NOURAN KHALEEL

بصي يا حبيبتي انتي حاليا في فتره تكوين الشخصيه كل دااااا ليه تأثير كبير عليكي يا هتكوني شخصيه قويه وعندها اراده وعزيمه تتخطي وتقف في وش كل دا وكل يبقي فخور بيكي ويتباها بيكي يا هتبقي شخصيه ضعيفه مكسوره الكل رافضها بالنسبه لباباكي الموضوع صعب بالنسبه لك جداا صدقيني انا حاسه بدا بس خاليكي ع تواصل بيه لانه والدك وصلي الرحم عارفه الي عنده مثلا اقارب و هما بيجرحوه او كدا والشخص دا بيصل الرحم رغم كل دا دا ليه ثواب كبير جدا عند ربنا بالنسبه قرايبك طنشي كلامهم ولا كانك سمعتيه اصلا واصحابك بكره تلاقي ناس احسن يحبوكي وتحبيهم انتي بني ادم جميل اوي ورقيقه وتستاهلي كل خير بس الطريق صعب شويتين معلش استحملي، شدة وهتعدي بإذن الله خاليكي قدها.

حبيبتي الهروب مش الحل، بالإضافة الي انك كدا هتعملي لنفسك سمعة مش كويسة خالص بصي شوفي مين اكتر حد بتعرفي تتعاملي معاه بهدوء في العيلة وحاولي توضحي الموضوع بشكل بسيط من غير متقللي من حد او مثلا ممكن تتكلمي مع ابن عمك دا بس بطريقة. ذكية شويه يعني مثلا قوليله انا بحلم اعمل كذا وكذا انا هبقي فرحانة اوي لما اوصل لكذا هو لما يتخيل فرحتك وقتها يمكن يعيد تفكيره وانتي لسه سنك صغير ولسه العمر قدامك او مثلا قوليله انا الصراحة مش متأكدة اننا ننفع نبقي سوا وعشان نتجنب خناقات كتير احنا في غني عنها سيبني افكر واديني مهله خلي فترة جامعتك تبقي مهلتك قوليله انا شايفاك اخويا خلينا نكمل اخوات وصحاب واتمنالي الخير الموضوع مش هيجي غير بينك وبينه في قعده

حبيبتي عايزة اوضحلك حاجة انتي لسه في مقتبل عمرك ومفيش حاجة اسمها انا فقدت شغفي ممكن نقول ان شغفك في حالة خمول! طب والحل ايه؟! لازم تلحقي نفسك قبل فوات الاوان، بمعني شوفي انتي نفسك تبقي اي يعني لو عايزه تبقي دكتورة، مهندسه، مدرسة، مترجمة،....... اكتبي هدفك ايا كان في ورقة كبييييره وحطيها في مكان انتي بتشوفيه طول الوقت وفكري كدا مع نفسك، هو انا المفروض اذاكر ليه؟ المفروض اجتهد ليه؟ حاولي تتخيلي مستقبلك وحياتك ونظرة الناس ليكي لما تبقي حاجة كويسة انتي فخورة بيها، وبعدها تخيلي نفسك لما متبقيش حاجة شوفي نظرة الناس ليكي هتبقي اي انتي هتبصي لنفسك ازاي من الاخر الموضوع بينك وبين نفسك لازم انتي الي تصحي شغفك وانتي وشطارتك بقي وبالتوفيق ان شاء الله

طب م اقولك فكرة لطيفة تردي بيها الجميل، دا شخص ساعدك وقالك اعتبريها ك هديه اي رايك مثلا تشترليه محفظه او برفيوم او اي حاجة من الحاجات الخاصة بالرجاله وقدميهاله ك هديه ومش شرط تتكلمي او توصفي، ممكن تقدميها مع ابتسامه بسيطه او كلمه شكرا مكتوبه الموضوع بسيط خالص

