خلود شعيب

الجواب: الحمد لله، والصلاة والسلام على سيدنا رسول الله جعل الله تعالى لكل من الأب والابن ذمة مالية مستقلة، بدليل أن الابن لا يخرج الزكاة عن والده، ولا الابن عن أبيه، وأن الأب يرث من ابنه نصيبًا مفروضًا، ولو كان المال له لوجب أن يأخذه كله ولا يقتصر على هذا القدر، وعلى هذا اتفق جميع أهل العلم. ولذلك فلا يجوز تفسير الحديث الذي يروى عن النبي صلى الله عليه وسلم أنه قال: (أَنْتَ وَمَالُكَ لِأَبِيكَ) رواه أحمد في "المسند" (11/ 503) لا يجوز تفسيره بأن الأب يملك مال ابنه على وجه الحقيقة، أو أن له التصرف فيه كيفما يشاء دون علم الولد ورضاه، فهذا القول لم يقل به أحد من العلماء ألبتة. بل معنى الحديث أنه إذا احتاج الأب إلى مال الولد للنفقة - بأن كان فقيراً - أخذ منه قدر الحاجة كما يأخذ من مال نفسه، وإذا لم يكن للابن مال وكان قادرًا على الكسب لزم الابن أن يكتسب وينفق على أبيه، وليس المراد بالحديث إباحة مال الابن على إطلاقه للأب أن يأخذ منه ما يشاء. على أن بعض أهل العلم قد ضعفوا هذا الحديث: يقول الإمام الشافعي رضي الله عنه: "لم يثبت -يعني حديث: (أنت ومالك لأبيك)-، فإن الله لما فرض للأب ميراثه من ابنه فجعله كوارث غيره، وقد يكون أنقص حظا من كثير من الورثة: دل ذلك على أن ابنه مالك للمال دونه" انتهى. "الرسالة" (ص/468) وقال أبو حاتم الرازي: "روي من أوجه أخر موصولا لا يثبت مثلها، وأخطأ من وصله عن جابر" انتهى. "التلخيص الحبير" (3/ 1217) وقال الإمام البيهقي رحمه الله: "روي موصولاً من أوجه أخر، ولا يثبت مثلها" انتهى. "السنن الكبرى" (7/ 480) وعلى فرض صحته فالجواب عنه ما سبق، ويؤكد مثل هذا الجواب ما يُروَى من حديث عائشة رضي الله عنها قالت: قال رسول الله صلى الله عليه وسلم: (إن أولادكم هبة الله لكم (يهب لمن يشاء إناثاً ويهب لمن يشاء الذكور) فهم وأموالهم لكم إذا احتجتم إليها) رواه الحاكم في "المستدرك" (2/ 284) وقال: صحيح على شرط الشيخين، ووافقه الذهبي. فانظر كيف قيَّد الحديث بقوله: (إذا احتجتم إليها)، فلا يجوز للأب الغني أن يأخذ مال ابنه بالطريقة المذكورة في السؤال، بل يجب عليه أن يسد القرض الذي أخذه منه، إلا إذا كان الأب فقيرًا ويحتاج للنفقة في حاجاته الأساسية، فإن له الحق في مال ابنه بما يسد حاجته، وله أخذه ولو دون رضاه، وعلى هذا المعنى فقط يحمل الحديث الشريف. يقول ابن عبد البر رحمه الله: "ليس على التمليك، ولكنه على البر به، والإكرام له" انتهى. "الاستذكار" (7/ 525). ويقول ابن الأثير رحمه الله: "على معنى أنه إذا احتاج إلى مالك أخذ منك قدر الحاجة، وإذا لم يكن لك مال وكان لك كسب لزمك أن تكتسب وتنفق عليه، فأما أن يكون أراد به إباحة ماله له حتى يجتاحه ويأتي عليه إسرافا وتبذيرا فلا أعلم أحدا ذهب إليه" انتهى. "النهاية في غريب الحديث" (1/ 834) ويقول المناوي رحمه الله: "معناه: إذا احتاج لمالك أخذه، لا أنه يباح له ماله على الإطلاق، إذ لم يقل به أحد" انتهى. "فيض القدير" (5/ 13). والله أعلم.

