Emad Abd El Rahman

المقذوف و المقذوف بزاوية الكثافة و الكتلة ايجاد اقصي ارتفاع يصل اليه جسيم قذف راسيا لأعلى

مبدئيا روح عند احمد حمدي من هناااا و دور في فيديوهات القناة هتلاقي شرح موسع ازاي تبدأ و ايه المطلوب .. و الأهم انه مش مستفز في اسلوبه .. و هتفهم منه ايه اللي تقدر تبدأ بيه .

لو في القاهرو روح مول البستان او اي مول معروف انه بيضم المحلات اللي بتبيع الحاجات دي .. الأسعار حاليا لاتشجع علي الشراء .. مثال .. سعر لابتوب acer كور i3 رام 4G هارد 1 تيرا HDD شاشة 15.6 بوصة 9,225 جنيه. اهو ده في الأسعار القديمة لو كان وصل حتي 5000 جنيه كان يبقي غالي جدا دلوقتي ب 9225 جنيه .. دي ليست بالاسعار و تقدر تبحث علي جوجل و امازون و جوميا و سوق و نون .. بس خد بالك لو هتشرتي اونلاين . راجع تقييم البائع و شوف الكومينتات بتاعة المشتريين قبل ما تشتري المنتج .. خد بالك لو بتدور علي حاجه تلعب عليها جيمنج اونلاين يبقي هتحتاج لابتوب عليه كارت شاشة 4 جيجا يبقي كويس او اعلي و البروسيسور يكون مش اقل من core i5 و رامات مش اقل من 8 و يفضل 16

جرافيك ديزاين برمجة Icdl

واجههوها و ارموا طوبتها لحد اما تتعلم غلطتها ، يعني ايه صحيح بنت تغضب و تسيب البيت ، دي بنت البنت المفروض مبتطلعش الا لو بإذن و لمكان محدد ، واضح انها بتستغل مشاعركم ، لما تفكر بعد كده تبات بره سيبوها و صاحبتها اللي بتداري عليها هتستحملها يوم اتنين لكن لو المدة طولت مش هتلاقي مفر من الرجوع ، لازم يبقي فيه حد حازم معاها ، لو بنتي هتهددني بالانتحار علشان بربيها صح بما يرضي الله انا بنفسي هقولها و مستنية ايه يلا خليكي تموتي كافرة و مغضوب عليكي من اهلك و تبقي خسرتي دنيا واخرة .. لازم تتواجه و الحاجه اللي بتهددكم بيها و لاوية دراعكم انتو نفسكم تصروا انها تعملها ، عايزة تعور نفسها و ماله علشان تبقي زي اشكال السوابق و كل حد يقابلها ياخد عنها فكرة غلط طول حياتها بما فيها اصحابها اللي مقوينها.. طيب و مستنية ايه .. الكلام يبقي كده .. في شق تاني بقي ليكم انتم ، هيه ازاي سيبتوها لحد اما وصلت للمرحلة دي و ايه الاسباب ، انا اعرف ان لما المراهق ينفجر بالشكل ده بيبقي بسبب معاملة عنيفة جدا من الاهل او فيه شيء حصل و اتعرضت لظلم فادح لان طريقتها دي مش جديدة عليا .. دي غالبا بتنتقم منكم لسبب ما ، او بتحتول تبسط نفوذها وومساحة الامان و الحرية كنوع من العقاب ليكم ، عموما لو انتم تمام معاها هتحتاج استشارة نفسية عند دكتورة و محدش فيكم لو رضيت تروح يحضر معاها الجلسة اولا لأن الدكتورة مش هترضي بطرف تالت بينها و بين الحالة و ثانيا علشان لازم تبقي علي حريتها تقول اللي عايزة تقوله ليها و ابدكتورة هتحدد الاسباب بتاعة مشكلتها نفسية و لا ايه .. ربنا يهديني و يهديها

اي انسانة هترتبط بها في لحظات ما هتكتشف أنها ممكن تكدب ، اي انسانه .. دورك ان انت مش تنتقدها قدام حد اللي هو تنزل من كرامتها او تحسس بالاحراج بالعكس دورك العكس ممكن تكون هي بتكذب عشان حاسه بالاحراج او خايفه او مش حاسه بالامان ممكن بتكذب يا سيدي عشان تضيف نوع من انواع الصبينس للموضوع تبان كبيره عاقله راسيه قدام الناس لما تنتقدها انتقدها بينك وبينها مش قدام الناس وعود نفسك طالما هترتبط مشاكلك انت والانسانة اللي هترتبط بها تحلها بينك وبينها دي نقطه النقطه التانيه انا ملاحظ من طريقه كلامك ان انت من النوع الناقد زي حالاتي كده على فكره نوع الناقد بيبقى مكروه جدا ده بيشوف العيوب بس وبيشوف المميزات على انها كماليات لا ما تبقاش كده علشان ما حدش ياخد عنك فكره وحشه تاني حاجه ان المفروض ان انت تبقى فاهم ان البنات في السن الصغير ده زي اللي انت مرتبط بها دي طبيعتهم على فكره يعني لو ما تعرفش بالنسبه لهم حاجه عاديه مش مش big deal .. موضوع الكذب اعرف مشكلتها ايه بالظبط وكلمها بينك وبينها ما تنتقدهاش حسسها انها كبيره وعرفها ان الموضوع ده بيضايقك وبالتالي هتقدر توصل لحل ربنا يوفقك

ده بوست كتبته امبارح منقول من موقع مهم لو قريتيه هتكتشفي ان فيه امور مالهاش تفسير لان التفسير الوحيد بيقود الي نتائج لا يوجد دليل ملموس ليها ..

الموضوع ده متفاوت من شخص للتاني و ممكن طريقة بيعتمدها شخص في التعلم متبقاش مناسبة للآخر ..و لكن فيه شوية أمور ثابتة و متشابهة .. الفديوهات ده هتساعدك .. https://youtu.be/ybqu_tsxMsQ https://youtu.be/-MTbYzGTui0 https://youtu.be/73aGt0KaHqg https://youtu.be/qhz8fYIsvuM https://youtu.be/jjs4-vqfsNY

و الله هو وفقا للقانون المصري فإن حقوق الصغير تشمل أجر مسكن ، مصاريف العلاج ، مصاريف الدراسة ، الفرش والغطاء ، وفقا لنص المادة 18 مكرر ثانياً من القانون 25 لسنة 1929 المعدل بالقانون 100 لسنة 1985 ، التي نصت على أنه: إذا لم يكن للصغير مال فنفقته على أبيه، وتستمر نفقة الأولاد على أبيهم إلى إن تتزوج البنت أو تكسب ما يكفى نفقتها، وإلى أن يتم الابن الخامسة عشر من عمره، قادراً على الكسب المناسب، فان أتمها عاجزاً عن الكسب لآفة بدنية أو عقلية أو بسبب طلب العلم الملائم لأمثاله ولاستعداده، أو بسبب عدم تيسر هذا الكسب، استمرت نفقته على أبيه. أنواع االنفقات المستحقة على الأب لصغاره، والخطوات القانونية للحصول عليها أمام محكمة الأسرة وفقا لقانون الأحوال الشخصية:- نفقة الصغير ونص قانون الأحوال الشخصية على أنه إذا لم يكن للصغير مال فنفقته على أبيه، ونفقة الصغير تكون على أبيه إذا لم يكن له مال، وقد جعل النص نفقة الصغير على أبية حتى بلوغه الخامسة عشرة، وتجب النفقة على الأب ولو كان مختلفاً مع ابنه في الدين ، لأنه لا يشترط اتحاد الدين في نفقة الأولاد لأن سبب وجوبها الولادة. الحل إما ان يتم ابلاغ ناس ليها كلمة من افراد العائلتين الزوج و الزوجة و طلب التدخل منهم حرصا علي حياة الابناء ، و أما ان يتم اللجوء الي القانون . سؤال بس هل انتي و هو منفصلين ..؟!

لو كتب و هتنزليها من الانترنت فيه موقع مكتبة نور فيها و فيه موقع عصير الكتب .. كتب pdf مناسبة الموبايلات الاندرويد و كتيرة قوي شوفي التخصص اللي عايزاه .. اما لو مفكرة ان الروايات و القصص لعب عيال و مش مفيدة تبقي غلطانة .. الهدف من اي قصة العبرة و لو القصص مضيعة للوقت مكنش رب العزة علمنا القصة في القرآن ، مع الفرق طبعا ان سرد ربنا ليس كسرد و اسلوب البشر حاشا لله .. و فيه فرق بين سرد الاحداث الحقيقية في قصة من كلام الله و بين سرد البشر لقصص خيالية . النقطة المهمة بقي ان في لذة في الروايات مش هتلاقيها في الكتب العلمية الا لو انت بتحبي القراءة و المطالعة فعلا ، انا مثلا بدأت بحاجات تناسبني كشاب زي سلاسل رجل المستحيل و ملف المستقبل .. و بعدين سلسلة كوكتيل و سلسلة فارس الأندلس الخ .. بعد كده غيرت الكاتب و بقيت اقرأ لدكتور احمد خالد توفيق قريت برضه سلاسل جميلة زي سلسلة ما وراء الطبيعة و سلاسل فانتازيا و سفاري بكلمك عن سلاسل كاملة مش مجرد قصة .. لو عايزة نصيحة او ترشيحات ممكن تقري مثل ايكاروس ، يوتوبيا ، الآن نفتح الصندوق ، و مؤلفات احمد خالد توفيق موجودة في كل مكان ، برده فيه كاتب اسمه احمد مراد مبحبوش بس لو انتي عايزة تعرفي ليه تقدري تقري اي عمل ليه زي موسم صيد الغزلان ، أيضا فيه روايات حلوة قوي جوها جو مغامرات و فانتازيا زي أرض زيكولا و أماريتا ، قواعد چارتين ، و دول ل عمرو عبد الحميد و فيه برضه ، فتاة الياقة الزرقاء ، و فيه تامر ابراهيم .. قريت له حاجات بس ممكن متبقاش مناسبة ليكي زي صانع الظلام .. منزل السيدة البدينة ، الليلة الثالثة و العشرون ، الذي لم يمت ، الذي فعلته ، و فيه رعب قاتم برضه و مقبض ل حسن الجندي .. زي إبتسم فأنت ميت في حضرة الجان ، الجزار .. و دي روايات متنفعش ليكي خالص اولا جوها كئيب مقبض جدا علي الشخص العادي .

