Omar Samy

وعليكم السلام ورحمه الله وبركاته بص يا اختاه انا كنت طالب ثانوي عام السنه اللي فاتت وبفضل ربنا دخلت حاسبات ومعلومات الحمدلله ....اولا ربنا بيقول ايه (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ) يبقا انتي متزعليش علي التمريض وكمان تدخلي الثانوي وتعرفي أن ربنا شايلك الاحسن ليكي ومتقوليش انا مش حابه الثانوي اكيد مش هتتقبليه كاشغفك بس لو حاولي تتقبليه قا رزقك وأنه ربنا بيوجهك لحاجة احسن من اللي انت عايزاها ...... بالنسبة للصلاه انا مش كامل وكل بني ادم خطاء انا يمكن بدأت اصلي من اربع شهور بس بقطع وانا كنت زيك في يوم من الايام بس ربنا كرمني أنه خلاني افوق واحاول اجاهد نفسي وشيطاني اللهم اوهبنا الثبات ،بس صديقني عمرك ما هتتغير غير لما تصلي عمرك ما هتتغيري غير لو حته بتقرأي صفحه واحده في القران في اليوم وتستغفري كتير (فَاسْتَغْفِرُوا رَبَّكُمْ إِنَّهُ كَانَ غَفَّارًا، يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) فصدقيني عليكي والاستغفار والصلاه والقرأن ويكون عندك يقين أن لما ربنا يشوفك بتحاولي وبتسعي عشان رضاه الاول وعشان الاخره وأنه يتوب عليكي ربنا اكيد ويكون عندك ثقه أنه هيكرمك كرم عمرك ما شوفتيه ،قال رسول الله صلى الله عليه وسلم عن الله عز وجل :(أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأٍ ذكرته في ملأ خير منهم، وإن تقرب إليّ شبراً تقربت إليه ذراعاً، وإن تقرب إليّ ذراعاً تقربت إليه باعاً، وإن أتاني يمشي أتيته هرولة ) فجاهدي نفسك لطاعه الله تعالي وامسحي التيك توك والانستجرام وفيسبوك سيبي الماسينجر لو بتكلمي حد عليه صحابك كده يعني سيبيه ونفس الحكايه الواتس اي حاجه فيها اسكرول وريلز تتمسح وتبعدي عن أي حاجه بتاخد وقتك و حاجه مش قصدي حاجه والله عشان ما تبقاش قذف محصنات وتبقا حرام عليا لو بتكلمي ولد ملهاش لازمه صدقيني اسف لو بقولك كده وانتي مش بتعمليه سامحيني بس يعني تبقي تبع الحاجات اللي هي ذنوب وحرام نعملها ...... نيجي بقا للمذاكرة انا هنصح بحاجات مقتبسها من كذه حد وكذه حاجه بس انا شايف دلوقتي انتب لسه في تانيه وموادك مش مستهله نفس مذاكره تالته وكده بس برضه انتي بتتمرني وتنظمي وقتك وتتدربي عشان تالته ،المهم انتي تنامي الساعه ٩ ونص وتصحي الساعه ٣ الفجر بليل تصلي ركعتين قيام ليل وتدعي لنفسك واللي نفسك بيه وتدعي ربنا يكرمك في مذاكرتك يعني هتاخدي حوالي نص ساعه مثلا عمتا تخلصي تقومي بقا تذاكري الساعه المتبقيه لحد الفجر وبعد كده تصلي الفجر وتقرأي الاذكار