Mohammed Hussein

لازم تشوف دكتور نفسى علشان يحدد لك ايه اللى عندك بالتحديد ممكن تكون بتعانى من اكتئاب

لازم تروحى لدكتور باطنة علشان يتأكد من تشخيص حالتك ولو مش مقتدرة على كدا فى جروب على الفيسبوك اسمع أنا وابن عمى بنساعد الغريب دا جروب خاص بجمعية رسالة للاستشارات الطبية بتنزلى حالتك المرضية بالتفصيل وهما بيوصلوها لدكتور من أكبر الدكاترة ف مصر و يقولك على التشخيص الصحيح من غير ما تدفعى حاجة

فى حل بسيط جدا و هو بمجرد ما يخطر موضوع ما فى دماغك و تحبى تتكلمى عنه ف أما تكتبيه ف ورقة أو على التليفون علشان متنسيهوش أو بمجرد ما تفكر فيه تروحى فى نفس اللحظة تكلمى الشخص دا فى الموضوع اللى فكرتى فيه علطول و الاهم من كل دا أثناء كلامك عن الموضوع المهم دا لازم الشخص اللى تكلميه يتفاعل معاكى و يبدى رأيه و تتناقشوا فى الموضوع دا لانه دا هيفيدك اولا انك تعرفى تدخلى فى اى نقاشات سواء انتى الصح أو الغلط بس هتعرف تبدى رايك بخصوص الموضوع دا ثانيا لما الشخص اللى قدامك يتناقش معاكى و يفضل يتكلم على الموضوع اللى فكرتى فيه من الطبيعى هتلاقى نفسك مشغولة فى الموضوع دا ومش هتفكرى فى اى مواضيع جانبيه لانكم انتوا الاتنين بتتجادلوا فى نفس الموضوع غير أنه كلامه فى الموضوع دا هيخليكى منتبهة معاه ومركزة بحيث متفكريش فى اى موضوع تانى لانك بمجرد ما هتفكرى فى موضوع تانى هتلاقى الشخص التانى قاطعك علشان يكمل كلامه فى الموضوع اللى كنتوا بتتكلموا فيه

انتى اولا حاولى تصلى صلاة استخارة وربنا هيدلك على الطريق الصحيح و هيختار الاحسن ليكى و اللى عارف انه الخير كله ليكى هيكون معاه هو وبس ثانيا من وجهة نظرى و من واقع قرائتى لكتب كتير و كلام علماء كتير فى علم النفس أنه الأفضل تتجوزى اللى بيحبك مش اللى انتى بتحبيه لانه اللى بيحبك هيهتم بيكى و يخاف عليكى و يحترمك و هيعمل كل اللى يقدر عليه علشان يشوفك مبسوطة و هيكون مستعد يضحى كتير علشان خاطر سعادتك ودا من الطبيعى مع مرور الوقت هيولد الحب فيكى ناحيته ، عكس الشخص التانى اللى انتى بتحبيه بس هو مش بيهتم بيكى ولا بيحبك فوق دا كله مش بيحترمك بالرغم من أنه مفيش اى علاقة رسمية بينكم ف ما بالك لما تتجوزوا غير كدا فكرى مستقبلا انتى اه بتحبيه بس هو يمكن مش بيحبك و بيتسلى بيكى مش اكتر بدليل أنه مش بيكلمك كتير وانتى اللى بتكلميه و بتديله الاهتمام كله ومفتحش معاكى سيرة الجواز نهائى ف كيف لشخص زى دا ممكن يكون اب صالح لابنك مستقبلا ودى نقطة مفكرتيش فيها ف انا شايف أنه الأصح خليكى مع اللى بيحبك مش اللى انتى بتحبيه ومع مرور الوقت لما تشوفى منه كل خير و احترام و تحسى بحبه الكبير ليكى من الطبيعى جدا انك هتحبيه و تبادليه نفس الحب و الاهتمام بس فى الاول و الاخر زى ما قولت لك فى البداية صلى صلاة استخارة لانه ربنا عالم الغيب و هو الوحيد اللى عارف لك الخير فين و مع مين بالضبط ولو ليكى خير مع اللى بيحبك كونى متأكدة أنه ربنا هيجمعكم سوا و لو ليكى خير مع اللى انتى بتحبيه ف ربنا هيجمعك بيه ف صلى صلاة استخارة و توكلى على ربنا

خد دواء اردوسولفين دا دواء كويس خالص للبلغم ، بيبقى مذيب للبلغم و موسع للشعب الهوائية هيعجبك جدا

بعتت لحضرتك