هل من الممكن ان اني اتزوج من بنت معاها كليه عاليه او ايا كانت الكليه صيدله تربيه من الكليات العليا وانا دبلوم صنايع؟ هل من الممكن اني اتزوج من فتاه عندها دراسات عليا او دكتوراه؟
طبعا الأمر كله عادي سيدنا محمد لما تزوج السيدة عائشة فكانت هي غنية ومعها تجارة واسعة ومن أشراف مكة اما الرسول فكان حاله على قده ولكن تزوجت وعاشا معا فربما بهذا عندما تتزوجها يعلو قدرك وشأنك ولكن لا تغرنك صلاح حالك وترميها ككيس القمامة لأنها هي سبب ذلك فاحذر من هذا فكم من شخص كان فقيرا وتزوج من غنية فتغير حاله وثم رماها كالقمامة طلقها وتزوج غيرها دون سبب ويحاول ان يسبب مشاكل بينهما بدون سبب عشان يلاقي سبب مقنع للطلاق فاحذر من الشيطان ونفسك الإمارة بالسوء وثانيا لا تقارن حالك بحال شخص آخر أنت حسن من نفسك وكن نسخة أفضل من نفسك صلي بانتظام ادع الله بما تريده ويكون بخير وليس بشر بأن تدعو على احد بل ادعو بأن الله يصلح حاله وليس بأن يدمره لأن الله لا يقبل الا الطيب وثالثا تعلم لكي تراك بأنك تحاول التغيير حاول تشتغل شغل كويس افتح محل بقالة مثلا اعمل دول وفي وقت فراغك هذا ماسينجيك ابحث عن كورسات على الانترنت تعلم البرمجة وغيره من الحاسوب تعلم الانجليزية حسن نفسك فيها حتي ساعة يوميا تكفى ستجد الكثير في النهاية لان اغلب الوظائف اليوم تعتمد علي الانجلش فلو تعلمتها صح ستجد نفسك مناسب لها ولن تشعر بأنك اقل منها في البدايه قد تجد صعوبة والناس هتضحك عليك بس انت سيبك منهم وامشي في طريقك وقسما بالله عندما تنجح سيطؤون رؤوسهم لأنك في مكانة أعلى منهم فقط انت اعمل في طريقك وهما سنة ولا سنتين ستكون في مكان أفضل وكل هذا بسبب مساعدتها هي لك ومساعدة نفسك لنفسك ثق في نفسك وثق بها واختار الزوجة التي تعينك على هذا وموفق إن شاء الله.
تم النشر الثلاثاء، ١٨ نوفمبر ٢٠٢٥
اكيد ينفع مفيش حاجة في الدين تقول انه مينفعش بس دا بيعتمد علي البنت واهلها لو هما ناس سطحية واللي يهمهم المظاهر ف هيرفضوا -اما لو هما ناس اهم حاجة عندهم انه يكون انسان محترم صاحب دين وخلق وبتشتغل وهتصرف عليها خلاص هيتوكلوا علي الله -بس خليك عارف ان ربنا مخترلك نصيبك ومش معني ان ميحصلش نصيب في كل مرة اتقدمت فيها انك فيك حاجة غلط لاء دا اكيد شر ليك وانت ملكش فيه نصيب وان شاء الله ربنا يرزقك ببنت الحلال ان شاء الله
تم النشر السبت، ١٥ نوفمبر ٢٠٢٥
الاشي بيتعلق بطريقة تفكيرك وتفكيرها في شباب ما تعلمو بس عندهن فطنة وذكاء واجتهاد رهيب وبمقدورهن يتطورو اكثر من المتعلمين بكتيير. في منهن ما بآمنو اصلا بالشهادات وما بحبو يوخدو شهادة، بس بطورو نفسهن بنفسهن شوف وين انت وكيف طريقة تفكيرك واذا هي قريبة على طريقة تفكيرها وهيك يعني شوف التوافق غير هيك ما في اشي بمنع
تم النشر الأحد، ١٦ نوفمبر ٢٠٢٥
ياريت تتجنب هذه التجربة غالباً لا تكون ناجحة الا مع من رحم الله. ولكن الغالب هى او أهلها سيتعاملون ب أنفة و يشعرونك بفارق الشهادة حتى لو ملأت جيوبهم بالاموال و الذهب.
تم النشر السبت، ١٥ نوفمبر ٢٠٢٥
مفيش مشكلة عادي لكن اذا مكنش فيه توافق في الفكر او التفاهم بلاش علشان هيكون فيه مشاكل كتيرة لكن العبرة مش بالشهادة هنا العبرة بالقدرة علي التفاهم والتقبل بينكم وان مفيش حد يحسس التاني انه اعلي منه وراجع نفسك واقعد مرة واتنين واتناقش وحلل وفكر انت انها مش هيجي يوم وتتعالي عليم وشوف الامور ..وربنا ييسرلك الخير
تم النشر السبت، ١٥ نوفمبر ٢٠٢٥
اهم حاجه توافق الفكر وانك يكون عندك قابله لاستكمال تعليمك يكون عندك طموح يعني
تم النشر الاثنين، ١٧ نوفمبر ٢٠٢٥
دور على وظيفة واعمل اللي عليك وربنا معاك مبيسبش حد بس انت دور ومتيأسش وإن شاء الله تلاقي وعلى فكرة الجواز ملهوش دعوة بالشهادة هي لو بتحبك هتوافق حتى لو مش متعلم سبها على الله وإن شاء الله تقبل بيك ولو مقبلتش ممكن تلاقي أحسن منها وعلي فكرة دبلوم صنايع مش وحش للدرجة دي في ولي أعمال كتير. وانت حاول تأسس نفسك وسبها على ربنا
تم النشر الأحد، ١٦ نوفمبر ٢٠٢٥
تمام طب ليه كده يعني هو في بعض الناس كده طيب الواحد يتجوز ازاي يعني وكمان الواحد تعب في التدوير والله يعني الواحد على الله حكايته يعني هو دبلوم وكمان فقير عامل ولكن الحمد لله عايش على معاش ابويا وابويا متوفي بس المشكله هتجوز ازاي برده يعني انا معايا حاجه تعني على المعيشه انا برده هتجوز ازاي ما هو ده السؤال بيحيرني طول حياتي ومحيرني لغايه دلوقتي انا عندي 38 سنه اعزب
تم النشر السبت، ١٥ نوفمبر ٢٠٢٥
شكرا ليك
تم النشر السبت، ١٥ نوفمبر ٢٠٢٥
لعرض السؤال في فدني اضغط هنا