صباح الخير على حضراتكم أنا مريض باضطراب القلق العام بقالي 5 سنين، و بشتغل في مجال الإعلام. بتعالج عند دكاترة نفسيين من 5 سنين، ومعالجين نفسيين من سنتين ونص. وبصلي كل الفروض في وقتها. مشكلتي الجديدة إني فقدت الثقة في نفسي بسبب إني معنديش صاحبات بنات يحبوني، وأنا نفسي أتحب وأتحترم. لما بحاول أقرب من واحدة في الشغل، بتقولي "أنت زي أخويا". كل ما أحب واحدة، تقولي خلينا أصحاب. عندي علاقات كويسة مع زميلاتي البنات، وبنساعد بعض في حدود الشغل. اتعرفت على بنت سنة 2017، كانت أول وآخر بنت في حياتي. كانت بتستغلني كل ما أقابلها، سواء إني اشتريلها هدوم أو هدايا. وعلاقتنا في التليفون أو في المقابلات كانت كلها كلام عن الجنس ولمس أماكن حساسة من فوق الهدوم. لما طلبت مني أجيب لها موبايل، أنا رفضت، وهي عملتلي بلوك على فيسبوك وغيرت نمرتها. أنا باتفرج على أفلام جنسية عربي وأجنبي، وكمان باعمل العادة السرية، وكمان باشتري ملابس داخلية (أندر وير) ومايوهات حريمي عشان أحس بالإثارة. بس للأسف أنا بقالي سنة ما باحسش بالإثارة، بس الأفلام الأجنبية بحس إنها بتثيرني. ولما بشوف أي واحدة بتعامل معاها باحترام وتقدير، بس من جوايا بافكر "إمتى نعمل علاقة كاملة؟". لما بسافر أي مدينة ساحلية، أولًا عشان أنبسط بالجو هناك وأغير جو، وثانيًا عشان أشوف بنات لابسين مايوهات. وأي بنت أشوفها لوحدها بقول: "ربنا يرجعك لأهلك سالمة من غير أذى"، لأني باحترم البنت وإنها تعيش حياتها بكل احترام. أنا لما باشوف أي بنت، باحس إني عايز أشوفها عريانة. بقدر وبقدم كل الاحترام للمرأة، وبشجع أي بنت على الشغل. بقيت بتفرج على أفلام إباحية كإني بعالج نفسي من عدم وجود بنت في حياتي. بقيت كمان باتفرج على صور بنات أعرفهم وبدقق في صورهم على مواقع التواصل الاجتماعي. دكتورة نفسية قالت لي ابعد عن ذلك وحاول تشغل وقتك بس انا بحب بنات أنا محتاج حل لمشكلة قلة الثقة بالنفس ، وكمان عايز حل في مشكلتي ازاي ابطل فرجة علي افلام وعمل العادة سرية
تم النشر الجمعة، ١٧ أكتوبر ٢٠٢٥
لعرض الملف الشخصي في فدني اضغط هنا