وسوره يس وتنطلقي بقا من الساعه ٥ تذاكري لحد ما تروحي المدرسه لو انتي بتروحي المدرسة أو حاولي تروحي الايام المهمه بس عشان خاطر لو عندكم مش عارف تقييمات والحاجات روحي الايام المهمه هيبقي معاكي ساعات اكتر بس انتي لحد ما تروحي مدرستك معاكي وقت حلو برضه تلت ساعات أو ساعتين ونص والايام اللي مش مهم تروحي المدرسه تقعدي تذاكري لحد الظهر عدي كده بقا كام ساعه معاكي من اول الساعه ٥ ٦ ٧ ٨ ٩ ١٠ ١١ هتخلصي علي اذان الظهر معاكي ٧ ساعات غير الساعه اللي قبل الفجر انتي بتسخني فيها بعد الفجر والله العظيم لو ذاكرتي في ٨ ساعات دول بنسبه ٧٠ % بس حتي والله العظيم هتجيبي درجات حلوه ومع الوقت مستواكي بيتغير وهتعلي النسبه دي ل 90% كفاءة بعد كده بعد الظهر تروحي دروسك وتيجي تكتبي واجباتك وطبعا طول اليوم صلواتك كلها متسبيش فرض وتقرأي صفحتين قرأن أثناء اليوم غير سوره يس ،الايام اللي هتروحي فيها المدرسه طبعا الساعات هتقل يعني ساعه قبل الفجر و 5 و6 كده تلت ساعات وبعد كده هتيجي تروحي دروسك وتيجي تخلصي واجباتك وتاخدي ساعتين مذاكره يبقا كده ٥ ساعات يبقا ايام هتذاكري ٨ ساعات وايام ٥ ساعات لو هتقولي الساعات كتير متنسيش مثلا عتقوني تاخدي بريك ١٠ دقائق تقومي تفطري اسف في الكلمه دخول الحمام ده كله يعمله ساعه وبرضه حاولي مضيعيش وقت علي قد ما تقدري طبعا انتي كده في يوم المدرسه هيبقا متعب شويه بس تاني يوم هتذاكري الصبح وبقيت اليوم كتابه واجب والباقي قاعده براحتك وطبعا تنامي الساعه ٩ ونص بعد ده كله واهم حاجه صلاتك وبرضه تلفونك يبقا بعيد عنك بره الأوضه اللي انتي فيها أثناء المذاكرة ونصيحه مني ارجوكي تاخدي بيها انتي لو مش عاجبك كلامي مثلا مش مشكله بس خدي النصيحة دي متاخديش دروس اونلاين متاخديش دروس اونلاين متاخديش دروس اونلاين الطريقة دي لو ارتحتي فيها والله استخدميها في تالته ثانوي إن شاء الله والله هتنفع معاكي انتي علمي علوم ولازم تتجدعني مش بخوفك خليكي حكيمه مفيش حاجه اهم من صحتك ونفسيتك وجسمك عمرها ما كانت بالكليات والله انا كنت يوم النتيجة والله بقول يا رب لو جبت مجموع تجاره حتي انا راضي بقضاءك بس عارفك انك الكريم وهتكرمني وفعلا ربنا كرمني والحمدلله ، متقلقيش من حاجه ولا تبصي للمستقبل ولا تخافي من اللي جاي كل حاجه ربنا كاتبها خير ونحمد ربنا دائما ونتفائل خير في حياتنا ،اسأل اللي انا يوهبك علما نافعاً ويوهبك الهدايه لطاعته ويوهبك البركه في حياتك ،وانا اتأسف علي كثره كلامي لقد كتبت كلام اكثر من كلام مشكلتك 😅 واتنمي أن أكون ساعدتك .

