Menna tallah

من تجربتي امشي ورا اللي انتي بتحبيه واللي عاوزاه عشان متندميش انا سمعت كلام اهلي ودخلت اللي هما قالوا عليه بعد ما ضغطوا عليا ودلوقتي بندم كل يوم ومش مرتاحه وحاسه اي مش في مكاني ولما جيت بعد سنه عشان احول مرضيوش وصمموا انه المناسب ليا وفي الاخر مكملة وانا مش عارفة ارجع اختاري اللي بتحبيه عشان تعرفي تمشي ويبقي عندك قبول لكل حاجة هتاخديها وتقابيلها وربنا يوفقك في اختيارك يارب واه صلي استخارة وشوفي اللب هترتاحي ليه اكتر

اهم حاجة تبعد عن اي خلوة مع نفسك اشغل وقتك بحاجة بتحس انها ممتعه ليك ابدا حاجة عمرك ما عملتها قبل كده غير التمرين والشغل اقرب من ربنا اكتر وادعي واستعين بيه عشان تبطل الذنب ده ولما تحس انك بتفكر و هتبدا في الموضوع ده اقعد استغفر واذكر ربنا اقرا قران واعرف قد ايه ده ذنب عظيم وانك بتضيع حسنات كتيرة بسببه وصلي صلاة التوبه

مينفعش بكل طرق انك ترجعلها لانك هتكرر نفس اللي عملته زي ما ضعفت مرة هتضعف تاني ركز في توبتك وابعد عن اي وسيلة تخليك تكلمها او ترجعلها واشغل كل وقتك وهتعرف تنسي

اه ادعيه انه يزرقك لذه طاعته ويحرمك لذه معصيته وان شاء الله ربنا يهديك ويردك ليه عاجلا غير اجلا يارب

متقسيش كل حاجة علي معاملة اهلك ليكي انا عارفة انه صعب وانه الاهل هما اهم حاجة في حياه الواحد بس احيانا كتير ييبقي ابتلاء الشخص في اهله دوري جواكي علي الحاجات الحلوة فيكي وطوري دايما من نفسك اكتبي كل حاجة بتحسي بيها واي انتقاد ليهم متحطيهوش في دماغك او اعملي الاحسن منه ومتفضليش في الدايرة ديه عشان هتلاقي عمرك بيضيع فيها

ان شاء الله كل ما تعلق نفسك بربنا وتستعين بيه هتعرف تنسي اطلب الاعانة من ربنا وتوب ليه وهو هيتولي امرك كانه محصلش

مخ واعصاب

عدم النوم بيسبب مشاكل في الجهاز العصبي وبياثر علي المخ وكمان انك تاخد منوم من غير ما دكتور يكتبه ويوصفلك الجرعه ديه مشكلة كبيرة ياريت في اسرع وقت تروح لدكتور وتكشف وان شاء الله تتعالج وتبقي كويس

ايه اللي يخليك تتمسك بحد خاين وبيعيش دور الضحية وصاحب مش جدع ومصانش العيش والملح ليه اصلا يشغلوا تفكيرك وياخدوا حيز من وقتك وحياتك اسال نفسك السؤال علاقه من فترة مراهقة فترة قرارات كتير بتكون غلط واختيارك لاشخاص كتير غلط العمر لسه قدامك ومسيرك هتلاقي اللي تغير تفكيرك اشغل بالك بحاجات تانيه في حياتك دراستك جيم شغل كورس اي حاجة غير انك تفكر في الارتباط دلوقتي خلص دراستك وابدا دورعلي بنت الحلال يا هتيجي لوحدها صدفه ي انت هتلاقيها ومتخليش شخص غلط ووحش يعمي عينيك علي ناس تانية حلوة حواليك او هتقابلهم في حياتك

استني وشوفي اللي هيحصل في الشخص ده داين تدان بحق كل وجع قلب سببه ليكي هيتاخد منه الوقت هيجي متقلقيش ممكن ياخد سنين بس جاي في نفس الوقت اللي هتستني فيه عقاب ربنا ليه طوري من نفسك انتي ابذلي كل مجهودك انك تبقي احسن حتي ولو هما مش مساعدينك انتي عارفة حقيقة نفسك تقدر تعمل ايه واعمليه واتعلمي تقولي لا لاي حد بياخد منك حاجة مش من حقه

علي حسب الشخص يعني لو انت شايف ان الدين كفايه انه يمنعك مش هتعملها ومش هتحتاج لدكتور نفسي بس احيانا كتير برغم ايمانك نفسك وشيطانك ممكن يستولوا عليك ويخلوك تعملها انت اللي هتحدد انت عايز دكتور نفسي جنب الدين ولا لا الدين لازم تعرف فيه انه حرام تقتل نفسك ومصير قتل النفس هو النار لانك اذنت بشئ ربنا لسه ليه أجل وكل حاجة صعبه عليك خلتك تفكر في ده هي ابتلاء عشان توصل للاخرة الدنيا كلها ما هي الا مجرد باب وامتحان عشان توصل لاخرة عشان يتعرف إذا كنت تستاهل جنات نعيم وانك تشوف وجه ربنا ولا لا ان الصبر علي الابتلاء نجاه انك تخاف تعمل كده عشان ربنا اللي مالكش غيره وانت لاشئ بدونه استعين بربنا علي الأفكار مش علي نفسك اطلب منه الصبر والاعانه في الدنيا في كل امورك لو بعد كل ده حسيت انك عايزة دكتور نفسي استعين به يبقي احسن دور علي كل فرصه تخليك احسن وتمريش نفسك في التهلكة