حسن سامح

يراقبها أو يبتزها إلكترونيا يعني أو ما نوع المراقبه

في محافظة البحيره جنبنا هنا انا من كفر الدوار

اولا لو بتحاولي تصالحيهم على بعض ف انتي بتعملي حاجه حرام لأن كدا كدا هم في علاقه محرمه وانتي مش مدركه كدا ومينفعيش تكلمي ولد اصلا ايا كان الا إذا كان اخوكي ف انتي شكلك محترمه ف فكك منهم هم الاتنين وخلي علاقتك بصحبتك علاقه صحوبيه عاديه ومتكلميش الولد تاني لان في الاول وفي الاخر لو هو راح قالها كلمه هتصدقو هو ومش هتصدقك انتي

لا في ناس جشعه كدا تلاقيه بيستغل أن مفيش غيرو عندكو في المنطقه أو كدا حاولي تتعاملو مع حد غيرو

ماشي اكتب دلوقتي وفرغي الهوايه اللي عندك لحد ما يجي الوقت المناسب وانتي قولتي ابقا فخورة بيها متشغليش بالك بحد يعني مثلا تعالي اقراي عن الائمه والعلماء واتكلمي عليهم قدام حدا أو اتكلمي عن مؤلفاتهم وانجازاتهم محدش يعرف هو مين أو انتي بتتكلمي عن مين هديكي مثال بسيط مثلا الشيخ عبد الباسط والشيخ المنشاوي دول عمالقة القراءه ومحدش ينكر كدا بس دول اللي لحقنا نسجلهم من الزمن القديم ما بالك بقا ب مشايخ القراء دول ومشايخ مشايخهم إلى آخره ياترى قراءتهم وابداعهم كان عامل ازاي ياريت تكوني فهمتي انا قاصد اوصلك ايه

اولا فتره وتعدي وهتروح الجامعه وهتتعرف على ناس تانيه بس انت برضو حاول تتكلم مع الناس عادي يعم الحياه مش مستاهله يعني انت موجود في الدنيا عشان خاطر الاخره ف متنساش السبب اللي انت موجود عشانه ثانيا لازم الاذكار اذكر الصباح والمساء واذكار النوم والاذكار الوارده في السنه وحاول تشغل فراغك تحفظ أو تقرا ولو صفحه يوميا وحاول تقرا كتب وروايات حرفيا بتغير المواد وبتغير تفكيرك تلقاائيا وبالك بيبقا شارد علطول في الأحداث وبيتخيل المشاهد لأن انا تقريبا شخصيتي نفس الشخصيه كدا وفي فتره من الفترات كنت نفس الحوار وربنا يهدينا يوفقنا جميعا

بس تعليق صغير طلعي من دماغك فكرة انا لسا صغير وفي فترة مراهقه وكدا السيده عائشه رضي الله عنها كانت متزوجه النبي وهي عنده تسع سنين يعني لما تيجي تبصي هتلاقي الأحاديث اللي هي روتها عن النبي راوتها وهي اصغر منك وفي سنك كدا بل وكان الصحابه بعد وفاة النبي كانو بيسالوها في اشياء في الشرع وغيره كل دا وهي قبل ما تم العشرين ف متخليش الشيطان يضحك عليكي وبيررلك الغلطات اللي هتعمليه بداعي أن انتي لسا صغيره وكدا ودي نصيحه من اخوكي الكبير لا انا شوفت فيكي اختي الصغيره

لا أنا ولد 😂😂

طالما انتي ابديتي بمشاعرك بالطريقه دي قبل ما تقبلي على خطوه زي دي يبقى انتي فيكي الخير وبتخافي ربنا عشان كدا اول حاجه حطيها نصب عينك أن الموضوع حرام بس خلي وحدتك دي حاجه مميزه مش لازم الوحده تبقا اكتئاب احسن حاجه ارشحهالك والله عن تجربه الروايات واقرأي كل يوم ولو صفحة قران وظبطي الاذكار وشوفي شيخ انتي بتحبيه واسمعيله القران والله ليه تأثير رهيب واكيد انتي مجربه لما تسمعي شيخ انت بتحبي صوته بتبقي حاسه بايه

لا انتي كدا كدا ازهريه يعني خيرة القوم بلا لقب بلا بتاع 😏

بصي هما 20 يوم هيحددو لقبك طول عمرك لو دكتوره هتتكتبي دكتوره حتى على قبرك مهندسه كذالك شوفي انتي بقا هتختاري ايه ثانيا بقا اضحكي على عقلك يعني كلمي نفسك قولي هبدا باسهل ماده وهذاكر نص ساعه بس ومش لازم اذاكر مده طويله ولماتبداي تخشي ف مود المذاكره هتلاقي نفسك خلاص عاوزه تذاكري وافتكري نفسك وانتي قاعده ف اللجنه وانتي يوم النتيجه عشان ماترجعيش تندمي ورفهي على نفسك في المذاكره اعملي اكله بتحبيها مشروب اي حاجه ومتنسيش العربي والشرعي دول مواد تقفيل وربنا يوفقنا جميعا 🤍🤍

اوعي تكلمي ولد انتي مفكرا أن انتي كدا هتملي الفراغ العاطفي دا أو كدا بس انتي كدا هتدمري نفسك اكتر وهتغضبي ربك شوفي اتعرفي على صحبه صالحه وبدل دا كلو الجإي لربنا هو احسن حد هيسمعك وحددي اهداف مثلا خلال شهر تكوني مخلصاها وأهداف كل سنه وكذالك املإي وقت فراغك يعني واقرأي روايات وكتب انا كنت بعمل كدا في فراغي

انا نفس الحوار اتعاملي مع الموضوع أن هو هوايه مش لازم تعجب حد لأن كدا كدا في مجتمع هلس ومبيهتموش الا بالحاجات التافهه وفي امثله كتير على كدا واكبر دليل ع كلامي التيك توك

الطبل اللي كان على ايام النبي اللي هو الدف هي دي الآله الوحيده اللي حلال أما إذاكانت باله أخرى فهي حرام دا بالنسبه للآلات ام الكلام بتاع الاغنيه ففي علماء حرمو الغناء مطلقا وفي علماء تانيين قالو إذا كان يعني الكلام اللي ف الغنا بيستحضر في نفسك حاجه حلوه زي الاناشيد الدينيه أو أغنيه مثلا زي بتاعة المنشد الاقصري دا فهي كدا حلال وإن كانت فيها ألفاظ زي المهرجانات كدا فهي حرام والله اعلى واعلم