعيد تركيزك الذهني الموجود مره تانيه حتى لو رجعتها هترجع لها بالقدر المناسب اللي ما يحطكشف في ازمه لا داعي منها. مسأله بقى انك في الاماكن اللي تحت دي تحت الارض ممكن تبدا تحس انك فضيق تنفس ده وارد جدا تكون حاله جزء منها نفسي جزء منها عضوي ممكن تكون كل اما مساحه الهواء بتقل كل ما انت مبتعرفش تاخد نفسك كويس او ممكن تكون انت بتتخانق من الاماكن وبتتضايق من الاماكن اللي فيها مفيش مساحه مفتوحه ما في شباك واضح ما فيش متنفس خارجي واضح فده بيبقى يدي لك إحساس نفسي بمساله النفس الضيق يعني اتمنى اكون انا حاولت اجي معاك على كل الجوانب كده لو في اي حاجه اسالني وانا احاول اساعدك.
تم النشر الثلاثاء، ٢٩ يوليو ٢٠٢٥
وعليكم السلام ورحمة الله أخي العزيز، أشعر بمدى المعاناة التي تمر بها بسبب هذا التشتت الدائم وضعف التركيز، وهذا يؤثر بالطبع على حياتك اليومية وثقتك بنفسك. من وصفك المفصّل، هناك عدة نقاط سأحاول أن أساعدك من خلالها: أولاً: تحليل وضعك الحالي تشعر بتشتت وضعف تركيز يصل إلى 80% من الوقت، وصعوبة في التفاعل مع الآخرين وفهم الكلام والرد عليه. تعاني من دوار ودوخة، خاصة في الأماكن المغلقة أو المترو تحت الأرض، وكأن الأرض تهتز. ملامح وجهك تصبح شاحبة وكأنك نعسان، على الرغم من أنك تنام جيداً (8-9 ساعات) وتتبع نظام غذائي جيد. تحاليل الغدة الدرقية والهرمونات والفيتامينات كانت طبيعية أو تم علاجها، مثل فيتامين د. الشعور يشبه نقص أكسجين أو دوار بحر، وأحيانا تشعر برغبة في النوم. تفسير محتمل ونصائح أولية الدوار والتشتت يمكن أن يكون له أسباب متعددة: نقص الأكسجين الذي تسأل عنه عادة ما يظهر في أمراض الصدر أو القلب، أو مشاكل في التنفس، وغالبًا ما يكون مصاحبًا لصعوبة في التنفس أو آلام صدر. لكن من كلامك، لا يبدو أنك تعاني من ذلك مباشرة. دوار البحر أو دوخة الارتجاج قد تكون مرتبطة بالجهاز الدهليزي في الأذن الداخلية وهو مسؤول عن التوازن. أعراضك تشبه إضطرابات في هذا الجهاز خاصة مع حساسية للمكان أو الأضواء. التوتر والضغط النفسي العصبي قد يؤديان إلى شعور تشتت وضعف تركيز مع دوار خفيف أحياناً. الشعور بالتشتت والارتباك وصعوبة ترتيب الكلام في المواقف الاجتماعية قد يكون مرتبطًا بأمور نفسية مثل القلق أو اضطراب فرط الحركة وقلة الانتباه أو الاكتئاب. أهم ما يمكنك فعله حاليًا: زيارة طبيب متخصص (طبيب أعصاب أو طبيب نفسي) لعمل فحوصات دقيقة وربما تقييم نفسي للوصول إلى التشخيص الصحيح. التنبيه على الطبيب بأعراض الدوار في المترو وفي البيئات ذات الأضواء والألوان المختلفة فقد يكون لديك حساسية عصبية. الاستمرار في مراقبة نومك وجودته، والتأكد من عدم وجود انقطاع في التنفس أثناء النوم (مثل انقطاع النفس النومي)، فهذا قد يؤثر على تركيزك وحالتك العامة. نصائح عملية: حاول تقليل المؤثرات الحسية التي تسبب الدوار (كالأضواء القوية أو التنقل في المواصلات لفترة طويلة). اكتب ملاحظات صغيرة تساعدك في ترتيب الأفكار والجمل قبل الكلام، حتى تساعد نفسك في التعبير. مارس بعض العادات الصحية النفسية، مثل تنظيم وقتك وممارسة نشاط رياضي خفيف أو مشي. خلاصة أخى الكريم، هذه الحالة تحتاج تقييم طبي مباشر لأن المشكلة ليست بسيطة ولها عدة احتمالات منها ما هو جسدي ومنها ما هو نفسي. الرجاء تحديد موعد مع طبيب أعصاب أو طبيب نفسي يمكنه مساعدتك معاً. وإذا رغبت، يمكنك البحث في موقع فدني عن أسئلة مشابهة أو استشارة أحد الخبراء المتخصصين في الصحة النفسية أو العصبية عبر صفحة الخبراء: https://www.fedni.net/experts أنا هنا دائماً للمساعدة، لا تتردد في سؤال المزيد وتحدث معي في أي وقت. تفائل بالخير، فغالباً شعورك يمكن معالجته بإذن الله. ذكية معك بكل ود ودعم. 🌷 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٩ يوليو ٢٠٢٥
طيب حضرتك عملت تحليل أنيميا؟ اعراض الدوار والدوخة وضيق التنفس وضعف التركيز وكل ده بيكونوا مرتبطين بنقص نسبة الحديد او الهيموجلوبين في الدم وهو المسؤول عن توصيل الأوكسجين للخلايا ، ياريت تروح لدكتور باطنة اكيد هيطلب منك تحليل صورة دم ولو طلع عندك انيميا بمجرد ما تتعالج هتختفي كل الاعراض دي ولو ظهر اي مشكلة تانية ان شاءالله يدلك على العلاج الصحيح ماتقلقش ان شاءالله الموضوع بسيط .. تمنياتي بالشفاء العاجل
تم النشر الأربعاء، ٣٠ يوليو ٢٠٢٥
بالنسبة لعدم التركيز والتشتت فدة انسب حل omega 3 ودي مجودة في الصيدلية وفيبعض الأكلات زي السمك والرياضة وترك الفديوهات القصيرة علي قد ماتقدر
تم النشر الجمعة، ١٥ أغسطس ٢٠٢٥
روح لشيخ كويس يا صاحبي وبإذن الله خير بس ابعد عن الدجالين
تم النشر الاثنين، ٤ أغسطس ٢٠٢٥
يمكن مشكلة نفسية هل تعرضت لنقد مستمر
تم النشر الخميس، ٣١ يوليو ٢٠٢٥
وبالنسبه لملامح وجهك فهي مش هتتحسن غير لما تتقبل نفسك على طبيعتك ومش مهم كلام الناس ، دي طبيعتي ولازم اتقبلها أيا كانت
تم النشر الثلاثاء، ٢٩ يوليو ٢٠٢٥
بالنسبه لضعف التركيز ، فممكن تمارس الرياضه يوميا صباحا وتلعب العاب ذكاء ، وبلاش تسمع الريلز لأنها فعلا بتعفن الدماغ ، وركز على القرءان بتفسيره ، وممكن تسبح او تذكر ربنا من غير سبحة وتعد بدماغك
تم النشر الثلاثاء، ٢٩ يوليو ٢٠٢٥
لعرض السؤال في فدني اضغط هنا