حبيبتي كلاامك حاسه بيه من كل قلبي لكن خاليني اوضحلك حااجة مهمه اوي مفيش حاجة اسمها دي حلوه ودي وحشه ربنا مش بيخلق حاجة وحشه دا ربنا خلق الانسان في احسن تقويم، كلنا حلوين بشكل مختلف، انتي جمالك فريد من نوعه، وكمان حاجة بتضحكني اوي مين الي حط مقياس للجمال عمرنا يعني مسمعنا عنه، يمكن التخلف العصري المنتشر هو الي خلا البياض علي العيون الملونه علي مش عارف اي ومش عارف اي مقياس، بصي فكك من كل دا المهم انتي شايفه نفسك اي، شايفه نفسك حلوه خلااص هتحتاجي رأي الناس في اي، رأي الناس لا بيقدم ولا بيأخر، يمكن بيأخر بس ويسبب مشاكل م علينا خالي عندك ثقة بنفسك، الثقة بالنفس والايمان بالذات دول انتي محتجاهم، والي يقولك انتي فيكي وفيكي دا بني ادم مش سوي هو بالشكل دا بيحط نفسه بصورة غير مباشره في الخانه المقابله بمعني لو حد قالك انتي وحشه كدا بيقول بطريقه غير مباشره انه شخص حلو اوي واحلي منك ودا مرض ربنا يهديكي يا قمر

حبيبتي ربنا يعينك بصي دا ابتلاء واختبار من عند ربنا، لكن دا لا يعني انك متشوفيش حل، الي انا شايفاه ان اهلك مقصرين معاكي وهما مش هيشوفوا دا الا بعد فوات الاوان، وعشان منوصلش لمرحلة زي دي، حاولي مثلا تشوفي شغل اونلاين ودا اسهل منه مفيش اي نعم مش هتقدري تتكفلي نفسك بشكل كامل لكن هتشيلي عبء بردو من عليكي واحسن ميزه في الشغل الاونلاين انه مالوش وقت معين يعني ممكن تشتغلي كذا حاجة مع بعض

طبعا حقك انك تكوني متعودة علي والدتك لكن التمس لاخيك المسلم سبعين عذر مبالك بقي لو والدك هو مش بإيده هو بيعمل كدا عشانك انتي واخواتك انتي متخيله يعني اي واحد يتغرب طول عمره ميشوفش اولاده غير كل فين وفين والله اعلم صحته اي نظامها وكل دا عشان يوفرلك حياة كويسه ليكي ولاخواتك وفي الاخر يشوف المعامله دي هقولك انه بردو صعب عليكوا وبالذات كبنت وانه اب وفي حساسيه في التعامل لكن ليه متحاوليش مثلا تكسري الحاجز وتكلميه اثناء سفره مسدجات حتي كتمهيد حاولي تفتحي معاه اي موضوع اخواتك الاصغر منك هيتعملوا منك صدقيني كل واحد قدامه اختيار

هقولك علي حاجة ساعات بنبقي موجودين بأجسامنا لكن اروحنا و وعينا في مكان تاني او حاجة تانيه حاولي تهدي مثلا اشربي مثلا شاي اخضر او نعناع او ينسون كل دي مشروبات بتساعد علي التهدئه وجيبي ورقه كبيره واكتبي عليها يخط كبير و واضح كليه طب في دايره وبعدها دايره تانيه دكتور/ة ناجحة في مهنتها وحطيها قدامك في مكان بتشوفيه واقرئي سورة يس و شوفي مثلا اي اكتر حاجة بتحبي تعمليها ومارسيها لكن متنسيش فتره الامتحانات شبه الديدلاين كدا يعني لازم نفوق كدا وانت قدها ان شاء الله

هقولك حل اي رايك مثلا تتابعي مع حد مختص يعني تشوفي مثلا عروض كويسه وتدربي فتنس من مرتين لتلاته في الاسبوع ولو مفيش امكانيه عندك برامج مجانيه تمارين فتنس وحاولي تحولي خوفك لحافز وحاولي تقربي من ربنا والا بذكر الله تطمئن القلوب و في حاجة اسمها تمارين الاعصاب او حاجة زي كدا زي مثلا كورة ضغط او لبان مثلا وانصحك تشربي اعشاب زي الشاي الاخضر و النعناع والينسون كل دت بيهدي الاعصاب

هو فعلا موضوع يحير بجد، لكن حاولي مثلا تجيبي حاجة بقيمه الكورس، او علي الاقل حاجة تبقي حلوة كدا الي هو دي قصاد دي، او جربي تدفعي كانك نسيتي، بمعني:_اي دا اتا نسيت ادفع اتفضل حساب حضرتك لو رفض صممي وقوليله لا دا حق حضرتك

