Inas hamada

ازي حضرتك عامل ايه انا قريت كلامك باهتمام بصراحة كلامك يدل انك شخص محترم جدا ومتربي وقلبك نضيف ودي اهم حاجة اللي انت بتمر بيه ده طبيعي لاي شاب في سنك وخصوصا في ضغط 3 ثانوي اول نصيحة اي مشكلة حلها في القرآن افتح وشوف سورة النازعات الآية 40 و 41 وافتح وشوف سورة الطلاق الآية 2 و 3 تاني نصيحة حافظ على صلاتك في وقتها هي اللي هتحميك بجد تالت نصيحة خليك في التمرين والجيم بتاعك طلع طاقتك فيه رابع نصيحة ذاكر واملا وقت فراغك متسيبش نفسك فاضي كتير خامس نصيحة ابعد عن اي صحاب بيعرضوا عليك شرب او بنات دول مش صحاب بجد سادس نصيحة الوحدة النضيفة احسن من لمة تبوظ سمعتك اللي تعبت عشان تبنيها سابع نصيحة خليك فاكر ان الحلال صعب دلوقتي عشان انت لسه بتبني نفسك مش عشان انت وحش الشرب والعلاقات دي مش رجولة دي بتضيع فلوسك وصحتك واحترام الناس ليك وفي الاخر طلبي منك تدعيلي من قلبك ادخل كلية طب ويكون ليا نصيب فيها واحقق حلمي وانا من قلبي بدعيلك ربنا يثبتك وينور طريقك ويبعد عنك اي شر ويفرحك بنجاحك السنة دي وتدخل الكلية اللي نفسك فيها

بصي ياحبيبتي طب المنطق كده انتي دلوقتي في ضغط كبير عشان تانية بكالوريا وده بيخلي المخ يفكر غلط لما شعرنا يقع ونفسيتنا تتعب ده مش فشل ده جسمك بيقولك ارتاحي شوية الحكمة بتقول اللي بيشيل حمل تقيل لوحده لازم يقع واللي بيقسم الحمل على اتنين الحمل بيخف فالمنطق بيقول متشليش كل المواد مرة واحدة قسميها حتة حتة ساعة مذاكرة وساعة راحة وحكمة تانية مفيش سنة بتحدد مستقبل بني ادم السنة دي هتعدي سواء ذاكرتي او لا بس صحتك لو راحت مش هترجع بسهولة فريحي نفسك النهاردة وبكرة نبدأ من جديد وكل يوم خطوة صغيرة والشاطر مش اللي بيذاكر كتير الشاطر اللي بيحافظ على نفسه عشان يعرف يكمل

الفرق بين الزواج عند المأذون والزواج عند المحامي في القانون المصري اولا الزواج عند المأذون هو الزواج الرسمي الموثق السند القانوني بتاعه المادة 33 من قانون الاحوال المدنية رقم 143 لسنة 1994 اللي بتقول ان المأذون لازم يبعت وثيقة الزواج للسجل المدني عشان تتقيد، وكمان القانون رقم 1 لسنة 2000 الخاص بالاحوال الشخصية. ده بيثبت للزوجة كل حقوقها المهر والمؤخر والنفقة والعدة والمتعة والميراث والاطفال بيتسجلوا باسم الزوج مباشرة بدون قضايا. ثانيا الزواج عند المحامي اللي هو الزواج العرفي هو مجرد ورقة عرفية بين الطرفين بشهود بدون توثيق رسمي السند القانوني بتاعه المادة 17 من القانون رقم 1 لسنة 2000 اللي بتقول بالنص لا تقبل عند الانكار الدعاوى الناشئة عن عقد الزواج الا اذا كان الزواج ثابت بوثيقة رسمية. ومعنى الكلام ده ان المحكمة لو الزوج انكر الجواز ده مش هتسمع دعوى النفقة ولا المؤخر ولا اي حقوق غير دعوى التطليق فقط ولازم ترفعي دعوى اثبات زواج واثبات نسب ودي بتاخد وقت طويل. الخلاصة عقد المأذون بيحفظ الحقوق وعقد المحامي بيضيعها.