علي السيد

بصي انا مش هعلقلك على الحوارات دي كلها ولكن هكلمك على التعلق وعايز اقولك على حاجه التعلق حاجه والحب حاجه تانيه مش معني انك متعلقه به انك بتحبي ؟؟؟؟ التعلق بالبلدي كده في نقص عندك ولكن محولتيش تكملي ولكن هو لما دخل حياتك عوض النقص (والنقص مش شتيمه ) ممكن يكون نقص بالوحده أو قلة الكلام أو حب او حنان أو تقدير ممكن مثلا مش لاقيه تقدير من حد وهو لما جه بدأ يقدرك بقيتي تحسي بالالفه والسعاده ولكن لما انتي اتعودتي على أنه كمل حياتك خلاص بقي جزء من حياتك هنا مش شرط تحبي ولكن علشان كمل الشئ اللي انتي محتاجه المهم انا عايزك تتقبلي الموضوع ولازم تعرفي إن كل واحد له حياته ومحدش حياته بتقف على حد بمعنى حاولي تشوفي انتي متعلقه به في انهي جانب هل بتستفيدي منه ايه أو بيعوضك بايه وهنا انتي حياتك فيها فراغ ولا بتنجحي ولا بتتقدمي علشان كده مش شايفه غيره لأن الشخص الطموح والناجح والذكي مش بيتعلق لانه معنودش وقت التعلق انا عايزك متستنيش أنه يكلمك عالطول سيبيه حتى لو كلمك مره واحده متنتظريش كلامه ولكن عايزك من جمب تاني تشوفي حاجه مفيده تضيعي فيها وقت مثلا لو في مدرسه ضيعي وقتك في المدرسه او في شغل أو حتى تتعلمي الطبخ وطوري نفسك أو رسم أو او او هنا انتي بتملي الفراغ اللي عندك وفي نفس الوقت هيبقي له وقت معين مش هيبقي متاح طول الوقت مره في مره هيبقي كلامكم في المهم مش بتكلموا عمال على بطال

اولا السكه اللي مبترضيش ربنا مش هترضيكي في الاخر تانيا انتي اللي لبستي نفسك في الحيطه وقاعده عماله تعيطي ثالثا اللي عندك مش حب ولكن تعلق و التعلق انك جعلتي وقت كبير من حياتك للشخص ده واكيد لما يمشي هتلاقي الفراغ كبير حتي لو الدنيا كلها معاكي وبعدين انتي اللي اذيتي نفسك بنفسك طب والحل ؟اولا ترجعي وتوبي لربنا انك غلطانه وانك تخرجي برأ العلاقه دي هتلاقي ربنا مقويكي وهيخليكي تقومي ثانيا الوقت الفراغ اللي في حياتك حولي تملي تاني ازاي. بالعبادات لله بالنجاح في دراستك أو نجاحك في شغل البيت أو تتعلمي اشياء اخرى المهم خلي تركيزك يفكر في حاجات تانيه وبكده لما تلخمي عقلك مش هيبقي عنده وقت يفكر في هذا الشخص مره آخره ثالثا الرابط الذهني يعني اي حاجه بتفكر في الشخص ده ابعدي بعيد عنها اغنيه مثلا برفان مكان أو او او وبكده هتقدري تتخطي الموضوع ببساطه 👌

اولا انتي جسمك مظبوط ازاي المفروض الوزن على حسب الطول يعني مثلا لو انتي 150طول المفروض يبقي وزنك 50تشيلي 100المفروض انك عايزه تزيدي كيلو 👌. ثانيا في قانون في العقل الشئ اللي بتركزي عليه العقل بيزوده وبيقوي وبيكتره ازاي مثلا انك انتي تفكيرك كله على الوزن الزياده ومش عايزه تزيدي وطول مانتي مركزه على الزياده هتلاقي نفسك بتزيدي حتي لو مش بتكلي خالص ولكن في مقوله بتقول (ركز على ما تريد وليس على ما لا تريد يعني ركزي على الشئ اللي انتي عايزه مش تركزي على اللي انتي مش عايزاه مثلا عايزه تخسي تخيلي انك بتخسي وانك بتقلي يوم عن التاني ولازم تتقبلي نفسك وكل ما ترفضي هتفضلي تزيدي اكتر واكتر وطالما انتي مش متقبله نفسك ومش بتحبي نفسك محتش هيحبك ركز على ما تريد وليس على ما لا تريد

السلام عليكم بصي يا اختي انا هقول لك من وجهه نظري الشخص ده نسبه كبيره هتلاقي عايزه يتسلى بيكي. مش عايز مش بيحبك بجد زي ما انت مفكره. لو عايز اتسلى. مع ان هو دخل الباب من بابه. ممكن تكون ظروفه فعلا؟ مش يعني قليله شويه بس ظروفه دي قبل ما يتقدم المفروض يحسبها. قبل ما اخش على بيت اعرف ظروفي ايه مستاهل ان انا اخش دلوقتي ولا استنى شويه. تمام. ودلوقتي دخل وبعد كده ليه ظروفه مش مسامحه؟ فرجع. وبعد كده ما رجعش بقى البيت من بابه؟ لا عايز ارجع اكلمك. اتسلى بالتليفون مكالمات كلام حب مش عارف ايه وخلاص وبيثبتك بكلمتين ان الظروف هتتحسن وهرجع هنرجع ثاني والحكايه وكل ده. وانت بتاخدي بالكلام ده؟ بيضحك عليك بكلمتين دول. وبعدين الشخص بيطلع من حياتك بمزاجه يرجع بمزاجك انت. والشخص اللي يطلع مش هيرجع في مكانته ثاني. وبعدين انك انت عايزاه يرجع لاي حل بقى. مثلا يقل منك يسيبك ويرجع لك كل شويه او او او. كل ده انت مش هتستحمليه. ولو بيحبك اللي يعني الشاري مش بيبيع. هو لو شريكي ما كانش سابك حتى لو ظروفه ايه؟ كان هو شريكي مثلا وخاطبك هيقول لك مثلا استحمليني مثلا بدل ما اقعد سنتين يقعد تلاته اربعه استحملين ايه شايل يعني شايرك وعايزك. تمام اما يسيبك. بعد كده يرجع يقول لك عايزين نرجع ونتكلم ويتحايل عليك. كلمتين. وانت تصدقي لا خلي عند معلش في الكلمه خلي عندك. قيمه خليك غاليه مش اي حد يوصل لك. فاهماني. والشخص يعني. مش بيرد عليك ولا مش عايز يكلمك طز هي ما بتقفش على حد. خلاص هو حصل موقف. ما فيش حاجه اسمها انا عايزاه. وحاسه انها فرصه وهتضيع لا تضيع ربنا ما بيقفل الباب. بيفتح باب اوسع منه. ده مثلا في صفه عجباكي فيه. هتلاقي واحد ثاني شريكي وفيه صفه احسن منه. اعطوني الحمد لله اللي انا سبنا بعض. عشان ربنا يبعت لك التاني. مش بالاستعجال. بالصبر. لسه نصيبك ما جاش مش شرط ان واحد دخل يتقدم لك خلاص يبقى هو ده. المشكله لما يدخل لك كذا عريس وتتخض كذا مره مفيش اي مشكله. خلي عندك؟ قيمه خلي حياتك اعم. الشخص اللي ما يسالش فيك وما يهتمش بره حياتك.

