Abdelrhman El-Zhapy

لازم تتعلم مهارة، أو اتعلم تجارة الكترونية وتسويق رقمي واقصر طريق هو الدروب شيبينج، أو التسويق بالعمولة

ببساطة تخيل انك قدام ربنا واقف قدامه مش في الدنيا إنما في الاخره وبتشكي كل ال جواك بس بالقران ال بتقوله في الصلاة تخيل لو حد كلمك وانت قدام ربنا هترد عليه أو هتخلص الصلاه بسرعه. وتخيل أنك بتخلص الصلاه بسرعه لان ربنا هو ال مش عاوز يقابلك صعبه صح وده كفيل يخليك الهدف من صلاتك انك ترتاح من ضغوطات الحياه مش ترتاح من الفرض ال عليك. ربنا يهديك يارب🤍

مبدأيا ايه تعريفك لكلمة المصلحة اصلا في العلاقات لان الطبيعي هو أن العلاقات مصلحة بصورة أو بأخري يعني الحب مصلحة لانه المشاعر المتبادلة ليها تأثير متبادل بالايجاب، لكن بتختلف نوع المصلحة سواء إيجابية أو سلبية يعني لو استغلال بصورة غير شرعية أو بصورة سيئة في الوقت ده لازم تتعاملي مع الموضوع بصورة مختلفة وطبعا تصرفاتك وقتها هترجع لتقيمك للموقف واماكنية التعامل معاه والجزئية دي تكتسب مع الوقت مفيش مشكلة. أما الثقة ده عادي لمعظم الأشخاص ال لا يمتلكون الخبرة الكافية عند التعرض للصدمات أو الخروج من علاقة ما ينتابهم شعور عدم الثقة. ومتقلقيش الثقة بتكتسب ولا تمنح يعني الأفعال الصادرة من الشخص الآخر هي ال هتفرض الثقة بينكم مع الوقت.

مبدأيا التغير هيكون فيكي انتي بس يعني شخصيتك وطريقة حياتك علشان بعد كده تقدري تغيري من حياتك بشكل عام، وده هيكون علي خطوات منها التزامك الديني علشان تغيير السلوك الخاص بالمراهقين بأدق تعبير، وبعدين تغير المستوي العلمي والثقافي ودي تاني خطوة ومهمة جدا علشان تقدري تغيري نظرتك للأمور وتتعاملي مع المشاكل، ثالث خطوة تغيير المحيط والمقصود بالمحيط الأشخاص ال ممكن يتغيرو في حياتك وانتقاء الأشخاص القريبين منك لأن الإنسان مش بيعيش لوحده ومش دايما بنقدر نتغلب علي جميع الصعوبات بشكل منفرد....

الاخصائي النفسي هو أحد الحلول الجيدة لو مش هيلجأ للعلاج الدوائي، يعني يفضل يكون هيتعامل علي تعديل السلوك وتحسين النفسية وإيضاح الرؤية الخاصة بحضرتك، وفي الحالة التانية هو يلعب علي تبرير المواقف وتعديل أسس العلاقات ونمط الحياة الخاصة وبالتالي هينعكس علي حياتك بشكل عام وعلي النفسية والإنتاجية بشكل خاص .

اولا "يعيش البجح علي قفي المكسوف" اسف علي الكلمة ثانيا لو شايفة أن التجاهل متعمد نصيحة بلاش تدخلي في صدام لو مفيش بديل للشغل لان في الغالب الصدام بينتهي بانسحابك أو ترك العمل، يعني لو عندك بديل اتكلمي علي الماديات عادي لان وقتها لو وصلتي لنقطة انك تمشي من الشغل مش هيبقي في مشكلة وقتها. ثالثا لو العلاقة مع المدير تمام يعني ليكي كلام معاه وبيسمع منك ممكن تتكلمي معاه بشكل ودي. رابعا لو التجاهل ناتج عن أنه ماشفش الرسالة اصلا ممكن تتكلمي معاه بشكل مباشر. نصيحة عامة " خلي عندك نظرة عملية شوفي خط سير العمل هل في إمكانية لزيادة المرتبات، هل في تسريح للعمالة في الوقت الحالي، هل نمط المعاملة اتغير في الفترة الأخيرة مع الموظفين، واعرفي دايما مين صاحب القرار الأول لان في النهاية مش شرط المدير يكون المتحكم الاول في العمل" بالتوفيق...

قناة Z American English أو Talek وبعد ماتوصلي لمستوي متقدم جدا من خلال القناة الأولي أو الثانية ممكن تقدمي في جهة معتمد زي السفارة البريطانية أو معهد القوات المسلحة وتعملي الاختبار وادخلي اخر مستوي أو اثنين وهتاخدي شهاده معتمدة

طيب في الغالب انتي مفيش حد عندك تحكي معاه يبقي لازم نشتغل علي الجزء الروحاني لانه هو ال هيخفف شوية من الضغط النفسي بصورة عامة وبعد كده ممكن نتحول لخطوة تانية حاولي تلتزمي بجميع الفروض في الصلاة وتقرأي اي كم من القرآن قدر المستطاع، وجاهدي نفسك جامد في الخطوة دي حتي لو فشلتي حاولي تاني، لان الخطوة دي مهمة جدا وتعتبر هي أول نقطة تحول في حياتك وال هتبني عليا حاجات كتير في المستقبل

لو محتاجه مساعده انا تحت امرك

لو في مواصلات من المنصورة لرمسيس يبقي دي اول خطوة. وهتلاقي عربيات بتوصل الكلية الحربية مباشرة في رمسيس

ولد او بنت؟