ليه بس

انا نسخت فعلا ...ومكتبش منسوخ ...لكن دى مأخوذة من فتوى دار الافتاء ...انا لست فقيه اكيد وانما كنت عايزة الشخص دا يوصله المعلومة بطريقة صح

لا ...بص حضرتك ...ربنا متطلع ع والدك ...لو والدك مقتدر ومعاه قوت يومه ومش محتاج فلوس من حضرتك ومصر انه يضايقك فى حوار الفلوس دا ....انت ممكن تديله جزء من اللى بتكسبه من باب الطاعة ...ولو استمر فى غضبه عليك خلاص ربنا موجود...وشاهد وعارف موقفك ...لانه غضبه عليك مالوش مبرر ....ولكن انت ما تردش عليه رد مسيئ يعنى بالحسنى كدا اتكلم معاه يا والدى العزيز هو احنا ليه ربنا امرنا بطاعة الوالدين والبر بيهم لانهم بيصرفوا علينا وبيتحملوا مشقة وتعب فى توفير سبل الحياة الكريمة للابناء فزى ما ربنا امرنى انا الولد بطاعتك انت الاب امرك انت كمان بالسعى وكسب الحلال والانفاق من سعتك ومقدرتك علينا ما انت مش هاتجيب زرية وترميها فى الشارع والعياذ بالله ...ووضحله قوله انا ليا زمة مالية مستقلة عنك ولا افضل انك تتدخل فى شئونى المالية ...ولكن مثلا لو حضرتك محتاج مبلغ قولى وانا موجود بإذن الله او قوله مثلا ليك عليا يا والدى اول كل شهر مبلغ كذا كنوع من المساهمة فى البيت مع حضرتك ...لكن رجاءا بلاش اسلوب المن والاذى دا ....اتكلم بهدوء وحسنى معاه ووفر مبلغ له من باب الطاعة وربنا يهديه ان شاء الله

شكرا ع ايه بس؟ متخافيش وخدى خطوتك بس❤️

دا ادمان زى المخدرات كدا مضرة وبتموتك بس انتى ادمنتى ...اول نقطة لازم تعلى عندك تقديرك لذاتك......بانى انتى تقولى نفسك انا استحق افضل من كدا ...استحق معاملة انا بحبها ....ليه تسمحى ان حد يبقى بيأذيكى وانتى قاعدة لمجرد تعود؟! يعنى حتى مش حب ولا مثلا صلة قرابة مثلا حد من اهلك فلازم تتعاملى ؟ قاعدة لمجرد تعود ....لازم تقدرى نفسك كويس اوى ودا بيجى باول خطوة وانتى اولردى اجتازتيها ان تعترفى ان دا تعود وانه مؤذى ...تانى خطوة لازم تفهمى نفسك انك مش عليكى ذنب فى انى الشخص دا كدا؟ ماتسبيش نفسك للتساؤلات هو عمل دا ليه طب ليه يأذينى وانا كويسة معاه؟ ابدا ماتعمليش كدا هو الحقيقة انه شخص نرجسي وناقم وناقد ومعندوش حاجة يديها لحد بيقدره هو واحد فارغ ومعطوب من جواه دى مش مسؤليتك ولا ليكى ذنب ولا مطلوب منك انك تصلحى حاجة زى كدا ....وتخليكى فى نفسك تبدأى تكلمى مع نفسك وتفهميها انه خلاص كدا مش نافع وهانبعد بهدوء ولازم تبقى مستعدة لفترة اعراض الانسحاب انه هاتضيقى وهاتحسي بوحدة يوم كويسة وعشرة لا فى البداية وبعدين هتلاقى انك عشر ايام كويسة وممكن يوم لا يعنى كل ما زادت الفترة اللى انتى بعدتى فيها كل ما اتحسنت واختفت اعراض الوحدة دى...ولازم انتى تلغى كل وسيلة ممكن تتواصلى معاه بيها وكل مرة تبقى تحنى وعايزة تتواصلى مع الشخصية دى افتكرى كل حاجة حلوة انتى قدمتيها واخدتي قصادها ايه بالظبط ولو هو او هى تواصلت معاكى تانى تجاهلى تماما .....انتى مع نفسك كدا خلاص دا كتاب واتحرق ...خلاص كتاب وقرتيه وعرفتى المحتوى بتاعه خلاص فقد اهميته وزهوته فى نظرك افتكرى انك عارفة نهاية القصة .....علاج الموضوع دا انك تعرفى قيمة نفسك ....

