moataz mohamed

الصبر زي ما بيقولوا مفتاح الفرج اصبري وانشاء الله ربنا كتبلك حاجه جميله جدا وانشاء الله هتقابلي الشخص اللي يحبك وتحبيه وتعيشوا مع بعض

اولا مكنش فيه كاس عالم 1980 بس لو 1982 فكان النهائي بين ايطاليا والمانيا وانتهت المباراة بفوز ايطاليا 3/1

حاولي تتابعي مع دكتور تغذية او انتي ممكن تشتري بروتين وده معوض للاكل ومتخفيش انشاء الله هتتخني بس لازم تتابعي مع دكتور

اولا الرياضه واتبعي رجيم وحاولي انك مثلا تبعدي الاكل عنك الان كتر الاكل للاسف ممكن يجيب السمنه بعد الشر بس حاولي انك متكليش كتير

بص اولا انت لازم انك تقرب من ربنا وتصلي وتوب اهم حاجه ثانيا حاول انك تعمل حاجه تشغلك عنها زي تخرج او تشتغل واهم حاجه متفكرش فيها خالص وانت ممكن تكتب في مفكرات التليفون جدول ليك باليوم اللي معملتش فيه ويقال ان بعد 21 يوم يسترجع الجسم جزء من الصحة وانشاء الله صحتك هترجع بس تبطل

اولا والاساس الاستعانه بالله والتوكل علي الله في كل شئ وحاول انك تقرب من ربنا وهو هيرزقك باحسن الاشياء ثانيا حاول انك تشوف حلم تاني وتحاول تحققه وانشاء الله كل حاجه هتتحل بس اهم شئ ثقتك في ربنا والله تعالى اعلي واعلم

ده ممكن يكون بسبب الاعصاب اللي بتكون مشتتة في الوقت ده حضرتك ممكن تهدي نفسك او تخرجي مكان في هواء وياريت حضرتك تستحمي بميه سقعه لانها مفيدة للاعصاب واهم حاجه الهدوء وممكن انك تجيبي كورة اعصاب لما تكوني زعلانه او متعصبه تمسكي الكوره وتضغطي عليها وانشاء الله المشكله هتتحل

بسم الله والصلاة والسلام على رسول الله اما بعد قوله تعالى واركعي مع الراكعين وليس الراكعات لان الراكعين يجمع بين النساء والرجال اما الراكعات فهم الناس فقط وايضا تحس الايه العظيم علي صلاة الجماعه والله تعالي اعلي واعلم وصلي الله وسلم على سيدنا ونبينا محمد اخوك في الله

بص يا عمي انا مقدر اللي انت فيه بس ده شطان والله زي ما دخل ما بينكم زمان وعملوا معاك الحاجات الزباله دي برضو هو عايز يدخل ما بينكم تاني علشان تبوظ الفرح بص يا عمي انت اللي هتخسر مش هم واحد انت بتقول اتجوز ومخلف والتاني هيتجوز فانت لو عملت كده هتفضح نفسك علي الفاضي بعد ما ربنا ستر عليك فبلاش تعمل كده وانشاء الله هتتجوز وهتنسي كل حاجه وحشه ومتخفش انت كويس ومش شاذ علشان ده كان غصب عنك زي ما قولت وحاول انك تتوب الي ربنا وانشاء الله ربنا يصلح حالك اخوك في الله وصلي على النبي

بص في كتاب ديني جميل جدا اسمه لانك الله وده بيتناول كل اسم من اسماء الله الحسني بشكل جميل جدا وفيه كتب الدكتور أحمد خالد توفيق وفيه كتاب اسمه احلي حياة حلو للسعادة والرضا

اهم حاجه انك تكوني مع ربنا وتدعي وانشاء الله ربنا يرفعه عنك وثانيا كل واحد فينا بيمر بحاجات مشبه كده اولا متخفيش من اي حاجه وخلي ثقتك في نفسك وربنا كبيره وقولي انا قد المسؤليه وقد الحياة وانشاء الله تتخلصي من اليأس اما الاحباط فمتسمعيش كلام الناس لانه ممكن يكون محبط ليكي اما الشغف فعادي لو حصلك كده ابقي حاولي تعملي اي حاجه جديده زي انك لو مكنتيش بتقرأي او القرآن او الصلاة، الخروج، او مثلا المذاكره اللي انتي لسه في التعليم وانشاء الله ربنا يحل كل مشاكلك صلي على النبي بس وكل حاجه هتبقي تمام

بصي انتي عندك حق في انك ترفضي الهزار البايخ بتاعه ده بس للاسف زي مانتي قولتي انكم محتاجينه والمثل بييقول لو كان ليك عند الكلب حاجه قوله يا سيدي فانتي دلوقتي قدامك مثلا حل من اثنين الاول انك تستحملي الهزار السخيف بتاعه او انك تحاولي تدوري علي بقال تاني ابن حلال وتقوليله انه يعطيكم شكك وانشاء الله هيوافق لان ولاد الحلال كتير واو مثلا انتي ممكن تكلمي الراجل بتاع العمارة او اي حد يقوله عيب اللي بتعمله ده وانشاء الله المشكله هتتحل

