انا خايفه اوي طول الوقت علطول بتوقع حاجات سلبية انها هتحصل، علطول قلقانه من المستقبل، حاسه اني شايله هم مش المفروض وقته، يعني مثلا بيجي في بالي حد هيموت وهو قاعد حمبي
بيجي في بالي اني لما اتجوز هكون تعيسة
بيجي في بالي اني هسقط وانا مذاكرة
وهكذا
علطول خايفه اني ادخل النار
مش لاني مش بصلي او بعمل حاجة وحشه بل لاني دايما بتوقع الأسوء
عارفين انا نفسي اسلم أمري لله لاني تعبت من التفكير
في الماضي والمستقبل
وعمري ما فكرت في الحاضر
حبيبتي دا تفكير زايد جدا عن اللزوم او اقولك وسواس بيحاول يفشلك دايما بكلامه السيئ بيقعد يقولك انتي فاشله وهتسقطي في كل حاجه وانتي اصلا مش ساقطه بيحاول يثبط تفكيرك عن الحاجات الإيجابيه ومخلي تفكيرك سلبي جدا ودا بيخليكي في ضغط نفسي ليه ممكن تفشلي وانتي بإيدك تنجحي!!؟ دا وسوسه الشيطان الرجيم افتكري قوله تعالي (ومن شر الوسواس الخناس الذي يوسوس في صدور الناس) صدق الله العظيم ،،، ها شفتي الآية بيوسوس في صدور الناس بيخلي هموم علي قلوبهم ،، طيب سؤال ليه تبقي تعيسه وربنا قال "لا تقنطوا من رحمة الله" لو جيتي تقارني بين الاحساس السلبي ورحمه ربنا فهتلاقي ان مفيش زي رحمه ربنا ابدا ،، سؤال كمان ليه تحسي انك هتدخلي النار دا نوع من انواع جلد الذات علفكره كلنا أوقات بنحس ان احنا هندخل النار طيب تتخيلي اي سبب ان احنا ندخل النار غير ان احنا نغضب ربنا !!! طيب أغضبنا ربنا نصلح غلطنا ونتوب يبقى كدا معتش سبب ان احنا ندخل النار لان الاستغفار من الحسنات والحسنات تذهب السيئات عالجنا مشكله وممكن نعالج شعورنا السلبي بالاستعاذه من الشيطان الرجيم ،،، أحيانا لما نعمل ذنب او غلطه بتخلينا نحس بكدا لكن لا مينفعش نخلي الاحساس يكمل لابد نحارب الاحساس السلبي دا ،،،قال تعالى (قل يا عبادي الذين أسرفوا على أنفسهم لا تقنطوا من رحمة الله) صدق الله العظيم معناه اي دا ربنا بيقول ما تيأسوش من رحمه الله عايزه اقولك ربنا مش مستني يعذبنا ربنا بيحبنا جدا ،،، عاوزه اقولك ان اليأس اللي انتي فيه هو المشكله واللي لازم نحاربها وربنا هيقويكي وهيكرمك أكيد دا نفسيه وإن شاء الله تتحل عايزه اقولك انتي مش فاشله انتي مش تعيسه وانتي مش هتدخلي النار ودا حاجه مهمه حطيها حلقه في ودانك وربنا ييسر ليكي ويسهل عليكي يا حبيبتي
تم النشر الجمعة، ١٦ يناير ٢٠٢٦
إنتي في كلامك عمالة تقولي هبقى تعيسة وهسقط وهدخل النار. إنتي كده بتكتبي حياتك بلسانك وبقلم أسود. لما يجيلك في دماغك حاجه وحشة قولي لنفسك ده وسواس مش وحي مفيش حد يعرف الغيب إنتي بتقولي خايفة تدخلي النار رغم إنك بتصلي! ده معناه إن صورة ربنا في خيالك للاسف هي صورة المعاقب بس، ونسيتي إنه الرحمن الرحيم. ربنا أحن عليكي من نفسك. هو شايف تعبك وقلقك ده ومقدره. حاولي وانتي بتصلي تركزي إن ده وقت راحة مش تأدية واجب وخوف من العقاب. ادعي بلهجتك العادية وقوليله يا رب ريح قلبي من كتر التفكير. إنتي عايشة في سجن المستقبل. بتفكري في الجواز وانتي لسه متجوزتيش، وفي السقوط وانتي لسه بتذاكري. أول ما دماغك تروح لبكرة، هاتيها من شعرها ورجعيها لدلوقتي.