Mahmoud Mokhtar

نصيحة من زميل اكبر منك انا في تالتة بشري عام بصي مش هكدب عليك بس انتي عرفتي مستواك وقدراتك فا المفروض تلتزمي مش شوية لا تلتزمي على أقصى ما يكون الكلية بتاعنا بذات سنة أولى مش حمل دلع ايوه في ناس بتجيب مجاميع حلوه بمجهود اقل لكن دي عقليات وانا عندي منها كتير زمايل وفي ناس تاني تدعك ليل نهار ويادوب لكن بصي انتي حاولي تشدي وتجربتي اكتر من طريقة للمذاكرة والحفظ لحد ما ترسي على حاجه انتي كويسة فيها وبتنفع معاكي انا عن نفسي ف سنة أولى جربت اكتر من طريقة واللي نفعت معايا اني بسمع الريكورد بتاع المحاضرات واشوف الدكتور ركز ع ايه وحذف ايه وبعدها أقرأ المحاضرة ع السريع واحاول احفظ المهم وبعدها احل عليها وخلاص كدا لكن اجي اخر الاسبوع اراجع عليهم ايوه هكون نسيت أغلبهم بس هيكون افضل من اول مرة وبعمل كدا قبل ليلة الامتحان وبكدا قريت المحاضرة ٣ مرات وتقريبا يثبت بنسبة ٧٠٪ ودا حلو مش وحش يعني الخلاصة انتي في الأمر الواقع لازم تثبتي نفسك زميالك مش احسن منك وكلوا هيتحسن بالتدريج متزعليش نفسك ع اللي راح بس لازم تشدي وفي الاخر الامتحانات دي توفيق من ربنا ودراستك وتعبك يجي بعد كدا متكسليش وركزي وربنا كريم واللي شلتي دا هتقدري تنجحي فيه متقلقيش بس لازم يكون جواكي الدافع اللي يخليكي تكملي ربنا حطك في المكان دا يبقى انتي تستحقي فرصة وشدي حيلك وهتنجحي وقصة ابوكي ميعرفش دا غلط لازم تصاريحه بكل حاجه علقك مش حمل يشيل هم مزاكرة وهم ابوكي وأهلك وخلاص اللي حصل حصل بس لازم تعوضي حطي هدفك قدامك واسعي وإن شاء الله هتكوني احسن دكتورة ف يوم من الايام

توضيح بسيط...هو مفيش حاجه اسمها دهون كرش هو في دهون بشكل عام ومينعش تخسي من بطنك وباقي جسمك لا ..الفكرة كلها في الرجيم والأكل الصحي وطبعا بكميات معقولة وبعدين يجي دور الرياضة دول اللي هيساعدوكي تخسي بس اهم حاجه الالتزام عشان تلاقي نتيجة مرضية عشان الدهون دي اخدت شهور دا إذا مكانش سنين عشان تتكون فا متتوقعيش انك هتخسريها في شهر واحد..وفي بعض الناس تقول أنا لما بعمل رجيم بخس من وشي بس وبطني وباقي جسمي لا فبتتعب نفسياً وتبطل الرجيم الفكرة هنا انو الجسم بيحرق الدهون من كامل الجسم بشكل يكاد يكون متساوي بس كمية الدهون الللي في الوش قليلة عشان كدا لما نحرق منها شوية هيكون ملحوظ ودا عكس البطن لو حرقنا نفس الكمية مش هنلاحظ دا لكن بعد فترة من الالتزام هتلاحظي تغير جذري

هو المفروض اصلا دي طبيعية البنات أنها تبقى عاملة حدود لنفسها ومبتخرجش كتير لكن قصة زيارة قرايبك دي انتي مش مجبورة الا لو البيت كلها رايح وانتي بترفضي تروحي مع ابوكي وامك تزوري قرايبكم دا هو اللي غلط لكن انتي مش عليكي لوم خالص ومتتعبيش نفسيتك خالص

بصي اقولك على حاجه قصتك شبه قصتي انا ،وانا حاليا في الفرقة الثالثة طب بشري انا كنت متفوق من يومي في كل المراحل لكن في تالتة اعدادي في أول امتحان واللي كان عربي وقتها حصلت مشكلة واتخانقت من المراقب المهم لم الورق قبل الوقت بنص ساعة وباقي اللجان كانت شغالة ومحدش قدر يتكلم معاه خالص المهم انا مكنتش خلصت الامتحان وقولت الحمدلله ومزعلتش ورضيت وكملت باقي الامتحانات وقفلتها كلها إلا العربي دا ومدخلتش تمريض اللي كان نفسي فيها ودخلت ثانوي شوية أشد وشوية أراكم اروح مرة واكنسل مرة لكن كنت بذاكر يعني وشديت اكتر في تالتة ايوه صحيح كانت في حاجات تايهه مني عشان مكنتش شادد كويس في السنتين اللي عدو بس كنت بقدر الم الدنيا اللي واقعة دي وبس يا ستي ربنا كرمني في الاخر ودخلت طب وهي عذاب اكتر من الثانوي بس بتتعذب وانت فرحان يعني الخلاصة انو ارضي بأمر ربنا وافرحي بيه بجد يعني أنا كنت مقتنع انو دا الافضل ليا ارضي باللي انتي فيه وادعي ربنا وهو هيرزقك ومتقلقيش هتقدري تلمي كل حاجه وهتتفوقي بس اخر حاجه انا بلومك على تركك للصلاة وكدبك على امك متصلحيش الغلط بلغط ربنا يصلحك حالك ويكرمك يا دكتورة

