dingo 🌻

الحلم بشكل عام ممكن يجيلك من الافكار اللي شاغله عقلك الباطن ف بالتالي لما تقعدي تفكري في شئ كتير ممكن يجيلك في احلامك حازلي تشغلي نفسك و تفكيرك بحاجات تانيه

من وجهة نظري .. قراية علم النفس و التنمية البشرية بيعرفوك علي نفسك و بيطورو من شخصيتك جدا

للاسف غلطتك انك رابط سعادتك باشخاص و منتظره اللي بتعملي معاهم هما كمان يعملو وده مش ضروري مش ضروري عشان انتي طيبه مع شخص وبتهتم بي هو كمان يكون كده و مش ضروري بتسامحي شخص بسرعه هو كذلك يكون كده اسرع طريق تدمري بي نفسيتك ان تحطي اعتماد قيمتك وسعادتك بأشخاص وأصدقاء. اتعاملي معاهم عادي متحطهمش في حته عاليه اوي ولا حطه واطيه اوي خليهم اصدقاء عاديين جدا خلي قيمتك عند نفسك اعلي من قيمتهم عندك لما تعملي كده هما هيحسو بقيمتك اكتر و لو تجاهلو كي انتي كمان تجاهله لما تغيىري معاملتك هتحسي بقيمتك وهترتاحي جدا وهتكسبي احترام غيرك اتمني اكون افادتك 🌻

ايوة اكيد لازم حضرتك تتوجه لدكتور يطمنك و كانسر لا يشخص الا بتحليل من المختصين ف متوهمش نفسك الا لما تتاكد و ان شاء الله خير و ربنا يطمن حضرتك و يبعد عنك كل شر 🌻

الدكاترة هيفيدومي اكتر اكيد ..بس حاولي بجد تبطلي الاكل ده لان مش هياثر علي بشرتك بس بل علي وزنك و علي صحتك بشكل عام 🙆

متاخديش حاجه حد يوصفهالك لازم الطبيب هو اللي ينصحك بالشئ المناسب لنوع بشرتك انتي لان اللي نفع مع غيرك وارد جدا مينفعش ليك خاصة ان كل بشرة مختلفه عن التانيه و ان شاء الله ربنا يحفظك و يشفي وشك من حب الشباب 🌻

انا كمان كنت بقطع الصلاة و ساعات اسيب الصلاة خالص خصوصا لما اكون مشغوله و كنت ارجعلها احنا بني آدمين نفسنا ضعيفه بتقع وبتقوم و ربنا بيحب الإنسان اللي يخطئ و يتوب .. فكرة انك حزينة من الحال ده يعني قلبك حي و عايز يتوب و ده شئ جميل جدا .. اهم حاجة تخليها في دماغك عشان فعلا متبطليش صلاة انك تفتكري دايما ان احنا اللي محتاجيين لربنا مش ربنا اللي محتجلنا و اكتر حاجه بقي خلتني اخاف فعلا اترك فرض حتي لو في الشغل ان كنت بفكر كده هل لو ربنا قبض روحي حالا وانا مستهونه وسايبه الفرض هيبقي حالي ايه وهروح فين !!! و هل الشغل اللي قعدت اركز فيه سيبت الفرض عشانه ده هيشفعلي يوم القيامه ؟! اكيد لا ف اسيب اللي في ايدي واول ما اسمع الآذان اجري ادور علي مكان اصلي في كل ما تكسلي عن صلاة فكري في كده تلقائيا هتجري تتوضي وتصلي اتمني اكون افادتك و لو بالقليل 🌻🌻

من وجهة نظري ان الكليات المعتمدة علي التكنولوجيا و كلية التجارة مستقبلهم كويس

يعتذر و يقول لوالده انك مبيكنش يقصد انه يتكلم بهذه الطريقة و يحاول مع نفسه ان يكنترول انفعالاته خاصه مع والده و والدته كلنا بيجلنا لحظات الانفعال و الغضب بس الاهم اننا نحاول نمسك اعصابنا خصوصا مع الاهل و الاب و الام لان ده بيأثر علي نفسيتهم جدا 🌻

