Omnia Emad

وعليكم السلام ورحمة الله وبركاتة كلنا بلا استثناء بنعمل حاجات غلط وذنوب ولولا ستر ربنا علينا مكناش هنقدر حتي نبص في وشوش بعض وانتي عملتي غلطين اول غلط انك دخلتي في خصوصياتو تاني غلط انك مش بتعمليه كويس يمكن باباكي بيحاول يتغير كل يوم ويحاول يبعد عن الغلط ده لاكن الانسان ضعيفه بطبعه ف مره الشهوات تغلبو ومره يغلبها ف اللي بينه وبين ربنا في الذنب ده انتي متعرفهوش ف كل اللي انتي تعمليه دلوقت انك تدعيله وتصلي القيام بالذات وتدعي ان ربنا يهديه ويصلح حاله ولو باباكي مش بيصلي لا اجتمعو كلكم وخليه يصلي بيكم جماعي او لو بيقعد لوحدو كتير متسبهوش لوحدو املو الفراغ بتاعو اقعدو معاه وهزرو واضحكو اعملو اكله مع بعض اخرجو اتفسحو المهم انكم تملو الفراغ وتبعدو عن المشاكل والضغوطات والاهم انك تعاملي باباكي كويس وتنسي اللي شفتيه ده وربنا يسترنا جميعا

وعليكم السلام ورحمة الله وبركاته هو ده طبعا بيختلف حسب مكانك وحسب البنت اللي هتتجوزها من وجهه نظري فمثلا انت لو من بحري شقق يعني واجارات والكلام ده كلوه اعتقد ان لو مرتبك 10000 ولفوق هيكفيك او نقدر نقول انو معقول في بدايه حياتك يعني لازم شغلانه ثابته بمرتب كويس وبرضو لو هتتجوز وحده قنوعه فالموضوع هيكون اسهل وبعيد عن الضغط وعادي ممكن تتقدم لواحده وانت مش عندك شقه بس معاك شغلانه كويسه تقدر تجيب شقه بمقدم وكل شهر تدفع جزء وتجهزها من جهه تكون جهزت نفسك وجهه تاني تكون عرفت خطيبتك كويس وفهمتو بعض

السلام عليكم ورحمة الله وبركاتة ايوا بالظبط ان جذور مشكلتك بسبب الاهل الله يسامحهم ويغفر لهم المهم انت كويس اهو وعرفت تحدد اسئلتك بشكل واضح وبطريقه كويسه ف انت زي الفل اول حاجه واهم حاجه انك تبعد وتوب عن الاباحيه والعاده السريه ده هيبوظ الدنيا اكتر وبدل ما علاقتك بس بالاناس هي اللي مش احسن حاجه انت كمان هتضعف علاقتك بربنا ف تبدا بسم الله انك تحسن علاقتك مع ربنا وتقراء القران بي تدبر وده هيحسن حالتك النفسيه بعدين احضر فديوهات عن تقويه الشخصيه اليوتيوب مليان فديوهات كتير لتطوير الذات انا جاوبت علي كد معلوماتي ف يارب اكون فدك ولو حته بنسبه بسيطه وان شاءلله المتخصصين في علم النفس يجوبوك وتلاقي الحل اللي يوفقك يارب

السلام عليكم ورحمة الله وبركاته الموضوع كلو عايز صبر وعزيمه قويه وكمان تبعد عنك المصدر اللي غالبه هو الموبيل في تطبيق اسمو Digital Detox تطبيق جميل جدا اللهم بارك هتقدر من خلالو تحظر التطبيقات اللي بتوصلك بالذنب ده وي تطبيقات بتشتتك اثناء المذاكره وكمان تقدر تحدد المده اللي عايز تحظر بيها البرامج دي تبدأ من خمس دقائق لحد 60 يوم ومع العلم مش هتقدر تفك الحظر او تحذف البرنامج غير ما تدفع فلوس فده بيصعب عليك الانسحاب واهم حاجه توب وصل واستغفر ربنا ممكن في لحظه الواحد يفارق الحياه ربنا يهديك ويهدينا جميعا نزل التطبيق ده وقرب من ربنا واطلب منو انو يعينك ويكرهك في اي ذنب وربنا يوفقك يارب

وعليكم السلام ورحمة الله وبركاته انا كنت زيك كدا وبقول مش هقدر اقرأها كلها لكن الحقيقه طلعت عكس المتوقع خالص انتي في البدايه هتحسيها كبيره لكن بعد كام يوم هتقرئيها في جلسه واحده هتاخد منك ساعه فقط وعن تجربه المهم في البدايه هتقسميها ازاي هي 49 صفحه هتقرئي بعد كل فرض 10 صفح فقط او في الفجر اقرئي 20 وبد كل صلاه 10 لان العشاء اغلب الناس بتكون تعبانه ومنهكه من شغل البيت او اي شغل بتعمليه طول النهار ف بتكون تعبانين فممكن تكسلي ف شوفي انهي يناسبك وربنا يقويكي يارب وفي حاجه تاني تحفههههه انا فرحانه جدا ان ربنا اعاني ووفقني اني اعملها وهي ختم القران في 6 ايام فقط لو عايزه تعمليها هتقرئي بعد كل فرض 20 صفحه بس كدا