والله طالما انتي بتغلطي نفسك وتراجعت عن الغلط دا يبقى انتي من جوه كويسة ومتربية ميت مرة متلوميش نفسك وكملي حياتك الموضوع مكبرش وانتي عرفتي غلطتك وخلاص كدا خلصت،وحاولي لو احتاجتي حاجه اطلبيها من صحباتك على الخاص مش لازم من جروب الدفعة عشان دا خراب والله يعني أنا ولد اهو وعن نفسي ٣ سنين في كلية الطب مفتحتش جروب الدفعة دا خالص

والله بص الدنيا مش مستاهلة فاهم يعني متركزش في كل حاجه ومتشيلش ف نفسك قوي خليك على طبيعتك بس حاول متتغطش نفسك اصل بص عملت خير عملت شر كلو هيتنسي ومش هيفتكروا غير الشر يبقى متتغضطش على نفسك واتعلم وسط الهزار توقف وقفة جدا وتقول لا ،تقول محدش يندهني باللفظ دا ،انا مش هعمل كدا،يعني الفكرة انك تحط حدود حتى مع الناس اللي بتهزر معاهم اللي هما اقرب الناس ليك يعني والله لما تقول لا ،الناس كلها هتحبك وتحترمك اكتر من انك تبقي خدوم في كل الأوقات واخير القاعدة دي مش ثابة ف كل الأوقات ولا ثابتة مع كل الأشخاص يعني في شوية استثنائات طبعا

هتتعدل يعم اضحك وفرفش محدش ضامن عمره كل انسان بيعدي بلحظات دروب كدا ف حياتوا بس الدنيا مش هتوقف عليها كلو بإذن ربنا هيرجع احسن من الاول

😑اهل ايه اللي يعاروض قرار زي دا اعملي الصح وملكيش دعوة بحد ،معلش بس تقبلوا الموضوع امين متقبلوش برضو امين اللبس والاحترام مفهوش نقاش ولا حرية في صح وغلط واللي في الوسط اللي هو بناطيل واسعة دي برضو نتجنبها برضو

والله يعني متشيليش ف نفسك قوي اصل الموضوع دا عادي وكل انسان بتيجي عليه فترة وبيفصل من العالم كلوا دروب يعني بس كلوا هيرجع تاني واحسن من الاول كمان حاولي تعملي حاجة جديدة الفترة دي زي الرسم أو أي حاجه تشغلك وتغير مودك حاولي تسمعي قراءن بأصوات شيوخ غير اللي انتي متعودة عليهم حاولي تتكلمي اكتر مع صحباتك بس متشيليش ف نفسك الموضوع طبيعي وهيعدي وربنا يكرمك

الطب النفسي زيو زي اي مجال طبي تاني يعني مش عيب ولا عار بس الفكرة انك متستعجليش وتحكمي على نفسك انك بحاجه لدكتور نفسي لأن الفكرة بحد ذاتها هتتعب نفسيتك وهو في مصر وخصوصا الصعيد الطب النفسي منبوذ شوية بس هو فعلا فيه أمراض نفسية بتحتاج علاج عشان الإنسان يرجع بصحتوا تاني بس باكد عليك متدخليش نفسك في المتاهه دي الا لو المشكلة اللي عندك تستحق فعلا وحاولي تقربي من ربنا وربنا يشفيكي إن شاء الله ويخلي اهلك راضيين عليكي

والله قصة إنك تخبي عليهم دي سيبك منها خالص يعني عشان دا يعتبر كذب وعشان انتي محتاجة لدعوات اهلك ورضاهم عليكي بصي طالما انتي ذاكرتي بضمير ولو حتى بكمية قليلة المفروض حتى انك تعدي صافي بس اللي حصل حصل وكلوا نصيب انتي قوليلهم ان الامتحانات كانت صعبة وفهميهم انك مش لوحدك اللي شيلتي مواد وان دا وارد ف كلية زي دي ومتقلقيش يعني حتى لو زعلوا شوية بس انت هترتاحي وهتعرفي تذاكري كويس وربنا هيكرمك إن شاء الله