انتى مدمنة؟ ترضي حد يقول عليكى دى مدمنة؟

تصاحب؟ هو انت المفروض ما تصاحبش لانه مش كويس اصلا الحوار دا

لا القانون هدفه التنظيم فقط مش كل قانون عادل ....دا بيبقى فى المدينة الفاضلة

جاست ريج200 مجم كويس تلت مرات فى اليوم قبل الاكل بنص ساعة

دا قانون الطبيعة

مافيش كتب هتساعدك فى دا ....لازم الاول انتى تقتنعى من جوا او تخلى حد من اصحاب الثقة بالنسبالك يساعدك

بصي انتى هاتحتاجى انك تقللى القهوة خلال النهار وتبدأى تشربيها من بعد المغرب

بصى المفروض الاتنين يبقوا بيشتغلوا مع بعض.....الاخصائى بيبقى دارس اكتر ناحية التشخيص بناءا ع ملاحظة السلوكيات ولكن علمه فى الدواء والمواد الفعالة محدود كمان بيبقى متمكن جدا فى العلاج لو هايعتمد على سلوكيات يعنى بمعنى ممكن تروحى تحجزى جلسة معينة عند اخصائي معين وتبدأى مثلا تحكى اللى مضايقك او المشكلة النفسية ولو المشكلة بسيطة ممكن هو يتعامل معاكى فى حدود صلاحيته ويعالجها فعلا بدون اللجوء لدواء نفسي او عصبى...اما لو الحالة معقدة بيحولك لطبيب نفسي ويبدأوا يعالجوا المريض سلوكيا وعلاجيا بالادوية.... لكن معظم الاطباء النفسيين مش بيسمعوا المرضى بصورة كافية او يقعد معاه جلسة ساعة ولا ساعة ونص لتحديد الاضطراب فين بالظبط.....احيانا بيلجأ للعلاج مباشرة حتى لو الاضطراب بسيط ..دا غير انه مافيش تخصص اسمه طب نفسي كدا لا هو التخصص اسمه نفسية وعصبية بمعنى احيانا بيكون المرض النفسي نتيجة لنقص معين فى نواقل عصبية معينة فدا اللى الدكتور بيحاول يصلحه بالدواء يزود نواقل معينة او ينقصها ....ولكن لو انتى بتتكلمى مثلا فمريض اكتئاب بسبب مثلا ظرف اتعرضله مؤخرا لا دا فى الحالة دى يزور اخصائي الاول

لا مش كله يستحق الحب

بصي حضرتك الكريم دا اصلا ماينفعش للوجه عموما

وبعدين جواز التقليدى مش زى ما انت متخيل ....على فكرة حتى لو فى تعامل مابين الطرفين قبل كدا برضو بعد الجواز بيبقى فيه تصادمات كتيرة ....فانا معرفش مين اللى قال جواز الصالونات دا مش عارفة ايه .... على فكرة جواز التقليدى العريس بيجى هو وأهله واهل العروسة بيقابله احسن مقابله ويبقى كرم الضيافة احسن حاجة...فعلى فكرة بقا بما انه كدا كدا بعد الجواز الناس بتتصادم وفى اللى بيكمل وفى اللى بينفصل يبقى خليك فى الجواز اللى يحفظ حقك وحقها بكل اصووول وكرم ...انت بس روق دماغك وقيم تحربتك ورتب اولوياتك وعلى الله كل الامر

مافيش حاجة اسمها مش بعرف اتعامل ....دا ربنا قال كدا اصلا هو المفروض مايبقاش فى تعامل نهائي ....ولكن اهو نظرا لظروف شغلنا مثلا فبيبقى تعامل فى اضيق اضيق اضيق اضيق الحدود مش هاغلط واقول مبقاش فى ضمير ولكن هاقولك منعا لدخول الشيطان ...فانتى كدا تمام ومعلكيش غبار فى اى حاجة ...واللى بيمشي عشان معاملتك مالهاش ملامح بالنسباله دا معناه انه غير واثق فى نفسه انه يتقدم لطلبك من اهلك ...او متعالى اوى انه يتقدم وغروره يتأذى من رفض اهلك ولو انه دا الوضع الطبيعى ولا يعيب الرجل فى شيى انه يتقدم ويترفض ...فى كل حالة معتقدتش ان حد زى كدا يلزمك فى حاجة .... متعقديش نفسك وشيلى الموضوع من دماغك ....انتى زى الفل❤️

