انا اتطلقت من سنة كدا للاسف مش عارفه اتخطى دا مهما حاولت و مروحتش لاي معالج او دكتور مش قادرة اروح ولا عندي طاقه اتكلم اعصابي دايما طول الوقت مشدودة وعصبية ومش بقدر اقعد ف دوشة أو اسمع صوت عالي بتعب جدا، نزلت اشتغلت بقالي 8 شهور والمفروض الشغل بيسحل بس برضه مفيش فايدة انا نفسي ارجع كويسة خصوصا أنه كان مؤذي وكان قراري وراضية جدا بكل اللي حصلي وان ربنا نجدني منه ومن أهله لكن معرفش ليه انا لسه واقفة عند كل حاجه وحشة حصلت لي اهلي داعمين ومعايا وكل حاجه بس محدش فاهم اللي جوايا حتى رافضين فكرة اروح اتعالج نفسي مش عارفه اعمل ايه حتى مش عارفه أوضح دلوقتي اللي جوايا كويس بس انا نفسي اتخطى وانساهم وأبقى مستقرة وهاديه من جوايا ومفكرش طول الوقت قولوا لي اعمل ايه
تم النشر السبت، ١٨ أكتوبر ٢٠٢٥
انا داخلة علي طلاق مستنياه يطلقني رسمي بس بعد كام يوم عاوزة اعرف اتخطي ده ازاي واتعافي وانسي فعلا كل اللي حصلي حاسة اني مش قادرة انسي دايما تفكير في كل حاجة وبلوم نفسي علي حاجات كتير برغم اني مقصرتش معاه خالص في أي حاجة من اول ما اتجوزنا شوفت منه ضرب وإهانة وشتايم طول الوقت وحشيش وقلة ادب واكتشفت حاجات بيعملها وفضلت معاه كتير اوي علشان يبطل وبكذا طريقة وبهدوء وسياسة وحاولت كل المحاولات حرفيا ومافيش فايدة وكل ده غير أنه ضحك علينا هو وأهله في الماديات والمستوي عموما مكنتش عايشة العيشة اللي عايشاها عند اهلي وضحك علينا للاسف ومكنتش فعلا باكل يعتبر برغم أن باباه اللي قايل انا عليا الأكل والشرب وكل ده غير حوارات مامته وإخواته اكتشفت ف الآخر خااالص أنهم طلعو بيغيرو مكنتش فاهمه ده في الاول واقول هما بيخسنوه عليا ليه شوفت بينهم شات كتير اوي بيسخنوه عليا ومن غير والله ما اعمل حاجة سواء مامته أو اخواته وانا مكنتش بشكيلو ولا بقوله بيعملو كذا وكذا ولا بشتكي لاهلي ودايما كان يهددني مقولش اي حاجة لاهلي وفعلا مكنتش بحكي اي حاجة دا غير أنه دايما دااايما كان بيوهمني بحاجات محصلتش مثلا ويقولي لا حصلت فقدلي ثقتي في نفسي جامد ودايما كداب ويحلف بالله عادي جدا والطلاق كمان تعبت معاه جامد حاولت اصبر اكتر من كدا مقدرتش وفيه حاجات تانية اكيد بس للأمانة انا حاولت معاه كتير اوي وحاولت ارضي أهله وجيت ع كرامتي كتير علشانه وعشان اعدي لكن مطمرش فيهم حاجة اتهزقت واتشتمت منهم ومش عارفة انسي دا برضه محتاجة حل محتاجة اتعافي محتاجة ارجع ثقتي بنفسي تاني محتاجة اتعالج بجد من جوايا محتاجة ارجع زي زمان كلي حماس وثقة بنفس وبضحك وبهزر وبتكلم
تم النشر الثلاثاء، ٢٧ أغسطس ٢٠٢٤
الله يرحمه ويسكنه فسيح جناته يارب أنتِ تمرين بحالة اكتئاب ما بعد الصدمة ولكن حاولي الخروج من هذه الحالة ب نزولك مع صحباتك مثلا او تسمعي بودكاست لشيخ ياسر الحزيمي أو تلعبي رياضة أو تنشغلي ب اي حاجه بتحبيها وصلاة قيام الليل معجزة وباذن الله ربنا يعينك ويصبرك ويريح بالك وقلبك امين يا الله
تم النشر السبت، ١٨ أكتوبر ٢٠٢٥
اسمعي بودكاست ل الشيخ ياسر الحزيمي الشيخ ده مريح وكلامه كويس والعبي رياضة حاولي تخرجي لوحدك عادي واتبسطي وانتي لوحدك كلي أكلة بتحبيها مثلا وارجعي أو مكان بتحبيه وحاولي تعملي صحاب صحبة صالحة وان شاء الله تبقي كويسة وان شاء الله انا اعمل زيك وابقي كويسة برضه 🤦
تم النشر الاثنين، ١١ نوفمبر ٢٠٢٤
انا الموضوع معايا مش من امبارح مثلا انا فعلا عملت كل حاجه غير اني اروح لدكتور نفسي أو ثيرابيست عموما لاني معنديش قدرة اتكلم اصلا ف انا فعلا عملت وقعدت مع نفسي كتير جدا وعرفت اتغيرت ف ايه وازاي وليه وبقيت ايه وكل دا ف الله المستعان وربنا يعين الجميع يارب