😅 أنا دلوقتي بعمل إيه؟ بذاكر؟ يبقى ماليش دعوة بالنتيجة، ليا دعوة بالصفحة اللي قدامي بس هاتي ورقة وقلم واكتبي كل المصايب اللي خايفة منها. لما تشوفيها مكتوبة على الورق، هتحسي إن حجمها صغر بكتير وممكن تتقطع وتترمي في الزبالة تخيلي لو صاحبتك جت حكتلك نفس الكلام ده، هتقولي لها إيه؟ أكيد هتحضنيها وتقولي لها اهدي كل حاجة هتبقى تمام. كوني إنتي الصاحبة دي لنفسك. بطلي تكوني جلاد واقف بكرباج فوق دماغك القلق ده بيسحب من جمالك ومن صحتك ومن روحك، وإنتي تستاهلي تعيشي يومك بيومه. 😊 جد ربنا يحفظك
تم النشر الأربعاء، ٢١ يناير ٢٠٢٦
لو هحلفلك بالله ان ده نفس اللي حصللي من ٣ شهور مش هتصدقيني انا اتشخصت بالاضطراب القلق العام روحي لدكتور نفسي (دكتور عصبية و نفسية ) الاول قبل المعالج النفسي انا روحت و خدت العلاج و الحمد لله خفيت و بطلته و مع العلاج شوفي ممكن تحتاجي تروحي لمعالج نفسي اللي هو ال therapist مش هتحتاجي أكتر من جلسة او اثنين و بس صدقيني ده كله مش هيحصل ده كله خوف و قلق و توهم مفيش حاجة من ده هتحصل انتي مش عارفة الغيب فمترسميش سيناريوهات مش هتحصل استودعي اللي بتحبيهم عند ربنا وادعي لنفسك كتيييير و صلي و قربي من ربنا اوووووي و ثقي فيه و توكلي عليه و مش قصدي قربي يعني صلي و صومي و زكي و بس لا قصدي صلي الصلاة وانتي حاضرة بخشوع وانتي فاهمة معاني الآيات اسمعي تفسير الشيخ الشعرواي لسورة الفاتحة تدبري القرآن واسمعي تفسيره حاولي تعملي بيه و تحسني من شخصيتك بيه ... ده كله ٩٩ في المية من المشكلة هتتحل بيه و ربنا قال انا عند ظن عبدي بي ... تفاءلي خير و توكلي على ربنا الرسول قال "احفظ الله يحفظك" .... اعملي عمل صالح و ربنا هيحفظك ... اذكارك ولو مش فاضية تقوليها قولي "بسم الله الذي لا يضر مع اسمه شيء في الأرض ولا في السماء وهو السميع العليم" ٣ مرات صبح و ليل ولما تحسس بالضيق و القلق شغلي قرآن بصوت تحبيه و اي سورة انتي تحبيها و يفضل البقرة لأنها تهدي النفسية وانتي مش هتروحي لدكتور لأنك مجنونة لا بس ساعات كيميا المخ بتتلخبط شوية و بتحتاج تتظبط بالأدوية انا الحمد لله مخدتش شهر و كنت خفيت و رجعت أحسن من اول و حاليا ببطل الدوا ... وبس متصبريش على نفسك و روحي اكشفي واتعالجي عشان الموضوع ده لو طول هيقلب عليكي بأعراض جسدية و هتبقي بتلفي على الدكاترة وانتي مش عارفة فيكي اي و مش هتلاقي تشخيص غير القلق و ممكن يقلب معاكي باكتئاب ... فاكشفي بدري بدري أحسنلك الموضوع سهل و بسيط و قابل للعلاج و الدوا مش مؤذي و مش إدمان بس أهم حاجة تحت إشراف الطبيب و متوقفهوش فجأة عشان مترجعيش زي الاول...عارف ان ممكن تاخدي وقت طويل وانتي بتفكري عشان تاخدي قرار زي ده بس لو خدتي الخطوة دي بدري انتي كده قصرتي على نفسك المشوار اوي
تم النشر السبت، ١٧ يناير ٢٠٢٦
