السلام عليكم ورحمة الله وبركاتة اولا أى شركة قبل ما بتاخد إجراء قانونى معاكى لازم هتعمل حاجه من اتنين يا اما هيكلموا حضرتك أو هيبعتوا رساله بالسداد او لو شركه متعاقده فيهم مع شركات تحصيل حد من شركة التحصيل هيجي لحضرتك يتفاوض معاكى و كل دا لحد الان بشكل ودى قبل اللجوء إلى القضاء و اكيد فى حلول كتير حضرتك تقدري تعمليها و دا يتوقف على حاجات كتير لازم اكون ملم بيها و انا بحاول اساعد حضرتك بشكل قانونى
اهم شىء لو تواصلوا مع حضرتك عن طريق رسائل او اتصال حضرتك لازم تردى بإظهار حسن النية فى السداد لكن بلاش كلمة مش هدفع أو مش قادره ادفع لأن دا بيفرق كتير ... عموما حضرتك حاولى تبادرى بانك تتصلى بيهم و تقولى أن فى ظرف قهرى و عايزه تجدولى السداد ودا لاظهار حسن النيه
تم النشر الخميس، ٢٣ أكتوبر ٢٠٢٥
اذاي الطرق السهله للسداد ممكن توضيح لان الأقساط كبيره جدا وانا الكام شهر الجايين للاسف مش قادره اسدد شهر ١١ و ١٢ الجايين
تم النشر الخميس، ٢٣ أكتوبر ٢٠٢٥
ردا على سؤال حضرتك بخصوص السند الاذني مش موضوع محكمة تجارية ولا حاجه هو زيه زى الكمبياله و يمكن أن يرفع عن طريق المحكمة الجزئية إذا كان أقل من ١٠٠ الف جنيه او لو اكتر بيرفع فى المحكمة الابتدائية بدعوي أمر أداء و هنا لازم نوضح أن فى الاول او الآخر حضرتك لازم تدفعي لكن فى طرق سهله و تحل الدنيا الاول قبل الوصول للمحكمة و خلينا نوضح أن لو وصلت المحكمه هيبقا فى خسارة اكتر من تعويضات أو تنفيذ على منقولات .. هو الموضوع فيه حاجات كتير بس يارب اكون وضحت الدنيا شويه
تم النشر الخميس، ٢٣ أكتوبر ٢٠٢٥
تمام، ممكن تنتظري إجابة أستاذ أحمد في إجابته هنا أو أي حد من الخبراء المحاميين، وإذا حبيتِ التواصل خاص فزي ما قلت لك فالإمكانية متاحة فقط في حسابات الخبراء. https://www.fedni.net/experts
تم النشر الخميس، ٢٣ أكتوبر ٢٠٢٥
هو الفكره انا ماضيه سند اذني مش إيصال امانه ف عايزه اعرف التمويل الاستهلاكية بيكون في المحكمه التجاريه وآخره ايه هل الزام سداد فقط
تم النشر الخميس، ٢٣ أكتوبر ٢٠٢٥
السلام عليكم، هو مفيش إمكانية تواصل على الخاص بين الأعضاء هنا.. التواصل مسموح فقط مع الخبراء المسجلين على فدني، في صفحة الخبير بيكون فيه زر حجز استشارة فيه وسيلة التواصل الخاص به.
تم النشر الخميس، ٢٣ أكتوبر ٢٠٢٥
طبعا تحت امرك
تم النشر الخميس، ٢٣ أكتوبر ٢٠٢٥
ممكن اتواصل مع حضرتك اذاي حضرتك محامي
تم النشر الخميس، ٢٣ أكتوبر ٢٠٢٥
لعرض الإجابة في فدني اضغط هنا