بصي يا ستي انا ممكن اكون مريت بحاجه مشابه ليكي كده اولا الحبوب اللي عندك هي مش وحشه ومتخفيش مع الوقت هتمشي عادي بس انتي متبهدليش نفسك معاها وبالله عليكي بلاش لمس كتير ماشي.... انا كان عندي انميا فكان عندي لون ابيض تحت عيني وانا كانت بشرتي قمحي فمكنش احسن حال فقعد اجري وراها وفي الاخر هي مشيت لوحدها... ثانيا الجسم وده صراحه احنا كاشخاص ملناش اي دخل فيه تبارك الله احسن الخالقين دي خلقت ربنا لازم نحمده عليها وممكن ناس تانيه يكون عجبك اجسامهم بس لقدر الله عندهم اي مرض الله اعلم فاحنا نحمد ربنا علي اللي عندنا ونرضي ثالثا الملل... انا دلوقتى داخل سنه تالته ثانوي يعني ممكن اقول ان انا اصعب بس لا مفيش حاجه اسمها كده انا برضو بحس بملل وكل الناس بالعموم كذلك بس نصحتي ليكي حاولي تقربي من ربنا هو حللا كل المشاكل والهموم واخيرا الازم تثقي في نفسك لان الثقه دي قادره علي حاجات كتيره اووي وربنا معاكي ويوفقك.

العفو ربنا معاكي

اهم حاجه انك تحاولي تعملي كده وانشاء الله هيبقي فيه نتيجه كويسه ومع الله التساهيل

بص يعم هو انا 17 يعني قريب من سنك بس والله انا شايف ان الانتقام مش حل واقعي لانه هيذيك انت بس انت سيبها علي الله وانشاء الله حقك هيرجع

يبني ماشي بس الميول دي لازم تتشال وعادي لو انت مش عايز تتجوز علشان كده غلط والله

واخيرا الشذوذ مش هتعملك حاجه وانت لازم تنسي اللي حصل معاك وانت علي ما اظن لسه صغير 16 سنه يعني فيعني هتنسي لو انت عايز

رابعا مين قالك انك عاوز تنتقم منهم علشان هما عملوا معاك كده انت ممكن تكون بتعمل كده علشان هما سبوك وبعدوا عنك وباين عليك كنت حابب الحاجه دي ولما هما بعدوا انت فكرت تعمل كده علشان يرجعوا تاني

اولا الشيطان عمره ما يقدر يعملك حاجه لان لا حوله له ولا قوة ودي حاجه انت لازم تعرفها ثانيا الشذوذ دي حاجه ربنا محرمها وانت لو كملت فيها فبراحتك انت الجاني علي نفسك هيمسك السوء وعدم البركة او الملاك في الدنيا وفي الآخر الله اعلم بحالك ثالثا ومين قالك اصلا ان ربنا مش هيجيب حقك

بصي يا ستي لو علي الناس اللي بتعمل الحاجه اللي قدامهم بيكروها ده اسمه العند اما الراجل ده فاما دماغه لسعه منه فبيضحك علي اي حاجه او مريض نفسي ولازم يتعالج بس انا عندي حل صغير ليكي انك تحاولي تردي عليه بنفس اللي هو بيعمله معاكي يعني مثلا لو اتريق عليكي اتريقي عليه ممكن ده يجيب نتيجه معاه ويسكت انشاء الله اخوكي في الله

بصي سيبك منه خالص واهم حاجه تخلي ثقتك في نفسك عاليه اوي انتي كويسه وسيبك من الهزار البايخ بتاعه ده

بصي اولا الصلاة انا مش هقولك هدخلك الجنة والكلام العظيم جدا ده بس الصلاة دي لينا احنا وعلشان كده انا ممكن اقترح عليك برنامج مسلمونا ده برنامج جميل جداً بياذن وقت الاذن وبعد لما تخلصي صلاة بدوسي انهاء الصلاة وفيه اذكار الصباح والمساء وفيه قرآن كريم وانا علي ما اظن ان الموبايل معاكي كتير يعني بصي معايا الصلاة والله في وقتها ممكن متخدش من يومك ساعه واحده فلازم تحافظي علي صلاتك ثانيا التشتت ده ممكن يكون بسبب انك بعيدة عن ربنا انشاء الله لما تقربي من ربنا كل المشاكل والهموم هتتحل متخفيش وهكذا برضو علي الاغاني عادي لو عايزه تسمعي بس برضو الاهم انك تقري وتحفظي قرآن ثالثا الحجاب اهم حاجه انك تكوني لابسه الحجاب علي اقتناع منك انتي وبرضو نفس الكلام والله قربي من ربنا ومتخفيش ربنا اول ما يحس ان جواكي حاجه عاوزه تقرب له هيساعدك ومش هسيبك متخفيش اخوكي في الله ويارب اصلح حالك وحالنا وحال المسلمين جميعا وصلي الله وسلم على سيدنا محمد