اتخطبنا 3 سنين مشفتوش غير قبل الفرح بشهر وده بسبب انه كان مسافر.. قبل الخطوبه كنت رفضاه بس بضغط اهلي عليا اتخطبتله.. فترة الخطوبة كنت كل شويه اعيط لأمي واقولها اني مش عايزاه واقول لأختي الكبيره اللي هي اصلا سبب خطوبتي.. هو انسان كويس ومحترم ومسؤول بس المشكله ان انا مش عايزاه اوقات بحس فهمه على قده وكمان هو صعيدي فساعات دماغة بتقفل على حاجات انا شايفاها عاديه ومش بحب اسلوبه فالكلام ولا ضحكه وهزاره مش متقبلاه نهائي بس مع ذلك خضعت لكلام أهلي استني اما ينزل يمكن مشاعرك تتغير لما تقعدي معاه وبعد 3 سنين عاشهم معايا فجفاف عاطفي حرفيا مبقولش ليه اي كلمه مهما طلب او اشتكى لأختي انا ثابته على مبدأي واني مش هقول كلام يعلقه بيا طالما انا مش حساه نزب وانا مازلت زي منا بس كل اخواتي قالوا طالما عاجبنا كلنا يبقى انتي رأيك غلط وهتتجوزيه يعني هتتجوزيه فأنا جمدت قلبي ولاول مره صارحته قبل كتب الكتاب بإسبوع وفتحت معاه الموضوع تاني قبل كتب الكتاب بيومين وبعد كتب الكتاب قبل ما يمضي على القايمه قلتله انا حزينه كله ماشي برغبته ومحدش مراعي مشاعري هو كل ردوده كانت "والله متخافي مني مش هعمل حاجه غصب عنك ومع الوقت هتحبيني" وكلام زي كدا المهم اتجوزنا وانا من اول يوم جواز وانا بستسمحه يسيبني وميقربش مني وانا واحده واحده نفسيتي هتتحسن بس هو لحوح ومكنش بيسيبني بسهوله غير بعد محايله وخوف وانا اصلا مقضياها عياط واحساس بالخذلان من أهلي واحساس بالندم اني كنت محترمه مشاعرهم ومراعيه الفضيحه اللي كانت ممكن تحصل لو فشكلت الخطوبة بعد 3 سنين او اتطلقت بعد كتب الكتاب.. المهم تالت يوم ودوني لدكتور نفسي وبدل ميسمعني كهربني وانا مروحه كان كل تفكيري اني ههرب منهم عشان مرحش للكهربه دي تاني بس هديت مع الوقت ولغيت فكرة الهروب دي.. جابولي اكتر من شيخ ومع ذلك انا مش بخليه يقربلي بل كرهي ليه زاد مع انه صعبان عليا بس مش عارفه اراضيه واسيبله نفسي فقلتله يطلقني رفض قلتله خد دهبي وجهازي واتجوز واحده تانيه ومتطلقنيش بس متجيش جنبي رفض برضه كان بيقولي اخد حقي الأول وبعدين نشوف... الموضوع صعب وانا مش قادرة استحمله سادس يوم الفرح جه ياخدني بالعنف كان بيكتم نفسي بإيده وبيشد هدومي عشان يقطعها بس ربنا سترها معايا جاتلي حالة تشنجات فإيدي ووشي وبؤي اتعوج ورحت المستشفى واخواتي جم والدكتوره قالت بلاش ضغط نفسي عليها.. بعد اسبوع كمان وقت صلاة العشا دخل الاوضه اللي بنام فيها وقفل الباب ومصمم انه هياخد حقه دلوقتي فضلت اعيط وهو يخوفني ويهددني بالكلام هكتم نفسك وهعمل اللي انا عايزه برضه الشمس طلعت وهو قاعدلي نفس القاعده وانا من كتر العياط دموعي نشفت وحاولت معاه بكل الطرق انه يسيبني وهو مرضيش لحد ما بدأ يكتم فنفسي ويشد فهدومي وبرضه ربنا سترها معايا بس بعد منا استسلمت خلاص واعصابي باظت وقولت خلاص كدا كل حاجه راحت بس سبحان الله ربنا ما أرادش انه يعملي حاجه.. عرفت اروح لأهلي وأهلي اتعاطفوا معايا فالأول بس عشان هو كان ضاغط على بؤي وعلى وشي فكان فيه جلطات فوشي وشفايفي وارمه وبؤي من جوه مهري بسبب سناني وجسمي فيه كدمات كتيره بسبب ضغطه عليا بإيده ورجله.. بابا عايز يطلقني واخواتي بيقولوا هتبقى فضيحه وهنمشي وسط الناس حاطين راسنا فالأرض وكل اخواتي مغلطني وان شطاني كبير وان انا بحاول اخلي بابا يتعاطف معايا عشان يبقى فصفي وان اللي بعمله دا غلط ومش فمصلحتي.. طولت اوي فالكتابه بس انا عايزه اعرف اتعامل ازاي واعمل اي اثبت على موقفي عشان نفسيتي وحياتي الزوجيه اللي مش هتكون حياه صحيه ولا أراضي اخواتي واراضي جوزي اللي انا ظلماه دا واجي على نفسي واعيش عيشه انا مش قادره اتخيل حتى نفسي وانا عايشاها..
