Emad Ahmed

بأنك تدوري علي شيء ينفعك و تعمله/ تعمليه .. كتر التفكير لا يقدم ولا يؤخر و بيرهق المخ و بالتالي الجسد .. الأفضل اننا نستغل حبنا كدافع و طاقة إيجابية في اننا نكون احسن و أفضل و الاهم من دا كله ان الحب يكون في إطار مشروع

اولا رايك في نفسك شيء و رأي الناس فيك شيء تاني ، الناس الكويسة مرآة ليك رأيهم فيك لا يقل أهمية عن رأيك في نفسك دي نقطة النقطة التانية مرحلة الخلافات القديمة اللي بتترك آثار نفسية علي مستوي الأسرة .. دا راجع لكذا سبب اولا انك حساس شوية فيما يتعلق بيك و بتاخد كل شيء علي نفسيتك و معنوياتك ثانيا انك بعيد عن ربنا ثالثا جرب تنسي و تغفر خصوصا ان جو الموضوع أُسري و الأفضل انك تشوف هما عايزين ايه و تريحهم .. في مصر بنقول اللي راحته مش هتتعبك ريحه .. يعني لو اللي قدامك عايز شيء معين مش هيكلفك شيء أو هيسبب لك خسارة نفسية او معنوية جرب تسمع كلامه خاصة لو هو وصي عليك زي الاهل .. في نفس الوقت وقف موضوع انك حساس بزيادة و خد كل شيء بأنه عادي خليك قوي الملاحظة و توقع تصرفاتهم و فاجئهم بأنك بقيت شخص احسن من وجهة نظرهم لدرجة تلفت نظرهم و الاهم انك هتعمل كل ده علشانك انت ، سوء الظن و غياب الثقة بيحصل و انت لازم تثبت لهم انهم غلطانين خليك هادي و رصين و ردود أفعالك عادية حتي لو اتظلمت دافع عن نفسك ببساطة و تلقائية من غير خوف ، لو أصروا علي اتعامهم و رأيهم خلاص سيبهم لما يعرفوا الحقيقية و دور علي شيء تشغل بيه نفسك بعيد عن التفكير و محاولاتك لإثبات نفسك أو صد الاتهامات دون جدوي .. ركز في حياتك و الأصلح ليك و ان شاء الله ربنا شايل لك خير .

الدليل الشامل

رابط فيديو التحليل الشخصي انها مشكلة في التعريف الخاص بالواي فاي و الانترنت محتاج يتحدث او يتغير .

اسمعي مني .. واضح ان سؤالك انك عايزة فرصة عمل بره مصر و كمان عايزة تعرفي إجراءات السفر .. اولا بالنسبة للمحرم معدش شرط لأنها كانت السعودية اللي بتطلب محرم مع الانثي اللي هتسافر و مبقتش تطلب خلاص .. ثانيا أوراق السفر جواز سفر حديث و ساري التاريخ و راجع الرابط هنا هيفيدك https://blog.travil.io/home/post/28

لو معندكش حاجه تقدر تثبت بيها ان التنازل تم تحت الاكراه و الغصب بدون رغبة يبقي لاء .. بس تقدر تتوجه و تقدم بلاغ لجهة اعلي من أقسام الشرطة و الأفضل انك تعمل محضر عدم تعرض و الاحسن من دا كله تسيبك كم كلامي أو كلام اي حد و تروح تستشير محامي لأنك مهما كان مش بيفهم هيقولك علي الإجراءات المتبعة في الواقعة و هيوضح لك موقفك القانوني و تقدر تعمل ايه بما انه رجل قانون فأكيد هيفيدك جدا ..

بقولك ايه ، لو مراتك انسانة كويسة و انت مقتنع بيها يبقي ابعدها عن اهلك .. و أراضيهم بس متطلقهاش لأنك لو ظلمتها بنسبة كبيرة مش هتشوف خير بعدها .. الاهم بقي كراجل بقولك بطل طفاسة و صدقني الستات في النهاية زي بعض سواء اتجوزت البيضا او السمراء او الشقراء كلهم في النهاية زي بعض لو عندك مشكلة مع واحدة هيبقي عندك مشكلة مع أي واحدة .. رضا الاهل مش شامل الكفر و مش شامل خراب البيوت .. اتقي الله و اكيد سنك يسمح لك تبقي سفير سلام بينهم كلهم و ناخد كل طرف علي الجنب اللي يريحه بدون ظلم او عقوق برضه .. و نصيحة ليك حياتك تخصك لوحدك و انت انسان عاقل راشد مسؤل عن تصرفاتك و هتتحاسب عنها قانونيا و قدام ربنا ، و لا طاعة لمخلوق في معصية الخالق .. لو طلقتها و هيه لا يعيبها اي شيء شرعي ذكر في اخلاق و صفات الزوجة و يستحق الطلاق و قولت بنفذ رغبة اهلي و هما يشيلوا الذنب مش هيحصل و هتبقي انت اللي ظلمت زيهم بالظبط .. اقعد معاها و معاهم و خلي كل طرف يسمع و في الاخر قولها صراحة .. انتم اهلي علي راسي من فوق لكن مش هغضب ربنا و اهد بيت و اطق واحدة بالظلم .. اذا اردت ان تطاع فأمر بما يستطاع . و الله مش عاجبه سيبه يراجع نفسه . و اتحمل نتيجة قرارك زي اي راجل معدنه صلب و أصيل و يعرف ربنا

مفيش تلبس يبقي مفيش جُرم ..