دايما في حياتك انت بطل قصة حياتك بس سؤال ..! تحب تبقي بطل قصة حياتك في الاحلام و لا في الواقع زي اي نشاط عقلي بيسبب بعد فترات طويلة إجهاد و الإجهاد العقلي بيؤثر علي المخ و علي التركيز و علي النظرات و علي الجسد .. الخ نصيحتي ليكي شوف حاجه مفيدة تشغل بيها وقتك و اتخيل عند الصرورة زي مثلا المهندس لما بيتخيل تصميم أجنبى شافه بس في قالب عربي او زي ما بتتخيل آلة معينة لو عملت فيها تعديل هتبقي عاملة ازاي .. طبعا مش ده اللي انت جاي تسمعه انا عارف .. هقولك اللي انت جاي تسمعه ايوه اللي بتعمله ده نوع من الخيال خيال احلام اليقظة لو عايز تشوف مثال ممكن تعمل فيك ايه شوف المقال ده ملحوظة ليك .. الجانب اللي محدش هيقولك عليه اللي هتفصل فترة طويلة تتخيله عقلك هيصدقه و هيعتبره حقيقية حتي لو فعلا كان وهم .. لانك اتخيلت بكل قوة العقل و وقعته تحت ضغط .. فنصيحة توقف .

دول معلمين اللغة الانجليزية اما دول بقي التعليم الاساسي المركزي و ده جروب مدرسين الحصة و تابعي البوست لو قدرت اوصل لاي شيء جديد هعمل تعديل للاجابة و هضيف اللي لقيته فصفضة معلمين مصر التربية الاجتماعية بالحسينية معلمي اللغة الفرنسية ة عبر العالم رابطة معلمي اللغة الفرنسية فرنساوي مصر

" نعم أو لا؟ انظر، كم هو هذا العالم بارد . سنوات أخرى ستمر، وتعقُبها الوحدة الحزينة والشيخوخة المرتعشة مع عكازها، وبعد ذلك الضجر واليأس، سيشحب عالمك الخيالي ، ستموت، ستذبل أحلامك، وستسقط كما تهوي الأوراق الصفراء من الأشجار اللي في السؤال و في اجابتي ده اقتباس من كتاب اسمه الليالي البيضاء للكاتب فيدور دوستويفسكي

الشغف مالوش علاقة بالحاجه اللي عايزة تدخليها في مجال الدراسة .. ازاي ؟ اقولك ماذا لو اكتشفتي انك عندك شغف بالطب و علاج الناس و بتحبي جو الحالات الحرجة و المستشفيات و قعدة استاذة المادة مع بعض و جدالهم حوالين انواع الادوية او تشخيص الامراض و الخ .. بس اكتشفتي ان امكاناتك المادية مثلا متسمحش انك تدخلي طب ... يبقي مش قاعدة ان علشان شغفي بحاجه هتبقي الحاجه دي مسار حياتي .. الشغف بيبقي الحاجه اللي الانسان بيحبها قوي و نفسه يعملها لكن لو الشغف ده مش هيتناسب مع مستقبلنا يبقي لازم نسيبه علي جانب و نزكز في مستقبلنا علشان دا الأهم .. في دكاترة شغفهم التمثيل او لعب الجيتار فيه محامين بيحبوا الغناء او التنس ، محدش في مصر بيشتغل او بيدرس بشغفه الا لو حالته المادية متيسرة جدا .. بخلاف كده الشغف و المسار الحياتي لا يتقاطع الا في احيان قليلة جدا .. بس دا مش مبرر انك برضه تقتلي شغفك .. انا بس حبيت اوضح لك .. ازاي تكتشفي شغفك المقال ده هيفيدك علشان تعرفي هناااا

غالبا لو معندكش برد و لو صحيا تمام فده راجع لان الطريقة اللي بتذاكر بيها مملة او ممكن يكون فيها ضغط كتير و ده بسبب انك دماغك مشغولة بكتر تفكير لازم تصفي ذهنك ، مفيش مانع تفصل كل نص ساعة او ساعة و تروح تعمل حاجه تتشرب او تتاكل او حتي تخرج في البلكونة تفصل شوية و ترجع تكمل ، لازم تقلل شوية من الإجهاد العقلي في مواضيع تانية فرعية و تحاول تحل المشاكل اللي مضايقاك او مأثرة عليك او تتجنب التفكير فيها .. المذاكرة بالكيفية اللي بتذاكر بيها مش بالكمية يعني بالطريقة هل بتجيب نتيجة ولا محتاجة تتغير مش بعدد الساعات اللي بتقضيها قاعد بتحفظ و تحشر في عقلك معلومات بالعافية .. الحفظ اللي نابع من الفهم بيكون اقوي من الحفظ من اجب الحفظ .

المقال ده هيفيدك جدا من هنااااااا

اعمل ارتباط شرطي .. كل اما تفكر في حاجه ه زي دي افتكر فوراً ان فيه ملائكة حفظة واقفين معاك طول الوقت بيكتبوا كل شيء ، او افتكر دايما ان ربنا شايفك طول الوقت ، او لما تفكر في افكار زي دي صلي علي سيدنا محمد عشر مرات او استغفر رينا عشر مرات ، بالطريقة دي كل اما هتلاقي نفسك سرحت و بتفكر في اي فكرة مش تمام هتبقي مضطر تصلي الي النبي غشر مرات و الصلاة علي النبي او الاستغفار هيجنبك التفكير في الموضوع ده لانك لازم تستحي انك تفكر في افكار جنسية و انت بتصلي علي النبي و تستغفر .

الطريق إلى الله واحد لا يتعدد إن الطريق الذي يضمن لك السلامة واحد لا يتعدد؛ لأن الله كتب الفلاح والنجاح لحزب واحد فقط، فقال: {حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ} [المجادلة: 22] التمسك بالدين كله بكبير أموره و صغيرها الطريق إلى الله جل وعلا يسير عليه كل من تمسك بالدين كله ـ جليله ودقيقه ـ ويشمل كل ما جاء في الشرع من أحكام وأخبار، قال ابن تيمية: ولهذا أمر الله عباده أن يسألوه أن يهديهم الصراط المستقيم في اليوم والليلة في المكتوبة وحدها سبع عشرة مرة، وهو صراط الذين أنعم عليهم من النبيين والصديقين والشهداء والصالحين، ومن يطع الله ورسوله فهو مع هؤلاء، فالصراط المستقيم: هو طاعة الله ورسوله، وهو دين الإسلام التام، وهو اتباع القرآن، وهو لزوم السنة والجماعة، وهو طريق العبودية، وهو طريق الخوف والرجاء ﴿ ﴿تَتَجافى جُنوبُهُم عَنِ المَضاجِعِ يَدعونَ رَبَّهُم خَوفًا وَطَمَعًا وَمِمّا رَزَقناهُم يُنفِقونَ﴾ [As-Sajdah: 16] فإن من شأن الفتن أنها تتلون وتتزيا بلبوس يختلط فيها الحق بالباطل حتى يصبح الحليم فيها حيران، لكن السعيد من جنّبه الله هذه الفتن التي بلبلت عقائد بعض الناس فرأوا الحق باطلاً والباطل حقًّا، وزعم بعضهم أنه هو المتمسك بشريعة الإسلام قولاً وعملاً، غير أن الله تعالى أبى أن يكون الحق إلا واحدًا لا يتعدد ولا يتلون، ورثه الخلفُ عن السلفِ عقيدة وعملاً وفهمًا وسلوكًا، فالذي يدعي التمسك بالشريعة في كل جوانبها فهمًا وعملاً عليه أن يزن كلامه بميزان الكتاب والسنة بفهم سلف الأمة . التمسك بكتاب الله عن جابر رضي الله عنه، عن النبي صلى الله عليه وسلم، وفيه: تركت فيكم ما إن تمسكتم به لن تضلوا بعده كتاب الله. ورواه الترمذي بلفظ شبه مطابق أيضًا عن زيد بن أرقم وحبيب بن أبي ثابت رضي الله عنهما - مرفوعًا - قال: إنّي تَارِكٌ فِيكُمْ مَا إِنْ تَمسّكْتُمْ بِهِ لَنْ تَضِلّوا بَعْدِي. والحديث في صحيح مسلم

بيحصل لما الشمع يتكوم داخل قناة الاذن متقلقش نفسك ، و غالبا فيه احتمال يكون بسبب ( خُراج داخل الاذن في الحالة دي الدكتور هيعمل لك فتيل و هيكتب لك علي قطرة معينة و احتمال يعمل لك تنضيف ، لو محتاجة تنضيف هيقولك و غالبا بيبقي بسبب استخدام الهاند فري او الهيدفون فترات طويلة .. بالشفاء ان شاء الله .

https://youtu.be/w6oGi7K9ORo

تمام الستات و الامهات هيردوا عليكي انا مسحت اجابتي .

