محمد علي

ربنا سبحانه وتعالى بيسامحك في أي وقت، بس لازم تاخدي خطوات صحيحة وتخلصي كل المشاكل مع والدك، وترجع الأمور لنصابها الصحيح، بغض النظر عن اللي عمله والدك بس لو مشيتو صح كل إللي فات هيتنسي مهما حصل، ومتنسيش إنك بنتو من لحمه ودمه، حاولي تصلحي علاقتك بيه علشان ترتاحي نفسياً ، وعلشان ترجعي لصلاتك وأذكارك ودراستك أقطعي المشتتات زي التيك توك والفيس بوك وغيره، علشان ده هو الفخ الكبير إللي مدمر حياتك حالياً ومضيع صلاتك ودراستك ، أنصحك بأول خطوة دلوقتي إنك تسمعي المحاضرتين علشان تعرفي طريقك وضعك.

تابعي قناة تحفيز بالعربي على اليوتيوب هتكون سند ليك

الأفضل تروحي لدكتور نفسي وتأخدي علاج دوائي وسلوكي علشان مضيعيش وقت أكتر من كده، وحاولي تقفلي أو تمسحي التطبيقات اللي بضيع وقتك زي التيك توك وغيره، وحاولي تستخدمي تطبيق يلخص الدروس زي تطبيق جوجل ( Notbooklm) هيساعدك في المذاكرة بجد وهيرتب أفكارك واستخدمي بعد المذاكرة تقنية التكرار المتباعد يعني الدرس اللي بتذكريه النهاردة بترجعي الملخص بتاعه تاني يوم بعد 3 أيام وبعد 7 وبعد 15 يوم وأخر الشهر مرة كمان هتلاقي الدرس اتحفر مش ثبت بس

تمام بس قوليله يحاول يتجنبها ويستحمل ويسكت ولما تطلب حاجة منه ينفذ بلا نقاش علشان متحصلش مشاكل من الهواء، وربنا يوفقكم ويصلح أحوالكم

عندي حل بإذن الله تعالى هيفيدك جداً في موضوع باباكي، والحل ده مجرب وعارف نتيجته بفضل الله، وهو حاولي بقدر الأمكان لما تكوني عنده في البيت إنك ما تبقيش في وشه بشكل مباشرة لأن النوعية دي من الأبهات بتحصل بينا وبينهم مشاكل من الهواء، يعني المكان اللي بيكون فيه لا تحولي تبقي فيه أبعدي أفضل ، بس بغير ما يحس يعني أتسحبي سحيب زي ما بنقول في الصعيد، ولو أتكلمتي معاه في موضوع أول ما تعرفي إنه رح يتعصب أو يضايق أسكتي وابعدي أحسن ، وقولي لنفسك، وكلامٌ لا يحلو بعده إلا السكوت، علشان الموضوع ميطورش لمشكلة ، وخليكي عارفة أنه مش هيفلت من الله جل وعز على أعماله دي ، وتذكري أنك مش مطلوب منك إنك تحسبيه اطمئني ده مش دورك أبداً الأمر ده بيد الله عز وجل، وعيشي حياة مطمئنة وتعاملي معاها بكل حكمة ووعي ، أنت مطلوب منك غير الأسلوب الكويس رغم الأخطاء والضغوط كيلا تضيعي على نفسك أخرتك وجنتك، ودعيلو في صلاتك ربنا يهديه، لأن في أي لحظة ممكن يتحول لواحد تاني خالص وهتحبيه جداً، وشاهدي فيديوهات تعلمك ضبط النفس وازاي تتعاملي مع الأذى أو تتجنبيها مثل مقاطع الدكتور ياسر الحزيمي والشيخ أبو إسحاق الحويني، نصيحة مني تابعي الحويني بكل قوة لأن كل كلامه راحة نفسية وفيه غزارة علمية في كل شيء، و أنصحك بأول محاضرتين وهما 1_ أيها التائه قف ، المحاضرة دي هتورلك طريقك وتعرفي هدفك كويس بإذن الله 2_ فن إدارة الحياة الزوجية المحاضرة دي روعة فيها حل مشاكل لكل شيء بفضل الله بالذات غير المتزوجين وفي نفس الوقت ممتعة ومضحكة لاقصى درجة.