افضل علاج يخليك الف مرة تفكر كويس قبب ما تعمل العادة السرية كساب انك تعرف ان كل مرة بتمارس فيها العادة السرية انت بتهدر 200 مليون حيوان منوي دي نقطة النقطة التانية مع الوقت خثزبتك هتتأثر و ده هيأقر عليك في موضوع حيوي هتحتاجه بعد كده زي الإنجاب ، بص كويس في المواقع اللي بفتحها علي تصرفات البشر فيها هتلاقيه اشبه بقطيع من الخنازير و انا اخترت الحيوان ده بالذات لانه هو الوحيد اللي في تصرفاته الجنسية بيبقي زيهم كده دونا عن باقي الدواب فنصيحتي ليك صلي و صوم و خلي اتصالك بربنا قوي و بالتالي هتحافظ علي طهارتك دايما و الصلاة بانتظام هتخليك تجدد موضوع الطهارة ، و مهم جدا تدور علي هواية كنت عايز تعملها من زمان مثلا او شيء جديد يكون شغفك و عايز تتعلمه و يكون مفيد ليك و للبشر .. و اتحدي نفسك انك تقدر تبطل و عندها بلاش تسلم امرك لنفسك علشان النفس إمارة بالسوء ، عيش طاهر علشان الإنسان ميعرفش في اي وقت ممكن يموت ، و لو حصل و ضعفت في يوم ارجع تاني و حارب بلاش تقف وبلاش تستلم و الاهم متشغلش مخك بحاجه زي دي .. في مليون حاجه ممتعة و مسلية غير الحاجه دي و مش حرام .

ارضي الناس و اضحي بجزء من كرامتي او نفسي ولا ارضي نفسي و مش مهم الناس ..! .. من حقك تقدري نفسك و تعملي اللي يسعدها خصوصا لو الشخص التاني مش مقدر ده و خاصة لو مش اول مرة ، مهم نرضي اللي حوالينا بس لما يبقي علي حسابنا الشخصي يبقي نعمل وقفة و كل طرف يعرف حدوده و اللي ليه و اللي عليه علشان يريح و يستريح .. محدش بيفضل يدي علطول خصوصا لو بيدفع التمن لوحده من نفسيته او .. لو هو نفسه هيبقي تمن الرضا ده .

التعامل بسواسية مع الأطفال ، يعني تعاملهم زي بعض بدون تفرقة لان الأطفال مشاعرها بدائية مش معقدة زيينا .. مشاعرهم خام .. حب ، كره ، حزن ، فرح ، فضول ،غيرة الخ .. تتعاملي معاهم بمبدأ الثواب و العقاب لو عملت كذا هتاخد مكافئة صغيرة و لو معملتش مش هتاخد و ده قصدي بالعقال . و تعلميهم انهم محتاجين بعض و انهم مش أعداء و ان كل واحد بيقولي التاني و لازم ياخد باله منه و واحدة واحدة تخليهم يكونوا سبب في اسعاد بعض

كريمات موضوعية و فيه حقنة بتتاخد بوصفةة طبية بس علشان ميحصلش ضرر للحالة لازم تزور طبيب أمراض جلدية .. في حال وجود التهاب .. علشان اولا يحدد لك إذا كانت اكزيما ولا لاء و ثانيا لازم يعرف عندك حساسية من الكورتيزونات الموضعية ولا لاء علشان يقدر يحدد نوع الكريم او المرهم و فيه شوية تحذيرات هيقولك عليها و الاهم الترطيب .. لازم تزوري دكتور علشان الاكزيما متنتشرش اكتر . و لمعلوماتك اي حاجه في الجلدية او الشعر بتحتاج علاج لا يقل عن من شهر الي 3 شهور علشان تشوفي نتيجة مرضية .

لو سؤالك محتاج فتوي شرعية او محتاج مختص ديني تقدر تتواصل مع الأزهر الشريف نفسه او دار الإفتاء او غيرها من المؤسسات المختصة بدون ما تسمع فتاوي اي شخص مش مختص خصوصا لو جاي تسأل عن شيء متعلق بالميراث او يمين الطلاق او كفارة شيء معين الخ

الدهب افضل بالنسبة للاستثمارات الصغيرة و المتوسطة طويلة الاجل ، و يفضل شراءه شخصيا بدون وسيط مع الاحتفاظ بالفواتير طبعا ..مواصفات الدهب يكون عيار 21 و بدون فصوص او حليات سواء احجار كريمة او غيره يكون دهب صافي لان الحجار و الفصوص الصناعية بتأثر علي وزنه و مش بتتحسب ساعة البيع و الفواتير ليك انت علشان تثبت ملكية مش اكتر لكن لما تروح تبيع بعد فترة انت مش ملزم انك توريهم للبيع الا لو طلب و عنده سبب منطقي .. و حتي لو شافهم مش مهم لان سعر الذهب مرتبط بسعر السوق و تحديث السعر و السعر القديم اللي انت شاري بيه مش هيفرق