بص افهمك على حاجة على فكرة انا ستة وعشرين برضو وكانت فكرة السن دى مجننانى ...بس لسة بدرى وعلى فكرة احيانا بتعتقد انه خلاص والوقت هايفوت وبتاع وتلاقى ربنا بكره تانى يوم مسهلك الحوار ...فحوار السن دا شيله من دماغك كلا فى وقته ....تانى حاجة حتة الطيبون للطيبات على فكرة يقصد بها انه الشريكين يبقوا طيبين المعشر مع بعض بمعنى انه كل واحد متفاهم ومتقبل عيوب الاخر وبالتالى حتة ان ربنا فى تجربتك الاولى عطاك واخدة زيك فى عيوبك دى مخك ضحك عليك فيها ....لو هى كانت طيبة لك كانت هاتبلع عيوبك كلها ....ولكن هذا ليس مقدر لك معها ...متقلقش خليها ع الله وربنا رب قلوب

هو اولردى كان مقبل ع الزواج ...هو بيحكى فى الناحية النفسية مش اكتر

وعليكم السلام هو ليه حضرتك استغفر الله العظيم مهمش ربنا من المعادلة.....خلى بالك ربنا قال ايه الطيبون للطيبات والخبيثون للخبيثات ....وموضع اخر قال تعال وعلى نياتكم ترزقون .... فيا اخى العزيز ليه بس تقفل الدنيا ع فكرة زى ما فى بنات والعياذ بالله ربنا لم يأذن لها بالهداية بعد ونسأل الله ان يرزقها العافية والعفو والهداية فى بنات كويسة جدا وفى بنات وقعت مع شباب مش احسن حاجة وربنا نجدها برضو فى اولاد سيئة الغاية والنية والوسيلة جدا فلو هانمشي من منطلق انا خايف يبقى محدش هايتمم زواجه ....ولكن لك من الامر انك تدعو ربنا وتستغفر كثيرا وتلح فى طلب غايتك انى ربنا يرزق بفتاة طيبة مثلك انشاء الله ماتقولش انا خايف ولا متعقد لانى دا فى سوء ظن بالله عز وجل...وربنا عند حسن ظنك بيه ...ظنيت انه هايكرمك واحد فى المية من الامر هايرزقك بالف فى المية من هذا الامر والعياذ بالله لو ظنيت انه ربنا تركك فى هذا لامر سيتركك فى هذا الامر فاهمنى......الزواج ليس له اى صلة بعمر على فكرة زمان كان بيتزوج الرجل والمرأة ع سن الثمانية عشر فمتسمعش كلام حد يقولك مستعجل ع ايه يا عم والدنيا مولعة والدهب والشقة لا انت مؤمن قوى يبقى تعقد عزمك وتنوى خير وربنا بييسر الرزق للبينوى الخير ع فكرة ....ولو على تجربتك اللى قبل كدا فربنا بعدك عنها لانها ليست بخيرا لك ...مش عشان تقول خايف ....ماتخفش وخد وقتك للتأقلم وتقيم انت اتعلمت ايه من تجربتك وهتلاقى بإذن الله بنوتة زى القمر وطيبة الاصل والخلق بإذن الله ظهرت قدامك ومن نصيبك ....ربنا يكرمك ويجبر خاطرك

ممكن تستخدمى كريم اسمه سلينيوم ace سعره معقول وبرضو يستخدم بليل مضاد للاكسدة وعلامات تقدم السن

