انا متجوزه ف بيت عيله انا وجوزي كنا حب ٣ سنين كل حاجه كانت كويسه لحد تاني يوم فرحنا أمه بتغير مني اوي وبتغير عليه كاني كنت واخده جوزها المهم انها كانت قاعده لازقة لنا كانت تيجي تقعد مع جوزي الوقت ال كنت بستناه عشان نقعد مع بعض كنت ببات لوحدي بال ١٦ ساعه وده الوقت ال مفروض نقعد فيه مع بعض كانت تيجي ونتخانق بسببها أدخل اوضتي واغضب وهي تفضل قاعده معاه بره يضحكون ويهزروا ونا كنت دايما بحاول اتأقلم وابقا ف حالي بس مكنتش بتسكت كانت تشكيله مني مبتسلمش عليا ومبتنزلش وكان يجي يضربني ويشتمني فاكره أنه كان مره ضربني قبل امتحاني بسببها بعدها بشهر عرفت اني حامل برضه كان الوضع هو هو كان يجي أمه تقعد معاه ف شقتي ونا لوحدي ف اوضتي بعيط وكاتمه صريخي ف المخده المهم نا كل ده بحاول اتأقلم عشان مخربش بيتي بس بجد مش قادره أنسى الاذيه ال جوزي اذاهالي انا كل يوم بفتكر المواقف وبنهار منهم لله هو وأمه حتى بنتي برضعها نكد وقرف اللي زاد بقا أنه داخل ف سنه من غير شغل يعني حرفيا عايشه بلقمتي ف البيت ده ده غير أنه ٢٤ ساعه عند أمه ونكد وقرف بسبب أنها مبتهداش كل شويه تسلطه عليا من تحت لتحت نا بجد مش عارفه اعمل إيه كمان أنا مسيحيه موضوع الطلاق ده صعب جدا وحامل تاني واهلي كنت مقاطعاهم بسببه بكرهه وبكره أمه منهم لله دمرولي حياتي ونا لسه سنتين بس يعني حتى لما كنت لسه عروسه أمه كانت بتنادي عليه من يوم الصباحيه ويسيبني وينزلهم نا بجد مش هقدر اكمل كده نفسيتي بايظه وخايفه ده يأثر ع بنتي وع الحمل
تم النشر الخميس، ٢٩ مايو ٢٠٢٥
وهي بتفضل مضايقه وبيبان عليها تفضل تقول استغفر الله العظيم
تم النشر الجمعة، ٣٠ مايو ٢٠٢٥
الوضع مختلف انا مينفعش انزل واقعد معاهم لأنهم بيشربو شيشه مع بعض هو وأمه ونا معايا بيبي وهو لازم ينزل عشان يشيش عايزه اقولك حتي لما باجي اقعد جمبهم يقولي روحي هناك
تم النشر الجمعة، ٣٠ مايو ٢٠٢٥
لعرض الملف الشخصي في فدني اضغط هنا