طيبة نور

استهدي بالله، انت الراجل ولا هو ؟ لو عايزك تاني هو بنفسه هيجي يتقدملك، اوعي تكلمي على صفحته ليقول بتجري ورايا، اما الأحلام دي يا رؤيا وتتجوزا يا اما حديث نفس، كبري دماغك عارفة النصيب لو وقفتي على ايديكي مش هيحصل غيره، ولو الراجل ده مش مكتوب ليكي تتجوزيه عارفة لو اتنطتتي كده برضو مش هتتجوزيه امي كانت تقولي كده لمن ابويا وخطيبي يتخانقوا، كانت تقولي براحة على نفسك شوية يا هتتجوزيه يا ما مش هتتجوزيه كله بأيد ربنا، كده كده قلقك لا هيقدم ولا هيأخر

والله مش صح تدي الأمان اصلا، خليك كتاب مقفول مع القريب والغريب، اضحكي وانبسطي وكوني علاقات مع الناس، بس لا تعطي سرك لعزيز فلكل عزيز عزيزة ومن عزيز لعزيزة سافر سرك بلا فيزا

مفيش حد من قرايبك، عندك اخت او ام؟ هل انت متجوزة او مخطوبة، ربنا يعينك ويوقفلك ولاد الحلال

ربنا يعينك، اصلا كبرنا ومفيش حد حوالينا، حتى اللي صحابنا بجد وحق وحقيقي فرقتنا الظروف

اعمل حاجات خايف تعملها، اكسر خوفك واحدة واحدة، وانا صغيرة كان عندي قلة ثقة في نفسي، ومرة طلعت لي حباية في وشي وخرجت بمنظري ده كنت خايفة بعدين لقيت انه محدش مهتم، ثقتي بنفسي بتزيد لمن أواجه تحديات واكسر خوفي

اتعلم لغة

دليل واحد بس،، هيتقدم امتى؟؟ رده على السؤال ده هو الفيصل، كان عندي واحدة قريبتي بتكلم واحد وعايمة في مية البطيخ، قلت لها اسأليه هيتقدم امتى ؟ قالها سنة سنتين، العبيطة بتقولي انا برضو مش جاهزة للجواز دلوقتي، رجعت سألته تاني هتتقدم امتى ؟ قالها بصراحة !!!! أنا خايف من أهلك!!!!!! وفضلنا كده لحدي ما عرفنا انه خطب ودلوقتي اتجوز

احفظي جمل مش كلمات، عشان يبقى تكوين الجمل في عقلك حاجة اوتوماتيك

استهدي بالله، جيبي ورقة وقلم، واكتبي ١٠ حاجات بتحمدي ربنا عليها، وروحي اكتبي اللي مضايقك، اللي مضايقك ده حاجة من اتنين، يا ما ليه حل وده ربنا يقدرك عليه ويتحل، يا اما ملوش حل فليه تدوشي دماغك بحاجة مالكيش ايد فيها، كمان اهلك هل دي حاجة كبيرة اوي ان ابوكي مش مهتم بيكي ؟ هل هو بيضربك؟ إن شاء الله ربنا يعوضك عن اهلك بصديقات او زوج حنين، الرزق حاجات كتيرة فكري وادعي ربنا، واحنا مش هنعرف نقيم حياتك عشان اللي ايده في المية مش زي اللي ايده في النار، ادعي ربنا كتيييير وربنا هيفك كربك، اما فكرت انك تنتحري عشان تتعذبي في قبرك دي مش الذ حاجة ولا الطف فكرة، سلمي امرك لربنا.