لو الزمن رجع كنت هتعمل نفس الامور و هتختار نفس الخيارات ، لأن ما سيكون سيكون .. بس تقدر دلوقتي تتعلم من الاحداث اللي فاتت و تعمل بروڤا قبل اي قرار و تحسبه صح بنتايجه الايجابية و السلبية ليك و عليك قبل ما تقرر تنفذه

حصل بسبب مشاكل او ضغوط نفسية مؤخرا او نن فترة و تراكمت او بسبب التفكير فيها لفترة طويلة .. العلاج تصلي .. تقعد مع نفسك و تشوف في كل موقف عملت ايه غلط علشان نستقباا ميتكررش ، لو متيسر ماديا راجع دكتور نفسي لوحدك .. تقدر كمان تصلي و تقرا قرآن بنية ان ربنا يصلح لك شانك كله و هيحصل فعلا بس جاوم و لو كل يوم سورة او جزء او اقل بس بصفة يومية ، بلاش تنعزل ، اللي في دماغك و بتفكر فيه محدش يعرفه حتي اللي هيحاول يدقق تقدر تنفي لانها هتبقي تخمينات .. محجش يعرف داهلك الا الله فقط .. احسن ظنك بالله بانه هييسر لك الامور و هيحصل فعلا . ربنا يوفقك .

لو بتشرب ڤيب يبقي بطب علشن معني كده ان عندك حساسية من الليكويد بتاعه . طالما فقدت حاسة الشم

لا متقلقش علي نفسك ، عادي جدا بعد اقل من اسبوعين هيرجع بس بطل تدخين علشان الاغشية المخاطية في الانف تعرف تعالج نفسها و علي الريق هتاخد عسل نحل و زيت زيتون معلقة كبيرة عسل علي معلقة صغيرة زيت زيتون .. و لما تتوضي ياريت تستنشق الماء ثم تنزله بقوم من فتحة الانف .. علي المنوال ده 3 ايام و هترجع لك .. ولا تحاول تشم حاجات تزود التهاب الجيوب الأنفية زي اي برفيوم قوي او معطر .. بلاش .. و لو كنت اتعرضت لأي خبطة في الرأس قريب قم بزيارة الطبيب فورا غير كده .. بيبقي يا انفلونزا يا بسبب التدخين .

محتاجة تتعاملي مع ناس اكتر ، نثيحة متركزيش ازيد من اللازم مع الناس ركزي في اللي بتعمليه و ردي بتلقائية دا لو فيه مناسبة علشان يكلمك .. و نوقف تخيلات شوية .. و خلي عندك ثقه في نفسك ربنا يوفقك .. و عادي كلنا ساعات بنتلغبط في الكلام ..

https://youtu.be/cM-3ln2t9lU

بيوتي يا جدعات المحتوي beauty تفتكروا هيكون عن ايه .. https://youtu.be/tHiuBDhAOkQ

ممكن تشوفي محتوي القنوات التانية اللي بتقدم شيء هادف و تحاول تعمليها بس مع اضافة بصمتك الشخصية يعني اعمليه برضه بس باسلوبك ، اعتقد انك هتحتاجي كاميرا و شخص بيعرف يعمل مونتاج للفيديوهات ، و إضاءة و تكوني محضرة هتعملي ايه في ورقة " زي سكربت " و ممكن تصوري الفيديو و بعد كده تسجلي الصوت لوحده .. الخ ..

انتي واصلة لحيطة سد ، انا عارف الحيطة دي قوي .. ممكن اطلب منك طلب و تعالي علي نفسك .. اولا هتقوليها بالحرف انا رافضة الطريقة و الفكرة ان موضوع زي ده يحصل بالطريقة دي بس انا هريحك و قوليها انك هتيجي و تقابلي الشخص اللي جايلكم عن طريقها ده و هتقولي رأيك بعدها .. مقصدي يا دوك من كده اني بتكلم من باب .. و ما يدريك لعله خيرا .. و بعدين انتي دكتورة يعني عاقلة و دارسة و مثققة و عارفة كويس انه تحت اي سبب مينفعش تقوليلها لاء او اي شيء ممكن يضايقها احتراما لمكانتها كأم .. ثانيا مشاكل الطفولة ايوه بتبقي مقرفة و بتستمر معانت لو احنا عايزين نفضل فاكرينها بس مين عايز يشيل الحزن ده في قلبه طول الوقت .. انا متضامن معاكي و رافض فكرة جواز الصالونات و ما الي ذلك بس ماذا لو ان ربنا جاعل فيه خير .. برضه مش هتقدري تنكري ان جزء منك اكيد عنده فضول شوية و لو 1٪ .. ممكن اقولك صُديها بس بطريقة حَسنة و استحملي نتيجة الصد .. بس ام بالشخصية دي هتبقي عنيدة و متعنتة لو حد رفض لها طلب ، يبقي نتعامل معاها بذكاء ، علشان لا نغضبها ولا برضه نعمل شيء مش عايزينه .. احضري و شوفي العريس ايوه برغم انك رافضة .. لاحظي ان هو مالوش ذنب زيك بالظبط فاديله فرصة .. بس لو هتقولي لاء .. يبقي بعدها مش قبل .. و اللي فات مات انسيه انتي كمان و تدفني الماضي ، ورينا يوفقك في الجاي .. فيما بعد خليكي انت ام افضل لأولادك .. خليكي الام اللي كنتي بتتمني تكون ليكي .. بمشيئة الله . و ربنا اللي بيحاسب مش انتي . لانك مش هتعرفي و مفيش شيء في الدنيا ممكن هيه تعمله يعوضك ، حتي القليل هيه مش هتعمله .. بس دي أمك .

يبقي تغير اللي في نفسيتك و تظن خير في الله بانك تؤمن ان ربنا قادر علي كل شيء و يقدر يبدل حزنك و هموم افراح ، بس انت خد بالاسباب .. بلاش تستسلم للاكتئاب او الحزن و احوز ليه و انا ربي الله الغفور الرحيم مفرج الكروب ، احزن ليه و انا مؤمن بالله اللي هو سبحانه وتعالى عنده خزائن الأرض بكب معاني الكلمة .. اشكي الحزن نفسه لربنا و استعيذ بالله من الهم و الحزن و العجز و الكسل .. و ان شاء الله هتفرج بس احسن ظنك بالله.. [ يقولُ اللَّهُ تَعالَى: أنا عِنْدَ ظَنِّ عَبْدِي بي، وأنا معهُ إذا ذَكَرَنِي، فإنْ ذَكَرَنِي في نَفْسِهِ ذَكَرْتُهُ في نَفْسِي، وإنْ ذَكَرَنِي في مَلَإٍ ذَكَرْتُهُ في مَلَإٍ خَيْرٍ منهمْ، وإنْ تَقَرَّبَ إلَيَّ بشِبْرٍ تَقَرَّبْتُ إلَيْهِ ذِراعًا، وإنْ تَقَرَّبَ إلَيَّ ذِراعًا تَقَرَّبْتُ إلَيْهِ باعًا، وإنْ أتانِي يَمْشِي أتَيْتُهُ هَرْوَلَةً.] الراوي : أبو هريرة | المحدث : البخاري | المصدر : صحيح البخاري الصفحة أو الرقم: 7405 | خلاصة حكم المحدث : [صحيح] التخريج : أخرجه مسلم (2675)

﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ [الزمر: ٥٣]

ربنت اللي بيجبر الخواطر و ربنا اللي بيقلب القلوب البشر بتعمل حاجات فوق الوصف و مجملاً بيعملوا حاجات في غاية الجمال و التعقيد و جول مجرد مخلوقات ربنا ممكن تتخيلي ربنا يقدر يعمل ايه .. حرفيا قادر علي كل شيء .. الانسان له احتياجات بس مش كل الاحتياجات قابلة لانه يشبعها .. ممكن تغسري اهتماماتك ، تجربي تقري كتب حتي لو من الانترنت pdf ، جربي تروح مكان جديد او تشغلي نفسك بحاجات بتحسي انها بتسعدك ، الاستسلام لمشاعر الحزن او الصعف او الوحدة مش حلو و بيجيب وبال علي صاحبه ، ربنا ادري بحالك منك ، و كل شيء بأوان و ان شاء الله ربنا هيريح قلبك ..

لما روحت لدكتور عظام و عملت اشعة قالك ايه و لو مروحتش ياريت تروح علشان تطمن علي نفسك ، ايضا ممكن تحتاج لعلاج طبيعي ، بس ان شاء الله خير ..

