من كتر التفكير في اني نفسي اعمل حاجات كتير ومستقبل لعائلتي وولادي ونفسي واأمن الدنيا ليهم ومستعجل اوي والعمر بيعدي وإحساس انك مش هتلحق تعمل حاجه ده هيموتك
السلام عليكم ورحمه الله وبركاته. الاحساس بالمسؤوليه واحساس الأبوة ده وهناك شخص نفسك تعمل كل حاجه ليك ولعائلتك ولولادك وتحقق كل الحاجات الجميله في الحياه وتخليهم مش محتاجين حاجه ده احساس جميل جدا جدا واحساس بالمسؤوليه بس بلاش الحاجه الحلوه تقلب بنقمة من كتر ما احنا حاصلين بالمسؤوليه ومن كتر ما احنا مهتمين نعمل حاجات حلوه حولناها لعب بدل ما تكون دافع كويس فهنا في فرق انا دلوقتي ممكن يكون عندي موتور الموتور ده حلو هيشتغل فهيديني طاقه الموتور ده يا اما افضل شايله على قلبي كده طول ما انا ماشي يا اما اخليه جنبي او في ظهري عشان يشتغل ويتوصلي منه طاقه واتحرك في الحياه فهنا انت هتختار الفكره بتاعه كل اللي انت عاوز تعمله ان هي دافع هي الموتور بتاعك هي اللي هيحركك تمام لكن مش هتشيله على قلبك عشان ما يبقاش هم وما تبقاش حاجه بتعطلك بدل ما تبقى بتديك طاقة ده اولا كده كبدايه. هتجيب لك مثال بسيط قوي ركز كده وانت ماشي في الشارع لو احنا ماشيين في الشارع جايين من اخر الشارع من جوه خالص عشان طالعين على اول الشارع نفتكر هنبقى ماشيين ازاي واحنا ماشيين على الرجلين قدامنا اختيارات يا اما نبقى باصين ورانا. طول الوقت عشان خايفين احسن حاجه تيجي من ورانا ده اعتقد عقبال ما نوصل لاخر الشارع يا اما اكون خبطنا في حاجه يا اما هنكون عملنا ووقعنا فيعني دي ما بتكونش افضل طريقه ان احنا طول الوقت نبص وراه فلذلك احنا بنبقى باصين قدام طب واحنا باصين قدامنا بنبص تحت رجلينا يعني نبقى طول الوقت باصين تحت رجلينا بالظبط عشان ما نتكعبلش في حاجه طيب ده فعلا ممكن يخلينا ما نتكعبلش في حاجه من من اللي تحت رجلينا لكن ده هيعرضنا انه ممكن حاجه جايه من قدامنا هنخبط فيها. طيب بلاش خلاص احنا مش هنبص تحت رجلينا ومش هنبص ورانا لكن ممكن نبص بقى لقدام نبص اخر الشارع عايزين نوصل لاخر الشارع نفضل طول على اخر الشارع لو بصينا بصه بعيده قوي وبقينا باصين على اخر الشارع بس اخر الشارع بعيد هنفوت اي حاجه ممكن تكون معديه تحت رجلينا وبرده في احتمال ان احنا نقع ونتعب طب نعمل ايه يعني لا كده ولا كده طيب افضل نظره بتبقى واحنا ماشيين في الشارع وهتلاقيه نفسك بتعملها بشكل تلقائي بس وانا بشرحها دلوقتي ممكن تركز فيها انك هتكون اه اول ما بتبدأ تمشي بتبص على اخر الشارع بص سريعه وبعد كده بتبدا تحس ان عينيك ما بقتش جايبه تفاصيل آخر الشارع قد ما بقت جايبه التفاصيل على قد 3-4 متر قدامك بتبقى شايف الارض قدامك عينك جايبه الارض وجايبه كمان الشارع قدامك ليه