sama tamer

بصي انا تالتة ثانوي عام وفاضل على امتحانتي أقل من خمس شهور ولحد دلوقتي مش عارفه احدد الكلية الي عايزاها ومريت بنفس الي انتي بتمري بيه فمتقلقيش ده طبيعي والي يقولك ادخلي طب او هندسة ده بيقى كان نفسه فيها بس معرفش يدخلها او شايف ان ده افضل مجال بس هما افضل مجال من حيث المرمطة انا اه مجربتش بس لو سألتي دكتور قعد في كلية يجي سبع سنين ولا اكتر هيقولك كلامي او مهندس اتخرج وملقاش شغل فبصي لو انتي عايزة تكملي ادبي فأنا مش هقدر افيديك لاني علمي بس شوفي انتي بتحبي ايه ومبتحبيش ايه و عندك برامج الai كتير تقدري تقوليلوا ايه الي بتحبيه وايه لا وتسأليه ايه الكليات الي تفيدك وهو هيسعدك بإذن الله بس اشتغلي في برنامج ai مش مقاطعة وادعي لاخوتنا في فلسطين وسوريا و السودان وآسفة على الكلام الكتير وأتمنى اكون افدتك

سلسلة اسماء الله الحسنى لبيسان الباز خفيف علي القلب وتقربك لحب ربنا اكتر واكتر نصيحة وعن تجربة

للاسف انا كمان كده 😥😥😥

قربي من ربنا هترتاحي بجد دنيا واخره

هقولك قيام الليل ادعي في انه ربنا يلين قلبهم ويوفقوا عليه وكل ما كترتي ركعت باذن الله ربنا هيستجيب بس تكوني متيقنة من قلبك انه هيستجيب واتمنى اكون سعدتك يارب

صلي ركعتين لله واسأليه الحل لمسألتك ديه

نصيحة ربنا بيختبرك فخلي في بالك دايما ان ده اختبار لصبرك ولايمانك ومتقوليش اشمعنا فلان وانا لا اكيد ربنا سبحانه ليه حكمه في ده نصيحة كمان قولي للشاب الي متقدملك عن مشكلتك ممكن والدك يقولو او اخوكي ويكون علي علم ولو ربنا مجعلوش من نصيبك اعرفي ان ده كان خير وانا افضل خيار ليكي ولو عايزة تبقي وسط اطفال وتحسي بالامومة بجد روحي الجمعيات التطوعية الي تبع دور الايتام واطوعي هناك وهتلاقي ايتام كتير هناك تكوني ام ليهم وانا كمان بعشق الاطفال جدا واتمني من ربنا ان يرزقك الخير ديما ويرزقك الذرية الصالحة يارب يارب يارب يارب يارب يارب

بصي استعيني بربنا ده اولا ثانيا خلي فكرة ان الانتحار حرام ديه فدماغك ثالثا ملكيش دعوة بكلام الناس انسيهم حاولي تنسيهم كلمهم هو الي وصلك للمرحلة دي دوري علي يتيويب ازي جمب مجال شغلك تطوري نفسك ونصيحة ابعدي عن كلام الناس واختك هنا لو احتاجتي اي مساعدة باذن الله اسعدك بس ابعدي عن فكرة الانتحار ولو تعرفي تبعي مع دكتور نفسي يبقى افضل لانك كده في مرحلة اكتئاب وخدي بالك من نفسك بالله عليكي انتي مهم ومهم اوي عند ربنا كمان لانك لو مش مهم مكنش خلق وحطك في الاختبارات ديه عشان يشوفك هتشكري ولا هتكفري والانتحار كفر على فكرة واتمني من كل قلبي تبعدي عن فكرة الانتحار فعلا وانا هنا لو عايزة اخت وصديقة تشجع وتقربك لربنا ونعين بعض علي الدنيا

نصيحة لو مش محتاجة لشغلك وقفيه وبيتك اولا ولكن لو مضطرة فنصيحة انك تشوفي حد يسعدك في فترة شغلك بس تكوني وثقة فيه وتعملوا خطة تربية مع بعض هيكون افضل وانا ارجح انك توقفي شغلك لو قادرة واتمني اكون سعدتك

نصيحة خلي الخطوبة سنة واتعامل معاهم واعرفهم وانت باذن الله هتعرف تقدر انت عايز ايه وايه مريحك بعد كده لاكن اولا وقبل اي شئ صلي استخارة وربنا بأذنه هيدلك على الطريق الصح

بصي ممكن تشغيل جمبها قرأن على طول فتعتاده والكلام بثبت في دماغها وممكن والله اعلم تلاقيها بتردده من تلقاء نفسها حتى ولو بكلام مش واضح وهي المفروض تتابع مع دكتور يعرف حالتها وربنا يجزيكي خير على اللي انتي بتحاولي تعمليه يارب

نصيحة صلي ركعتين لله واسئلي ربنا الحل لمشكلتك وكوني متيقنة ان ربنا هيحلهالك وميبقاش في قلبك ذرة شك وربنا عمره ما هيخيب املك طلما دعتيه وانتي موقنة بالاجابة وانا وثقة في ربي انه يستجبلك لو دعتيه وانتي موقنة بالاجابة انه يستجيب وهيحللك مشكلتك بطريقة انتي مكنتيش تتخيلي انها ممكن تتحل بالشكل ده

بصي انا وانتي نفس الحال لو حتاجتي مساعدة اختك موجودة نعين بعض انا تلتة ثانوي بردو

اعرف ربك وحبه هتخاف تعصيه وهتاخد بالك من افعالك عندك سلسلة بتشرح اسماء الله الحسنى على يوتيوب اسمها اسماء الله الحسنى لبيسان الباز واسأل الله ان يدلك على الصواب

صراحة مجربتوش وده اول تجربة ليا بس احنا فيها اهو وانا شايفة ان التطبيق ده كويس

ممكن لو عايزة ممكن تحولي لصيدلة اوي تمريض

اعمل حساب علي لنكد ان واعمل cv عليه ويكون كويس وشوف ايه الكورسات الي نقصاك عشان تكمله وهتلاقي شغلنات كتير خارج وداخل مصر

بصي انا مش عارفة ايه الي يفيدك في مجال الزراعة بس نصيحة احنا في عصر التكنلوجيا فاتعلمي منتاج واعمليلك حسبات نزلي فيها شغلك ومعلوماتك زي يتيوب او اتعلمي برمجة وai واعملي برامج تساعد الناس في الزراعة او اعملي حساب الناس تستشيرك فيه ازي يعتنوا بنباتتهم ويتبعوها ويدفعوا مقابل ده

بصي لو عايزة تحفظي يبقي بتكرار الايات كتير وكل يوم ولو بتعملي حاجة احفظي من علي اي برنامج تحفيظ او شغل اي قارئ جمبك انا بعمل كده وللتثبيت صلي السنن واقرئ فيها الجديد ولو مش عايزة تنسي الي حفظتيه اعمليلك ورد ثابت بترجعي فيه على القديم واتمني اكون افدتك

هو فعلا شخصية متسلطة وهيتعبك جامد اوي اوي اوي قدام ونصيحة لو متغيرش وده صعب مع سنه يبقي الاحسن بلاش