بيبو بيبو

قصدك أنك انتكست، وكونك بتسأل يبقى حاسس بتأنيب الضمير ودا شئ كويس فى غيرك كتير لسا معميين، فقول الحمد لله على النعمه دى .. قبل اى حاجه لازام تشوف النقطه الرجعت منها الخلتك ترجع تانى وتحاول متكررهاش. فى مقوله سمعتها من شيخ بيقول فيها (لو إيمانك مزاتدش هينقص) يقصد فيها أنك لازام تزود رصيد عبادتك متكتفيش أنك تصلى بس أو تقرأ قراءن بس زود معرفتك بلدين من طرق موثوقه بأنك تقرأ كتب مثلا أو حتى تحضر خطبه جمعه المهم أن رصيد عبادتك يزيد كل فتره لأن الإنسان بلطبيعه كسول فلو بتصلى بس وانت مكنتش بتصلى هتلاقى نفسك بتكسل وواحده وواحده هتقطع فزودها بالسنه علشان لو كسلت مترجعش تانى للنقطه الصفر دى نقطه . النقطه التانيه انت قررت وقولت هبدأ ألتزم وخلاص نويت بلاش إندفاع البدايات بمعنى أنك بلاش تبدأ بعبادات كتير مع بعض أنا بقولك زودها مش تبدأ بيها كلها علشان متحسش بأنها تقيله عليك واحنا أصلا عايزين نقلل الإحساس ده الى بلمناسبه هتحس بيه فى البدايه . الايه 28 سوره الكهف ( واصبر نفسك مع الذين يدعون ربهم بالغداه والعشى يريدون وجهه ولا تعد عيناك عنهم تريد زينه الحياه الدنيا ولا تتبع من أغفلنا قلبه عن ذكرنا واتبع هواه وكان أمره فرطا ) نفهم من الايه اى أن وجودك مع الصالحين يصلحك وشوف ربنا بيقول اى واصبر نفسك عاده الصبر بيكون على حاجه ثقيله على قلبك أو حاجه صعبه دا معناه أنك لازام تثبت نفسك على الطاعه ولا تتبع من أغفلنا قلبه عن ذكرنا دا معناه أن شخص سئ واحد قادر أنه يأثر عليك فحاوط نفسك بلصالحين وابعد عن الصحبه السيئة حتى لو هتقاطعهم كلهم طريق ربنا أهم . وفى النهايه انصحك انك تبدأ من دلوقتى ذى ما بيقولوا كده أضرب على الحديد وهو سخن، محدش عارف إحساسك بلغضب من نفسك وتأنيب الضمير دا ممكن تحس بيهم تانى أمتا ♥️

أنتى محتاجه تحبى نفسك اكتر من كده وتثقى فى نفسك كلام الناس مش هيغير حاجه لو هتعملى دايت هتعملى علشان نفسك مش علشان شكلك مش عاجبهم هتعمليه وانتى متقبله نفسك وشايفه أن دى ميزه فيكى، لازام تحبى نفسك بكل ما فيها سواء بقا شكلك، طريقه لبسك،شخصيتك، عيوبك...الخ لما هتبدأى تكونى متصالحه مع نفسك هتعرفى تردى على كلامهم وتحرجيهم بلذوق اى حد بينتقضدك فهو بيطلع شخصيته بيعبر عن طريقه تفكيره والنقص العنده فأنه يتنمر على شكلك وبيبان قد اى هو شخص سطحى . جربى تمارسى رياضه بتحبيبها، تخرجى فى أماكن جديده، تمارسى هوايه بتحبيها تتعرفى على ناس أكتر فى محيطك *( ودا طبعا بعيدا عن اى حاجه مخالفه للدين) قربى من ربك وافضلى حاولى حتى لو كل مره بتفشلى ♥️

ولا حاجه، هيلبس فى الحيط

عارفه المثل بتاع اليخاف من العفريت يطلعله، طول ما انتى خايفه من الموت والمرض هتفضلى تتخيليهم فى كل مكان، اولا عايزاكى تعرفى حاجه كل الناس بتخاف من الموت بلا إستثناء وانه كلنا هنموت كدا كدا فبلاش الخوف يسيطر عليكى لدرجه يأثر على حياتك، الحياه ابسط من كدا بكتير خوفك وقلقك ده ما هو إلا طريقه تعكنن عليكى عيشتك وتخليكى علطول فى قلقانه ومتوتره، جربى تاخدى شاور كدا وتهدى وتشربى بعديها حاجه سخنه وترتاحى وتعملى حاجه بتحبيها قراءه مثلا روايه او حتى تنزلى تتمشى لوحدك وتحاولى تبطلى تفكير زايد فى الموضوع واقنعى نفسك انه عادى يحصل الحيصل ده مش هياثر على حياتك ♥️

تعالي نتخيل أسوء أب فى الدنيا، مجرد تخيل عن انه هيكون عامل ازاى او بيعمل اى مثلا بيجلد عياله او طردهم او حتى بيضربهم كل يوم ....الخ تعالى بقا نروح للأب ده نقولوا ان البيعمله دا غلط وانه لازام يتحاسب عن العمله ده تفتكرى هيقتنع بلكلام او حتى هيسمع اكيد لااء بل هيفضل مصدق انه صح وانه ببساطه معملش حاجه غلط، عايزاكى تعرفى أنه مفيش حد ملاك ومفيش حد مبيغلطش، لو بصيتى على حياه كل واحد من صغره لغايه ما يكبر هتلاقيها مليانه بضغوط نفسيه وتعب علشان دا الواقع الحياه مش كلها لون واحد فيها الوحش والحلو، الخلافات الزوجيه بتكون بين الزوج والزوجه هما الفاهمين بعض هما العاشروا بعض وهما برضوا اليقدروا يحلوا المشاكل دى، عامله ذى لما تكونى بتتخانقى مع حد بتحبيه ويجى طرف تالت يدافع عنك ويشتم الشخص ده ويكرهه ويقرر كمان يقاطعه لمجرد انه شافك بتتخانقى معاه بزمتك دا تفكير صح، اهو ده نفس البتعمليه بس الفرق انه ابوكى مش هقولك عن حكم الدين فى الحوار ده علشان انتى اكيد عارفاهاه ،حتى لو كنتى عارفة المشاكل البينهم انتى مش عارفه كل حاجه فمش من حقك تحكمى على طرف لمجرد ان أفعاله مش عاجباكى، هتفضلى تشوفى ابوكى وحش لأن عقلك خلاص ترجم ده وبالتالى هيفضل يدور ليه على اى غلطه حتى لو كانت صغيره هتبقى بلنسبالك كبيره، ودا مش تقليل من مشعارك بالعكس انا بوعيكى وحاولى تبصى لنص الكوبايه المليان، وعايزاكى تعرفى انه مش علشان فى شخص وحش يبقى كل الناس وحشه وأنه كل الناس ذيه، مفيش حد وحش طول الوقت أو ملاك طول الوقت بل بتيجى اوقات على الإنسان بيكون فيها بيعبر عن الجواه بطريقه ممكن تضايق كل الناس مفيش حد كويس علطول حتى انتِ ، أيا كان البتمرى بيه من وجع وحزن وحتى ألم نفسى أنتى مش مسؤله عنه بس مسؤله تطلعى نفسك منه وتباشرى حياتك من تانى انتِ بس عارفه ازاى تبسطى نفسك وتطلعى نفسك من مود الاكتئاب والزعل ♥️