تم النشر الخميس، ٢٣ أكتوبر ٢٠٢٥
عملت وعرفت
تم النشر الخميس، ٢٣ أكتوبر ٢٠٢٥
وبعد ما اعمل كدا يا عبدالله وبعدين 😅
تم النشر الخميس، ٢٣ أكتوبر ٢٠٢٥
حاول تصاحب حد احسن وصالح وشبهك وركز مع نفسك شوية طور من نفسك مثلا ركز ف دراستك وحلي معاملتك بيه سطحيه متقربش اوي عموما من اي حد ف حياتك خلي كل علاقاتك بصحابك متوصلش لدرجة القرب اللي لو ممكن حصل حاجه يخليك تزعل كدا
تم النشر السبت، ١٨ أكتوبر ٢٠٢٥
يا مجهود زيادة يا نقص حديد و فيتامين د يا نفسيا مش كويسة بياثر علي الجسم جدا اعملي تحليل CBC و شوفي وربنا يخفف ألمك يارب
تم النشر السبت، ١٨ أكتوبر ٢٠٢٥
اغسلي ايدك دايما أو معاكي وايبس تنضفيها باستمرار
تم النشر السبت، ١٨ أكتوبر ٢٠٢٥
حبيبتي دا ميؤتمنش متخيلة أنه خاطبك وبيكلم واحدة تانيه ربنا نور بصيرتك انا عارفه أنه صعب وأنه كمان منهاش الموضوع بشكل محترم بس صدقيني ربنا هيعوضك ولازم تعرفي أنه خير
تم النشر السبت، ١٨ أكتوبر ٢٠٢٥
اسمعي بودكاست أو تعملي رياضة
تم النشر السبت، ١٨ أكتوبر ٢٠٢٥
انا محتاجة اتكلم مع حد زي حضرتك
تم النشر الثلاثاء، ٢٧ أغسطس ٢٠٢٤
كلامك ريحني اوي انا محتاجة اكلم حضرتك شوفت بروفايلك حضرتك كوتش ممكن ابعتلك مسدج
تم النشر الثلاثاء، ٢٧ أغسطس ٢٠٢٤
انا اللي قررت الطلاق وسبب خوفي من الطلاق اني مشيت طريق طويل خايفة يكون نصيبي الجاي وحش برضه خايفة اكون وحيدة مش عارفة ايه تاني بس دول الي في دماغي حاليا ولو رجعتله مش هكون مرتاحة انا خدت القرار بعد تفكير كتير كدا جدا وسبحان الله من غير تدابير ربنا كنت هبقي لسه قاعدة معاه لولا أن هو اتخانق معايا ومشاني طردني ف حلفتله لو مشاني المرة دي مش هرجع تاني
تم النشر الثلاثاء، ٢٧ أغسطس ٢٠٢٤
بقالي سنة ونص متجوزة ومعنديش اولاد الحمدلله
تم النشر الثلاثاء، ٢٧ أغسطس ٢٠٢٤
كل ما افتكر يوم الطلاق ده وأنه هيطلقني ويقولهالي بنهار حرفيا ومش بكون عاوزة كده لا وبرفض ده وساعتها بقول لا مش عاوزة اتطلق برغم أنه مينفعنيش خلاص وكارهاه بس مش حابة يحصل كده مش عارفة اعمل ايه المشكلة اني عاوزة أخرج نفسي من الموود دا واعمل كل الحاجات دي بس مش قادرة فاقدة الشغف بكل حاجة ولا قادرة اعمل حاجة يوم اكون تمام والعشرة لا
تم النشر الثلاثاء، ٢٧ أغسطس ٢٠٢٤
ان شاء الله متشكرة ليكي
تم النشر الثلاثاء، ٢٧ أغسطس ٢٠٢٤
ومش لاقية شغل خالص بدور بقالي كتير جدا جدا ويقدم واروح هنا وهنا ولسه مافيش نصيب بس فعلا أنا محتاجة اشتغل جدا
تم النشر الثلاثاء، ٢٧ أغسطس ٢٠٢٤
مافيش إمكانية حاليا اروح لدكتور نفسي لو اخصائي
تم النشر الثلاثاء، ٢٧ أغسطس ٢٠٢٤
الله المستعان وربنا يقويني يارب
تم النشر الثلاثاء، ٢٧ أغسطس ٢٠٢٤
تمام متشكرة
تم النشر الثلاثاء، ٢٧ أغسطس ٢٠٢٤
لاني محتاجة حد يقولي اتعافي ازاي ايه الخطوات اللي اعملها واقدر اعملها دلوقتي في الحالة اللي انا فيها دي وامشي عليها ويتابع معايا أول ب أول حد يديني حلول فعلية واقدر أطبقها حد يقولي ازاي استعيد ثقتي بنفسي واتكلم كويس ومتأتأس
تم النشر الثلاثاء، ٢٧ أغسطس ٢٠٢٤
معنديش إمكانية حاليا اروح لمعالج نفسي او اخصائي
تم النشر الثلاثاء، ٢٧ أغسطس ٢٠٢٤
مش قادرة اتقبل اللي حصل ولا قادرة انسي ولا عارفة انسي ازاي ولا عارفة اخلي نفسي كويسة معنديش طاقة لأي حاجة ولا حابة اتكلم مع حد
تم النشر الثلاثاء، ٢٧ أغسطس ٢٠٢٤
فاقدة الشغف تجاه كل حاجة
تم النشر الثلاثاء، ٢٧ أغسطس ٢٠٢٤
لعرض الملف الشخصي في فدني اضغط هنا