انا مصدعه من كام يوم الصداع مشي وجاء تاني واخدت برشام بس المشكله مصدعه بالعيون حوالين العيون ومن فوق وانا لابسه نظارة نظر عادي مش عارفه دا صداع توتري ولا جيوب انفيه ولا من التليفون
السلام عليكم، الصداع أسبابه كتير وفي حالتك ممكن النظارة محتاجة تتغير أو إجهاد من النظر للشاشات أو جيوب أنفية وده مش هيتحدد غير بالكشف. الأول ريحي عينك فترة وقللي استخدام الموبايل أو الحاجات اللي محتاجة منك تركيز وإجهاد لعينك، وممكن كمادات الشاي الباردة تفيدك في تقليل صداع وألم العين. لو ارتحتِ أنصحك برضه تكشفي رمد وتطمئني إن النظارة مقاسها مظبوط ومفيش مشاكل خاصة لو الصداع بيتكرر. وعلى حسب الكشف هيتحدد إذا مفيش مشكلة ومحتاجة تخصص تاني زي أنف وأذن مثلا. وألف سلامة.
تم النشر الاثنين، ٧ سبتمبر ٢٠٢٦
يا حبيبتي، الصداع اللي بيجي حوالين العينين وفوقيها شائع جدًا، وممكن يكون له أسباب متعددة بناءً على وصفك. من أكتر الأسباب احتمالًا إجهاد العين بسبب استخدام الموبايل لفترات طويلة، خاصة لو النظارة مش مناسبة تمامًا أو محتاجة تعديل، أو حتى الإضاءة الضعيفة أثناء القراءة. كمان ممكن يكون صداع توتري ناتج عن الضغط اليومي، أو مرتبط بالجيوب الأنفية لو فيه احتقان خفيف. الصداع اللي بيروح ويرجع زي ما وصفتي غالبًا بيكون مرتبط بعوامل زي دي مش مرض خطير. خدي بالك إن البرشام بيخفف الأعراض مؤقتًا بس مش بيعالج السبب، فلو الصداع مستمر أو بيتكرر، الأفضل تروحي لدكتور عيون عشان يفحص النظارة والنظر، ولو لزم الأمر دكتور أنف وأذن للجيوب. حاولي تقللي وقت الشاشة وتاخدي فترات راحة كل ساعة، وتأكدي إن النظارة نظيفة ومناسبة لاستخدامك اليومي. لو عايزة آراء إضافية، ابحثي عن أسئلة مشابهة على فدني. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٥ سبتمبر ٢٠٢٦
ان شاء الله ماشي شكرا جدا
تم النشر الثلاثاء، ٨ سبتمبر ٢٠٢٦
جيوب انفيه علشان الرطوبه اللي في الجو حاولي تلبسي كمامه على متروحي تكشفي ربنا يشفيك
تم النشر الثلاثاء، ٨ سبتمبر ٢٠٢٦
اه صح طيب انا بشتغل في صيدليه بس اخدت فوارة
تم النشر الأحد، ٦ سبتمبر ٢٠٢٦
ادانى بخاخه لمناخيرى و علاج تانى برضو و قالى بلاش انزل كتير عشان جيوب الانفيه الموضوع بيزيد ف وقت تغيير الفصول
تم النشر الأحد، ٦ سبتمبر ٢٠٢٦
معلش طيب قللك الدكتور علي ايه لما طلع جيوب انفيه يعني
تم النشر السبت، ٥ سبتمبر ٢٠٢٦
ايوا انا مستغربه علشان اخدت بنادول وكدا بس عندي زي دور برد بس زي لسه في البدايه ممكن كدا بردوا
تم النشر السبت، ٥ سبتمبر ٢٠٢٦
انا برضو زيك كدا و كشفت طلعت فعلا جيوب انفيه
تم النشر السبت، ٥ سبتمبر ٢٠٢٦
لعرض السؤال في فدني اضغط هنا