تم النشر الأحد، ٨ أكتوبر ٢٠٢٣
مثلا لو انتي عايزه تفضلي قريبه من العيله ومنها اختاري ابن خالتك حاسه عايزه تخرجي منها اختاري التاني او شوفي طباع كل عيله مثلا واي مناسب ليكي او طموح كل شخص واي مناسب ليكي فيه حاجات كتيره جدا ممكن تفكري فيها بس تعرفي اي هيكون الفيصل في الحيره دي؟ انك تقفلي الشباك وتستنيهم يخبطوا على الباب اللي هيخبط فيهم هو اللي المفروض تختاريه
تم النشر الأحد، ٢٢ يونيو ٢٠٢٥
انت اتعودت انك بتعمل الحاجه دي فطبيعي كل متبعد هترجعلها طالما الظروف اللي انت فيها سمحالك بكدا لإن التعود صعب.. فالبتالي لازم تغير من روتينك اللي بيسمحلك تعمل كدا يعني بطل تختلي بنفسك خالص ولو انت فخلوه فكر انك تقوم تصلي بدل متفكر تفتح موقع إباحي فكر فغضب ربنا وعقابه ليك لو استمريت على معصيتك دي حاول تصحي قلبك اللي بقى فغفله.. اذكر ربنا كتير وصلي وجاهد نفسك كتييييييير ولما ترجع للغلط حاول تاني تخرج منه متحبطش ولا تستسلم ده إدمان ومش بالسهل انك تبعد عن حاجه انت مدمنها ومتعود عليها.. أسأل الله ان يهديك انت وجميع ابناء وبنات المسلمين
تم النشر الثلاثاء، ١٨ يوليو ٢٠٢٣
ابعدي عنه خالص واحمدي ربنا انك موقعتيش فالكلام معاه واحد زي دا ممكن يسببلك فضيحه لو حاولتي تقفي فوشه.. ممكن تحذري صحابك منه وتنصحيهم عشان مفيش واحده تقع معاه فالغلط وابعدي نفسك عنه وعن اي حاجه هو فيها
تم النشر الثلاثاء، ١٨ يوليو ٢٠٢٣
حبيبتي جميعا يارب 🫂
تم النشر الثلاثاء، ٢٤ يونيو ٢٠٢٥
دايما قولي لنفسك ان انتي غاليه وتستحقي حد يحبك ويقدرك مش حد يذلك قدام نفسك وكرامتك؛ حطي قدامك هدف ان انتي لازم تنجحي فحاجه فحياتك حتى لو كانت حاجه بسيطه المهم انه يشوفك بتتقدمي مش واقفه مكانك زي منتي مستنياه يحبك
تم النشر الأربعاء، ٢٤ يناير ٢٠٢٤
تم ♥
تم النشر الأربعاء، ٢٤ يناير ٢٠٢٤
بإذن الله..
تم النشر الأربعاء، ١١ أكتوبر ٢٠٢٣
علينا جميعا اللهم آمين 🩷
تم النشر الأربعاء، ١١ أكتوبر ٢٠٢٣
شكرا مره أخرى 🩷🩷
تم النشر الاثنين، ٩ أكتوبر ٢٠٢٣
وعليكم السلام ورحمة الله وبركاته.. شكرا جدا لإدارة التطبيق واعتذر اذا سببت لكم قلق..