السلام عليكم بصوا اختي انا هقول لك من وجهه نظري الشخص ده نسبه كبيره هتلاقي عايزه يتسلى بيكي. مش عايز مش بيحبك بجد زي ما انت مفكره. لو عايز اتسلى. مع ان هو دخل الباب من بابه. ممكن تكون ظروفه فعلا؟ مش يعني قليله شويه بس ظروفه دي قبل ما يتقدم المفروض يحسبها. قبل ما اخش على بيت اعرف ظروفي ايه مستاهل ان انا اخش دلوقتي ولا استنى شويه. تمام. ودلوقتي دخل وبعد كده ليه ظروفه مش مسامحه؟ فرجع. وبعد كده ما رجعش بقى ايه الباب من بابه؟ لا عايز ارجع اكلمك. اتسلى بالتليفون مكالمات كلام حب مش عارف ايه وخلاص وبيثبتك بكلمتين ان الظروف هتتحسن وهرجع هنرجع ثاني والحكايه وكل ده. وانت بتاخدي بالكلام ده؟ بيضحك عليك بكلمتين دول. وبعدين الشخص بيطلع من حياتك بمزاجه يرجع بمزاجك انت. والشخص اللي يطلع مش هيرجع في مكانته ثاني. وبعدين انك انت عايزاه يرجع لاي حل بقى. مثلا يقل منك يسيبك ويرجع لك كل شويه او او او. كل ده انت مش هتستحمليه. ولو بيحبك اللي يعني الشاري مش بيبيع. هو لو شريكي ما كانش سابك حتى لو ظروفه ايه؟ كان هو شريكي مثلا وخاطبك هيقول لك مثلا استحمليني مثلا بدل ما اقعد سنتين يقعد تلاته اربعه استحملين ايه شايل يعني شايرك وعايزك. تمام اما يسيبك. بعد كده يرجع يقول لك عايزين نرجع ونتكلم ويتحايل عليك. كلمتين. وانت تصدقي لا خلي عند معلش في الكلمه خلي عندك. قيمه خليك غاليه مش اي حد يوصل لك. فاهماني. والشخص يعني. مش بيرد عليك ولا مش عايز يكلمك طز هي ما بتقفش على حد. خلاص هو حصل موقف. ما فيش حاجه اسمها انا عايزاه. وحاسه انها فرصه وهتضيع لا تضيع ربنا ما بيقفل الباب. بيفتح باب اوسع منه. ده مثلا في صفه عجباكي فيه. هتلاقي واحد ثاني شريكي وفيه صفه احسن منه. هتقولي الحمد لله اللي انا سبنا بعض. عشان ربنا يبعت لك التاني. مش بالاستعجال. بالصبر. لسه نصيبك ما جاش مش شرط ان واحد دخل يتقدم لك خلاص يبقى هو ده. المشكله لما يدخل لك كذا عريس وتتخض كذا مره مفيش اي مشكله. خلي عندك؟ قيمه خلي حياتك اعم. الشخص اللي ما يسالش فيك وما يهتمش بره حياتك.

المشكله ان دي غلطتك من الاول طالما في الخطوبه استغنى عنك وعمل كده واكيده هيعمل كده بعد الجواز المشكله ان انت اللي اديتي له الفرصه دي ومهما يحلف ومهما يعيط مش هيتغير واكيد كان بيعمل كل اللي انت بتقول عليه ده عشان ما تحسيش بيه او ما تاخديش بالك منه او ما تعرفيش معاملته السوداء اللي هو بيعملها كانه كده بيلهيكي فالحب والمعامله الحلوه وكل اللي انت بتقولي عليه ده فلو على تغيير هو مش هيتغير اما على الطلاق فدي بتاعتك بقى عايزه تكملي معايا براحتك عايزه تطلقي براحتك

دلوقتي مين اللي بيرزقك ؟؟؟ ربنا بيرزق كل واحد على حسب ظروفه يعني انت دلوقتي ربنا يرزقك لوحدك ولكن لما تسعي وتفكر في الجواز هتلاقي ربنا يرزقك علشان مراتك أو هيبارك في رزقك ولكن لما تخلف طفل هتلاقي ربناهيزيدك لأن الرزق مش عليك ومستقبلك مش بايدك

الجيل اللي طالع شايف نفسه شويه بمعني أنه عايز يجرب كل حاجه ومش عايز يسمع حد وعايز يمشي بتماغه حتة الصلاة صلي انتي الاول والتزمي وادعيلها وارجعي كلميها وحولي طربطيها أي مشكله في الصلاه يعني لو اتعورت أو حصل مشكله قوليلها علشان بعيده عن ربنا حسسيها أنها كل ما تبعد كل ما تتألم وتحس بالضيق والخنقه ولكن التعامل مع الجيل ده مش عايز اللي يأمره ولكن اتكلم معاه وسبيله اختيار القرار يعني مثلا متقوليش روحي نامي هي كده هتحس انك بتأمريها ويبقي غصب عنها ولكن قوليلها مثلا هتنامي دلوقتي ولا بعد متكلي معايا ؟كده انتي سيبتلها القرار ليها ممكن تقولك لأ انا اخش انام هنا لما بتديها القرار يبقي بايدها هي هتحس انك بتحترميها وانك بتقدريها ومكبرها ولكن لو حست بكده هتلاقي بتقرب منك اكتر واكتر ولما تقوليلها على حاجه هتعملها ولكن حتة الهويه لو هي مش عارفه حاوله تساعدوها تشوفي هي بتفكر في ايه بتعمل ايه مع نفسيها هل مثلا بتحب الرسم أو الانجليزي أو أو بتحب تخترع حاولي تساعدوها علشان تطور وكل ما تنشغل بشي كل ما تبعد عن الفون

