Menna Mohamed

لو اوهمتي نفسك انك ثنائي قطب كده يبقي انتي اقنعي نفسك انك بخير وانك كويسه وفرضا أنه عندك دوري على التغلب علي المرض واي الطرق بدل ما تدوري علي الأعراض كل شويه انتي ١٥ سنه طبيعي أن مشاعر وتصرفاتك تتغير العزله والبعد عن الأشخاص بس تعودي نفسك على المواجهة بدل البعد اه بتاخدي مدتك وترجعي تشوفي الحياه ورديه ابعدي عن الي يخلوكي تزعلي تجنبيهم عائلتك النرجسيه مثلا اقعدي اعملي سيرش السيطره علي الشخص النرجسي كيفيه التعامل معاهم انتي لسه صغيره والحياه قدامك متتعوديش على العزله والبعد تعلمي المواجهه والي يدايقك اقفي وبصي في عينه وخوفيه لو بصيتي على كل شخص من صحابك هتلاقي الي بيضحك وفرحان دايما بس لو بصيتي في قلب كل واحد فيهم هتلاقيه مش مبسوط خناق في البيت ونفسيه نصيحه مني تغلبي على كل شي وقولي انا قويه انا شجاعه يارب التوفيق من عندك يارب قدرني

بصي يا جميل في الاول كنت مثلك اخاف اجاوب مع اني عارفه اجابه السؤال اخاف من كلام زملائي اقعد افكر في سيناريوهات كتير في دماغي بس لما تعبت من كتر التفكير عرفت أن كلام الناس لا يفيد وان كلامهم مش مهم خاااالص قولتي انك مش جاوبتي علي السؤال وجاوبتي غلط صح الإنسان بيغلط عادي متلوميش نفسك انتي اكيد فاكره السؤال وفاكره إجابته خديها من ناحيه اكيد ربنا عمل معايا كده عشان السؤال ده هيجي في الامتحان ولما يجي هكون فاكره إجابته كويس اووي ومش هنساه وزملائك في الدراسه مش مهم كلامهم أو تريقتهم خاااالص خليكي دايما واثقه من نفسك وبتقولي انك لغبطتي في الكلام صح اتعودي انك في البيت تقرأي مثلا قطعه في البيت بصوت عالي تذاكري بصوت تقفي قدام نفسك في المرايه وتحلي اسئله الكتاب وتجاوبي علي نفسك قدام المرايا واحده واحده هتلاقي نفسك اتحستتي وبقيتي احسن

بصي احنا عارفين طبعا اننا في الدنيا بناخد مدتنا وبنموت والموت ده قضاء وقدر واي حاجه بتحصل حوالينا بتكون قضاء وقدر وكل شي بيكون مكتوب ومش بتقدر نغير فيه وأن لو حصل اي شئ لعائلتك الكريمه بعد الشر عليهم بيكون مكتوب فلازم تتعودي وانك ترضي وتقولي لعله خير اكيد مثلا والدي جاله برد وتعب اكيد عشان ربنا حايشه لحاجه تانيه اخويا وقع علي إيده بعد الشر عليه اكيد فيه خير اقنعي نفسك بكده لان لو فكرتي في كل الأفكار هتتعبي اووي ومتفكريش في سيناريوهات حاولي تشغلي تفكريك في حاجه تانيه يعني اقولك بتكوني خايفه وهما خارجين قوليلهم في امان الله وهما ماشين انتي كده سبتيهم لربنا يحرسهم وطمنتي قلبك تفكري في حاجه تشغل مثلا لغه اي شئ

ممكن تكتبي كل الي بتواجهي بيه في دفتر يوميات تقعدي تتكلمي مع نفسك ده هيحسن

طلاما العزله بتفيدك مش بتنهاري فيه يبقي استمري انا عايزاكي تتقدمي للاحسن محدش بيعرف يختار أهله حاولي تتقربي ليهم لو معرفتيش ادعيلهم بالهداية وخديها مدرس ليكي انك لما تبقي ام تعرفي تتعاملي مع اولادك وتعوضي كل الي فاتك متقلقيش ربنا هيعوضك علي صبرك كان نفسي اساعدك وربنا يكتب ليكي الخير