حضرتك شوفي سلسلة السيره النبويه ل احمد عامر وبودكاست ايه المشكله وفيه بودكاست فاهم حلو فيه حاجات كتير وبيجيب ناس كويسه ومتخصصة في كذه حاجه والشيخ امجد سمير وبرضه بودكاست وعي وبودكاست فنجان ياسر الحزيمي شايفه قريب وجميل جدا والشيخ الدكتور احمد العربي الراجل ده تحسه بيلمس حاجه كده في الشخص والبشمهندس محمد عيد هو يوتيوبر بس محتواه ثقافي وجميل جدا وبيسافر دول العالم والأماكن اللي فيها المسلمين وبيبحث عن الأماكن والبلاد المسلمه اللي مش اي حد عارفها وبرضه التاريخ الاسلامي وكان عامل سلسلة خاصه بالاندلس وهي أقرب سلسه لقلبي جدا وهتعرفي حاجات عن اسبانيا وتاريخنا الاسلامي فيها لما فتحناها وطبعا احمد ابو زيد دورس اونلاين

متخافيش انك تقولي لا دي حياتك انتي وكمان شغل الاستوريات والصعبنيات ده بيلعب عليكي وكمان انتي بتقولي مش عاوزه تعمل بلوك عشان صله الرحم هو اصلا انتي ملكيش انك تكلميه ولا هو يكملك ولا حتي يسألك عامله ايه ولا مش عامله هي هو مش من محارمك اصلا فا انتي لو هترفضي تمسحي رقمه وتعملي بلوك وشوفي انك فعلا مينفعشي تتكلمي معاه ولا حتي مجرد انكم بتتعرفوا علي بعض فا فوقي كده وخلي بالك عشان هو بيحاول يخليكي انه يصعب عليكي وكمان انتي من اول مره قولتي لا رجع تاني وكلم امك وبعد كده رجع تاني اتقدم رسمي وانا شايف أنه الضوابط الشرعية اصلا والاحترام أنه يدخل البيت من الباب الاول مش يجي يشوف رأيك انتي رأيك انتي بتخديه لابوكي اللي هو ولي امرك وهو والدك بيقوله هو بيحاصرك عشان يجبرك توافقي فا خلي بالك ده قرار عمر وجواز وعيال ،ربنا يوهبلك الزوج الصالح وربنا يوجهك لطريق الصح إن شاء الله

العلاقه التي بدايتها لا ترضي الله نهايتها لن ترضيك....فا مش قصدي حاجه وربنا معاكي وينولك الخير بس قبل ما تفكري في انك تتجوزي ابن عمك وانك بتحبيه فكري في ربك وانك ازاي هترضيه وتتوبي لربنا بعد 7سنين ذنوب ومعصيه ربنا بيحبك ووخلي ابوكي سبب ويمنع انكم تتجوزو (وعسى أن تكرهوا شيئًا وهو خيرٌ لكم وعسى أن تحبوا شيئًا وهو شرٌ لكم والله يعلم وأنتم لا تعلمون) فا قبل ما تفكري في انك ترضي نفسك فكري ازاي هترضي ربنا ، وربنا يهديكي ويوهبلك الزوج الصالح.

انا هقول علي فهمي الشخصي متخدشي كلامي علي محمل الجد اولا علميا تقريبا ميقدرشي جسمك أنه يطول ، ولو فيه هيبقا جراحيا ودي عمليات خطيرة جدا ومكلفة ومظنش إن أي حد يقدر عليها ثانيا انت تقدر تسأل حد متخصص فيه خبراء ومدربين تغذيه منكم تدور عليهم هنا وتحاول تكلمهم اكيد هيفيدوك اكتر و هتفهم الدنيا ماشيه ازاي ثالثا بقا نصيحه شخصية انت لو مش بتنزل جيم تنزل هيفرق معاك اوي كتجربه شخصيه انا نزلت فتره حوالي ٤ شهور ونص وحسيت بفرق رهيب جسمي اتغير ظهري اعرض دراعي كبر جسمك بيكبر كا منطقة الصدر أو الرجلين هيتغير فعلا وطولت حوالي ٢سنتي انت لما تلاقي جسمك بيتغير وعضمك مع الوقت بيتغير هتتقبل فكره طولك انا اسف مش قصدي حاجه والله بس اوقات فيه ناس كتير مش بتتقبل حاجه زي الطول انت لو تقبلتها هتلاقي أنه عادي اعرف شخصيا صديق ليا كان كده في الاول بس بعد كده معتشي بيتكلم وبقا متقبله ادام طولك نوعا ما حلو مش مشكله وكمان الطول ده بيبقا حلو في الجيم وعلي فكره165 سنتي حلو مش وحش مع الجيم هيديك ثقه في نفسك صدقني والطول ده وراثي عمتا فلو والدك طوله كده او والدتك أو مثلا جدك جدتك بيبقا جينات بس انت متقدرشي تعمل حاجه غير انك تتمرن جيم وتحاول تاكل اكل صحي يعلي نسبه التيستيرون في جسمك هتلاقي نفسك حاجه مختلفه وحاول تلعب نط الحبل وانك في اليوم تجري ساعه الصبح عضم رجلك اصلا لما بيحصله زي كسر بسيط جدا وبيلحم تاني عشان هو بيخبط في الأرض بيأثر مع الوقت أنه بعد سنه تلاقيك طولت 3 سنتي مثلا ، دي نفس فكره الواحد اللي بيلعب بوكس في الجدار في الاول هتوجعك بس مع الوقت العظم نفسه بيعمل طبقه والجلد بيعمل جلد ميت بيخلي فرصتك اقوي والعضم نفسه بيتغير تدريجيا نفس النظرية علي رجلك بس طبعا انت مش هتقعد تخبط رجلك في الأرض 😂انت هتجري وتنط الحبل وبس وحابب اقولك متسناش نتيجه بعد شهر او اربعه او 6 عاوز نتيجه هتبقي تستني سنه ونص علي الاقل سنه وبرضه الموضوع جينات فيه ناس جسمها بيتغير اسرع وانت وشطارتك وجيناتك والله المستعان واسف على الإطالة