زي ما قالك اول كومينت قولي لوالدك و اتحملي نتيجة خطئك و خليه يتصرف معاه ،

الطبيعي لاء ، لو هو مش منتظر شيء ، اما لو صديق بجد فأعتقد ان الموضوع يقلقه ثم يحزنه ، لانك لم تعد مثل الاول معه ، مش مطلوب مننا نسمع مشاكل غيرنا و هو بيتخلص منها برميها تفاصيلها و احداثها علينت علي هيئة فضفضة علشان بعد كجه يقوم مرتاح و ننشعل احنا و نحزن و نقعد نفكر في مشاكله ، و يصيبنا تعب نفسي بسببها معرفتها ، متعملش therapist friend تاتي واضح انك اكتئبت مم اللي سمعته ، و علي خلاف الذكتور النفسي انت مكنتش مهيئ نفسيا و عقليا للأستماع لمشاكل الغير و مكنتش محصن ضدها . و اعتقد ان دي السبب الىئيسي في حالتك ،

وسواس قهري .. رقم 3 بالذات .. انا كده في رقم 3 و عارف ان عندي وسواس قهري .. انا و تقريبا ربع شعب مصر .. محتاجة بس تواجهي مخاوفك ، دا بالنسبة لرقم 2 .. انزلي و خُدي معاكي حد و اختلطي بالناس و انزلي اكسر خوفك الاول مع حد من اهلك و بعد كده جربي مشاوير صغيره مع نفسك و بطلي عزلة شوية ، و موضوع قضم الاضافر ممكن يتحل .. رقم واحد برضه وسواس قهري او اضطراب نقص الانتباه مع فرط النشاط (ADHD). · اضطراب التحدي أو العناد المعارض .. ممكن ساعة القلق تخلي معاكي لبان .. الخلاصة واضح انك انعزلتي فترة كبيرة قوي مع وجود مشاكل اثرت في نفسيتك .. الحل تزوري طبيب امراض نفسية او انك تواجهي و تعدلي نفسك بنفسك .. علشان قلقك 90٪ منه اوهام انتي زرعتيها في دماغك وبسبب العزلة او الوحدة صدقتي الاوهام دي ، لازم تقربي من ربنا و تحتفظي علي صلاتك .. و تواجهي مخاوفك .. بنفسك ..

يا استاذة ياسمين انا اخدت قرضين زمان و سددتهم و انا عندي خلفية كويسة عن الموضوع و قصة البنوك دي اخدت مني عشر سنين قبل ما ابطلها تماما للأبد ، لو هو موظف الشغل بيخصم تلقائيا من مرتبه او بيبعت مرتبه للبنك لو المرتب مراحش البنك في ميعاده شهرين متتابعين البنك هيتحرك لانه غالبا لو موظف حكومي يبقي القرض بنظام الضامن فالبنك هيستدعيه او هيبلغ الضامن و هيطالبه او هيتحرك في الإجراءات . بعيدا عن ذلك انتي نبهتيني دلوقتي اني بدخل مشاعري في ردودي و ده شيء مش كويس بعمله مؤخرا دون وعي مني .. لذلك اشكرك .

- تلاقي شغفك و تهتم بيه لو بتحب التصوير مثلا تابع اخبار المصورين و الفوتوغرافرز العرب و الاجانب علي سوشيال و الخ لو بتحب الجيمنج كذلك لحد اما تقدر تمارس هوايتك و تشتري كاميرا علي قدك او لو جيمرز تقدر تعمل ستريمنج مثلا او ايا كان شغفك تابعه و نميه بس في اوقات الفراغ فقط مياثرش علي حياتك - صلي فروضك كلها و السنن مستحيل نفسيتك تفضل وحشة و انتي بتصلي بانتظام علشان الصلاة دي بتشحن الانسان لو بتصلي بانتظام و بتحاول تكون خاشع و تقري قرآن كل يوم مش مهم قد ايه المهم لو عايز الدنيا و خيرها اقري قرآن لو عايز الاخرة اقري القرآن لو عايز الاتنين برضه اقري القرآن .. لو شاركت ربنا في كل يوم ليك في الحياة ربنا مش هيسيبك ابدا الا لو انت سيبت خليك فاكر دايما ان الدنيا دي مؤقتة ليه اكسب دنيا بس لما ممكن اكسب دنيا و اخرة .. اوعي تغضب .. الغضب بيخلي الانسان عرضة لانه يتعرض للمس من الشيطان او التلبس يعني ايوه تتلبس من جن او شيطان و بيخليك تقول حاجات هتندم قوي عليها و مستحيل تقدر تصلحها ، خد حقك بس بالادب بدون غلط او تغافل لو تقدر . ابعد عن تطبيقات السوشيال قد ما تقدر لغاية ماترجع تاخد حجمها الحقيقي مجرد حتة تطبيق صغير سيف بيديله كام دقيقية من وقته .. مش تطبيقات واكلة عقل سيف و مسيطرة عليه . اقري كتب لو مقدرتش علي تمنها عادي ، نزلها pdf و اقراها ع الموبايل .. اطلب اي كتاب انا مكتبة pdf . حياة كل انسان قصة مختلفة ( انت بطل قصة حياتك يا سيف ) تحب قصة سيف تبقي قصة عن شخص نرجسي ولا عصبي ولا مكتئب علشان فيه من دول كتير ولا تحب قصة سيف اللي من بطولة سيف و حقيقية تبقي عن انسان مختلف و مهذب و راجل بجد مش واحد عايش والسلام .. انت البطل مش حد تاني بس القصة دي مش تمثيل .. دي حقيقية . ركز في اختياراتك .. حياة الانسان فيها شوية قرارات مصيرية .. قرار هتكمل في كلية ولا هتسيب التعليم .. هتختار مدرسة / كلية / ايه و ليه .. تتقعد علي القهوة ولا هتشوف شغل ، هتضغط علي نفسك ولا مش هتستحمل ، هتعمل فلوس و تعمل حساب بكرة ولا هتعيش و خلاص هتتجوز مين .. قبل اي قرار من دول اعمل بروڤا .. يعني اعتبر نفسك و لمدة كام يوم او كام ساعة اخدت القرار و نفذته قبل ما تنفذه و احسب الاحتمالات ايه اللي هينتج عن القرار ده ليك و عليك .. و لما تخلص تفكير هتبقي عارف تعمل ايه .. نقي اصحاب نضيفة تشرفك مش بالشكل لكن التصرفات يا صديقي و بلاش تتعري نفسيا قدام حد سواء غريب او قريب .. بلاش تحكي اسرارك او طفولتك او اجزاء من حياتك او حاجات حصلت لك او مشاعرك قدام اي حد مش ابوك ولا امك ولا زوجتك .. اي حد برا التلاته دول حتي لو اخواتك يبقي بلاش . اللي هتخاف منه اعرف عنه .. بمعني اعرف كل شيء عن عدوك او اللي تقدر عليه قبل ما تفكر انك تعاديه او تحاربه و اعرف حجمك و حجمه و نقاط ضعفه .. شوفت علشان كده قولت لك بلاش تتعري نفسيا قدام حد لانك هتبقي مكشوف و هدف سهل. بلاش تغدر ، بلاش تطعن في الضهر ، بلاش تحكم بالمظاهر .. سيب الناس للي خالقها و انشغل بحالك و بس .. لو جالك فرصة تعفو عن حد اساء ليك اعفو بس برضه خليك حريص اللي سبب لك أذي مرة ممكن يؤذيك تاني .

كتر النوم و الخمول ليه اساب كتير .. بعضها طبي و بعضها متعلق بالحسد و السحر و البعض بيكون بسبب الاكتئاب او مادة غريبة دخلت الجسم او بسبب سوء تغذية الخ ، ركزي معايا .. هناخد حمام بمياه ساخنة ثم تبرد ، بعد كده هتنتهي من توضيب امورك و تروح تاكلي حاجه و تحضري كوب اي حاجه دافية تتشرب مش شاي ولا قهوة نهائيا و تمنعي النسكافية و الكوفي ميكس تماما ، هتجيبي ورق و قلم ، هتكتبي اللي فاكراه و هتدخلي علي مادة واحدة بس في اليوم واحدة فقط لكل يوم الاول هتقري بصورة عامة و تبدئي تلخصي اللي قريتيه و تكتبي ملاحظات مهمة علي جنب في الورق ده او في كشكول كبير .. او صغير واحد لكل مادة .. دا ليكي انتي مذاكرتك و تلخصيك ، و انتي بتعملي كل ده شغلي سورة البقرة كاملة بصوت هادي خالص يادوب يتسمع ، وتفضل شغالة متفصلش مش اي سورة تانية سورة البقرة .. بعد كده كل ساعة او ساعتين تاخدي استراحة اتنفسي ابعدي عن الكتب تماما ادخلي البلكونة اقعدي شوية مع العيلة استراحة نص ساعة و بعد كده ارجعي كملي ، سوة البقرة قبل ما تنامي تسمعيها و لو قدرتي بعد انتهاء المذاكرة تقريها اقريها يكون افضل .. و انتي بتذاكري افصلي الفون وضع طيران او صامت ، لو فيه نقط معينة مش فاهماها اكتبيها برضه .. مش هتخلصي مادة في يوم لكن هتاخد معاكي وقت و مش هتبدئي من الصفر تاني لانك كل اما هترجعي هترحعي للي كتبتيه ، حاولي كمان تدوري علي امتحانات السنوات السابقة و خدي فكرة عنها ، زميلتك الدحيحة ابعتي هاتيها تذاكروا مع بعض لو ينفع ، و نظمي جدول لنفسك قبل كل ده ، الخلاصة .. شهر و نص و هتلمي كل شيء سورة البقرة هتوقف تماما اي سحر او حسد اتعرضتي ليه ، كوباية حليب قبل النوم دافية بدون سكر علشان تعوض العناصر الغذائية و قبل النوم علشان الجسم يمتصها براحته قوي بدون اضطرابات .. وربنا يوفقك ، و صلي طبعا .. و متشغليش نفسك باي شيء او اي حد خالص .. ربنا يوفقك . اهتمي بنفسك و بس و انصحي لو حد طلب منك النصيحة ..مطلبش يبقي خلاص ، دعي الخلق للخالق علشان تنقذي نفسك و ربنا اللي بيدبر الامور و بيهدي مش انتي .. عايزة تكوني سبب ماشي لما تلاقي حد يطلب منك بلاش تتطوعي .. علشان هتتفهمي غلط اليومين دول . علشان تساعدي الناس لازم الاول تساعدي نفسك يا ندي .

