نورهان سيف

الشكر لله بالتوفيق ليكي ف حياتك يارب💗

ارجوكي متقوليش علي نفسك غبيه تاني هقولك حاجه احنا لما بتقول علي نفسنا صفه معينه ممكن تكون بنسبه كبيره الصفه دى مش فينا بس مع الوقت عقلك مع تكرار كلامك السلبي لنفسك هيصدقه عقلنا بيصدق اللي بنكرره له حتي لو مش حقيقي ف نصيحه مني ليكي ديما كلمي نفسك ب احسن كلام اوعي تكلمي نفسك ب اسلوب وحش اول خطوه لتحسين نفسيتك هتكون دى وتاني خطوه انك كل يوم بليل تراجعي نفسك اي عملتي حلو نكرره وايه غلط نتعلم منه ومنكرروش ومنجلدش نفسنا احنا مش ملايكه براحه عليها الغلطه اتعملت عشان نتعلم منها وشكر ليكي علي ذوقك وبتمنالك كل خير والكتب هاتي كتاب سندريلا سيكرت دا مش قصه دا كتاب في معلومات رهيبه وفن الامبالاه واستراحه نفسيه واكستاسي وكتاب محاط بالمرضي النفسيين

اتكلمي معاه ف وقت صفا قوليله ان سبب العصبيه دى تراكمات جواه حاجات كتير كاتمها وتعباه علمي يعبر عن نفسه اول ب اول معاكي وقوليله انت لو اتعصبت علي مديرك ف الشغل متقدرش تضربه لانه له سلطه عليك ف متجيش علي الطفل الصغير الضعيف ده لمجرد انه ملوش سلطه افتكر انه مش عقل نيجي علي الضعيف عرفي انه اطفالكم مختاروش ييجوا لدنيا انتو بعد ربنا كنت من سبب وجودهم ف بلاش ييجي عليهم ويحمد ربنا علي نعمه انه اصلا له اطفال وقوليله لما تتعصب غير مكانك لو واقف اقعد لو قاعد اقف اطلع وسيب البيت شم هوا وارجع اقفل علي نفسك اوضتك طلع طاقتك ف اي حاجه ف لعب كوره ف جيم ف اي حاجه الا اطفالك

بصي العلاقه دي كانت قبل ما يدخل حياتك ملوش حق يحسبك علي حاجه عملتيها قبل ما تعرفي والله بيحاسب العباد ربنا وانتى ربنا تاب عليكي وسترك متروحيش انتي تفضحي نفسك له ف الغالب هو لو عرف مش هيتقبل الامر ف لو التجاوزات الي حصلت مش هتاثر علي جوازك مكنتش حاجه كبيره متقوليش وادعي ربنا ف الايام المفترجه دى يتم عليكي ستره

وممكن ربنا يكرمك وميحصلش اي مشاكل وتخلفي علطول والدنيا تمام كله خير ان شاء الله ودا شيء مش يعيبك بس بجد مش حلوه انك تخبي حاجه ناس كتير اختلفوا فيها وعملت مشاكل بعدين واتحسبت جوازه ووقت من عمرهم مع شخص غلط

بصي هو بعد الشر عليكي لو فعلا مقولتيش واتجوزتوا وطلع بيحب الخلفه وفارقه معاه اكتر من علاقتكم ف دى فعلا هتكون عله هتدمر اي شيء حلو ف علاقتكم وهتبعدوا عن بعض بتدريج ليه تعيشي نفسك ف قلق من اللحظه اللي هيعرف فيها الحاجه دى لما ممكن تخلصي من كل التوتر والقلق ده في ناس اعرفهم بتبقا العلاقه تمام ومفيش اي حاجه وتبوظ وتبقا مقرفه ومتعبه بسبب ان طرف هيتجن علي الخلفه وبيلوم التاني علي التاخير ده