احكيلك موقف من صديق ليا هو كان في جروب برضه وكان دخل بالصدفة أنه عاوز شرح مواد معينه واتفاجئ أنه الادمن بنت مش ولد سألها علي اللي عاوزه وهي فعلا بعتت المواد وهو مش في دماغه اصلا حاجه واتأسف منها أنه مكنشي يعرف وبعد كده قفل معاها فضل هو بقي دماغه تجيبه شمال ويمين دي محترمه تب اكملها في حدود الدراسة انا راجل محترم مش بتاع الكلام والبنت محترمه مش بتاعت الكلام ده وفضل يبعتلها عاوز كذه و الملخص ده ويسألها ويقولها علي مشكلة ويطلب مساعدتها وتنصحه وهكذا لحد ما البت نفسها بدأت الموضوع منها وقعدوا يتكلموا برضه باحترام لحد اخر لحظه بس هو مبدأ بتاعه اتغير أنه ميكلمشي بنت في الحرام وهي نفسها مبدأها اتغير انها متكلمشي ولد في الحرام ولا تبعتله صوره ولكن الاتنين وقعوا في الحرام وكلامهم يقلب حب وقرف وعك واستنزاف مشاعر وحرق اعصاب آخره عقاب من ربنا كبير ..قال رسول الله ﷺ ( ألا لا يخلونّ رجل بامرأة إلا كان الشيطان ثالثهما) هو منكم الحديث الرسول الرسول يقصد أنهم الاتنين مع بعض في نفس المكان بس لو جينا في العصر اللي احنا فيه والكل ماسك موبيل وواتس وانستجرام وووو عادي اي ولد وبنت يتكلموا ومحدش يعرف عنهم حاجه غير ربنا وبرضه بيطبقوا نفس اللي الرسول قاله يعتبر الواتس او ده او ده المكان اللي اي ولد وبنت يخلون لوحدهم فيه الحقي نفسك وابعدي ارمي بلوك واستغفري ربك وصلي ركعتين قيام إن ربنا يثبتك علي الطريق المستقيم وادعي إن الحرام والشيطان يبعدوا عنك انتي دلوقتي في الاول لو فضلتي تقولي انا واعيه انا شاطره انا عارفه انا بعمل ايه مش هيضحك عليا ده كله كلامي فاضي غيرك قاله قبلك والشيطان شاطر ........بسم الله الرحمن الرحيم :فاتقوا الله يا أولي الألباب لعلكم تفلحون . صدق الله العظيم

انا من كم فتره في حياتي قريبه كان شعور الندم مسيطر فيها وكانت لظروف العائله ذنوب ومعاصي خطوات غلط مواقف فا كنت دائما اندم حتي قريب تحول هذا الي تقبل اني متقبل كل حاجه وتقول هذا اختبار وهذا اختبار وهذا بلاء وكل ده عشان اتعلم منه ولا أقع فيه مره اخري والحمدلله اتعلمت وما ازال اتعلم وقعت بس برجع اقوم في بلاء ولكن بحاول اصبر وده كله من عند الله حتي ارجع واطلب منه المغفره اطلب منه الخير اطلب منه الرشد اطلب منه التوجيه اطلب منه الرزق ،فعلا القسوه والندم عمره ما كان حل لازم اتعلم من افعالي مش اندم عليها

كلامك صحيح انا بدأت احاول اصبر واحاول اتحرك واشوف حل لمشكلتي ،جزاك الله يا صديقي شكرا جزيلا ليك 🤍

اللهم امين 🤍

بالتوفيق بإذن الله

العفو حضرتك ولا اي حاجه ربنا يوفقك يا رب

انتي عندك حق أنه مش راضي يتقبل الرفض ودول صاعبين قدام في الحياة لازم الإنسان يتقبل الرفض في حياته الواحد مش اي حاجه عاوزها بتيجي بسهوله انتي ارفضي والدك الحمدلله معاكي وبيقولك لو رفضتي قولي ودي حياتك فا والدك راجل عاقل وفاهم ارفضي وريحي بالك ركزي في دراستك ومتشغليش بالك بحاجة لسه بدري عليها شويه وربنا يكرمك للخير يا رب

