فارس الأندلس

لما الإنسان بيموت عمله بينقطع الا من ثلاث واحدة منهم ولد صالح يدعو له.. نفهم ايه من الكلام ده حاجتين اهم من بعض فيهم حل مشكلتك بالكامل.. اولا : الميت رحمه الله بينقطع اي أثر او تأثير له ف الدنيا و ده معناه لو فيه حزن نكد اكتئاب ده من نفسك الله يرحمه عاش حياته بالحلو و المر و ربنا يجزيه خيرا عليها اما لو اهل بيته حاسين ان فيه حزن اكتئاب الخ يبقي.. يعملوا الأفضل بقي ليه و ليهم.. اللي هو ثانيا : ادعوا ليه و تقروا قران علي روحه بنية ان ربنا يرحمه في قبره و ييسر حسابه.. ده شيء يفرج عنهم الهم و الحزن و ينفع المتوفي في آخرته.. أما مشاعر التوتر الضيق الاكتئاب الحزن الزعل الصريخ كل دي حاجات متنفعش الميت بالعكس اه ممكن تسبب ليه اذي.

دوري علي جهاز فيه نظام تبريد علشان سيكريت ريزا اللي موجود في مصر في سيتي ستارز و غيرهم مفيهوش نظام تبريد علشان منطقة البكيني، علي عكس النوع اللي موجود في السعودية من نفس الجهاز و اللي بيبقي فيه نظام تبريد أيضا من مشاركات نساء استخدمت نفس الجهاز قالوا ان النتيجة بتظهر بعد 12 جلسة..

بسبب الجراثيم اللي بتتنقل للاذن من خلال السماعات الهاند فري او الايربودز او بسبب وجود تركم للشمع او اهمال في تنضيف الاذن او وجود خُراج في الأذن .. الحل استشارة طبيب.. لو مفيش خراج هيكتب قطرة لإذابة الشمع ثم بعد 3 ايام هيعمل تنضيف.. لو فيه خُراج في الأذن هيركب فتيل في الأذن و عليه مرهم مضاد حيوي مخصوص و بعد يومين الي 4 ايام الخراج او الدُمل هيبقي اقل يقدر يعمل تنضيف.. في كافة الحالات مفيش شيء يخوف في حالتك ولازم زيارة طبيب أنف اذن لتقييم الحالة و عمل المناسب.

أقراص الحديد اتكتبت علشان حالة معينة و هي نزف مزمن او دورة غزيرة او مرض سوء الامتصاص مزمن بيسمي السيلياك او بعد الجراحات الكبري او الحمل. و الأقراص دي متنفعش علطول. . تحتاجي تهتمي بالغذاء.. انواع معينة.. ✦حديد حيواني (يمتصه الجسم بشكل أفضل) .. الكبدة (من أفضل المصادر) البقري ثم اي نوع آخر اللحوم الحمراء (خاصة الكتف أو الفخذ) الدجاج والديك الرومي الأسماك (السردين، التونة) حديد نباتي ( أقل امتصاصًا، لكن مفيد) .. السبانخ ، الملوخية ، البقدونس ، الجرجير العدس ، والفاصوليا ، الحمص اللي بيتسلق بس مش شرط سلق ممكن يتعمل سلطة او زي الفول.. البقوليات عمومًا.. ✦علشان تحسني امتصاص الحديد اِعصُري ليمون علي الاكل او اشربي عصير برتقالي طبيعي بعده ليه علشان فيتامين C بيساعد علي امتصاص الحديد. معلقة عسل اسود من نوع كويس ( النوع الكويس مبيبقاش فيه ريحة زفار ة) و ابعدي عن السايب و لاحظي ان الإفراط في العسل الأسود او ما يسمي ب دبس القصب مش حلو لو حد عنده مرض السكري ، حد تقصي في اليوم 2 معلقة كبيرة.. معلقة كبيرة صباحا علي الريق . ✦ خليكي فاكرة الشاي و القهوة و منتجات الألبان و البيض بكثرة بيمنعوا او بيعارضوا امتصاص الحديد.. لازم تبعديهم عن وقت الوجبات الرئيسية لازم حذر شوية في حالتك. مثال لوجبة يوم.. الفطور ملعقة عسل أسود + طحينة / أو فول + ليمون سناك ، عصير برتقال طبيعي الغداء ، كبدة مشوية أو لحم + سبانخ أو عدس + سلطة بقدونس وليمون العشاء حمص أو بيض (مرتين فقط بالأسبوع) + خبز أسمر قبل النوم تمرتين + ماء أو عصير برتقال. أقراص الحديد اقصاها من 3 الي 6 شهور فقط تحت إشراف طبيب و بالشفاء العاجل أن شاء الله