العوامل المؤثرة بالسلب علي جودة النوم زي الاطعمة الدسمة علي العشاء أو قبل وقت النوم ، وجود أجهزة إلكترونية او استعمالها بكثرةقبل وقت النوم و ده لان الموجات بتاعتها بيعمل خلل في الساعة البيولوجية اللي موجودة في جسم الإنسان ، الشعور بالالام نتيجة اي سبب مرضي ، الشعور بالأمان في المكان المتواجد بيه بيساعد بقدر كبير في النوم بعمق

كل واحد هيقولك تخصص شكل بناء علي تجربته الشخصية ، فالأفضل تشوف ايه أفضل تخصص شغال و مطلوب قوي في منظومة العمل القانوني الخاص بمجال المحاماة .. يا متر

عدة عوامل لقيام اي حضارة مش مجرد عامل واحد .. الطعام والاقتصاد ، فعندما توفرت كمياتٌ كافيةٌ من الطعام ازداد عدد السكان الذي ترافق مع زيادة الطلب على الطعام، ومن أجل ذلك كان لا بد من القيام بالتالي: تأمين مصدر موثوق ومستقر من الطعام سواء كان الاعتماد على الزراعة و/ أو تربية الحيوانات، والاستفادة من لحمها وحليبها. الاستقرار في مكانٍ واحدٍ طالما أن الزراعة وزيادة إنتاج المحاصيل الزراعية، والاعتناء بالحيوانات أمورٌ تتطلّب بقاء الناس في أماكنَ قريبةٍ من أماكن عملهم في الحقول. تطور الصناعات المعدنية بعد أن أصبح الناس قادرين على التنقيب عن الرصاص والنحاس والبرونز والذهب والفضة والحديد وغيرها من المعادن، وتحويلها إلى أدواتٍ تفيد في عملية إنتاج الطعام. تطور الحرف وإيجاد مهنٍ تتطلب أفرادًا قادرين على تخصيص جزءٍ من وقتهم، أو التفرغ الكامل لإنجازها كالأعمال النسيجية وإنتاج الفخاريات وصنع المجوهرات. وجود أعداد كافية من الأيدي العاملة. نشأة التخطيط الحضري وإيجاد المراكز السياسية والدينية وأماكن استقرار مجتمعية دائمة ذات عناصرَ مختلفةٍ. ظهور الأسواق وتطورها لتقابل احتياجات الفئات النخبوية في المجتمع من الطعام والبضائع، وتوفيرها احتياجات عامة الشعب لضمان تحقيقهم الاكتفاء والأمان الاقتصادي. العمارة والتقدم التقني ، والمقصود بالتقدم التقني هو البناء الاجتماعي والمادي المحسوس الذي يدعم نمو السكان، وبالتالي قيام الحضارات على أساسها، ويشمل ذلك ما يلي: وجود أبنية كبيرة خارجية يمكن للمجتمع مشاركتها كالكنائس والمعابد والقصور، وكل ما يشار إليه بكونه معلمًا أثريًّا. وجود أنظمةٍ للكتابة لتبادل المعلومات عبر مسافاتٍ طويلةٍ داخل وخارج منطقةٍ ما. وجود مجموعاتٍ دينيةٍ يرأسها رأس ديني كالكاهن أو الشامان. وجود تقويم أو مراقبة للأرصاد الجوية لمعرفة وقت تغير الفصول. وجود شبكاتٍ طرقية لربط المجتمعات ببعضها. السياسة وضبط المجتمع ، ويشمل البناء السياسي للمجتمعات المتقدمة ما يلي: ساعد وجود ربط طرقي بين المجتمعات على مشاركة البضائع مما ساهم في إنتاج بضائع غريبة وفخمة كالكهرمان البلطيقي؛ وهو نوعٌ من المجوهرات مصنوعٌ من معادنَ ثمينةٍ، والزجاج البركاني وصدفة المحار الشوكي والعديد غيرها من المواد الأخرى. ظهور الطبقات الاجتماعية والألقاب ذات السلطات المختلفة في المجتمع. تشكيل قوى عسكرية مسلحة لحماية المجتمع وقادته. إيجاد طرق لجمع الضرائب والجزية إضافةً إلى الأملاك الخاصة. وجود حكومة مركزية لتنظيم كل ما سبق. لا يشترط تواجد جميع هذه العوامل والميزات مع بعضها في مجتمع ما ليُسمى حضارة، إلا أن توافرها جميعًا يعتبر دليل مجتمع متطور نسبيًا تقدر تقوم ببحث شامل علي الانترنت و توصل لنتايج اكتر لو بتكتب بحث او خلافه .