الشؤون المالية هتقولك مينفعش تستقيل الا لما تسدد باقي المستحقات و حتي لو الاستقالة منهم يعني اجبروك علي الاستقالة لازم تسدد البنك دفعة واحدة قبل ما تسيب الشغل ، لانك لو حصلت و قدمت الورقة و اخدت بعضك و مشيت و البنك اخد خبر هياخد ضدك كافة الإجراءات القانونية في حالة المتهرب من السداد .. خلي بالك ، البنك مالوش دعوة ، البنك مبيهزرش ، البنك في ثانية هيبقي عدوك .

خلي عندك ارادة لاحظ كمان ان الالتهاب اللي في حلقك ده مش برد لاء دا من الفيب لاحظ كمان ان ضيق التنفس ده مش سببه برد دا سببه الفيب و لاحظ كمان ان فيه منتجات كتير مغشوشة و انت عارف ده لو بتڤيب بقالك فترة و انت عارف ان في نسب نيكوتين مش مظبوطة و بتسبب ان الضغط بيعلا و اكيد جربت ، عايز تبطل خلي عند ارادة و بطل و قصة و خلصت لاحظ ان التدخين بيسحب منك مصاريف و بيعرفك بناس مالهاش لزمة في حياتك اصلا ، و بيدمر صحتك بالتصوير البطيء بس في اتجاه واحد مفيهوش رجوع . ارادة . و عزيمة و بس

لو عايز تحوش حوش في بيتك او خلي حد كبير يدخلك جمعية علشان تجرب معني الالتزام و المسؤلية و ف نفس الوقت علشان يضمن لك حقك ، لكن حساب فودافون كاش ياباشا بنفتحه علشان نحول فلوس او نشحن العاب اونلاين .. فبلاش نصيحة الا لو انت اصلا من النوع اللي متيسر او ليه تعاملات علي فودافون كاش باستمرار ، لاحظ ان فيه رسوم للحساب و تجديد سنوي و خصومات عند التحويل او الاستقبال ، دا مش احسن وسيلة للادخار

فيه حاجه اسمها فن التغافل .. بس مش لاقي الفيديو بس ده فيه نفس المعني ..https://youtu.be/_VPzfgkkieI و ده يوضح لك برضه انا ليه تعبت في حياتي بس انا اخترت انعزل عن الناس و اكتفي ببيتي و اسرتي .. علشان مبعرفش اتغافل .. دايما سابق بخطوة و دايما بقري اللي قدامي زي الكتاب المفتوح و دايما تعبان .. واحيانا بطلع غلط .. التغافل قوة يا سيف قوة لو قدرت عليها .

مغلي اوراق الجوافة بعد غسلها كويس قووي لحالات الكحة .. الزعتر المطحون للكحة برضه .. معلقة عسل اسود و عليه نص ليمونة برصه للبلغم ، العسل الاسود نفسه ( مش السايب ) مفيد جدا لحالات فقر الدم ، المفتقة مفيدة لو حد بيعاني من النحافة ، اقراص الخميرة من الصيدلية مع الحليب مفيدة للنحافة و لبشرة ممتلئة بس لازم حليب مينفعش من غير حليب الخميرة بتسحب كالسيوم ، اي حد عدي التلاتين محتاج شوية مكملات زي الزنك و زي زيت السمك او ما يعرف ب اوميجا 3 .. تحت اي ظرف متزودش الجرعة عن 3 شهور ولازم يكون باشراف طبي .. مفيدة للبشرة و مقوي عام و منشط و ليها مليون فايدة الاوميجا 3 .. قرص او كبسولة كل يومين لمدة شهر و تفصل شهر و بحد اقصي 3 شهور .. لازم دكتور الأول علشان ليها موانع زي الضغط ، الزنك حلو للتجاعيد و للشعر كبسولة واحدة بعد الفطار كل 48 ساعة يومين لمدة شهر و تفصل .. و لازم بعد الاكل ، العسل الابيض مفيد لكل حاجه لو معلقة الصبح علي الريق مع زيت الزيتون لتحسين التنفس و بيجلي الصدر و بيمنع ضيق التنفس بس متكونش بتدخن معاه ، الينسون ملين عام جوز الهند ملين عام و مفيد للشعر ملين يعني للناس اللي عندها امساك و كذلك الحليب الجاهز البارد زي بخيره ، الحلبة مفيدة جدا للصحة العامة و ليها فوايد كتير قوي اكتر من اني اكتبها كلها ، زيت الزيتون الأصلي البكر المعصور علي البارد مفيد لكل شيء و بينمع التجلط و بيحمي الشرايين و بينضف المعدة و بيمنع الغازات ، كبسولات الفحم مضادة للتسمم و بتمنع الغازات من الصيدلية ، مالهاش اي اعراض جانبية ، النبق مفيد لصحة اللثة و مطهر للفم ، زيت السمسم للشعر و يفضل خلطه بزيت الروزماري و استعماله كحمام زيت يوضع علي الشعر كله و يفرك في فروة الراس بعناية ثم يغطي الشعر بمدة نص ساعة و بعدين يغسل جيدا .. ممنوع استعمال الجيل علي الشعر و كذلك الكريمات الرخيصة الغير معروفة المصدر علشان تجنب القشرة و التساقط ، مغلي البقدونس مفيد جدا للناس اللي عندها املاح و حصوات ، العسل اللي مقروء عليه قرآن مفيد لابطال السحر المشروب .. هات اي عسل نضيف و تكون طاهر و تحط ايدك علي البرطمان و تقرأ سورة البقرة كاملة او اي سور من القرآن ، و اي شخص يقدر يعملها و مش محتاج شيوخ ولا دجل ولا شعوذة، مية زمزم لاي شيء بس تكون نيتك حاضرة باللي انت عايزه او عايز تشفي منه قبل ما تشرب و لما تشرب اشرب علي 3 مرات سُنة عن النبي ، لبان الدكر للناس اللي عندهت بلغم و كذلك مغلي لبان الدكر مفيد جدا للبلغم المتراكم في الصدر ، ممنوع استعمال الليمون علي الوجه لو البشرة حساسة بيستعمل لو بشرتك تقدر عليه لما تكون اصلا عندك مشاكل او حبوب او للتطهير، و بيبقي مسحة خفيفة علي الوجه بنص ليمونة من غير عصر ، السواك مفيد لالتهاب اللثة و مطهر للفم ، و اخيرا متروحش لأي شخص يقرا عليك قرآن بحجة انه بيشفي لو القران ربنا جعل فيه الشفا يبقي اي حد يقدر يرقي نفسه او غيره من العين و الحسد .بقي وصفات الأعشاب ليها كتب و فيه حاجات بمقدار معين ..

الوسط اللي بتتمرن فيه و الناس اللي حواليك مش كويسين ، المشكلة مش فيك المشكلة في بعض الناس فئة قذرة معينة لا شافت تربية ولا عرفت تهذيب ، من غير ما اطول عليك ، اللي انت فيه مش جديد انا مريت بيه ، بس انا مختلف عندك انا بعرف وقت اللزوم ابقي نوعا ما مصيبة .. نصيحتي ليك غير المكان ده او شوف لك شلة تدخل معاها و يبقوا ملازمينك زي ضلك او تلازمهم ناس شبهك مش في الشكل لكن في الإنسانية ، متدققش في كلام اي حد ، و الافضل تغير المكان ده .. فكر بايجابية .. انت بتاخد حسنات علي قفاهم يا مان 😃 في زمن محدش لاقي فيه حسنات ، دا لازم يكون دافع ليك علشان تبقي من النوع التاني من البشر ..النوع اللي الالم و التعب بيبقوا دافع ليه علشان يوصل ، بس بيفضل روحه حلوة ، و عايزك تعرف ان البشر كانوا بيأذو الانبياء و المرسلين ، مش هيسببوا اذي لبعض ، خد بالك بس انك بقيت مكروه ده معناها انك زي حالاتي بترد علي كل اهانة و مبتسيبش حقك فانا جبت اخر السكة دي و عارف فيها ايه و بقولك بلاش اسمع من اخوك .. خليك انت الاحسن ، و اتجنبهم .. عامل الناس احسن ما بيعاملوك ، اللي هييجي يقول كلمة ، اسمعها و قوله بقت قديمة بتعيد و تزيد فيها انت الشريط بيسف عندك ولا ايه .. بس و انت بتضحك ،علشان ابتسامتك هتحرق اعصابه و دايما ارمي كلمتك و سيبه و امشي ، اضرب و اجري المشكلة اللي هتواجهك انك مش هتسلك في مجال قلة الادب و لو سلكت هتبقي زيهم مش احسن منهم .. اللي بيتكلم عنك او بيتريق دا واحد فاشل و فاضي و غالبا فيه حد حط عليه في حياته و بيطلع عقده علي اللي حواليه و بينقي الضعيف ، او بيستقوي باللي معاه علي حد .. و عمر ما فيه انسان عنده ضمير هيقويه علي معصية او إيذاء .. اصبر يا صديقي انت مش لوحدك .. الناس الحساسة كتير و الاوغاد برضه كتير ، ربنا يريح قلبك و يهديك .

