هل ممكن تديني نصايح في المذاكرة
واذكر كيف كان انطباعك عن اول امتحان لك في الثانوية العامة وهل الدروس الخصوصية حاليا مهمة ام اصبحت غير مهمة
قول أدعية المذاكرة و حاول تذاكر فمكان هادي و ياريت تكون لوحدك و ياريت يكون عندك فكرة عن الموضوع ال هتذاكره لو معندكش فى فالورق سريعا اعرف العناوين و و هكذا و بعدها ابدأ ذاكر و لازم تفهم نفسك كلمة كلمة و اي حاجة متفهمهاش علم عليها و اسأل فيها بعدين و متستناش تحفظ من اول مرة تذاكر الموضوع لا افهم الاول و ممكن بعدها خلال أقل من أسبوع تراجع عالل ذاكرتو و تبدأ تحفظ و حاول تراجع كل فترة عشان متنساش لأن طبيعي جدا جدا الحاجة ال متزاكرهاش فترة تنساها و حاول تفصل كل نص ساعة حوالي خمس دقائق تتمشى فيهم فالبيت كل حاجة حلوة اي حاجة و ارجع تاني و جرب تزاكر و انت بتمشي حبة ده هيفوقك المهم متزعلش لو قعدت وقت طويل تزاكر أو لو مفهمتش حاجة أو لو نسيت كل ده طبيعي المهم تعمل ال عليك و ربنا هييسرلك الباقي بالنسبة للثانوية فلو انت مش من مصر مش هعرف انصحك احنا عندنا معتمدين عالدروس الخصوصية
تم النشر الأربعاء، ٢٦ يوليو ٢٠٢٣
نصائح ليك 1- خليك منظم 👩🏻🎓 2- متفوتش دروس 🚶🏻♂️ 3- متقولش مفيش وقت ⏱️ 4- ابسط نفسك 😁 5- ذاكر اول بأول 🙂 6- مش لازم تسيب موبايلك بس متقعدش عليه و انت بتذاكر او متحطوش جنبك احسن 📱 7- ذاكر ساعه بتركيز ولا تذاكر اليوم كله ودماغك في حته تانيه 📚 8- ابعد عن المحبطين 🏃🏻♀️ 9- روح لمدرسين بتحبهم ❤️ 10- شيل من دماغك اسطوره المدرس الخبره الي عندو 60 سنه
تم النشر الأربعاء، ٢٦ يوليو ٢٠٢٣
أقترح لحضرتَك تسمع فديو لأحمد أبو زيد قناة دروس أونلاين عَلىٰ اليوتيوب نصايح للثانويةة العامةة هو مجمع حجات كتيرة.
تم النشر الأربعاء، ٢٦ يوليو ٢٠٢٣
لازم تتعب و تجتهد و تسعي و قبل كل حاجه طاعه و ثقه ف ربنا و رضا اهلك .و هتنجح و هتحقق اللي تتمناه عن تجربه
تم النشر الأربعاء، ٢٦ يوليو ٢٠٢٣
لعرض السؤال في فدني اضغط هنا