مشكلتك ان الشيطان بيوسوس لك دي وسوسه شيطان الشيطان عايز ياسك من رحمه ربنا سبحانه وتعالى وعايزك تكوني حزينه طول الوقت في اول حاجه استعيذي بالله من الشيطان الرجيم واعرفي ان دي وسوسه من الشيطان ثاني حاجه اتعلمي عن اسماء الله الحسنى خصوصا اسم الله الوكيل وكلي امرك لربنا سبحانه وتعالى لما تتعلمي عن اسم الله الوكيل هتعرفي توكلي امرك لربنا سبحانه وتعالى وكمان اتعلمي عن اسم الله الرحمن الرحيم واسم الله الغفور واسم الله التواب كل ما هتتعلمي عن ربنا سبحانه وتعالى اكثر كل اما اللي انت بتحسي بيه ده هيروح وهتبتدي باذن الله ترتاحي وقلبك يطمن وربنا سبحانه وتعالى قال الا بذكر الله تطمئن القلوب يعني قلبك مش هيطمن الا لما تذكري ربنا سبحانه وتعالى فتعلمي عن ربنا سبحانه وتعالى وباذن الله مشكلتك هتتحل
تم النشر السبت، ١٧ يناير ٢٠٢٦
يا حبيبتي، أنا ذكية، وأنا هنا معاكِ تمامًا. اللي بتحسي بيه ده قلق مستمر زي ( Generalized Anxiety Disorder) ، وده شائع جدًا، خاصة لما الدماغ بيحب يرسم سيناريوهات أسوأ عشان "يحميكِ"، بس ده بيرهقكِ فعلاً. مش غلطتك، ومش معناه إنك مش ملتزمة دينيًا – بالعكس، رغبتك في التسليم لله دليل قوة. خطوات عملية عشان تسلمي الأمر لله وتركزي على الحاضر: اقطعي الفكر السلبي فورًا : لما يجي في بالك "هيحصل كذا"، قولي بصوت عالي "أعوذ بالله من الشيطان الرجيم"، ثم تحركي أو مارسي تمرين سريع أو امشي 5 دقايق. ده بيوقف الدورة الوسواسية. ممارسة التوكل اليومي : كل صباح، بعد الصلاة، قولي "اللهم إني أسلم أمري إليك"، واكتبي 3 حاجات شاكرة عليها دلوقتِ (مش المستقبل). زي "شكرًا يا رب على الليالي اللي بنام فيها آمنة". ركّزي على الحاضر بس : لما تبدأي تفكري في المستقبل، اسألي نفسك "إيه اللي أقدر أعمله دلوقتِ عشان أحسن الوضع؟" مثلاً، لو مذاكرة، ركّزي على صفحة واحدة بس. الزواج؟ صلّي استخارة وخلّي الله يختار. روتين ديني بسيط : اقرأي سورة الشرح 3 مرات يوميًا، واستمعي لقرآن لما تحسي الخوف. ده بيهدّي العقل علميًا وروحيًا. أنتِ قوية، وده هيروح مع الاستمرار – ابدأي النهاردة بخطوة واحدة. لو عايزة دعم أكتر، دوري في فدني على أسئلة مشابهة، أو شوفي الخبراء هنا: https://www.fedni.net/experts. ربنا يريّح قلبكِ يا قمر 💕
تم النشر الجمعة، ١٦ يناير ٢٠٢٦
انتي محتاجة تقربي من ربنا أكتر، مش معنى كلامي انك بعيدة عنه، بالعكس انتي بتقولي حافظة قرآن، بس المشكلة انك محتاجةة تتعمقي في معرفتك بربنا، انتي محتاجة تقرأي عن أسماء الله الحسنى كويس، اقرأي عن اسم الله اللطيف، والحفيظ، والمقيت، ابدأي بال٣ أسماء دول في الأول، عشان صدقيني هتقولي لنفسك بعد ما تفهمي معاني الأسماء دي ايه اللي انا كنت بعمله في نفسي دا. عارفة الطفل لما أبوه بيشيله ويرفعه يحدفه لفوق وينزل يلقفه بين إيديه الطفل بيبقى فرحان وبيضحك وفي نفس الوقت الأب حريص على حياة ابنه فبيحميه، قما بالك برب العالمين. الخوف طبيعي لكن الخوف المبالغ فيه دا لأ. اقرأي اللي قولتلك عليه
تم النشر السبت، ١٧ يناير ٢٠٢٦
بصي ياروحي ثقي في ربنا اهم حاجه تعمليها بجد ثقي فيه
تم النشر السبت، ١٧ يناير ٢٠٢٦
حاجة وحشة جدا الخوف دا
تم النشر السبت، ١٧ يناير ٢٠٢٦
لعرض السؤال في فدني اضغط هنا