جزاك الله خيرا يا دكتور وشكرا 🤍

بصي انا مش قصدي حاجه والدتك بتقارنك ليه مع بنت خالتك عمرها المقارنة ما هتعمل حاجه وانتي اصلا هتحسي بنفسك ودائما مع الوقت تقولي انتي في نفسك دي احسن مني علي فكره طريقه امك نفس طريقه والدي كان يقولي ملناش دعوه بالناس ولا نبصلهم وكان يرجع يقول شوف فلان وشوف علان ولما قولتله مش انت قولت ما بصش للناس بتجيب سيرتهم ليه ضربني بالقلم🫠 فا والله مش قصدي حاجه الشخص اللي مش بيحمد ربنا علي بنته أو ابنه أو حتي اي حاجه في حياته النعمه نفسها ويبص لغيره هم بيحسدوا بس بيبصوا للاعلي منهم لو بصوا للاقل اللي هم ناس ابهاتهم وأمهم مش قادرين عليهم ومطلعين عينهم ،والدتك مفكره بس أن الجراءه في البنت دي حاجه كويسه وهتخلي الناس تحبها انا قبل ما ادور علي إن الناس تحبني ابص علي إن ربنا يحبني ويرضي عني انا هعمل ايه بالناس وكمان هل المرأة خلقت للجراءة احنا مش هننكر إن الجراءه حلوه في بعض الأوقات بس المرأة خلقت للحياء (فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ) ......قال النبي ﷺ: "الحياء لا يأتي إلا بخير" ،....... فا الحياء والبراءة عمره ما كان مرض نفسي بل ده يدل علي صلاح المرأة .... وقال رسول الله صلى الله عليه وسلم "الدنيا متاع، وخير متاع الدنيا المرأة الصالحة" فا والله لقد قل الحياء في هذا الزمن وأصبحت المرأة تصور نفسها وتجرب في الشارع وتتكشف من جسدها وتضحك بين الناس ويعلوا صوتها فا اثبتي وخليكي كده متسمعيش كلام امك وربنا يجعلك إمرأة صالحه ويبعد عنك الحرام وولاد الحرام ويرزقك الخير وراحه البال في حياتك

شكرا و جزاكي الله خيراً 🤍

العفو يا سيف ولا اي حاجه المهم انك لا تشك في نفسك وخلي عندك ثقه في نفسك وحاول تعمل اللي قدرت أقوله ليك فوق وبإذن الله ربنا يوفقك ويديك الصحه وترجع للجيم بنسخه اقوي وانا كمان هرجع بإذن الله ،الله المستعان

شكرا لحضرتك 🤍

بالنسبة لمذاكره الانجليزي انا بتكلم أن المواد بالانجليزي اي حلها يعني اخد كورس اذاكر جميل كتير انا اصلا هحتاج الانجليزي كا لغه عشان هحتاجه في مجالي بس دي الفكره عاوز اطوره ،وشكرا لحضرتك علي كلامك معاكي حق فعلا وجزاكي الله خيرا

انا مش بحاول اربط المواقف ببعض ولا بقول ربنا ابتلاني انتي عندك حق في كده ويمكن عجزني التعبير بس اي حاجه في الحياه بتبقا سبب لحاجة لتانيه ودي تدابير ربنا ومش هقولك اني والدي مشكله هو والدي قصه طويله وزي ما انتي قولتي انتي متعرفيش حياتك فيها ايه عندك حق بس كلمه بلاء بالنسبة ليا انا بقصد بيها كذه مشكله وكذه حاجه غير عادية في حياتي تعباني اتكلمت فيها قبل كده هنا مختصر لقصه حياتي وناس ردت عليا واستفدت والحمدلله ، بالنسبة للمذاكرة بالانجليزي واني هتعود مع الوقت والله كله قالي كده حرام بجد 🙂 انا عاوز حل جذري عشان الانجليزي هحتاجه جامد في مجالي اصلا عشان كده عاوز حل كورس أو طريقة تعلم مفردات أو الانجليزي الخاص بمنهجي مش عاوز استني لتعود عاوز أطور نفس فيه ،وجزاكي الله خيرا كلامك استفدت منه وشكرا لحضرتك

مش عارف بس انا شايفها حاجه حلوه إن ربنا مش عاوزك تحبي الاحتفالات دي بسبب ذنوبها والمعاصي اللي فيها بس هل كرهك للاحتفالات لو من صغرك يبقي فعلا عادي امال لو بسبب بعدك علي انك مش بتختلطي كتير مع الناس أو انك بتبقي قاعدة في البيت معظم الوقت في كلا الحالتين كرهك للاحتفالات دي نعمه حلوه مش وحشه