انا اكبر من اختي سنًا اختي
هي اتخطبت لمواصفات الشاب الي انا بحلم بيه يعتبر فانا بغير جدا خايفه افضل كدا عانس ولو اتجوزت اتجوز حد مش زي ما انا عايزه ف انا حسه بالحقد على اختي وخطيبها وبغير منهم جامد عايزه اتخلص من التفكير دا واركز ع نفسي ويكون عندي رضا وسلام داخلي احب ليهم الخير وليس العكس انا عارفه نفسي كويس أووي اني طيبه جدا بس الشعور دا بيجيلي فبتضايق اوووي مش عايزه ابقي شخصيه وحشه واحقد على غيري اعمل اي؟
الغيرة من الغرائز البشرية، ولا أعتقد أبدًا أنك تحقدين عليها وإلا لما كنت كتبت هذا السؤال. كل ما هنالك هو شعور الغبطة وهو أن تتمني أن تنالي من الخير الذي نالت منه. الحل الآن: أكثري من هذا الدعاء: "اللهم ألهمني رشدي وقني شر نفسي" ادعي كذلك بالزوج الصالح. لا تعرضي قلبك ولا روحك لتفاصيل علاقة أختك وخطيبها، يعني لا تركزي في التفاصيل. ادعي لأختك بالبركة وحاولي أن تشتري لها هدية بسيطة وسوف يزول عنك ما تشعرين. والآن! يوجد ملحوظة مهمة جدًا. خطيب أختك فيه الصفات التي تريدينها أنت، ولكن الله عندما يقسم الأرزاق يعطينا ما نحتاجه وليس ما نريده، وهذا لحكمة يعلمها سبحانه. مثال حتى تتضح الأمور: شاب ورث الغنى عن والده وآخر ولد في أسرة بسيطة، ينحت في الصخر حتى يصل لمستوى الشاب الأول إلا أنه لم يوفق بعد. وبعد الكثير والكثير من السعي يفتح الله عليه، لماذا التأخير؟ في التأخير تهذيب، قد يكون غناه في بادئ الأمر هلاك له أو فساد. هذا فقط تأصيل جوهري قد تحتاجيه لاحقًا. نقطة أخيرة، بالنسبة لخطيب أختك فيه من العيوب التي لن تظهر إلا بطول المعاشرة، وقد تكون هذه العيوب غير مقبولة بالنسبة لك إطلاقًا، فدعك مما يظهر ودعك مما خفي ولا تشغلي بالك. جبر الله قلبك.
تم النشر الجمعة، ١٦ أغسطس ٢٠٢٤
بصي مبدئياً احساسك بالغيرة ده شيء طبيعي بس متخلهوش يأثر عليكي الجواز رزق ولكل واحد رزق معين في وقت معين في مكان معين ، مش لازم كلنا يبقي لينا نفس الرزق في نفس الوقت و مش شرط بردو عشان الرزق ده جيه لحد قبلك يبقي مش هيجي ليكي بالعكس جدا اول حاجة جددي نيتك و شيلي فكرة الغيرة من قلبك لان ربنا رب قلوب ونوايا و طول ما نيتك كويسة ربنا هيرزقك بكل حاجة كويسة صلي وادعي كتير وقربي من ربنا و لو قريبة قربي اكتر وادعي أن ربنا يرزقك بالذرية الصالحة واللي نفسك فيه
تم النشر الاثنين، ١٩ أغسطس ٢٠٢٤
أولًا، حابّة أقول لك إنه شعور الغيرة أو الحقد جزء طبيعي من تجربة الإنسان، وما فيك تعتبري نفسك شخص سيء عشان تحسي بالطريقة دي. لكن من المهم إنك تتعرّفي على المشاعر دي وتشتغلي على تغييرها. جربي تتبعي الخطوات دي: افهمي مشاعرك : اقبلي مشاعرك من غير حكم. اسألي نفسك ليه حاسّة بالغيرة؟ هل هو بسبب انشغالك بالأهداف أو أحلامك؟ فهم السبب ممكن يساعدك. ركّزي على نفسك : حطّي لنفسك أهداف واضحة واشتغلي على تحقيقها. بدلاً من التفكير في حياة أختك، حاولي تعبئة وقتك في نشاطات تحبيها. اكتبي ميزاتك : سجّلي كل الصفات الحلوة أو الإنجازات اللي حققتيها. هيساعدك تذكّري أد إيه أنتي مميزة ولديك الكثير تقدميه. احساس بالامتنان : كل يوم، اكتبّي حاجة أو أكثر انتي ممتنّالها. ده هيساعدك تشعري بالتقدير للي عندك عوضًا عن التركيز على اللي ناقصك. تنمية العلاقات : جربي تقضي وقت مع أختك وتشاركيها مشاعرك برفق. ممكن تكتشفي جوانب جديدة في علاقتكم وتساعدكم على فهم بعض أكتر. ممارسة التأمل أو الرياضة : حاولّي تخصّصي شوية وقت لنفسك في التأمل أو ممارسة الرياضة. هيساعدك تهدّي نفسك وتحسّي براحة أكبر. تذكّري، إن الحياة مش سباق والشعور بالغيرة هيساعدك أكثر لما تشتغلي على نفسك. إن شاء الله تقدرّي تتغلبي على المشاعر دي وتلاقي السلام الداخلي اللي بتسعي ليه.
تم النشر الجمعة، ١٦ أغسطس ٢٠٢٤
ادعي ربنا انه يرزقك بزوج صالح ويكون فيه موصفات اللي انتي عايزها ،وابعدي عن مداخل الشيطان متخليش شيطان يدخل بينك وبين اختك لانها ممكن تاخد بالها وعلاقتكم تسوء
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا