حبيبتي ،اهلا وسهلا بيكي ، كلنا عارفين ان التنمر من ضمن اسوء التصرفات اللى ممكن تصدر من الاشخاص . بس انتى حسب ماقولتي انك حاليا ١٦ سنة والموضوع ده كان وانتى صغيرة . فرضا اصغر سنة او سنتين او خمسة ايا كان . المرحلة اللى انتى فيها او ماقبلها حتى طبيعيتها بيحصل فيها تغيرات ف الشكل والهرمونات والشخصية . ف كلنا مكناش مثاليين . ولا اصحابك اللى اتنمروا كانو مثاليين . ،لازم تقتنعي ان ده طبيعي ، وعلشان تتجاوزي ده من الافضل تكوين صداقات جديدة . وقبل الخطوة دي محتاجة تشوفي نفسك قد ايه انتى جميلة وفيكي مميزات جميلة ربنا رزقك بيها . وان اللى فات دي فترة انتقالية ف حياتك . زي الفترة اللى انتى فيها حاليا هتختلف تماما بعد الثانوي وهكذا بعد كل مرحلة من عمرك . حبيبتي انا معاكي تقدري تتواصلي معايا . انا اختك رانيا ياجميلة❤️
تم النشر الاثنين، ٤ ديسمبر ٢٠٢٣
لعرض الملف الشخصي في فدني اضغط هنا