رازان حسان

انا كمان كنت بعاني من اعراض زي دي اضافة للغوشة في الرؤيا وعدم القدرة على التنفس بس حاولت اهدا واغمض عيني واطلع نفسي من حياتي نفسها او زي ما بيقولوا بسحب نفسي من الواقع وباخد نفس واقول لنفسي حتى لو ده حصلنا هنقدر نعديها كل شيئ هيتحل وطبعا الموضوع منفعش من اول مرة ولا من تاني مرة كان بيقل التوتر شوية بس كان على الاقل بيهدي اعصابي شوية ومرة ورا مرة بقيت لما مبلقيش ان في حاجة بتحصلي التوتر يقل بس من الحاجات اللي فرقت معايا جدا هي اني بدات احفظ القرءان واقرب من ربنا واعرفه بإني اقراء عن صفاته ومعاني اسمائه وعن لطفه بعباده وعرفت ان الحاجة اللي انا فيها دي انا باخد اجر وثواب عليها يعني كل ما هتعاني لوا انت احتسبت الأجر على المعاناه دي هتلقيها لك في الأخرة وحاول قدر الامكان تبعد عن اخبارالمشاكل وحط وقت لنفسك انك تستمتع على سبيل المثال من الحاجات اللي بتصفي ذهني وتهديني اني اطلع فوق سطح بيتنا بعد الفجر مع كوباية القهوة اللي انا بحبها واقعد لغاية ما الشمش تطلع بجد كان بيغير من نفسيتي خالص حاول تعمل حاجة انت بتحبها من وقت للتاني او تخرج في مكان بتحبه او تقعد مع حد بتحبه وحتى لو حسيت بالخوف في مرة متخليهوش يتحكم فيك اكتر من خمس دقايق وتجاهله بإنك تعمل حاجة زي انك تلعب رياضة او ترسم او اي حاجة تنسيه لك ولو لساعة واحدة وربنا يبعد الخوف والقلق عن قلبك.

الشكر لله يا جميل 🫂

طيب بعد ما اخد اسبوع لغبطة المفروض اعمل اي بعدها عشان انا بقالي اكتر من اسبو ما بعملش حاجة خالص غير النوم والاكل

انا كتبت ده قبل كده بس مش عارفة شكله ما وصلش بسبب النت عندي ولو كان وصل نعيده تاني مش مشكلة اولا انا في غاية السعادة اني قدرت اساعدك ولو بنسبة واحد في الميه ثانيا انت شخصية جميلة جدا وتستاهل الافضل وانا اعتقد ان ربنا بيحبك عشان كده بيهيئ لك المواقف اللي تظهرك الناس على حقيقتهم فيخليك تعرف مين اللي يستاهلك ومين اللي ميستحقكيش ودايما خلي نفسك اولوية في اي موقف متخليش حد يهينك ولو حتى بالنظرات واعملي اللي انت بتحبيه بس في حدود الشرع واستمتعي وحاول تعرف عن نفسك اكتر وبجد استمتعت جدا بالكلام معاكي

حاولي تتعرف على نفسك من البداية خالص من اول نوع الاكل اللي بتحبيه و اللون المفضل و الهوايات واتعاملي مع نفسك كأنك بتتعاملي مع واحدة زميلتك خجولة وانت عايزة تكون صداقة معاها و اعرفيها واحدة واحدة اما بالنسبة لمعاملتك مع الناس فعامليهم زي ما تحبي يعاملوكي مش عشان انت بتتقمصي شخصية مختلفة ولكن عشان انت شخص لطيف مبتحبيش تجرحي حد ولو معرفتيش تتعرفي على نفسك كل اللي بئيدك تعمليه انك تكون نفسك من جديد حسب ما انت حابة بشخصة واحدة فقط هتتعاملي مع الكل بيها بس لازم تختاري وتنقي الشخصية دي كويس عشان دي هتكون حقيقتك للفاضل من حياتك وربنا يحسن خلقك و اخلاقك وانا متأكدة انك شخص كويس وجميل عشان اكتر الناس اللي مروا بنفس حالتك اختاروا انهم يسئوا لغيرهم ويكونوا شخصيات سيئة على سبيل انهم ميكونوش متقمصين وربنا يلملم شتاتك يا جميل.