لو حابه ارشحلك كتب علم نفس حلوه تتطوري بيها من نفسك عرفيني

متغلطيش ف حق نفسك تاني و ادي فرصه بس للي يدخل البيت من بابه في ناس محترمه كتير متحكميش علي الرجاله لمجرد انك وقعتي ف عيل لانه دا مش راجل اه عيل وانتى من غير ما اعرفك ولا اشوفك واثقه انك جميله والجمال مش بس شكل لا جمال شكل وعقل وجه حبي نفسك ربنا بيخلقش حاجه وحشه حاشاه وقربي من ربنا دى اول خطوهو لو عاوزه تفوقي من الاكتئاب بجد حظك حلو رمضان داخل علينا صلي وصومي وادعى وربنا مش هسيبك حقيقي مفيش احن منه وهيعوضك خير وافتكري كلامي💗

وعليكم السلام ورحمة الله وبركاته اول حاجه لازم تعرفي اول حاجه انه كان غلط كبير تسمحي له يقرب من حياتك من غير خطوبه رسمي لان اي كلام غير رسمي بين ولد وبنت بدون ضروره حرام شرعا ودي حاجه تزعل ربنا منك ف انتى ممكن مكنتيش تعرفي وربنا كبير وقادر يعفو تم تقصيرنا ف ف دى كانت اول غلطه تاني حاجه حبه انبهك ليه خليكي عارفه هو سابك مش عشان عيب فيكي كلنا بلا استثناء حلوين ومميزين بحاجه عن غيرنا ف كون انه حب واحده اجمل منك لا يعيبك ف شيء بس معناه انه هو اللي محبكيش بجد واجب بشكلك بس وحب يلعب بيكي دا متزعليش عليه ابدا ابدا عاوزاكي بجد تشتغلي علي علاقتك بنفسك حبي نفسك وملامحك وطوري من شخصيتك اشتغلي عليها وانشغلي بيها عنه والله لتتخطي وكمان حاجه اقفلي اي باب ممكن يفكرك بيه يعني اتصرفي ب ان التعليقات متظهرش عندك شليها من عندك او في حاجه تاني ادخلي صفحتها اتكي عرض اقل لمحتواها متخليش حاجه قدامك تظهر تفكرك بيه وفي حاجه انا معرفش حكمها ف الدين بس بحكم انى خريجه علم نفس عارفه انه ضروري جدا تعبري عن زعلك وغضبك ومتعمليش له كنت لو حابه تبعتي رساله واحده تعبري فيها علي ندمك الشديد انك بصيتي ف يوم لشخص منحط زيه دى حاجه اعتقد هتفرق ف نفسيتك وهترتاحي انك قولتي اللي جواكي بس لو هنبص ل كبرياءك ف انتى لو بعتي الرساله دى هتخلي يتنطط عليكي انه قدر يكسب فريسه جديده وانك يعيني مش عارفه تتخطي ف ف لو قادره متبعتيش له متبعتش احسن بس لو مش هترتاحي غير كده يولع الكبرياء المهم راحتك وبس

في ناس بتفرق معاها الخلفه درجه اولي بنسبالها وفي انسان تاني لو فعلا عاوزك ممكن يقولك نجرب سوا يمكن ربنا يكرمنا بس تجنبا ل جمله انتي خدعتيني وخبيتي عليا شيء مهم عشان لو بعد الشر حصل مشاكل تقوليله انا كنت صريحه معاك وانت اخترت نجرب سوا

انا معرفش شرعا حكمها ايه بس معتقدش ان الشرع هيقول اننا نخبي موضوع مهم زي ده عن شخص هيكون مهم ف حياتنا لو تم خطوه رسمي الصراحه افضل وان كل طرف يصرح ب اي حاجه ممكن تسبب مشاكل كبيره بعدين ليه نخبي واحنا لسه علي البر لما بعد الشر لو كانت سبب مشكله بعدين وطلاق وتتحسب جوازه؟!!