مثلاً هدفي افتح مشروع طب اعمله ازاي أو البدء منين ،ولكن المشروع عايز فلوس وانا معييش فلوس احاول اشوف اي شغلانه اجيب منها فلوس حتي لو بسيطه لغاية ما قلاقي شغلانه حلوه لغايه ما أجمع المال حتي افتح مشروع طالما عندك هدف لازم تسعي علشانه باي طريقه وازاي تخطط شوف انت عايز ايه في حياتك مثلا عايز شغلانه حلوه وعايز تجوز وعايز عروسه حاول تشوف الأولويات لحياتك

يمكن مبيحبش البنات مثلا حولي تدعيله ربنا يهدي وانتي حاولي تخليكي مع أشخص يدعموكي دائما لغاية ما توصلي اللي انتي عايزه وحولي تتكلمي معاه براحه في ساعه رضا وتشوفي هو بيعاملك كده لي يمكن حصل منك حاجه وانتي صغيره فمش قادر ينساها مثلا

انتي على نظامك كده مش اقل من سنتين تلاته أو اكتر لأن الفتره اللي بعد الجيش بتبقي صعبه لأن هو بيبقي واخد على نظام وهييجي يغير هياخد كام شهر لغايه ميشوف شغلاته وعقبال ما يجهز نفسه العمر بيجري لو هتستني وبتحبي استني ولكن مش هتقدري تستني شوفي اهلك ناويين على ايه واقولك على حاجه طالما في تاتش بينكم وبين أمه انتي اول واحده هتندمي وهتزهقي لانك مش هتعرفي تراضي الشاب علشان أمه ولا هتراضي اهلك علشان أمه والخيار ليكي يمكن ربنا شايلك الاحسن

المشكله انتي لسه صغيره وغير كده انتي عندك نقص في جزء معين ممكن يكون نقص في الحنان أو في الاهتمام أو او المهم عايزه تكملي مع اي حد وخلاص بتمشي وراه شهواتك وقلبك ولكن مخديش فرصه تفكري بعمل لأن هذا الشخص هتلاقي بيلعب بيكي عايز منك غرض لأن الارتباط أو الحب أثناء الطفوله مش بشجعها ليييه لأن القلب يتقلب لأن ممكن احب واحده وانا صغير بعد فتره اشوف واحده تانيه قلاقي نفسي حبتها وبعد فتره احب واحده تاني وهكذا لأن هو القلب كده أما اللي بيقول احنا مع بعض من صغرنا وعارفين بعض انتو عارفين بعد اه ولكن مش بتحبوا بعض بتضحكوا على نفسكم لأن العلاقه بينكم زي الاخوات مفيش حافز في النص وانتي يا بنت الحلال خليكي واعية وسيبك من اللي بيلعب في دماغك ولو هو شاريكي هيتقدملك غير كده متتوصليش خليكي غاليه متنزليش لمستوى أنه يتسلي معاكي لغاية ما يشوف. اقولك مثال هو انا لما اروح محل ملابس وعجبني قميص ولكن لقيته غالي شويه فأنا كنت اروح عقبال ما أجمع حجته واجي اشتريه ولكن لقيت صاحب المحل قالي طالما هتشتري خد البسه لغاية ما تجيب حقه ؟؟؟؟؟ هنا كده انا لبسته هل افكر اجيب حقه ؟؟ما خلاص انا حصلت عليه مش عاوز حاجه تاني 🤔 انتي نفس النظام خليكي غاليه لو عاوزك في حلال هيجيلك مش جاهز يبقي تقطعي المعامله نهائيا

انت جميل ولكن انت تفكيرك سلبي جدا ليييه لأن في ناس بتقولك انت واحش وفي ناس بتقولك انت جميل جدا لييييه لانك بتفكرك في السلبيات كتير ركز على الايجابيات والحجات اللي عايزه ومتركز علي اللي مش عايزه يعني مثلا متقولش انا مش عايز ابقي وحش ولكن قول انا عايز اكون جميل ركز على نص كوبايا المليان وحاول تعدل من تفكيرك وتطور نفسك

المشكله اني الشخص لما جالك مقدرش اعيش من غير وجي اتقدم قولتي خلاص هو ده ،واللي متعرفهوش إن الشخص ده بتاع مصلحته اهم حاجه الشغل وبس حته لو انتو اتخانقته مش هتبقي فارقه معاه طالما انتي موجوده في المكان واكيد انتي فاهمه الشغل كويس ومتجل عليكي في كل حاجه ،الحل الوحيد علشان ترتاحي شوفي شغل في حته تانيه وسيبي الشخص ده حتي بعد الجواز مش هيسأل فيكي هينزلك وهتشتغلي وكأنك عبده عنده ،ولو سبتي قرري تمشي صح وامشي بما يرضي الله ولو عايزه عريس قولي يا رب اكرمني هيكرمك لييييي لانك سلمتي الأمر لي أما انتي هدوري مش هتعرفي تختاري لنفسك حاجه لان احنا لا حول ولا قوه

وايه المشكله لما الكل يرفضوكي 🤔لامه انتي بترفضي نفسك ومش بتحبي نفسك لو انتي بتعاملي نفسك وحش هتلاقي الناس بتعملك وحش ولكن حاجه من الاتنين لأمه تبداي بنفسك وتحبي نفسك ملكيش دعوه بالناس وخليكي في نفسك حبي وتقبليها ولو في مشكله او حاجه مش عجباكي في اسلوبك أو شكلك او او حولي تغيريها وتعدليها وتصلحيها ولكن حاجه تانيه شوفي الناس بترفضك ليه 🤔 وحولي تصلحي ده يمكن مثلا بتدخلي في الكلام ملكيش في فبيرفضوكي أبدا صلحي وملكيش دعوه بحاجه حد طلب منك تتكلمي تتكلمي محدش طلب يبقي خلاص انا بقولك مثال حولي تشوفي هما بيرفضوكي ليه وملكيش دعوه بكلام الناس السلبي