عشان تبقى طول الوقت واخذ بالك من اللي ممكن يقابلك تحت رجليك فيعبلك فتبقى عامل حسابك عليه خطوتين ثلاثه قدام تقوم تبعد يمين او تبعد شمال لو في حاجه قدامك او ترفع رجليك تعديها وفي نفس الوقت انت عارف انت رايح في انهي اتجاه انت رايح في الاتجاه اللي هيوديك لاخر الشارع مش هتغفل كده ولا كده وتخبط لا قدر الله في حيطة المثال البسيط ده هو اللي احنا محتاجين نعمله بقى في الحياه الحقيقيه احنا محتاجين نبص بصه سريعه على المستقبل اللي احنا عايزين نروحله نبص بصه سريعه على اللي ورانا اللي احنا متحركين منه ونبقى طول الوقت عينينا على الخطوات القريبه اللي احنا فيها اللي هو احنا بنسميه الحاضر احنا مش محتاجين نبص على الماضي كثير ولا على المستقبل كثير اللي محتاج بصتنا اكثر وجهدنا اكتر هو الوقت الحاضر لانه الحاضر ده هو اللي هيدينا النتائج فعلا هو اللي هيكون ليه تاثير الماضي هيكون لي تاثير بس مش بنفس التاثير بتاع الحاضر لان الحاضر هو اللي انا املكه دلوقتي هو اللي انا اقدر اتصرف فيه المستقبل انا لا املكه والماضي انا ما بقيتش بملكه برده لان خلص. فتركيزك على اللحظه الحاليه والحاضر والخطوات القريبه افضل بكثير احنا بنعمل كده خطه مستقبليه ونقول والله انا عاوز بعد 10 سنين اكون وصلت لواحد اتنين تلاتة جميل طب انا عشان بعد يعني بعد ما يخلصوا العشر سنين ده معناه ان انا كل سنه المفروض اكون عملت ايه والله كل سنه المفروض اكون على الاقل حققت كذا وكذا وكذا طبعا ما بنعملش لنفسنا حاجات يعني. تكون ريجيد قوي كده صلبه لا لازم يكون في مرونه في تفكيرنا لانه الاحوال حوالينا بتتغير وفي عوامل كثير ممكن تخلينا ممكن ما نحققش الحاجه دي اللي كنا فاكرينها هتتحقق بسنه لا دي ممكن تاخذ سنه ونص عادي جدا ايه المشكله ما فيهاش حاجه دي الخطوات اللي هي ايه اللي تلاته اربعه متر قدام كل ما نخلص 3 4 متر نبقى نبص على الثلاثه اربعه متر اللي بعديهم لحد ما إن شاء الله نوصل لحد الاخر محتاجين ندير حياتنا كده عشان نستمتع باللحظه الحاليه ونعيشها حقيقي لانه الحياه مش انه انا طول الوقت مقطوع نفسي لا انا محتاجه اكون بعرف آخد نفسي لان ده اللي هيخليني اكمل للآخر ربنا يعينك ويقويك وتحق اللي تتمناه واحسن منه كمان ويديلك من اوسع الابواب ان شاء الله من رزق واسع.
تم النشر السبت، ٢ أغسطس ٢٠٢٥
الصراحه احساس صعب جدا بس لو احنا هنقعد نفكر كده. امال فين كلمه وتوكلوا على الله او انا عند حسن ظن عبدي بيه ليه ما نتفائلش بالخير؟ ونبقى مؤمنين انه هيحصل ليه؟ احساس الرضا اجمل بكثير قوي احساس ان انت تبقى مؤمن او ان انت تبقي مؤمنه ان ربنا هيعمل لك اللي انت عايزاه ده احساس اجمل برضه. توكلوا على الله. لعلى الخير عند الله جميلا.