غالبا يعني .. بكتب ردود دبلوماسية .. بس مبدهاش بقي .. بصي يا استاذة 36 سنة في عمر اي كائن بشري هيه سن بيبقي فيها نشط جنسيا فعادي الهرمونات بتلعب لعبتها و بتغير دوافعنا و نظرتنا للامور بس انتي سيدة محترمة و متزوجة و أم دي نقطة فمينفعش ابدا بعد اما كنتي غالية و مكرمة في بيتك تنزلي للمستوي ده .. مالكيش اي مبرر .. فعلشان ربنا يغفرلك و ميغضبش عليكي و لا يفضح ستره من عليكي اتقي الله ، لو مش علشانك علشان بناتك ميحصلش معاهم كده دي النقطة الأهم ،و الراجل اللي يروح لست تانية متجوزة و يحاول يعمل علاقة معاها باي شكل يبقي انسان لا هو عنده دين ولا اخلاق و لا شاف حتي بربع جنيه تربية في اي بيت ، و طبعا عمره ما هيكون معندوش دين و هيخاف عليكي ابدا او حتي هيحترمك ، في الواقع غالبا يعني ( لو قدر يصورك أو يسجلك ) هيعمل كده .. بقولك كده علشان هيه الاشكال دي بتعمل كده و اكتر .. فكفاية اللي فات و حرصي لنفسك علشان لو اتبهدلتي بناتك هيفضلوا للأبد موصومين بالعار بسببك .. اتق الله .. اتق الله في بناتك و خلاص اللي فات مات نهائيا . نيجي لنقطة جوزك بقي .. الزوج في الجماع ليه حاجه واحدة بس عند زوجته الا و هيه انه يُجامعها من حيث امره الله يعني في ( المكان الطبيعي ) .. اما المداعبة او الملاطفة اللي بتشمل ( لمس اي جزء سطحي ) من الجسد فعادي .. لحد كده الراجل معملش اي شيء غلط .. طيب امتي يبقي غلط .. لما يطلب الجماع في( الدبر ) .. كده مبقاش زوج محترم بقي مجرد واحد من قوم لوط ، و دي حاجه محتاجة وقفة و حد كبيرة من اسرته يتدخل و ليكي انك تمتنعي نهائيا عن تنفيذ طلبه ومعليكيش اي ذنب او حرج، لو فيه .. حاجه تانية زي هنا https://youtu.be/qwTH2Jb6TJ4 يبقي لاء برضه .. لكن يطلب منك كلام معين او طريقة معينة او لبس معين عادي و حقه ، غير كده لا .. يا تصبري ، او ترفعي عليه قضية خلع او طلاق ممكن تخسري بناتك محتمل بس شوفي كلام المحامي ، او تحاولي ترجعيله بوساطة ولاد الحلال من الاسرتين او المقربين و ده علشان بناتك . الحل في ايدك بس بلاش السكك اللي ممكن تهد حياتك .

الناس بتفكر الف مرة قبل ما بترد علي بوست من النوع ده لانه عارف انه ممكن ببساطة يبقي مسؤول عن حاجه كبيرة هو مش قدها .. بس انا بحب المغامرة علشان نيتي خير .. ﴿قالَ يا قَومِ أَرَأَيتُم إِن كُنتُ عَلى بَيِّنَةٍ مِن رَبّي وَرَزَقَني مِنهُ رِزقًا حَسَنًا وَما أُريدُ أَن أُخالِفَكُم إِلى ما أَنهاكُم عَنهُ إِن أُريدُ إِلَّا الإِصلاحَ مَا استَطَعتُ وَما تَوفيقي إِلّا بِاللَّهِ عَلَيهِ تَوَكَّلتُ وَإِلَيهِ أُنيبُ﴾ [هود] هتكلم بالعامية المصرية .. فكرة انك اتعلمتي النضج علي ايده و انه عاجنك و خابزك و انه السبب ان شخصيتك وصلت للي هيه عليه بسببه و كثير من الاوهام و الكلام الفارغ ده بيبقي مصدره الرجل في حالة انه مغرور شوية و صدقيني لو معندكيش النضج العقلي و كنتي مستعدة لده و الله لو قعدتي معاه 50 سنة مكنش هيحصل دي نقطة ، جوزك الاولاني طليقك انتي عارفة مميزاته و عيوبه ، و لعلمك الراجل بيبان علي حقيقته ساعة لما (( بيغضب و ساعة لما بيبقي اب و ساعة لما بينفصل )) .. فانتي اكتر واحدة عارفه هو يناسبك و ميناسبكيش ، يعني بالعربي انتي عارفه وشه الحقيقي و نقاط ضعفه ، دي كمان نقطة ، الشاب اللي اصغر منك بست شهور و ده لامؤاخذه فرق لا يذكر .. طبيعي طبعا يبقي بيضرب لخمة في المواقف الكبيرة ..اي راجل كده بس فيه رجالة بيبان عليها و رجالة لاء و في رجالة عندها سرعة بديهة بتقلب الموقف لصالحها فده مش عيب .. و دي تالت نقطة ، كونه عنده اخوات بنات مش معيار لانه كويس ولا وحش ، البطن الواحدة بتجيب الصالح و الطالح و بيبقوا اخوات ، عايزة تقيسي صح ، اقعدي مع والدته ايوه اقعدي من امه و شوفيها لو ارتاحتي ليها نفسيا مش بالكلام يبقي تمام و الراجل اي راجل بيتسأل عليه الاول و شوفي والده في بيته معاهم ازاي علشان غالبا الابن نسخ من ابوه في حالات كتير ، و بيتواجه باي حاجه نعرف انها منسوبة ليه و شوفيه بيصلي ولا لاء .. عنده دخل ثابت و جاهز للزواج ولا لاء .. و الاهم تضمني حقوقك كاملة قبل العقد علشان زي ما شفتي بنفسك و جربتي الانفصال بيحصل احيانا حتي لو بعد عشر سنين فلازم نكون مستعدين مفيش في دي نمشيها ودي او بالحب او كلنا اهل .. بنشتري راجل .. حمام زاجل مفيش الكلام ده .. ياريت بقي تعرفي عيوبه قبل الجواز .. ازاي .. لسه قايلهابك فوق .. الراجب بيبان علي حقيته لما بيغضب او يتنرفز .. لكن نعمل وقفة .. ازاي عرفتي انه بخيل .. علشان لو متاكدة يبقي اصرفي نظر فورا .. اتجوزيه فقير ماشي لكن بخيل اوعي .. هتندمي ندم السنين .. فلو متاكده انسي الفكرة نهائيا . اي حاجه عايزة تضيفيها انا معاكي .. قبل ما اقفل سؤال بقي للاخ اللي لن يجد مثلك .. و لما هو كده طلقتها ليه ، ؟! لو سبب الطلاق اللي انتي عارفاه منطقي ليكي .. يبقي مفيش مانع ترجع بس .. بشروط .. من الاول خالص .. يعني صفحة بيضا و تاخدي كل حقوق تاني من الاول .. دا واحد طلق مرة يعني مش مصمون 100٪ .. ملحوظة بس ليكي ( لو سبب الطلاق الخلفة و انتي و هو طبيا مفيش عندكم مشاكل يبقي انتوا الاتنين بتهزروا ) لاني قريتها بين السطور .. مش مكتوبة بس قريتها .😐 يا كنتم تنفصلوا بدري عن كده و كل واحد يشوف نفسه يا اما .. كنتوا كملتوا و سلمتم امركم لله لحد الاخر .. ربنا يوفقك و يتمم لك علي خير .. و راجعي طبيب في موضوع الخلفة ده .. شوفي دكتورة بتفهم و اعملي تحاليل جديدة قبل الزواج .. اعمليها لنفسك .. و متعرفيش الدكتورة اي شيء مما سبق .. و اه سنتين كتير شوية .. لو هو مُصر علي سنتين يبقي اتشرفنا بيك بس نسيب الامور مفتوحة بحيث جالك حد احسن يبقي مديتوش كلمة و مش مربوطين و محدش يزعل . و تشوفي حالك

كلنا بنحب امهاتنا ، بس لما الموضوع ياخد مسار أن خلاص بقي بقيت قاعد متفرغ تماماً ليها و بقت حياتي تقف علشانها ( بدون مبرر منطقي ) دا بيبقي مصنف انه نوع من انواع ( التعلق المَرضي ) يعني ايه .. يعني الحب شعور لكن التعلق سلوك ، فيه اختلال عندك في السلوك ، سببه ايه انتي اللي عارفه ممكن يكون بسبب فكرة .. زي فكرة انك ممكن تفقدي والدتك لاقدر الله و الله سببت لك خوف شديد و قلق اتحول ل الحالة الحالية بتاعتك ، نصيحتي ليكي خليكي كبيرة شوية عقلا و تفكيرا و لما والدتك تحتاج منك شيء هيه هتقدر تطلبه ، او هيبقي له مناسبة ، تذكري دايما ان والدتك قضت سنين طويلة بترعي نفسها و غيرها كمان و انتي و مكنتيش موجودة ، حاليا انتي محتاجة تهتمي بنفسك ، و مش مبرر انك اعترفتي بده انك تزيدي فيها ، اتمني انك تراجعي سلوكك و تنبذي اي شيء خارج عن المألوف ، و متقلقيش ربنا هو اللي بيدبر الكون مش انتي و لا اي حد تاني من البشر ، ايضا تذكري ان بر الوالدين حلو بس بالمعقول يعني مش هروح اسيب شغلي و ابطل اروح بحجة اني قاعد براقب صحة الست الوالدة و هيه بخير اصلا لمجرد اني عندي هواجس في دماغي ، لازم نكون عقلانيين شوية ، و الشيء اذا زاد عن حده انقلب للنقيض ، او بقي بايخ او أوفر قوي ، ربنا يهديني و يهديكي ..

تمام يعني مش اصدقاء ، و لكن مجرد زميلة بالنسبة لك ، يبقي خلاص اهتمي بنفسك و ركزي في حياتك و بس و متربطيش نفسك بحد بعينه ، بعض الناس مش ممكن تحس بقيمتك الا لما تعامليهم زي ما بيعاملوكي ، ساعتها هببقوا مستغربين .. الصداقة شيء و زميل الدراسة شيء تاني .. لما اكون مقرب من الحد و الاقي الحد ده انا مش فارق معاه او سبب لي اذي نفسي او غيره ، خلاص بشيله من خانة الصديق و بيرجع مجرد معرفة زميل دراسة او عمل الخ .. يبقاله حدود و يبقي هو كمان مش فارق معانا . علشان يحس انه نزل من مىتبة صديق و بقي مجرد حد معرفة مش اكتر .

مفيش حاجه اسمها ( مش عارفة - مش قادرة ) .. فيه حاجه اسمها (مش عايزة) أسالي نفسك ليه .. ليه مش عايزة تبعدي . ممكن تكذبي عليا .. احنا منعرفش بعض .. عادي .. لكن مش هتكذبي علي نفسك .. انا بقرأ الناس صح و طول ما هو قريب منك مش لظروف جمعاكم سوا او عافية ..يبقي بمزاجك . ولا في شيء ممكن يوضح سبب سماحك بقربه منك وانتي مقولتيهوش..! و ملحوظة .. اللي بيحب مستحيل يؤذي

من اكتر السموم اللي الناس مش بتقدر تبعد عنها برغم انهم عارفين الأضرار بتاعتهم السكر .. و كتره وحش و القرب منه باستمرار مُضر جدا .. محدش بيبطل السكر الا لما بيتعب صحيا .. بس في نفس الوقت متقدريش ترغمي حد انه يبطله او يخف منه بالعافية .. عارفه ليه ..؟! علشان السكر بالذات بيخلي الجسم يفرز مادة اسمها الدوبامين بطريقة over قوي .. عارفه ايه هو الدوبامين ..!! نفس المادة اللي بتخلي الانسان يشعر بالسعادة .. اعتقد كده فهمتي .. الصراع دايما بيبقي بين اللي بنحبه بس ممكن يؤذينا و بين صوت العقل . الامر في ايدك ..

لو مقدرتش تتأقلم مع اللي حواليك و بتحس بغربة و انت وسط اهلك فده عادي ممكن يكون بسبب فترة بعدت فيها عنهم او بسبب ميلك الشخصي للوحدة زي حالاتي ، في مقولة بتقول خاطبوا الناس علي قدر عقولهم .. اتعامل عادي و انزل لفكر اللي قدامك أو اطلع لمستواه ، خد الموضوع علي انه تحدي اجتماعي في التأقلم مع الغير ، خليك مبتسم و بشوش قرب من اهلك و اسألهم عن مواضيع بيحبوا يتكلموا فيها و اسمع منهم اكتر ما تتكلم الناس بتحب قوي انها تتكلم و تفضفض و بتحب قوي اللي يسمع لها باهتمام اسمع و تفاعل ، و مع الوقت هتكتشف ان غيرك مش غريب قوي زي ما كنت متصور ، ربنا ييسر لك الأمور ..

اتجاهلهم و متشرحش نفسك لحد صدقهم ، و لما حد ييجي يقولك حاجه قوله قول حسبي الله و نعم الوكيل ، طول ما انت مش معاك دليل متقدرش تثبت عليهم حاجه ، انا نفسي اتحطيت في الموقف ده في فترة ما و اكتشفت ان الشخص اللي بيقولي بيتقال عليك كذا و كذا طلع هو شخص خبيث و بيحاول من خلال تعاملي معاه يستنتج حاجات و بيرميها في هيئة بيتقال عليك ، نصيحة ، عتاب الندل اجتنابه ، و متشيلش في قلبك نهائيا علشان متتعبش ، كل الموضوع بس اعرف اكتر عن عدوك علشن تقدر تحاربه بنفس سلاحه و طريقته ، بلاش تنعزل و ميهمكش من كلام الناس لو انت شخص سليم ، اللي بيحاسب الناس علي النوايا هو الله ، لازم تكون ذكي في ردودك و بلاش تتعري نفسيا قدام اي حد يعني متقعدش مع حد قريب من الناس دي و تفضفض عن ظروفك و مشاعرك و الخ ، علشان فيه ناس بتصطاد في المياه العكرة ، اعمل حساب لرب العباد و هو كفيل انه يصد عنك شر عباده

افضل حد يجاوبك علي السؤال ده هو زميلاتك في الكلية اللي اكبر منك بسنة دراسية او سنتين ، جول بيبقوا حربوا كل حاجه و عارفين كذا حل لانهم مروا بنفس مشكلتك و اتعاملوا معاها ، اون لاين فيه حاجت كويسة هتعلمك برضه الاساسيات لكن مش هتكون متخصصة في المادة موضوع الدراسة ، اتمني لك التوفيق و تابعي ردود الاعضاء مممن حد يلاقي لك حل افضل .

واضح انك عانيت من مشكلة او ضغط نفسي و متراكم جواك ، في الحالة دي انت محتاج ترجع للبداية خالص لمرحلة قبل المشاكل و الاكتئاب في حياتك .. علشان تلاقي بصمة روحك و نفسك علي طبيعتها ، و شوف ايه اللي سبب التغيير و حاول تواجه المشاكل علشان سكة الهروب مؤقتة ، وجه طاقتك ناحية الايجابية دور غلي حاجات بتحبها ، ارجع لهواية كنت بتمارسها و اعملها بس بشكل جديد ، لازم يبقي عندك اصرار علشان تستعيد عافيتك النفسية التغيير مش هيحصل بين يوم و ليلة لكن واحدة واحدة ، خليك فاكر العالم مليان ناس سلبية مكتءبة بلاش تكون واحد منهم ، و اتمني لك التوفيق ، و عايزك تجرب تتأمل او لو فيه امكانية تسافر او تغير جو يبقي افضل . و بالنسبة للصلاة بتركز فيها او مبتركزش لازم تصلي و سيب القبول علي ربنا ، زي القرآن كده لو فاهمه اقراه و لو مش فاهم تفسيره اقرأه برضه ، انت بتاخد علي كل حرف حسنات سواء كنت فاهم او مش فاهم

طيب احسن شيء اسلوب المواجهة .. تقعد معاها في خروجة او علي انفراد شوية في بيت اهلها .. و تواجهها بمشكلتك معاها الا وهي الكدب و تقولها ان حياتكم مع بعض مش هتنفع طول ما هيه مستمرة في موضوع الكذب اللي مالوش مبرر و بعد كده تسألها عن دوافعها و مبرراتها و تقوم سايب لها دفة الكلام و تفضل ساكت و تسيبها تحكي بدون مقاطعة ، حتي لو هتتكلم ساعتين .. بعد كده و لما هيه تخلص كلام.. قيم في عقلك اللي هيه قالته ، و شوف عايز تكمل معاها ولا لاء .. بكده يبقي تمام انت سمعت منها و اديتها فرصة كاملة و كونت انطباع ان عقليتها و طريقة تفكيرها .. ازاي .. هقولك لما تقعد تسمع منها و انت ساكت خالص .. اعتبر في اللحظة دي انك مش خطيبها و لكن بتشوف المشهد من بره يعني انت مش طرف فيه .. كده هتبقي انت عارف المشكلة بتاعة الخطيب و عارف مشاعره و هتجي فرصة نادرة لنفسك و ليها تعرف اسبابها و دوافعها و طريقة تفكيرها و تحليلها للامر من منظورها الشخصي .. في النهاية خد وقت فكر قبل اي قرار .. هعلمك حاجه .. قبل ما تاخد قرار مهم افصل مشاعرك خمسة و اعتبر نفسك عملت القرار ده فعلا و فكر في ابعاده ايه و تاثيره ليك و عليك .. لو وصلت لنتيجة مُرضية يبقي نفذه ، ولو موصلتش يبقي وقف تنفيذه و شوف حل بديل او ارضي بالأمر لحين ظهور حل .. اخر حاجه عايزة اقولهالك .. فاكر فيلم لاسماعيل ياسين اسمه الستات ميعرفوش يكدبوا .. اكيد فاكره .. الفيلم بمنتهي البساطة بيناقش شيء مهم قوي كأزمة بس في اسلوي كوميدي .. ان الستات بتكدب في العموم ..و احيانا الكدبة بتوسع منهم و احيانا بتجيب نتايج مش ظريفة بس واخد بالك انت .. محدش طلع هاجم الفيلم او اتهمه ساعتها انه معادي و متحامل علي الجنس الآخر .. علشان فعلا دي حقيقة .. مش الستات بس اي انسان بيضطر يكدب .. احيانا.... احمد ربنا ان عيبها ظاهر و واضح .. انت ممكن تاخد واحدة تانية و عيبها مش هيكون ظاهر .. سؤال ليك ساعتها لو اتجوزتوا انت و التاتية و اكتشفت ان عيبها اكبر بكتير من الكدب هتعمل ايه ساعتها . علي فكرة عايزك تعرف ان البنات في المُجمل بشر .. يعني بتضحك و بتعيط و بتكتئب و بتاكل و بتشرب و بتعرق و ممكن كمان تدخل الحمام انت متخيل .. يعني مش ملايكة خالص ولا معصومين .. زيي و زيك بالظبط . انا اتمني لك التوفيق ، بس لو كل واحدة لقيت فيها عيب و قررت تهرب صدقني مش هتقدر تتجوز ساعتها . ربنا يعمل لك اللي فيه الخير . ملحوظة انا متجوز

الحالات اللي فيها شكاوي جسدية محتاجة لزيارة طبيب باطنة مختص لان اي حد هيقولك شيء غير كده يا مش هينفعك يا اما هيضرك .. ثانيا بنمشي خطوة خطوة لو الالم في الجسد متفرق او عدة اعراض بتروح لدكتور باطنة ، لو في العين فقط يبقي دكتور عيون الخ .. و الخمول مبيتحسش في اجزاء معينة الخمول بيبقي في المخ و هو بيأثر علي الاعصاب و باقي اجزاء الجسم ، لكن اعتقد انك تقصد تنميل .. او ألم متقطع .. قم بزيارة طبيب و الله الشافي ..

7 سنين يعني اصبحت عاقلة في سن بداية تعلم الصلاة .. لكن برغم كده مازالت طفلة ، سؤال بقي ليك انت .. مين في الدنيا كلها بيسيب ابنه او اخته تعيط بالساعات ؟! بالساعات ..!!! لا واضح انها مهمة قوي بالنسبة ليكم .. لمعلوماتك و قبل ما تهاجمني .. او تتضايق من كلامي لحظة افهمك شيء .. كتر العياط و كتر الضرب الاتنين دول فيهم شيء مشترك .. بيأثروا علي الشخصية و بيأثروا علي صحة القلب .. يعني مينفعش طفل يتساب بيعيط بالساعات ، دي نقطة .. من اللي انت قولته و وصفك ليها بالعيوطة واضح برضه ان مش مشكلة عندكم انها تعيط بالساعات المشكلة انكم مش بتطيقوا العياط ده ، يا ريت حد قريب قوي منها اللي هو مش انت و يكون حد مبتخافش منه جدة او خالة او حتي بنت كبيرة في العيلة .. تعقد معاها شوية لوحدهم و بالسياسة يكلمها في كذا حاجه لحد اما تتبسط و بعدين يسالها مالها و ليه كل حاجه بتعيط كتير عليها .. و إيه اللي مضايقها و بعد اما يوصل لأستنتاج يعرفكم ، و ده لمصلحة بنتكم .. و ربنا يهديني و يرحمكم .. ملحوظة : دا رايي الشخصي من اللي قريته في سؤالك .

مش مسامح 😂 دا محتاج حد يفهمه هو و امثاله انهم سبب خراب بيت منظومة التعليم بالنظام بتاعهم ده .. صحيح في مقولة بتقول ..حين سكت أهل الحق عن الباطل ،توهم أهل الباطل أنهم على حق .. ربنا يهديني و يوفقك .. مجهوده ده مكان المدرسة و هو و غيره بيقبضوا مرتبات علشان الشرح ده يبقي في المدارس مش في سناتر و منصات خاصة ..

ده مش ذنبكم .. دا بسبب منظومة التعليم .. بس مفهوم .. حاولي تختاري الحاجات اللي فعلا محتاجاها .. سؤال مينفعش تحمليها download .. ؟ .. علشان علي حد علمي مفيش اي حاجه مينفعش يتعملها داونلود ..

نبدا بالتخطيط .. لو مثلا عايزة تبني مبني في اسرع وقت اول خطوة التخطيط .. نخطط و نعمل نقط و نبدأ بالاهم و بعدين المهم .. و بعد كده نصفي الذهن شوية و بعدين نركز علي الحاجات المهمة اللي ليها الأولوية زي المواد اللي انتي ضعيفة فيها قوي .. بعد كده و انت بتذاكر اكتبي علي جنب مختصرة عن كل درس و حددي نقط مهمة بالعربي تلخصي الدشت في نقط مهمة علشان يبقي ايسر و اسهل .. هيتبقي الحاجات اللي هتحتاجي فيها مساعدة خارجية .. ولازم تاخدي راحة كل كام ساعة.. راحة بعيد تماما عن اجواء المذاكرة .. علشان تدي المخ فرصة يجدد نشاطه ، و اعتمدي اكتر علي الفهم مش الحفظ .. الفهم بيجيب الحفظ مش العكس ..

في تفسيرات كتير للموضع ده .. مالهاش علاقة بقوة ذهنية او ظاهرة او خلافه ، فيه حاجه اسمها الرؤية في المنام دي ماشي و مش اي منام ليها وقت معين ، لكن و انت صاحية لاء الغيب لا يعلمه الا الله و الباقي توقعات زي مثلا لو شخص مريض جدا بداء عضال فمتوقع انه يتوفي الله رحمة الله بنسبة كبيرة ، اخوكي لو قاعد في البيت يوم اجازة وارد جدا و متوقع انه يخرج مع اصحابه ، فيه فرق ..

إن تصفح مواقع التواصل الاجتماعي، وتخصيص الكثير من الوقت لها، يمكن ان يعتبر نوعاً من الإدمان. وهذا الإدمان، يمكن ان يسيطر على الدماغ بشكلٍ كبير ويعمل على تشتيت ذهن وأفكار المستخدم ليحوّل بالتالي كل تركيزه من واجباته المهنية والأكاديمية، إلى تتبع اخبار الأشخاص الذين يتابع صفحاتهم.

وجدت دراسة في جامعة بنسلفانيا أن الاستخدام المفرط للفيسبوك وسناب شات وإنستغرام يزيد إلى حدٍّ ما من الشعور بالوحدة. وعلى العكس من ذلك، وجدت الدراسة أن الحدّ من استخدام الوسائط الاجتماعية يمكن أن يجعلكِ في الواقع تشعرين بوحدة أقل وعزلة ويحسّن صحتكِ العامة. أفاد حوالي 10 في المائة من المراهقين أنهم تعرّضوا للتنمر على السوشيال ميديا، فيما العديد من المستخدمين الآخرين يتعرضون لتعليقات مسيئة. يمكن أن تكون منصات السوشيال ميديا مثل تويتر نقاطًا ساخنة لنشر الشائعات الجارحة والأكاذيب وسوء المعاملة التي يمكن أن تترك ندوبًا عاطفية دائمة. يمكن أن يؤدي الضوء المنبعث من الهواتف والأجهزة الأخرى إلى اضطراب نومكِ، والذي بدوره يمكن أن يكون له تأثير خطير على صحتكِ العقلية.

مفيش انتي بس بتعاني شوية من الملل و الفراغ او يمكن الزهق من المذاكرة ، و بتحبي الخيال شوية ، فيه فرق بين التوقُع و التخيُل .. اما لو الموضوع فيه ابعاد تاتية يبقي ياريت تقولي التفاصيل ، اما لو مفيش و غالبا مفيش فاعتقج ان الاركيز في مستقبلك افضل كتير . ربنا يوفقك .

اتوكل علي الله و قولهم الحقيقية زي اي شاب راجل في تربيته .. ايوه هيزعلوا و يمكن يحصل اكتر من كده ، و هيعقدوا يعدوا لك اخطائك و يمكن يحصل حاجات كتير بس في عز كل ده هتحس بشعور راحة من جواك ، اتعامل مع اهلك بالطريقة اللي تحب ولادك فيما بعد ان شاء الله يتعاملوا معاك بيها ، الكذبة بتجيب كذبة اكتر و بتبوظ الدنيا ، بس الصراحة بتعمل ارتياح للنفس .. و ربنا يوفقك يا اخي .

معاملة المرء غيره بمثل ما عامله به من إساءة ـ إن كانت مما يباح ردها بالمثل ـ لا تعد ظلما إن كانت بقدر الإساءة دون بغي وزيادة، ولا يعد ظالما من انتصر من ظالمه بقدر ظلامته، قال تعالى: وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ وَلَئِنْ صَبَرْتُمْ لَهُوَ خَيْرٌ لِلصَّابِرِينَ {النحل:126}، وقال تعالى: وَجَزَاءُ سَيِّئَةٍ سَيِّئَةٌ مِثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ {الشورى:40}. -فمن سبه أحد أو شتمه فرد عليه بقدر إساءته ـ إن كانت مما يباح ردها بالمثل ـ كان قد انتصر بذلك انتصارا مباحا، ولا يعد ذلك ظلما منه للبادئ بالإساءة، وقد جاء في الحديث عن النبي ـ صلى الله عليه وسلم ـ أنه قال: المستبّان ما قالا، فعلى البادئ ما لم يعتد المظلوم. أخرجه مسلم.

حضىرتك ده مش علم حرام .. دا اللي بيعملوه فيكم هو اللي حرام .. العلم اصبح ادفع علشان تدرس .. و بعدين تطور الي إدفع علشان تنجح .. ربنا ينتقم من كل شخص إتسبب في ان تعليم الجيل ده يوصل للشكل ده . خدي اللي يلزمك و اللي متقدريش عليه بلاش ، ممكن سؤال علشان انا علاقتي بالدراسه انتهت من سنين و معنديش خلفية عن منظومة المافيا التعليمية شغالة ازاي .. هو ليه مشتركة في منصة كيمياء و يعني ايه منصة .. !! استني كده يمكن استنتج .. هو دروس الكيمياء الخصوصية بقي اسمها منصة ..صح كده ..و بقت حلال .. !! و بقي اللي مبيدفعش فيها هو اللي حرام ..!! ولا ايه .. اكيد انا فاهم غلط