هي بتعمل علشان بتغير منك كل اللي هي بتعمله ده عشان شايفاك احسن منها فبتحاول تكسرك او تقل منك علشان تشوف نفسها احلى منك مش اللي هي بتقول لك كده عشان عايزه تساعدك ولكن الشخصيات دي لاما تتعامليش معايا وتتجنبيها او تسمعي كلامها ما تعمليش بيه وتخليك انت في نفسك وفي حياتك وحاولي ترجعي ثقتك انك جميله برده كل ما تقتنعي بكده كل ما تزدادي جمال

دلوقتي المشكله فين 🤔 هو ممكن يكون من باب الفضول أو الغيره كان بينزل يجيبه ولكن لما ألقاها بتكرر كتير كده هتبقي فرض عليه ينزل عالطول ومش فرض ممكن يكون حس بالحمل أنه بقي حمل عليه وبعدين طالما انتي جايبه علاج أو هديه ليه بتقوليله ؟؟؟؟ انتي جايبه حاجه زي كده متعرفهوش الراجل يجيب الاوردر انزلي خدي. ومحدش شاف حاجه وبعدين هو ماله انك كل شويه تقوليله انا بعد اجيب علاج ،ايه اللي دخله في الموضوع 🤔 وحاجه كويسه أنه يغير عليكي من اي شخص. وحاجه تاني انتي بتقولي بتتكسفي تتعاملي مع الرجاله هو انتي بعد الجواز هتخلي هو اللي ينزل يشتري ويجيب ويتعامل مع البياعين ؟؟؟ يبقي انتي كده مش هتنزلي الشارع وكمان ولا هتركبي مواصلات لوحدك لأن السواقين رجاله برده يبقي انتي كده هتبقي حابسه نفسك ونصيحه لو انتي فكرتي كده وأنه هو اللي هيجيب لك كل حاجه يبقي العلاقه مش هتكمل لييييه لأن لو عملها مره واستحمل مره مش هيستحمل كل مره وانا لو مكانه وبعد الجواز اروح واشتري واجيب و و و طب مخدم نفسي بنفسي وبلاها الجواز 👌 راجعي مشكلتك في دماغك الاول

أولا اوعي تسمعي كلامها 👌انك تشوفي شاب وتكلمي لو عايزه تتكلمي شاب وبعد فتره تسيبي وهتتالمي وهتعيشي حياه صعبه ،لو عايزه الشعور بالحرمان ده اقدر اقولك اسمعي كلامها 👌 أو انك هتبقي عامله زيها تسيبي ده وتكلمي ده ثانيا انتي بتقولي هي طيبه ولكن مش عارفه هي بتعمل كده لي 🤔 الحقيقه هي عندها نقص فبتحاول تكمله باي حاجه هي شايفه أن الارتباط بيكملها أو يكون عندها حرمان مثلا حنان أو اهتمام أو او حتي لو اللي هي بتعمله غصيب عنها اكيد هي مش عارف تمنعه ثالثا لو تعرفي تبعدي عنها ابعدي ده احسن لك متخليش الشيطان يلعب في دماغك ويقولك الارتباط جميل هو جميل لما يكون في الحلال هي فعلاً ممكن يكون بتحس لحظات جميله بسيطه ومش عايز اقولك على الالم والندم والاوجاع اللي جواها بعد ما بتسيب شخص احب اقولك حاجه بيني وبينك (لو الارتباط احساس جميل زي ما بتقول مكنتش عرفت كذا واحد كان شاب واحد يكفي 👌) ولكن ماسمعيش كلامها لو تعرفي تبعدي عنها ابعدي علشان متحرش رجلك معاها

انتي ممكن علشان دخلتي في تجربه وفشلت فانتي اتقفلتي من الارتباط وثانيا مينفعش تقولي ابوكي مش بيتمنالك الخير بالعكس هو عايز يبسطك ويخليكي سعيده وعايزك يعفك بدل ما تتكلمي الشاب ده و ده 👌 هو ده قصده ونيته خير لانه هو اب وعارف مصلحته أولاده ولكن انتي عايزه تتعلمي تتكلمي معاه بهدوء واشرحيله وجهت نظره يمكن يتقبل كلامك أو انتي تتقبلي وجهة نظره

اولا لازم تشيلي فكرت الخيانه دي من دماغك 👌 ليه لانك لما تفكري فيها هتلاقي بيخونك فعلا لانك هتهملي ومش هتشوفي وجباتك لي في كام سؤال هل هو مؤثر معاكي في حاجه 🤔 هل هو مش بيرجع البيت كل يوم 🤔 هل هو مش بيتعامل معاكي زي الاول 🤔 وبعدين حولي تقربي منه انك تسمعي او يسمعك 👌 لمه يلاقكي مصدر امان لي هيحكيلك على كل حاجه طب افرض مثلا مدير الشغل واحده ست ايه مش هياخد رقمها 🤔فأكيد لولا الضروره مش هيسجلهافشيلي الموضوع ده من دماغك وركزي ازاي تخلي يحب البيت زياده وزياده 👌

اولا جوزك انتي بتقولي أهله بيعملوا وحش علشان مش زي اخواته مع شغل والبيت وكل ده بيأثر عليه سلبيا فلما تيجي تقوليله على حاجه وتلاقي مسألش عادي لانه عايز يكبر دماغه ويرتاح متجيش انتي تضغطي عليه زياده العمليه مش ناقصه حولي تخففي عليه الضغوط النفسية أما ابنك دي هتلاقي المشكله عندك انتي مش عنده لكل فعل رد فعل بمعني أنه لمه بيلاقي اسلوبك معاه ناشف ومش جي على هواه وبيحس أنه بتجبري علشان ميقعدش اقولك على حاجه حولي تتعملي بذكاء معاه وتتعملي بطريقه عكسيه مش اسلوبك ده لازم تغيري لازم يكون عندك طولت بال وصبر لما تتعملي معاه ابنك خلي الاختيار بايده هو بمعني هو عايز تلعب فى شارع يا حبيبي هي ساعه واحده واختار انتي هتنزل تلعب امتي 🤔 خلي هو يقرر ولما احتاجك تجيلي لما يلاقي كلامك بيترمي عليه هو يقرر مش هيقولك لا على حاجه لمه تقدري هيقدرك المشكله في اسلوبكم معاه 👌

