انا بقيت انام كتير جدا و مش بشبع النوم مهما انام اقوم عايزه انام تاني و عملت تحليل غده مفيش حاجه اعمل ايه؟
المشكلة نفسية و ليست عضويه ، فالنوم كثيراً ما هو إلا آلية دفاع ضد الضغط ، ف عليكي مراجعة نفسك و ضغوطك مؤخراً لتعلمي ما هي المشكلة ، و تبحثي عن افضل حل للخروج منها بأقل ضغط ممكن
تم النشر الجمعة، ٢٠ مارس ٢٠٢٦
النوم فى الغالب لو مفيش سبب مرضي بيبقى سبب الفراغ او الهروب من الضغط او لقدر الله اكتٱب او عدم تنظيم وقت للنوم و التهيأة ليه الحل بقى ..لو بسبب وقت الفراغ ف انتي لازم تشغلي وقتك طيب ازاي شوفي انتي بتحبي تعملي اى( بعيد عن التلفونات طبعا لان الأضاءة بتأثر علينا و تخلينا نسهر لوقت اطول و مشاكل كثير جدا ) زي الرياضة او الكتابة او الرسم شوفي اي هواية تحبي تعمليها و هنا تستخدمي التلفون ف انك تشوفى اى الحاجات التحبي تعمليها و تاخدي افكار منها و طبعا متستخدميش الفون قبل النوم بأقل حاجه نص ساعه . لو بسبب الهروب من الضغط ف نظمي وقتك و حاولي تخففي من الضغوضات ديه او احكي لحد ممكن يسمعك و يساعدك في الحاجه الشغلاكي. لو دا مجرد احساس بالضيق او الملل او عدم الرغبة فى الاستيقاظ ف اهتمي بنفسك اكثر لان ديه اقل و اكثر حاجه ممكن تطلعك من الحالة ديه و اسمعي بودكاست اكثر عن الانتي حاسة بيه و اى الممكن يفيدك و اكتبي كل حاجه مديقاكي و اي حاجه سلبية حاسة بيها لان دا نوع من انك توجهي نفسك و تنظمي افكارك و ربما تحسي بصغر حجم اسباب المشاعر السلبية ديه او تتخطيها بشكل ما و بعدين اقطعي الورقة ديه دا بجد لانه بيدي انطباع بالتخطي و بالمرة محدش يشوفها لو عندك فرصة اكبر ف ممكن تروحي لدكتور نفساني لو عدم تنظيم وقت النوم ف شوفي النصايح المشهورة عن ازاي تنامي بشكل صح و تهيأي لدا و اختصارا متستخدميش الفون قبل النوم نامي فى وقت صحيح الهو من بعد العشاء لحد الساعه ١٢ اقصى حاجه نامي فى مكان مريح و حاولي تصحي بدري فى وقت ٦ الصبح مثلا عشان تشوفي ضوئ الصبح و الشروق و تبقي فى الشمس وقت اطول دا بيساعد ع ان ميجلكيش الشعور بالنوم زي التلفون كدا بس بطريقة افيد بكثييير . عذرا ع الأطالة
تم النشر السبت، ٢١ مارس ٢٠٢٦
يا حبيبتي، النوم الزايد ده ممكن يكون علامة على إرهاق نفسي أو نقص فيتامينات زي D أو B12، أو حتى تغيير في الهرمونات رغم تحليل الغدة الطبيعي. خليكِ هادية، ده شائع وبتتحسن. خطوات عملية عشان تتحسني: حددي موعد نوم ثابت: نامي 7-8 ساعات يوميًا، وصحي عند الفجر للصلاة، ده بيعدل الساعة البيولوجية. مارسي رياضة خفيفة يوميًا زي المشي 30 دقيقة تحت الشمس الصباحية، هتزود طاقتك. ركزي على أكل متوازن: بيض، سمك، خضروات، وفواكه، واشربي مية كتير. قللي الشاشات قبل النوم بساعتين، واقري قرآن أو ذكر الله عشان تهدي. لو مش تحسنتِ خلال أسبوعين، روحي لدكتور باطنة تاني يعمل تحاليل شاملة (دم كامل + فيتامينات). وشوفي الخبراء في Fedni هنا: https://www.fedni.net/experts، في متخصصين نفسيين وعلميين هيساعدوكِ. ابحثي كمان عن أسئلة مشابهة في التطبيق عشان تجيبي آراء أكتر. ربنا يشفيكِ ويخفف عنكِ، أنتِ قوية! 💕
تم النشر الجمعة، ٢٠ مارس ٢٠٢٦
فيتامين دال وB12
تم النشر الاثنين، ٢٣ مارس ٢٠٢٦
عدم لعب رياضة والفراغ ممكن يوصلوا للحاله دي
تم النشر السبت، ٢١ مارس ٢٠٢٦
لعرض السؤال في فدني اضغط هنا