انا معنديش شغف لأي حاجه لا مذاكرة لا رسم مع انني بحب الرسم، ولا قراءة مع انني من هواه قراءة الكتب وافكر في الحاجه بس بحسها تقيله عليا بحس من تقلها هفشل فيها وتعبت من نفسي اوي انا مبعملش أي حاجه رغم اللي ابويا وامي بيعملوه معايا بس معنديش طايقه او شغف لده بحس بتأنيب ضمير بسبب كدة ومع ذلك بحس بتقل انا بقيت بحس بتقل انني اقوم من على الكنبه @Psy-a'laa M. Abdulhamid
حددي أهداف ليومك وأهداف للأسبوع وأهداف للشهر كله الأهداف تكون بسيطة وتتعمل في وقت صغير كافئى نفسك بعد كل هدف العبي رياضة نظمي يومك ونومك وأكلك لو التعب والخمول مستمر استشيري أخصائية نفسية ممكن يكون اكتئاب
تم النشر الاثنين، ٢٤ نوفمبر ٢٠٢٥
من الحاجات اللي هنصحك ان انتى تعمليها اولا تستريحي خالص تبعدي عن اي حاجه بتحسسك بالضغط او بتزعلك ابعدي عن اي حاجه حرفيا مش بهزر حتى لو ليوم واحد بس ابعدي عن كل حاجه واي حاجه بتحسسك بالضغط حاولي في اليوم ده أنه يكون بس راحه وبعد كده بقى ابدئي شوفي انتى محتاجه تعملي ايه انتى حابه تعملي ايه بجد حتى لو مش حابه تعملي الحاجه دي بس انتى محتاجه تعمليها هوني على نفسك لان في الاول وفي الاخر انتى اللي بتسعي في الطريق وانتى تستحقي كل حاجه كويسه وخليكي من جواكي عارفه ومتاكده ان ما فيش حد هيقف معاكي احيانا فى الطريق غير نفسك خليكى فخورة بكل إنجاز صغير انتى عملتى وما فيش حد هيكون جنبك غير نفسك لان نفسك حلوه قوي قوي وان انتى شخص فعلا يستحق كل حاجه كويسه وارجعي لربنا سبحانه وتعالى قربي منه اكثر صلي صومي اقراي قران اكثر حاجه بتخلينا ننسى هم الدنيا هى ورد القران اليومى خلي لككِ ورد قران كل يوم تفسير ايه تفسير سوره صغيره حتى من جزء عم ده بيخلينا نرجع لاساسنا وان احنا نقرب لله سبحانه وتعالى وما ننساش ان في دار اخره احنا جايين عشانها وربنا يوفقك ويسعدك حيث ما كنتى و متنسيش اذكارك
تم النشر الأربعاء، ٢٦ نوفمبر ٢٠٢٥
هقولك بس انك تصلي وتمشي كتير وقتها هتحسي بطاقه وكل فتره اشتري حاجه كان نفسك فيها حتى لو شوكولاتة بس حاجه تفرحك 🌷 سبحانه الله اهو انا عندي طاقة جباره ومميزات في كذه حاجه بفضل الله بس معنديش اللي يقفو جنبي ويدعموني بالعكس كل شيء حوليا بيقلل مني
تم النشر الثلاثاء، ٢٥ نوفمبر ٢٠٢٥
تم النشر الأربعاء، ٢٦ نوفمبر ٢٠٢٥
الشغف دا من أكبر الكذبات في الحياة.. بالأحرى هو اللقب التاني لاتباع الهوى والمزاج. متمشيش ورا مزاجك وربّي نفسك عشان متتحكمش فيك.
تم النشر الخميس، ٢٧ نوفمبر ٢٠٢٥
اولا الابتعاد عن العادات السيئة ، ثانيا الابتعاد نفسيا عن المسيئين دون تركهم ، ثالثا الاقتراب من الخالق ، رابعا الهواء النظيف و النظر لمساحات واسعة سواء بحر أو ارض زراعية أو السماء و التأمل قليلا
تم النشر الأربعاء، ٢٦ نوفمبر ٢٠٢٥
لعرض السؤال في فدني اضغط هنا