اولا انتي بتقولي انك عندك صفات لجابيه كتيره وعندك ثقه بنفسك انك الافضل فحولي ترضي بالواقع أو لو هما مش بيحبوكي ومش بيفرحوا حبيهم انتي وافرحلهم شوفي الشئ اللي انتي عايزاه منهم اعملي ليهم وحبيهم واعمللهم كل حاجه حلوه وحب اختك ومحوليش تعملي فرق أو تقارني هما ممكن يكون بيعملوكي بنفس الطريقة ولكن انتي مش واخده بالك لانك مركزه على الغيره والمقارنة ،وده بيجيب نتيجه عكسيه لما تعملي كده هتلاقيهم بيعملي اللي انتي عايزاه أو في حاجه تاني لو هما بيعملوكي كده عن قصد حولي تكتشفي يمكن عندك شيء سيء في شخصيتك حولي تغيري وتنمي هتلاقي التغير ظهر ممكن تكوني مثلا بتردي عليهم بطريقه وحشه أو صوتك بيعلي أو او علشان كده بيبعده عنك ومش بيشركوكي معاهم حولي تراقبي نفسك وتعرفي ايه السبب 🤔

بصي حاجه من الاتنين يا إما تعرفي تغيري تفكيره وطريقته وأسلوبه ويبقي انسان كويس وترجعيله أو انك تبعدي عنه لأن الصفه السلبيه دي هتأثر عليكي فما بعد تأثير سلبي

اولا مهما كان السن بينكم لازم تعرفي أنها حاجه طبيعيه لو هي مش غيرانه منك مش هتعمل اللي هي بتعمله حتي لو بتظهر غير كده وثانيا متفكريش أنها بتقلل منك ولكن افتكري أنها متعرفش هي بتعمل ايه وثالثا لو متاكده أنهم بيقلله منك يبقي لازم يكون ليكي شخصيه مستقله يعني لازم تبقي متميزه في مثلا كلامك .لبسك . أكلك أو او او وانجحي في كل شيء بتعملي رابعا بدل ما وقفه في وشها وحاطه نقرك من نقرها حولي تحبيها وتقربي منها وتصحييها وعامله حاجات مختلفه زي لعب شغل مذاكره طبخ مره في مره هتقرب منك ومش هتعديكي بالعكس ده هتخاف عليكي وعلى مشاهدعرك بس استغلي على نفسك اكتر

الشيطان لازم يلعب معاك ويوقعك تاني ولو عايز تغض بصرك لازم تركز على هدف أو اي شي ليه لان لما تركز على اشياء اخرى مش هتفضى تبص على حاجه اشغل وازنق نفسك

بصي الماضي حصل وراح ،وكمان الماضي بيحصل علشان نتعلم منه مش نخاف منه عايزك ترجعي الماضي وعايزك تفكري في اوي وتشوفي مين السبب طب والحل كان ايه المفروض كان ايه اللي يتعمل كل دي اسأله هتغيرك تفكيرك عن الآلام والحزن ،حولي تفصصي اللي حصل واهم حاجه انك تتقبلي ولكن مترفضيش بمعني انك متقوليش انا مش عايزه الماضي ولكن أنا هتقبل أنه حصل وابدا أتعلم منه واحد واثنين وتلاته

انتي ممكن تكوني بتخسي بالصداع لأن الأمر جديد عليكي في الاول

دي حاجه كويسه وممكن تكون بتدل على الذكاء والانجاز و و وعايزه تتخلصي منه لي هل بياذيكي في حاجه او هي غلط ؟اكيد لا طب عايزه تخلصي منه لي ،،،،،المهم طول مانتي مصدقه الموضوع هيبدا يزيد في حياتك ولكن لو تجاهلتيها ممكن تروح منك

حولي تركزي على القرآن والسنه لأن ممكن الشيطان يكون بيلعب معاكي وعايز يخرجك من الإسلام فمتدوش الخطوة دي انك تسمعي ليهم

ربنا بيقول "ومن أعرض عن ذكري فإن له معيشة ضنكًا" يعني لازم تقربي من ربنا وهو قادر يقلبلك حياتك في طرفة عين بس روحيله ربنا بيقول ففروا إلى الله مش ففروا من الله

بصي هو في كذا نقطه اولا لازم تتاكدي من كلامه هل هو صح ولا وبيحور طب وهتتاكدي ازاي ؟؟؟؟؟اولا لو كلامه صح لازم تقابلي قربتك دي لو كلامه صح اكيد هتلاقي أسلوبها اتغير وبقت تقعد مع حالها اكتر من الاول مش بتكلم مع حد كتير أو مبقتش ضحكتها زي الاول ولكن لو قبلتيها ولقيتي مفيش اختلاف لازم تتكلمي معاها وفي وسط الكلام هاتي سيرت خطيبك وشوفي ردت فعلها ايه لو اكيد في ما بينهم حاجه هتلاقيها مش طايقه تسمع سيرته ولكن لو مفيش حاجه هتلاقيها بتكلم عادي ولا كأن في حاجه انتي هنا بتحولي تعرفي عن طريق غير مباشر وثانيا لامه كلامه ده حقيقي وبيشوف ردت فعلك لو زعلتي هيقولك انا كنت بهزر ولكن لو هو بيكلم علشان يشوف غيرتك أو بي شكل هزار وكده ممكن يقولك لو انا كلمت بنت انتي هتعملي ايه أو لو مشيت مع بنت هنا بيبقي بشكل هزار وتتنقشه والموضوع يعدي ولكن اللي يخلي يفتح معاكي الحوار ده بزاد يبقي فعلاً عملها وبيشوفك هتكملي معاه ولا لا ولكن لو هو معلش كده ايه اللي يخلي يقول على نفسه كده أنه فعل الفعل ده ولو حتي عملها مره هيخفي ويداري ويستر على نفسه ولكن اللي خلاه يقول كده تبقي اكتر من مره واقولك على نصيحه وصدمه في نفس الوقت خلي بالك على نفسك لاحسن يكون المره الجايه يبقي معاكي احذري ولو فعلا كلامه صح وقالك انا اتغيرت متصدقهوش اللي عاملها دلوقتي هيعملها حتي بعد الجواز وشوفي ودي حياتك✋