من رأي انك تقعد معاها انت وهيا بس تقعد تتكلم معاها بكل هدوء وعقلانه وبكل حنيه تقولها فاكره يوم فرحنا كنتي جميله ازاي اديها كلام حلو قولها اي غيرك ممكن الست تكون عندها اكتئاب من شيل مسؤوله الاطفال والدتها بتشجعها علي الغلط اتفق معاها ولا تقوليلي في الخناق اي كلام تجريح ولا اقولك نتعود لما ندخل علي خناق نسكت وندخل علي تاني يوم احباب ونتفاهم بهدوء هيا بصه لغيرها من ناحيه الماديات مثلا اقعد كده كل فتره جيبلها هديه قولها كلام حلو اتعوده تصلوا سوا وتشغلوا قرآن اسمعوا فيديوهات سوا عن الرضا وقولها خلينا نجرب شهر واحد بس نستحمل فيه ومش ندخل اي حد في علاقتنا ولا عيلتي ولا عائلتك ولو مقدرناش شهر واحد بس نبعد وكل شئ اسم ونصيب

بصي يا جميل طبيعي في اي علاقه عشان تكمل والحياه تكون جميله أن يكون فيه الاهتمام المتبادل وبعد كده الحب والتقدير والاحترام والمسانده هواه مش اهتم وهواه مسندنيش هل انا روبوت عشان افضل اهتم فيه مش انا انسانه عشان اشوف اهتمامه هل انا لعبه شويه يرجع وشويه يبعد حسب مزاجه لا انتي مش كده انتي انسانه ابعدي عنه لأنه بيلعب بيكي وانتي غاليه مش اي حد كده يكلمك وامشي علي مبدأ الي يقدرك قدريه وانسيه خالص صفحه اتقفلت واعرفي انك لو سمحتي له أنه يدخل حياتك تاني كده هتكتبي علي نفسك العذاب وربنا يكتب ليكي الخير

بصي يا جميل لو اقنعتي نفسك أن معدشي وقت ومش هلحق الم اي حاجه فده غلط انتي قدامك شهرين تبدأي مذاكره من دلوقتي حالا تقومي تبدأي قولتي انك مش فاهمه فيزياء وكيما ابدأي فيهم شوفي عندك كان تقسيمه فيه وامسكي ورقه. واكتبي انا هذاكر كذا النهارده وسمي الله قبل ما تبدأي عندك يوتيوب ما شاء الله الاساتذه عليهم ما شاء الله علي شرحهم جميل جدا وعندك في الماده كام مدرس اقنعي نفسك في امل هبدأ من دلوقتي ابعدي عن من يحبطك وسيبك من صحابك واذكري الله وادعي

من وجهه نظري هتكلم عن مصر هيا كانت متقدمه بس لما دخلنا في الحروب الداخليه جوا مصر واستمرت لبعض السنوات مصر خسرت كتير اووي من دمار جوا مصر وعشان تستعيد مصر مجدها زي الاول واحسن فأكيد هتستلف وتدخل في ديون ومصر مش هتقدر في الوقت ده أنها تساعد أو تمول للشباب أو توفر شغل فبالتالي الشباب المجتهده هتسافر بره في الدول الي محصلش عندها حروب ولا ديون وتمول ليهم فالتقدم كده في الدول الأخري واغلبيه الدول العربية فيها حروب ومصر في تقدم وفي اجتهاد وهتتلاقي بعد عده سنوات هتلاقي مصر في تقدم باهر لأنها بدأت تتحسن والدول العربيه هكذا الدول العربيه هتتحد مع بعضها للتغلب وهتلاقي الدول الي كانت في تقدم هتنهار من حروب وكنت بتقول لي اغلبيه الدول بتمارس الأمور الغير قانونيه لأن مش عندهم حكومه تمنع الفسق والأمور الغير القانونيه شرطه تتصرف بكل جده وتمنع الظلم