@Fatma Elnasharty أنا طالبه عندي 17 سنه من وأنا صغيره وبتقابلني مشكلة التوتر من أي حاجه بس المشكله إنها وصلت بيا حاليًا إني بقلق من الدروس والإمتحانات لدرجة إني مش بروح الدرس ولا بذاكر من القلق الزياده عن اللزوم وبفكر في الحاجه قبل ما تحصل وأتوقع الأسوأ دائمًا والمشكلة بجد زادت اووي وتقريباً وقفت حياتي وكل حاجه محتاجه حل المشكله دي ( للأسف درجاتي ومستوايا نزل خالص ومش عارفه أعمل ايه ) ، و ده بسبب بعض المواقف اللي تعرضت لها في مرحلة طفولتي وبداية مرحلة المراهقه ، والتوتر بيكون مصاحب لوجع في البطن وصداع وأحياناً ارتفاع في ضربات القلب وتوهان .
تم النشر الأحد، ٢٨ يونيو ٢٠٢٦
روحي وورطي نفسك عشان متتراجعيش ، حياتنا تجارب جربي مش هتخسري حاجه وحتى لو غلطي اي المشكله ولو معرفتيش تتعاملي في الأول جربي مره واثنين وعشره ، اتغلبي على خوفك عشان متجيش في يوم وتندمي على اللي فاتك أكتر من كده ، فرغي عقلك من التفكير الزائد والخوف عن طريق الكتابه كل ما تفكري في حاجه وتخافي اكتبيها وشوفي حلول ليها في وقتها ، واسمعي قرآن علطول هترتاحي اووي .
تم النشر الأحد، ٢٨ يونيو ٢٠٢٦
اتوضي وصلي ركعتين قبل النوم وأذكار قبل النوم مفيش غنى عنها ومهم جداً تشغلي قرآن جمبك طول ما انتي نايمه وخصوصاً سورة البقرة ( بصوت شيخ بترتاحي ليه ) ، صدقيني هتحسي براحه رهيبه ، ربنا يحفظك ويحميكِ .
تم النشر الأحد، ٢٨ يونيو ٢٠٢٦
لعرض الملف الشخصي في فدني اضغط هنا