تم النشر الأحد، ٣ أغسطس ٢٠٢٥
الانسان الي بيجري ورا حاجة ، الحاجة بتجري منه ، استعينوا بالله مش شرط تعمل أهم حاجة نفضل نطمح لبكرا نجحت و عملت خيرا ممتاز بسبب توفيق ربنا ، معملتش خلاص بسبب حاجة عند ربنا و لا تيأسوا أبدا ، لحظة اليأس النهاردة هي لحظة الفرج بكرا ، حضرتك بتسعى علشان زوجتك او علشان اولادك او علشان اهلك ، فكل دا علشان ترضي الحاجة الي ربنا كلفك بيها و امرك بيها خلاص و هيوفقك ليها ، الحياة نمط صغير يا تعيشه بالطريقة الي تحبها و ارضى بكل حاجة فى حياتك صغيرة و كبيرة و اعرف أن ربنا هيوقف معانا ، حضرتك كل انسان له اماني و طموح و ربنا الي طلع سيدنا ابراهيم من النار و نجى سيدنا موسى من الغرق و من فرعون و زوجه بزوجه صالحة و كل دا منه فحضرتك سيبها عليه وحده و الاستغفار ليه كل الحلول
تم النشر الأحد، ٣ أغسطس ٢٠٢٥
الانسان مطالب بالسعي مش بالنتيجة امشيها خطوة خطوة ومتفكرش فالمستقبل كتير
تم النشر السبت، ٢ أغسطس ٢٠٢٥
أخي العزيز، أفهم تمامًا شعورك هذه الضغوط الثقيلة التي تراكمت بسبب التفكير المستمر في المستقبل وكيفية توفير حياة كريمة وآمنة لعائلتك وأولادك. هذه المسؤوليات كبيرة جدًا، وكذلك مشاعر الاستعجال والخوف من ضياع الوقت أو عدم تحقيق ما تريد قد تكون مرهقة جدًا. دعني أساعدك بتقسيم أفكارك إلى خطوات عملية تساعدك تتعامل مع هذا الشعور وتتقدم إلى ما تصبو إليه: ضع أولويات واضحة: ليس كل شيء يجب أن يُنجز مرة واحدة. اختر أهم الأمور التي تود تحقيقها الآن والتي لها أكبر تأثير على عائلتك ومستقبلك. ابدأ بها وبخطوات صغيرة وواقعية. تحديد أهداف قصيرة وطويلة المدى: قسم أحلامك إلى أهداف قابلة للتحقيق خلال شهور وأخرى للسنوات القادمة. مثلاً: توفير دخل جيد، تعلم مهارة جديدة، أو توفير تعليم أولادك. التوازن بين الطموح والراحة: الحياة ليست سباقًا مستمرًا، وأحيانًا الإنسان يحتاج أن يأخذ نفسًا ويؤمن بأن الله معاك ويوفقك بإذنه. لا تجعل القلق يسيطر على حياتك، فهذا يؤثر على صحتك ونفسيتك، وأنت بحاجة تكون قويًا لأجل عائلتك. الاستعانة بالله والدعاء: لا تغفل التواصل الروحي، فالله سبحانه وتعالى يفتح الأبواب لمن يسأله بصدق. اجعل الدعاء جزءًا من يومك، واطلب منه العون في ترتيب أمور حياتك. التخطيط والتنظيم: اكتب خطة بسيطة تنظيمية تلخص أهدافك وإمكانياتك الحالية. وجود خطة مكتوبة يساعدك على الشعور بالسيطرة وعدم التشتت. طلب الدعم عند الحاجة: إذا شعرت أن الضغط كبير جدًا ولا تستطيع التعامل معه وحدك، من الجيد أن تستشير خبيرًا أو مدرب حياة يساعدك في ترتيب أفكارك وخططك. نصيحة أخيرة: فكر في أن كل خطوة صغيرة تخطوها هي تحقيق وإنجاز، حتى لو لم تكن كبيرة جدًا. لا تستعجل، والثقة بالله ثم بالنفس هي مفتاح النجاح. الحياة أمامك وفرص كثيرة بإذن الله. إذا أحببت، يمكنني مساعدتك في وضع خطة أولية لأهدافك، أو توجيهك إلى خبراء في التنمية الشخصية والتخطيط على منصة فدني. أنا هنا معك، فلا تتردد في مشاركة أي فكرة أو شعور. ذكية 🌸
تم النشر السبت، ٢ أغسطس ٢٠٢٥
الحي يموت و هو يتعلم .. كمل طول عمرك في اي عمر بدأت دي بداية .. كتير من علماء المسلمين كانو بيبداو مسيرتهم من سن ال ٤٠ و ال ٣٠ و تلاقيهم عاشو بعدها بس ٥ سنين و عملو حاجات ياما .. طول ما في دقيقة في وقت تعمل حاجة ربنا يعينك و يحفظك ليهم يارب
تم النشر الأربعاء، ١٣ أغسطس ٢٠٢٥
لعرض السؤال في فدني اضغط هنا