تم النشر الاثنين، ٩ أكتوبر ٢٠٢٣
طب انا المره دي اخدت قراري ومستعده احارب عشانه لآخر لحظه ومستعده اتم الاستعداد على تحمل تبعات اختياري دا ألا وهو الإنفصال عنه
تم النشر الاثنين، ٩ أكتوبر ٢٠٢٣
هو شارك فالظلم لما يعرف اني مش عايزاه ويكمل ويتجوزني وكمان يحاول يغصبني فهو كمان مشارك
تم النشر الاثنين، ٩ أكتوبر ٢٠٢٣
مش اقصد هجومه اقصد نجاتي من هجومه..
تم النشر الاثنين، ٩ أكتوبر ٢٠٢٣
انا نفسيتي باظت ومبقاش عندي ثقه فأي حاجه وفأي حد وكرهت نفسي وكرهت كل اللي مش حاسس باللي انا فيه او مش فاهمني انا دمرولي احلامي عشان خاطر احلامهم هما ليا.. مش انا كنت احق اني احقق احلامي اللي حلمتها لنفسي؟ 💔
تم النشر الاثنين، ٩ أكتوبر ٢٠٢٣
واختي مازالت بتستخدم معايا اساليب مش حلوه فيها ظلم ليا ولغيري وفيها كدب عشان الموضوع دا يكمل فده لوحده كفيل يحسسني اني ابقى غبيه لو انهزمتلهم
تم النشر الاثنين، ٩ أكتوبر ٢٠٢٣
وكمان حضرتك ربنا نجاني منه على اخر لحظه والله لولا استحيائي لكتبتلك عمل معايا اي وربنا نجاني منه بعد اي فأنا حساها فرصه جاتلي وخايفه اضيعها اندم لإن احساس الندم بيقهر وبيوجع اوي
تم النشر الاثنين، ٩ أكتوبر ٢٠٢٣
أما الشخص دا فهو مرفوض بالنسبالي بكل الطرق وندمي على الفرص اللي كانت قدامي وضيعتها مخليني خايفه اكمل وارجع اندم اني كملت
تم النشر الاثنين، ٩ أكتوبر ٢٠٢٣
ومن ناحية تانيه أنا الحمدلله محافظه على الصلاة والنوافل والتسبيح واحيانا بقرأ قرآن
تم النشر الاثنين، ٩ أكتوبر ٢٠٢٣
مش هقول اني مغلتطش بالعكس انا بتجيلي حالات بسبب الندم والحسره اللي بحس بيها بس والله أنا عملت كل اللي اقدر عليه مكنش فاضلي غير الاساليب اللي مينفعش استخدمها
تم النشر الاثنين، ٩ أكتوبر ٢٠٢٣
اولا شكرا لكِ على تذكري🩷..
تم النشر الاثنين، ٩ أكتوبر ٢٠٢٣
حضرتك المشكله كلها اني لا اطوق للعلاقه الحميمه وبشمئز منها ده غير ان نفسيتي مبتستحملش فكرة ان انا يحصل معايا كدا "عارفه انها حلال واني مينفعش اقول كدا بس غصب عني ودي مشاعري فعلا اتجاه الحاجه دي" ده غير اني مش حابه أكون مع الشخص دا لا أسره ولا اولاد ف ليه اكمل معاه فعلاقه بنسبة كبيره هتفشل
تم النشر الاثنين، ٩ أكتوبر ٢٠٢٣
وهو كذلك شكرا لحضرتك 🩷
تم النشر الاثنين، ٩ أكتوبر ٢٠٢٣
ضغطهم كان شديد عليا وقتها ومكنش فيه اي فرصه غير الهروب وانا تفكيري مسمحليش اعمل كدا.. بس حاليا بعد مجربت الندم وبعد القهر اللي حسيت بيه من ظلم نفسي وظلم غيري معايا انا مستعده اهرب او اعمل اي حاجه بس ماكملش معاه
تم النشر الاثنين، ٩ أكتوبر ٢٠٢٣
بتكون الصبح عادي جدا وهتكون اجمل لو فقاعات متحركه فالنيل
تم النشر الثلاثاء، ١٨ يوليو ٢٠٢٣
لعرض الملف الشخصي في فدني اضغط هنا