عايشه ليه ...ده سؤال ليه اجابة عامه لينا كلنا زى بعض واجابة خاصة ليكى انتى .. الإجابة العامة انا عارفه انك مش هتعرفى تتعاملى على اساسها دلوقتى. الاجابة الخاصة هى المشكلة ...انها مجهولة مش معروفه خالص ليكى حاليا. سبب تانى للانهاك والتعب و تخيل ان الموت هو الحل ...هو انك متخيلة ان فى وضع مريح 100% او ان فى حاجة هتحصل بدون بذل مجهود او مقابل او ان فى حياه بدون مواقف وحشه واحاسيس سيئة. تعملى ايه بقي ...اولا تتعافى من كل المواقف الوحشة اللى شايلاها جواكى وحاسه ان الحياه انتهت عندها. ثانيا تبدأى تدورى على السبب العام اللى احنا عايشين ليه كلنا وتتأكدى انك محققاه. ثالثا هتبدأى تختارى ع الاقل حاجة واحده تبقي هى دى اللى انتى ليكى رغبة تعيشي عشان تشتغلى عليها عشان لما يجى الموت فى ميعادة المكتوب يكون عندك اثر جميل ويكون عندك حاجة تقول ان حياتك كانت فيها مجهود.
ما هو عشان الموت مش بتاعنا فالصحيان هو حاجة منحة لينا عشان نقوم نتعايش .....انتى بقي مش عاوزة تصحى عشان مفيش حاجة تعمليها؟ ولا عشان مش عاوزة تواجهى اثر اللى فات؟
تم النشر الأربعاء، ٢٨ يونيو ٢٠٢٣
ومين قال انى عايزه اصحى اصلا ده اكتر حاجه مش عايزاها
تم النشر الأربعاء، ٢٨ يونيو ٢٠٢٣
طبعا مش هتشوفى غير الوحش طول ما انتى حالتك وحشة وجواكى متخزن الوحش كتيرر بالشكل ده ....لكن مجرد انك صحيتى الصبح بتتنفسي وجسمك كله سليم دى لوحدها حاجة حلوة والاكل المتوفر فى البيت والميه دى حاجة عظيمة مش بس حلوة...ممكن تكونى فقدتى القدرة على انك تحسى بحلاوتهم بس.
تم النشر الأربعاء، ٢٨ يونيو ٢٠٢٣
هو مفيش حاجه بتحصل غير كل الوحش
تم النشر الأربعاء، ٢٨ يونيو ٢٠٢٣
لعرض الإجابة في فدني اضغط هنا