بصي كل ده بسبب التشدد انتي مشدده عقلك بمواضيع جديده عليكي بالتامل لازم تعملي التأمل وده عباره عن تتنفسي شويه انفاس وتبدأ تركزي على حاجه واحده وكل ما فكره تجيلك وتسرحي معاها ارجعي على التركيز الاولاني في الاول هتلاقي صعوبه في التفكير ولكن مره في مره عقلك ويستوعب وهيقدر يتحكم في فكره واحده وهنا كلام ده هيسببلك ايه تحكم في نفسك ذكاء وعي مرتفع تركيز عالي سرعة بديهه قوة ملاحظه هتلاقي نفسك اتغيرتي تماما ممكن تعمليها على الساعه هاتي الساعه اللي فيها عقارب وركزي معا الثواني واي فكره تجيلك سبيها وارجعي ركزي مع ساعه ممكن تعمليها دقيقه او 5دقايق أو 10دقايق لغاية متقفلي الافكار وتتحكمي في فكرا واحده بس

بصي طالما انتي اخدتي بالاسباب وعملت اللي عليكي ومحصلتيش عليها يبقي ربنا مقدرلك حاجه احسن

اولا مش لازم تحكي يومك لحد وفري وقتك بدل مانتي بدوري على اصدقاء شوفي هدف وابدئي في تحقيقه ثانيا الصحاب والأصدقاء مش اهم حاجه لأنهم ممكن يفسدوكي فلما انتي تظبتي حياتك وتنجحي هتلاقي اللي بيشبهك هيقربه منك من كل حته لو عايزه حب انجحي لو عايزه اصدقاء وصحبه انجحي ولو عايزه سلطه انجحي هتحققي اي حاجه النجاح وطول مانتي قاعده فاضيه كده وبدوري على حد تشكيله همك محدش هيفضالك مع احترامي ليكي لو كلامي قاسي شويه ولكن دي الحقيقه انا عايزك تفوقي

هي الدنيا زي الفل ولكن هو في موقف معين ممكن يكون شخص معين كان قريب منك اوي مثلا وبسبب الموقف ده شايفه الدنيا كلها سوده بدل مانتي حاطه المشكله دي كلها في دماغك (المشاكل والخوف مش بيجو علشان يأزونا ولكن علشان يقوونا ويعلمونا )بمعني اي مشكله في الماضي حصلت كل ما هتفكري فيها كل ما الاحساس بالخنقه و و و يرجع تاني والعمل انك تتعلمي من المشكله وتعرفي هي عايزه تعلمك اي اول ما تتقبلي الموضوع وتفكري في من وجهة نظر أخري هتلاقي نفسك بقيتي سعيده جدا لانك قدرتي تتغلبي على حالتك النفسيه دي

بصي يا اختي ياما ناس بنقابلها في الشارع أو المواصلات أو في الشغل ويكون الشكل لابد وممكن تتجزعي من شكلهم ولكن لما بيتكلمو الواحد بيرتحلهم وبيحبهم ربنا بيبقي مديهم القبول في الكلام اهم حاجه وانتي بتتعامله معاه شوفي نفسك هترتحيله ولا لأ ولا يجبولك واحد جميل ميه في الميه ولكن بخييييل ولكن مشيو بطال ولكن سكته حرام ولكن ولكن المهم مش بالشكل وربنا يعملك اللي في الصالح

البدايات اللي مترضيش ربنا النهايات مش هترضيك

بالمسايسه بمعني متفرضيش عليهم حاجه سبيلهم الاختيار ليهم وحولي تشركيهم بمعني متقوليش يالا قوم ذاكر كده بتفرضي عليه ولكن قولي تحب تذاكر دلوقتي ولا بليل او قبل الاكل ولا بعد الاكل وسيبي هو يكرر هيقولك مثلا اخر النهار اوبعد الاكل يعني حولي تخلي كلامك معاهم يكون ليهم الاختيار وهنا هيحسه بأنهم مسئولين أنهم بياخده قرارات وهتلاقيهم شخصيتهم اتغيرت وهيحسه معاكم بالأمان لانكم بتكبرهم قدام نفسهم ولو خده التلفون يلعبه في قلولهم هتلعبه نص ساعه ولا ساعه اكيد هيختاره الساعه وبعد الساعه هيسيبه فون لأنهم هما اللي اختاره ياريت يكون وجهت نظري افاتدك

شكلك شخصيه حساسه علشان متتعمليش بالعواطف لازم تتعملي بشكل عقلاني أو عاطفي طب وده هتعملي ازاي انك اي حاجه لازم تفكري فيها بشكل اعمق بمعني شخص قالك كلمه لازم تفكري هو قالها لي طب وقصده ايه طب وهو عايز مني ايه طب و المصلحه اللي عايزها انتي كده لما تسالي الاسئله دي هيبقي عندك من الحكمه والذكاء هتبقي عبقريه لما تفكري في أي شيء من حولك في الاساله ومسائل دي هتغيري شخصيتك ١٨٠درجه

وفي فرق بين الحب والتعلق انتي مش بتحبي ولكن متعلقه بي حولي تركزي على حياتك أو هدفك كل ما تحولي تركيزك في اشياء مختلفه ومفيده كل ما هتفكي التعلق

اقولك نصيحه البدايات اللي مترضيش ربنا نهايتها مش هترضيكي✋توقفي عن هذي العلاقه

اولا ابعدي عن اصحابك اللي بينقدو فيكي وثانيا ابدي التزمي بالصلاة والخشوع والاذكار متسبيش الاذكار الاستغفار والدعاء والصلاه على رسول الله ومتحوليش تبدئي في كل حاجه انك عايزه تقرأي قرآن وتتعلمي و و و الشيطان بيحاول يشتتك ويخليكي تبقي عايزه تعملي كل حاجه وفي الاخر تزهقي ويحبطك ويرجعك نقطة الصفر ،،،،،،ابحثي عن دكتوره اسماء سعيد اسمعي كلامها وشوفي ايه الاخبار