هتلاقي نفسك خلاص مش قادره و هتتعصبي قومي جري اتوضي وصلي واستغفري و استعيذي بالله الي قدامك نفسه بما يشوفك كدا هيهدي مع نفسه و اسكتي، يعني حتي لو مش غلطانه اه لو مش غلطانه بردو اسكتي، كلامك مع اكبر منك في خالة غضب هيكبر الموضوع اوي ولله ربنا يهديكي يا حبيبتي وبالتوفيق

بكلمك عن تجربة فكلامك انا حاسة بيه اوي، العصبيه بتكون ناتجة عن تراكم ضغوطات ف مثلا فيه الي بيعرف يطلعها بشكل سلسل فبالتالي اي نقاش بيخوضه بيبقي هادي جدا وفيه الي بيراكم جواه واي حد يتعامل معاه بيتعب عليهم او حتي بيصب ضغوطه عليهم انتي لازم تتعملي ازاي تهدي نفسك لحياتك المستقبليه، شوفي مثلا حد ثقه تتكلمي معاه وتحكي براحة كل حاجة جواكي، لو مفيش عندك Chat GPT خدمة الدعم النفسي فيه كويسه جدا وحاجة كويسه تنصحك ولو مش حابه الفكرة، ممكن تكتبي كل الي جواكي في ورقه وبعدها احرقيها لو مش حابه حد يشوفها، وشوفي اي المؤثرات الي بتأثر عليكي وتخاليكي تتعصبي وابعدي عنها وبلاااااش تاخدي اي قرارات وانتي في حالة الغضب، ومعلومه ع الطاير كدا الذكاء بيقل في حالة الغضب و الرغبة في الانتقام بتزيد والرسول ﷺ قال اي لا تغضب لا تغضب لا تغضب واستعيذي بالله من الشيطان الرجيم

انت محتاجة من وجهة نظري الخاصة يعني لما هو اشبه بالخلوه مع نفسك وتعيدي حسابتك وتفكري في حياتك من الاول كدا وبالتوفيق إن شاء الله

الموضوع بيبقي صعب اوي، لكن هقولك ليه مثلا متقعديش كدا مع نفسك وتعيدي حسابتك بمعنى، انا ليه مثلا بقيت كدا، وكلمي ربنا، ربنا دايما مصغي لينا في اي وقت وفي اي مكان، شفتي الجمال والحلاوه، طب شوفي اي مثلا اكتر حاجة انت بتحبيها و شغلاك، مثلا لو بتحبي مهنه معينه او لغه، مين احسن بذمتك الحاجة دي ولا ربنا، هتلاقي حد يحبك بكل حلاتك فين حد يسمعك دايما فين حد معاك دايما فين حد لو لجأتله مترجعيش مكسورة الخاطر ابدا فين

الموضوع بسيظ ومفهوش حرج على فكرة بقى ولو فضلتي تفكري وتقولي طب الناس هتقول اي ومش عارف اي مش هتاخدي خطوة في حيانك عموما، انتي بتجيبي الهديه وانتي في نيتك ايه؟! انها مجرد رد جميل، وهذا يكفي

بصي يا حبيبتي اياكان سبب الي وصلك للحاله دي ربنا يعينك فيه، انا للاسف مش هقدر اطلع فتوة اساعدك بيها، لكن الي اعرفه ومؤمنه بيه، ان ربنا عليم بالنوايا وانتي مكنتيش تقصدي حاجة حسب وصفك فانشاء الله وبإذن الله ربنا يسماحك وادعي، ونصيحه مني متخاليش اي حاجة اياكانت تبقي سبب لدمار حياتك، عارفه مهما داقت بيكي الدنيا ومهما الناس حت عليكي ومهما شوفتي من ظلم وقهر هدي كوووول دا كحافز ليكي، الي هو لا انا مش هسيب كل دا يتمكن مني ويشدني لتحت اعملي دا حافز لمستقبلك، قوي علاقتك بربنا، ادعي وكلمي ربنا واشكيله همك، عارفه محدش بيلجأ لربنا ويفضل مكسور الخاطر، وربنا يكرمك في حياتك