اختبارات جوجل نسبة صحتها ضعيفه جدا مينفعش تعتمدي التشخيص بتاعها تماما و غالبا كمان اوهمتك اكتر بالاكتئاب احيانا الانسان بيصاب بنوبات حزن وبتكون طبيعيه جدا و مختلفة عن اضطراب الاكتئاب الاكتئاب تعرفيه فقط من تشخيص الاخصائي النفسي و بيكون بعد كذا جلسه مش جلسة واحده بلاش تعتمدي علي جوجل خالص في اي شئ خاص بالصحة النفسية والبدنيه اتمني انك تكوني بخير و اتمني لو تقدري فعلا تروحي لأخصائي يطمنك اكتر ❤️❤️ و لو اقدر اساعدك بحاجة قوليلي🌻🌻

المشاعر المكبوته بتيجي من المواقف اللي كان المفروض تعبري فيها عن نفسك و مقدرتيش ف بتكون متراكمه في عقلك مينفعش تتجاهليها او تشغلي نفسك عنها لانها بتفضل متخزنه في عقلك و بتفتكري زي ما قلتي حالا او بتنفعلي في موقف لا يستدعي الانفعال .. الحل بسيط انك تكتبي فضي وقت في يومك و هاتي مفكره خاصة بيكي وابدائي اكتبي المواقف اللي فعلا حسيتي بيها بشعور سلبي ومقدرتيش تعبري عن نفسك فيه اكتبي كانك بتكلمي المفكرة دي بعد ما تخلصي هتحسي انك خرجتي طاقة كبيرة جدا كانت جواكي .. تاني حل حاولي تتكلمي مع شخص يكون محل ثقة اتكلمي وفضفضي معاه باللي جواكي و باللي انتي حساه في اللحظة دي و اللي انتي حسيتيه في المواقف اللي اثرت فيكي و متطلبيش من الشخص ولا تنتظري منه انه يديكي حل فقط اتكلمي و الكلام لوحده هتلاقيها حل مشكلتك .. آخر حاجة متكبتيش مره تانيه اي مشاعر سلبيه جواكي اللحظه اللي عايزه تبكي فيها ابكري اللحظه اللي حسه نفسك غضبانه فيها نفسي عن غضبك هروبك من مشاعرك مش هيخليها تروح هتفضل متخزنه جواكي وهتطلع في اي لحظه . اتمني اكون افادتك و لو بالقليل 🌻🌻

انتي جميلة عشان ربنا رزقك بقلب بيخاف و يعمل حساب لوالده و اهله🌻 كملي في طريقك و ابحثي الاول عن الحاجة اللي نفسك تدخليها كويس و كلها ارزاق بإيد ربنا و ان شاء الله هيرزقك خير .. و متخليش حد يقولك ادخلي كذا عشان مستقبله كذا حتي احنا انتي فكري كويس و شوفي الحاجه اللي حابة تدرسيها و ابحثي عنها و خدي القرار 👏

كل اللي بتحكيه ده عادي و بيحصل لينا كلنا دي فترة كلنا غالبا بنمر بيها فترة كلها كسل و فتور و ارهاق وتعب نفسي فاولآ متخافيش و تحسي انك لوحدك اللي كده.. اول حاجه هتعمليها انك تشتغلي علي فكرة اجبار نفسك يعني انا شايفه السرير و مكسله اعمله اقوم في نفس الدقيقه اعمله و كذلك خروجك من الاوضة قيسي علي كده كل حاجة شايفه ان صعب تعمليها صدقيني ده الحل وعن تجربه فكرة العبادات ف انك بتصلي الخمس فروض شئ مش قليل حتي لو بتعمليها بالعافية ربنا بيجازيكي علي كل مره بتغلبي سيطانط و وسوسته صلي الخمس فروض حتي لو بتقومي غظب عنك انتي ماشية صح و بكرر متخافيش صدقيني دي فترة بنمر بيها كلنا اتمني اكون افادتك و لو بقليل❤️