المهم طول مانت مركز مع الشخص عمرك ما هتنساه بمعني لازم تركز على اشياء اخرى بمعني تركز في حياتك أو في هدفك أو شغلك شوف انت عايز توصل لي ايه وركز عليه وشوف الطرق اللي تساعدك توصله في مقوله بتقولك ركز على ما تريد وليس على ما لا تريد يعني اجي اسالك انت عايز الشخص ده هتقولي لا اقولك طب بتفكر في ايه🤔

شوف انت عايز ايه ايه المواصفات اللي عايزها في مقوله بتقول الطيور على اشكالها تقع بمعني يعني انت شخصيتك شوفها عامله ازاي وهتيجي واحده على طاقتك بمعني يعني لو عايز واحده محترمه لازم تكون انتي محترم ولو عايز واحده ذكيه لازم يكون انت بالمثل شوف الصفات اللي انت عايزه وحاول تخليها عنده هتجذب البنت اللي نفس صفاتك👌

بصي انا معرفش مشكلتك ولكن ربنا قال أنا عند حسن ظن عبدي يعني لو مقتنعه إن ربنا هيستجيب فهو هيستجيب ولكن لو بتدعي على انك بتجربي مش هتحصلي على حاجه .....طب هسالك سؤالين هل ربنا قريب؟وهل ربنا عليم ؟. اه ! بس مش بيستجاب لي هنا في اكتر من وضع ربنا عالم بيكي اكتر من نفسك انتي محتاجه ايه ولكن ربنا هيديكي اللي انتي عايزاه في الوقت المظبوت مش في الوقت اللي انتي عايزه في لأن لو الخير والصح في الوقت ده صدقيني هيبعتهالك قبل ماتنزلي ايدك طب ازاي متقوليش ازاي لانك بتتعملي مع اله ،،،،،او ربنا عايز يسمع صوتك الواحد مننا لما بيحب حد يبقي عايزه جمبه عالطول ومش عايزه يبطل كلام معاه ولله المثل الاعلي أو يمكن ربنا بيختبرك هل فعلا عندك يقين ومؤمنه إن ربنا يقدر ربنا يقدر وخليكي مسره وعندك إصرار لأن ملكيش غيره واعلمي أن كل اللي بيحصل خير حتي لو اتاخر رب الخير لا يأتي إلا بخير ولا تيأسوا من روح الله

هو مش بيقولك هديه ؟خلاص خوديها !

افضل طريقه انك متركزيش عليها حاولي تقبلي نفسك زي ماهي لانك كل ما تركزي عليها هتلاقيها بتزيد وبتكتر فالاحسن تتقبلي وصدقيني ومع الوقت هتتلاشى

حاول تفكر وتتفكر في اللي بتعمله زي مثلا قراءة القرآن حاول تفكر وانت بتقرا وتخيل إن ربنا بيكلمك انت أو الصلاة حاول تركز في اللي انت بتقولو هتلاقي نفسك مشدد ولكن حاول مره واثنين وحتي الاذكار لما تتعمق فيها وتفكر فيها بتلاقي متعه 👌

بصي دي اكيد نسبه كبيره نفسيا سيبك من الاكل كل ده من الزعل وانك تحطي في نفسك فممكن النفسيا تطلع في الم اي عضو في الجسم ممكن المعده أو الجمب أو البطن عموما هل انتي في حاجه مزعلاكي؟

أنت تعرف المشكله مش في الأرزاق المشكله في اللي بيستخدمها يعني مثلا في شخصين اديت لكل واحد ١٠٠جنيه واحد منهم راح جاب وجبه طعام وغزا جسمه بيها والتاني راح جبله علبة سجائر وشربها ......هنا مين ضيع فلوسه مع إن الاتنين واخدين بالعدل ولكن المشكله في التصرف هنا من ضمن الابتلاء الفقير ربنا يعلم لو اداله فلوس هيتغر وهيظلم و و و .....ولو اداله صحه هيفتري بيها على الخلق هنا ربنا قسم لكل واحد اللي محتاجه مش اللي عايزه ؟ والابتلاءات على حسب عمل الشخص يعني كل ما الشخص يبقي مؤمن ومقرب ربنا تلاقي عنده مشاكل كتير ليييي لأن ممكن يكون ربنا بيختبره هل إيمانه ده حقيقي من قبله ولا منظر قدام الناس ؟او ممكن يكون الشخص بيعمل حاجه غلط فربنا علشان بيحبه بيبتليه علشان يفوقه أو ممكن الابتلاء رفع في الأعمال ...مينفعش تقول ربنا بيقسم مش بالعدل لأن ربنا يعلم بخلقه وانتم لا تعلمون

ابدأ وطول مانتي عندك طموح وإصرار ربنا هيكرمك

اشغل نفسك قبل ما تشغلك

خلي عندك هدف مثلا أنتي بتفكري في في أو عايزه تدخلي ايه وعلشان ايه ونفسك في ايه كل ده هيخليكي تتهيأي للمذاكره مع الحماس ومتخليش المذاكره طول اليوم ولكن خصصي وقت مثلا بعد الفجر ومتقوليش انا بنسي وانا فاشله والكلام ده في حياتك علشان عقلك بيصدقه ممكن اسالك سؤال على جمب انتي دخلتي قصة حب او عملتي علاقه مع شاب من فتره أو دلوقتي 🤔

بصي انا فاهم قصدك.بصي اقولك على معلومه اللي بيحب حد مبيشوفش منه اي حاجه وحشه حتي لو كلو وحش مثلا فانتي لو بتحبي فعلا مش هتشوفي منه حاجه وحشه حتي لو اللي حواليكي شايفين أنه وحش انتي الوحيدة اللي شايفاه مناسب لانك انتي شايفاه بالعاطفه ،ورينا يقدملك اللي في الخير ويرزقك بابن الحلال