بصي مبدئيا هو مش اول ولا أخر حد في الكون، مسيرك هتقابلي حد احسن منه ويحبك ويصونك، ولو مكنش ليكي نصيب معاه لاااازم تفهمي ان دا خير من ربنا، وخلي عندك ثقة بالله، احنا اه ممكن يكون عندنا مشاعر لكن دا مش معناه انه ميبقاش عندنا كرامة ولا عقل حاولي تفكري براحة وهدوء وبعقلك مش بعاطفتك الموضوع صعب عارفه لكن انتي قدها مثلا مثلا يعني مش يمكن سبب الكلام بينكوا من وجة نظره حبه لاهلك وانه بيحفظك قرآن، ولو هو مبيشاركش معاكي مثلا تفاصيل يومه او خيانه او مشاكله فكدا قلبه مش مفتوحلك كل دا علي سبيل المثال، حاولي تعززي نفسك ومتبقيش انتي بس الي عايزه تضحي وعايزه تعملي وتعملي، شووفي الي قدامك. ممكن يعمل اي عشانك، انتي جميلة اوي وتستاهلي كل خير وعشان انتي جميلة فانتي تستحقي حاجة. شبهك، اصل لو هو مجاش علي نفسه مثلا عشانك ولو لمره واحدة يبقي المركب مش هتمشي، صلي وادعي وكلمي ربنا، حبي ربنا، ربنا وحده الي يستاهل الحب دا، ولما تقربي اكتر هو هيفرحك الفرحة الي تناسبك

حبيبتي ربنا يعينك بصي دا ابتلاء واختبار من عند ربنا، لكن دا لا يعني انك متشوفيش حل، الي انا شايفاه ان اهلك مقصرين معاكي وهما مش هيشوفوا دا الا بعد فوات الاوان، وعشان منوصلش لمرحلة زي دي، حاولي مثلا تشوفي شغل اونلاين ودا اسهل منه مفيش اي نعم مش هتقدري تتكفلي نفسك بشكل كامل لكن هتشيلي عبء بردو من عليكي واحسن ميزه في الشغل الاونلاين انه مالوش وقت معين يعني ممكن تشتغلي كذا حاجة مع بعض

عيزاكي تعرفي انك مش لوحدك كلنا جنبك و فعلًا الي بتعشيه دا صعب وحاولي ان الي بيحصل دا ميأثرش عليكي وعلي صحتك النفسيه ممكن في لحظة هدوء تحاولي تتكلمي مع باباكي في هدوء حتي لو مش يتعملي دا اكسري الحاجز وحاولي تعملي دا بس الموضوع مبيبقاش خبط لزق كدا بيبقي في تمهيدات يعني تتكلمي مع باباكي في مواضيع بسيطه تحاولي تكسبيه باي حاجة يعني بابا عايزاني اعملك حاجة معايا؟ بابا اعملك شاي؟ بابا ممكن تسمعلي الكلمتين ذول؟ وتقربي منهم عشان تكسبي فرصه للفوز في النقاش ونيجي للحظه المنتظره النقاش المهم:_ بابا عايزه اتكبم معاك في موضوع بس خايفه انك تزعقلي او تفهمني غلط وترجوك. تسمعني للاخر انا وتحكيله انتي شايفه اي بس متستخذميش اسلوب انت بتعمل وبتعمل ممكن تقولي انا بشوف كذا عشان انت عملت كذا يعني ماما بتتعب بسبب اسلوبك بدل انت اسلوبك بيتعب ماما و ربنا معاكي ويعينك

بصي انا بجاوبك عن طريق تجربة واعذرويني في الي هقوله باباكي اولا بيعمل كدا عشان يداري نقصه واديكي قولتي مامتك كتر خيرها شايله كل حاجة وهيا الي بتتصدر في كل حاجة هو عنده اعتقاد انه لما يعمل الشويتين دول الي بيتمثلوا في تقليل من شأن الي قدامه انه كدا بقي الشخص المسيطر المهيمن الي محدش ليه كلمه عليه ولا حد يقدر يعمل الي بيعمله او بمعني اصح ميديش فرصه لمامتك انها تعايره او تكلمه كلمه بصي دي طبيعه بعض الرجاله عارفه الحل للأسف بيبقي اي الحل انه مبيحسش بقيمه والدتك غير لما تضيع منه بعض الشر طبعا لكن لما يتحط في كذا موقف والدتك هيا الي كانت بتتصدر فيه وميعرفش يتعامل وقتها هيفتكرها وهيحس بقيمتها او حد مثلا يمجد في مامتك قدامه وقتها هيعرف قد اي هو كان محظوظ