بص ....على فكرة انا زيك تقريبا .....بس احب اقولك ع حاجة وبناءا ع تجربة شخصية .....بمنتهى الامانة بكلمك ....انتى ما تحطيش فى مخك الطرف الاخر بيتعامل ازاى معاكى نهائى الا لو فى اساءة او تجاوز بتتدخلى وتوقفى الشخص عند حده.....لكن انك تحطى فى مخك كلمنى ازاى او عاملنى ازاى دى لا .....لسبب بسيط جدا اللى عايز حاجة بيعملها يعنى اللى بيحبك بجد هايدور ويسأل ويحى لحد باب بيت اهلك وينفذ طلباتك انتى وهما لانه شارى ....اما بقا شغل التلقيحات والتلميحات دا مش كويس ولو الرجل استخدمه انتى تعرفى ع طول انى دا اخره ودى قيمته هو مش قيمتك انتى ....انتى ما تروحيش تفاتحى الراجل تقوليله انت معجب ولا لا انت بتحبنى ولا لا مش صح ومش كويس ابدا فى حقك ......والله هو محدش قص لسانه ....وبرضو انتى تردى ع اهتمامه ردود رسمية وواضحة ومختصرة عشان ع فكرة هما احيانا بيتعاملوا كدا عشان خاطر بس يشوف رد فعلك انتى ايه .....فبما يرضى الله انتى لا تروحى تفتحى الموضوع معاه ولا تطلبى تبرير انتى تتحاهلى تماما تماما تماما واذا كان فى نيته خير وربنا اراد هتلاقيه اتقدم اما غير كدا يا اختى الكريمة صدقينى مافيش خير هايجى من المواضيع دى مدام مش بالاصول ...اسعدك الله ورزقك الزوج الصالح والزرية الكريمة

بصي ايوة هو له رائحة معينة وكمان عشان زى ما وضحت هو حساس جدا لدرجة الحرارة والضوء فممكن لو متخزن بظروف مش احسن حاجة ممكن تلاقى الرائحة مش كويسة وكمان اللون ممكن يبقى مايل للصفار دى النقطة الاولى ..النقطة التانية بقى انه وجود رد فعل من بشرتك زى الحكة والاحمرار وكدا دا مش ميزة والمفروض العلامات دى اما تظهر خلال استخدام اى مستحضر جلدى بنوقفه فورا .... ولكن زى ما قولت لو استخدمناه بحجم حبة البازلاء على وشنا كله مع استخدام سيرم هيالورونيك اسيد كمرطب ليلا فقط المفروض ما تظهرش العلامات التحسسية دى....نصحتى ليكى انك ممكن تشترى سيرم ريتنول وتستخدميه هو هايكون غالى شوية ولكن نتيجة مزهلة وبيقعد فترة معاكى ...لانه الكريمات زى ما وضحت بنسبة كبيرة مش فعالة اوى

بصي حضرتك انا صيدلانية فعندى معلومة كويسة فى المجال دا...اكنى فرى دا مش مقشر دا مشتق من مشتقات فيتامين ا اللى هو الريتنول لو بتستخدميه فى الروتين بتاعك عموما هو مفيد ومش لازم يكون فى حبوب او تصبغات هو فى الاعم والاشمل مفيد ع جميع الاصعده بس بنستخدم منه مقدار حبة البازلاء كدا ع كفة اليد ودى الكمية اللى تستخدميها ع وشك كله .....مع العلم انك تستخدمى معاه سيرم مرطب ويكون فى فيتامين سي ..كمان ممكن لو بشرتك حساسة ممكن تستخدميه يوم ويوم مثلا ....كمان مهم انك تعرفى انه يستخدم ليلا فقط ولا نتعرض للضوء واحنا حاطينه ع وشنا لانه بيتكسر وفيدته بتروح ...

انا كدا ولحد دلوقتى مش لاقيه حل

عندما تحب النساء اكثر مما ينبغى

ايوة كويس استخدم لون ازرق بس فاتح عن كدا

متأخرة ليها قد ايه؟ ممكن نمشي ع سيدولوت نور اقراص قرص صباحا ومساءا او الافضل كل اتناشر ساعة لمدة عشر ايام وبتنزل بعد الانقطاع عن العلاج من يوم لتلت ايام

اعتقد انك محتاج تزور طبيب معالج سلوكى مش طبيب مخ واعصاب او طبيب نفسي اكلينيكى ....بس اللى اعرفه من دراستى انه بيبقى محتاج موود استبليزر وبيبدا يفهم الاضطراب ازاى ويتعامل معاه