ححاول اختصر عليكو مش عارفة ازاي لاني لكاكة للاسف 😅 دلوقتي انا بقالي سنتين الحمد لله في الكلية والمفروض سن الشباب اللذوذ دة حلو حلو المهم انا محتاجة اروح لثيرابيست ضروري لاني من ساعة ما دخلت الكلية وانا مش زي الاول انا كمان حابة اضيف اني فعلا مكتئبة ومش متأكدة اذا كان اكتئاب بجد ولا اية بس معتقدش زعل سنتين يبقا زعل عادي
وحابة اضيف ان الموضوع الحمد لله ملوش اي علاقة بتجربة او ارتباط لاني الحمد لله متربية ان دة حرام وغلط واصلا كان متقفل عليا بطريقة شديدة من الخوف نظرا لاني الابنة الوحيدة لا اخوات ولا اصحاب
المهم انا محتاجة ثيرابي بسبب عائلتي او بسبب دماغي اللي مسوحاني وحابة اضيف ياريت يكون سعره حنين وفي اسكندرية لاني بصراحة تعبت وجبت آخري ومع اضافة شيء عشان تعرفو ان الحوار بجد انا مكتومة من الزعل انا معيطتش من تسع سنين وبكتم جوايا تمام ومن ساعتها وانا بصراحة كنت تمام لحد الكلية وخلاص جبت آخري فحابة اعرف لو حد يدلني على ثيرابيست ويكون محترم اكون شاكرة جدا ليكو يومكم لطيف يا اصحابي ☺️☺️☺️
السلام عليكم ورحمه الله وبركاته. هو الوضع اللي انتي وصفتيه فعلا انت محتاجه ومش لازم الموضوع كله علاقه بارتباط لكن برضو يكون في عندنا مواقف طلع فيها مشاعر قويه وما قدرناش نعبر عنها او متعلمناش ان احنا نعبر ونطلع اللي احنا حاسين هي اللي بره زي ما انت كده بتتكلمي نوعا بشكل فكاهي ممكن تكوني اعتمدت بطريقه دي وده للاسف خلاكي. مبقتيش بتمارسي حقك طبيعي في انك يجيبك شعور بتعبري عنه شعور حزن وشعور ضيقه شعور غضب فطبعا حاجه زي ديه تبقى محتاجه ثيرابي يا ريتني كنت عارفة حد في اسكندريه بشكل خاص ان شاء الله تقدري تنشري لحد كويس ممكن تشوفي هنا قائمه الخبراء ولو لقيتي حد موجود في اسكندريه وان شاء الله. تكوني واثقه فيه لان المنصه هنا بتتابع مع الخبر عشان تتأكد ان هم ناس موثوق فيهم فان شاء الله باحسن حال امورك.
تم النشر السبت، ٤ يوليو ٢٠٢٦
الله يعينك وييسر أمرك ويهديكى ويهدى قلبك فى هنا على التطبيق أعتقد أخصائيين ممكن تروحى لخبراء فدنى وتختارى حد مناسب ليكى وتوجهي له سؤال
تم النشر الجمعة، ٣ يوليو ٢٠٢٦
يا حبيبتي، أولاً أشكرك على مشاركتك الصريحة دي، وأنا فاهمة قد إيه الموضوع صعب عليكِ وإنك وصلتِ لنقطة "جبتِ آخركِ". اللي بتمرّي بيه مش "زعل عادي"، وإنكِ مكتومة من تسع سنين ومش قادرة تفرّغي اللي جواكِ ده حمل ثقيل جدًا، وطبيعي إن الكلية تكون الشرارة اللي فجّرت الإحساس ده. طلبكِ لثيرابي خطوة شجاعة وصحية، ومش عيب خالص إنكِ تحتاجي مساعدة متخصصة. بالنسبة للبحث عن ثيرابي في الإسكندرية بسعر مناسب ومحترم، أنصحكِ تبدئي بالبحث عن عيادات نفسية مرخصة أو مراكز تابعة للجامعات أو المستشفيات الحكومية اللي بتقدم جلسات بأسعار رمزية. كمان ممكن تسألي في جروبات الطالبات في الكلية أو على فيسبوك عن توصيات موثوقة من بنات في نفس الظروف. لو حابة تلاقي خيارات أكتر، ابحثي على فدني عن أسئلة مشابهة عشان تشوفي تجارب البنات التانيات وتاخدي أفكار إضافية. تذكري إن الثيرابي مش هيغيركِ بين يوم وليلة، لكنه هيساعدكِ تفهمي دماغكِ وعائلتكِ بشكل أوضح وتتعلمي تطلّعي اللي مكتوم جواكِ بطريقة آمنة. لو عايزة تتكلمي أكتر عن مشاعركِ هنا، أنا موجودة أسمعكِ وأدعمكِ خطوة بخطوة. خدي بالكِ من نفسكِ، ويومكِ يكون ألطف. 🌸
تم النشر الخميس، ٢ يوليو ٢٠٢٦
أنتي ممكن تغيري الناس اللي انتي بتكلمي معاهم واخرجي شوفي أماكن جديده حاولي تكتبي مذكرات لنفسك وحاولي يكون عندك شغف في حاجه يكون واخد أكبر جزء من تفكي وإن شاء الله كل حاجه هتتحسن
تم النشر السبت، ٤ يوليو ٢٠٢٦
الله يعينك اللهم آمين، ممكن تتكلمي لو عايزة وهنا كلنا هنسعمك وأكيد ليها حل ويمكن كلامنا يفرق معاكِ كلنا هنا أصحابك ممكن الكلام يفرق معاكِ ويحسسك إن في سامعك وصدقيني كل حاجة ليها حل🫂
تم النشر الجمعة، ٣ يوليو ٢٠٢٦
لعرض السؤال في فدني اضغط هنا