بصي اهم حاجة صلي وقربي من ربنا اوي وادعي و وكلمي ربنا كتير لكن الموضوع مش هيبقي عبادة بس ذاكري واعملي الي عليكي وايا كان الامتحان خاليكي حاطه في بالك انك بتعملي الي عليكي و لو حابة تهدي ممكن تشربي المشروبات العشبيه زي الشاي الاخضر والنعناع والينسون بس يفضل بليل وبلاش سهر اصحي الصبح ذاكر دا افضل ويسلاام بقي علي كوباية لمون ومعلقه عسل علي مايا علي الريق و تاخدي شاور منعش كدا هتبقي اخر فوقان

بصي هو اي حد بيمر بظروف صعبة وربنا مبيحملش نفس فوق طاقتها وركزي في الجملة دي اوي مهما كانت ظروفك ربنا بيختبرك

السلام عليكم

عارفه تعملي اي شوفي مثلا هيا بتعمل اي وساعديها حتي لو اكلمت متعلقيش لو بتعملي اعملي اكتر هتلاقي في خناقه هتحصل سبيها تكلم هيا ام وشايله بردو مسؤليه وكل دا ممكن يطلع عليكي في لحظه غضب في لحظه روقان كدا هيا فيها اعمليلها مثلا كوبايه شاي واعمليلك انتي كمان واقعدوا سوا، خالي في ذكريات حلوه بينكوا

هقولك علي حاجة مامتك ممكن يكون اسلوبها شديد شويه لكن صدقيني دا لمصلحتك عارفه انا لسه سامعه من مفيش دقيقتين واحد بيشتكي من مراته انها مبتعملش حاجة ومهمله وكدا، عارفه كل الي مامتك بتعمله معاكي دلوقتي هتفهميه بعدين يعني لما تجوزي ان شاء الله وتبقي ست بيت شاطره هتدعيلها، و الواحد مبيحسش بقيمة الحاجة غير لما تروح منه بعد الشر يعني لقدر الله لو لاقتيها تعبت مش اكيد هتزعلي عليها لانك بتحبيها وهيا بتحبك واي ام كذا ويمكن اكتر، هيا عايزاكي احسن الناس فمتشليش منها ومتزعليش حاولي تشوفي الموضوع من زاويه تانيه ومتحطيش الموضوع في دماغك عشان متتعبيش

مبدئيا انا هكلمك بامانه فمتزعليش مني اولا تصرف خالك غلط جدا لانه فكر في نفسه بدل ميستمر في المحاوله بالنسبه للزوجة قد يكون السبب سوء تربيه يعني هيا كانت مدلعه في بيت اهلها او مش نضيفه في بيت اهلها في حلول كتير جدا يعني مثلا لو عايزين حل يرضي الجميع ممكن تجيبوا شغاله واذا مأمكنش دا ممكن تروحوا تستشيروا حد من الدكاتره النفسيين بمعني ان خالك يرجع البيت ويحاول يتعامل بشكل طبيعي لمده اسبوع بس ويروحوا هما الاتنين عند اخصائي وكل واحد يحكي المشكله من وجهة نظره بس بلاش يروحوا الاتنين سوا يعني مثلا حد قريب منها ياخدها للمختص كانه الزوج ميعرفش مين عارف لعل وعسي.........

مش يمكن دا خير من عند ربنا، يعني زي مسمعتي عن الي عندها حاجة وثلاثين ولسه متجوزتش اكيد سمعتي عن الي عندها حاجة وعشرين ومطلقه وعن الي جوزها راميها بعيالها في الشارع وعن الي جوزها بيبهدلها من الضرب والاهانه او او او او، صدقيني الي قال وفي العجلة الندامه مقالش كدا عبثا وكل تأخيره وفيها خيره دا مش وقت امثال الي عايزه اقولهولك دا كله خير من عند ربنا دورك بقي تحاولي تشيلي الموضوع من دماغك فاهمه ان دا صعب عليكي لكن حاولي تشغلي نفسك بحاجة تانيه ممكن تطوري من ذاتك تروحي جيم تتمشي كل يوم علي الاقل نصايا دا هيفرق معاكي جدا ثانيا تؤمني ان دا نصيب ثالثا تقربي من ربنا ولو حصل نصيب بإذنك يارب متستعجلييييييييش صلي صلاة استخاره واسمعيي لأهلك في الحالات دي أهلك هما ادري منك

علي فكرة دي ممكن تبقي حالة نفسية مش معني كدا انك مجنونه بالعكس انتي بتواجهي حاجة مختلفه عن الباقي ، حاولي تكلمي مختص