وعليكم السلام ورحمة الله وبركاته عايزه اقولك ان ده نفس السيناريو اللي حصل معايا يكاد يكون بنفس التفاصيل متقدم ليا من الترم الاول وكل ما يحدد معاد يجي قبل المعاد بيوم وبيعتذر لاسباب غير منطقيه لحد ما بابا قفل معاه الموضوع وقلو بنتي حد متقدملها تاني وموافقين عليه المهم الشخص ده رجع يكلم بابا في عيد الاضحي وهو متاكد اني متخطبتش وطلب من بابا تاني انو يحدد معاد علشان يجي واجل المعاد تاني برضو لسبب انو عايز يجيب دهب علي طول مع انو ولا شافني ولا شفتو ولا سأل علينا ولا سألنا عليه بس الغبي كشف نفسو بالحركه دي انو مش بتاع جواز وبيحور المهم لما حددو معاد تاني برضو اعتذر ف بابا عملو بلوك 😂 المهم اني الفتره دي قبل ما يعملو بلوك صليت صلاه الاستخاره وبرضو محستش بي حاجه فاستمريت كام يوم علي ذكر لا حول ولاقوة إلا بالله العلي العظيم وبعدها صليت استخاره تاني وشفت حلم كشفلي الحقيقه كامله الحمد لله ف قلت لبابا وعملو بلوك النهائيه من قصتي القصيره الحزينه دي استمري على الحوقله بنيه ان ربنا ينور بصيرتك

بصي هو لو انتي محتاجه الفلوس ف مفيش اي احراج واطلبي بشكل مباشر بس لو مش محتجاه بلاش تطلبي تاني مفيش حد بينسى الدين اللي عليه والله اعلم بظروفه يمكن بيتهرب بسبب انه ممعهش فوارد انو يردلك الفلوس ويمكن بالنسبالك انتي مبلغ بسيط لكن بالنسبه له هو مبلغ كبير ف بلاش تضغطي عليه لو مش محتاجاه اوي وباذن الله هو هيردو لما ربنا يوسع عليه

بصي ي حبيبتي ده يعتبر شعور طبيعي بسبب التوتر انا كنت زيك كدا في تالته ثانوي وايام الامتحانات مكنتش قادره حتي اراجع او احل اسئله ليله الامتحان بسبب التوتر الحل بقي اي انك تشغلي قران وتحاولي تهدي واقعد اقنعي دماغك ان لسه في وقت كبير وهتقدري تخلصي كل اللي وراكي واهم حاجه حاليا انك تنامي بدري ويومك يبدا من 4 الفجر تصلي القيام والفجر وتبداي بسم الله تحددي لكل فصل او ماده وقت معين بس وقت كافي يعني ويخلص الوقت تاخدي استراحه قصيره وتبدائي تاني علي العموم الموضوع ده نفع معايا جداااا في الكليه ف ان شاءلله ينفع معاكي وربنا يوفقك يارب

وعليكم السلام ورحمة الله وبركاتة بص هو من البدايه الموضوع غلط لاكن المهم انك خلاص فوقت وعرفت الصح واياك تتراجع عن قرارك علشان تكسب رضاها هي يمكن لسه صغيره وشايفه انك كدا بتتخلي عنها ومش عيزها انت دورك دلوقت انك تبعتلها رساله وتعترف تاني بحبك وتمسكك بيها وانك بتعمل كدا علشان عيزها في الحلال ورضا ربنا اهم مليون مره من اي حاجه تاني وقلها انك في اقرب فرصه هتكلم اهلك عليها وهتيجي ودي اكتر حاجه هتثبتلك اني فعلا صادق وبحبك وانا لما قلتلك اني مليش دعوه بيكي واحنا اخوات هي دي لحظه عصبيه مني ومكنتش اقصد وبعدها تعملها بلوك من كل مكان ومتستناش رد منها وهي حتي لو مفهمتش رسالتك دلوقت هتفهمها بعدين ان شاءلله لاكن اياك تسمح للشيطان انو يضحك عليك تاني ويزين ليك الحرام ويقولك طب استني بس شوف ردها واعمل بلوك طب رد عليها واعمل بلوك طب ده اخر يوم تتكلمو فيه واعمل بلوك طب اتاكد انها بتحبك واعمل بلوك كلها دي مداخل للشيطان اوعي تسمعلو وربنا يرزقما الحلال يارب