بصي يا اختي انتي طبعا مش بتفكري في ولكن لما الأشخاص اللي حواليكي بيلمحو حتي لو مش بتفكري في ،مع التلميحات دي العقل بيبدا يشتغل ويوسعلك الفكره وطول مانتي بتفكري في اكيد هتحلمي بي والشيطان اكيد مش هيسيبك مبيصدق باب زي كده يتفتح هو يدخلك الفكره والعقل بيكبرها ،المهم حولي تنسي الموضوع لغاية ما يجي ويتقدم وبدل مانتي بتفكري في حولي تحطي اساسيات لشريك حياتك حولي تحللي شخصيته متفتكريش في الحب وفكري بعقلك بمعني انتي عايزه شيرك حياتك مواصفاته مثلا صادق وشهم و و و ،،،،وهل هو في المواصفات دي ؟طب هل هو لو كذاب أو من نوع اللي بيخاف أو بخيل هل هتتقبلي المواصفات دي وحولي تتعمقي في تحليله👌

مش معني أنه هو خطب يبقي بيحبها وهتلاقي واخدها علشان يرضي أهله واكيد لسه بيفكر فيكي وهتلافي قلبه مكسور زيك بظبط ،ولكن المهم علشان انتي تتخطي الموضوع الأصل في الموضوع ده انك لما دخلتي حياتك أصبح واخد مساحه كبيره في حياتك ومش شايفه غيره و و و ،ولكن لو عايزه تنسي الفراغ اللي عندك لازم تملي ازااااي انك تشغلي نفسك وتملي حياتك طول مانتي مركزي عليه هتفضلي فاكراه ولكن ركزي على اشياء اخرى زي موهبه أو شغل أو أي شي لما تركزي معاه انتي كده هتملي حياتك وهو مش هيبقي لي مساحه واي شئ بيفكرك بي مكان معين أو اغنيه أو اي شي لامه ممكن تبعدي عنه أو انك تروحي في المكان ده وتعلقي بحاجه تانيه زي مثلا في الشغل هتروحي نفس المكان وهتعملي حاجه جديده في المكان يبقي كل ما تفتكري المكان هتفتكري الاغنيه مثلا وفي الاول والاخر خليكي مع ربنا انتي بتقولي 6سنين البدايات اللي مبترديش ربنا آخرها مش هترضيكي👌

بصي يا اختي صاحبتك من كتر كلامها برمجت الموضوع في دماغك حتي لو انتي مش واخده بالك أو بتتلاشا ،وانتي دلوقتي مش بتحبي ولكن ده تعلق بسبب كلام صحبتك هي برمجت الموضوع في دماغك فهتلاقي دماغك مش بتفكر غير في لأنها خليتك تركزي عليه ، في مثلا بيقولك الزن على الودان أمر من السحر . العقل بيفكر في ايه الشئ اللي بتركزي عليه بيكتر وبيزيد في حياتك اي شي وانتي علشان مركزه في شاب ده فمش شايفه غيره واني حياتك وحشه وهو مش معاكي .ده مجرد تفكيرك انتي حتي لو سألت نفسك طب انتي عايزاه لي او ايه اللي شدك في مش هتعرفي لانك عايزاه موجود وخلاص ،المهم الخمي نفسك بحاجات تانيه مثلا مذاكره ،رياضه ،اكل أو او او حولي تركزي على نفسك اكتر ومتحتاجيش لحد هتلاقي هو مشي من دماغك ليييي لانك معندكيش وقت لي لانك حياتك اهم

لو الواحد بيجيله صداع علطول وبفقد التركيز وبتعب

بصي طالما بتقولي مش بحب اغلط اكيد اكيد حياتك فارغه بمعني مفهاش تقافه مفيش معلومات في عقلك معندكيش حاجه تفيدي بيها غيرك لييييي؟. لانك شخصيه منعزله لانك ضعيفه لانك وحدانيه لأن الشخص القوي علشان يتعلم لازم يغلط في مقوله بتقول( وان لم تدرك لم تتعلم)بمعني بدل ما تقولي انا مش عايزه اغلط قولي لازم اغلط لييييه علشان اتعلم واكتسب من الغلط !هديكي مثال انتي مثلا بتعملي طعام في البيت والأكل طلع حادق هل هتقولي انا مش هطبخ تاني ،ولا بتقولي اه انا غلط ولكن اتعلمت فإنني كده تعلمتي من الغلط أصبح أن الغلطه علمتك مش خسرتك ،اتمني تكوني وجهت نظري تكون وصلت

مفيش اب وام بيكرهوا أولادهم ولكن بيتمنوا أنهم يبقي احسن حاجه محصلتش ،عايزك تعملي حاجه جديده عايزك تتميزي فاي حاجه بتعمليها في الشكل أو اللبس أو الأسلوب لو من النوع اللي بتردي بسرعه ومتعصبه عايزك تسكتي دقيقتين فقط قبل الرد على اي شيء ،صدقيني حياتك هتتغير ولما انتي تبدي تتغيري في أبسط الاشياء صدقيني الناس كلها هتتغير معاكي لانك انتي اتغيرتي أو اتميزتي أو نجحتي ،وربنا بيقول (إن الله لا يغير ما بقوم حتى يغيروا ما بأنفسهم )

المشكله في تفكيرك انتي مش في الناس المشكله انك انتي حاسه انك عندك نقص ولكن انتي غلطانه لأن المشكله مش في الطول لانك لو طويله هتعملي ايه او ايه اللي هيفرق ؟؟ولا حاجه وهتلاقي نفسك مفكره انك قصيره ده عيب ولكن بدل ما تفكري كده فكري انك مميزه 👌هو ده اللي مميزك هتلاقي صحابك مديقين علشان انتي عندك ميزه مش عندهم ولازم تتقبلي نفسك تقبلي الهديه اللي ربنا ادهالك الا وهي الجسد هل انتي ليكي تدخل في 🤔طبعا ،واول ما تتقبلي هتلاقي النجاحات واعرفي اللي بيتنمر عليكي اعرفي أنه عنده نقص بس بيطلعه فيكي وبيديقك بي واعرفي أنه مش بيحبك لأن اللي بيحبك مش هيديقك حتي لو بهزار ،حولي تدوري على المميزات اللي عندك مش موجوده عند غيرك هل التفكير أو التركيز أو الذكاء أو او او وحولي تطويرها ولما تنجحي هيتمنو أنهم يبقو زيك

ربنا يوفقكم

هل المثلا ما كانش عايزك تكملي تعليم وانتي عايزه تكملي مثلا غصب عنه لأنه لو هو عايزك تكملي كان هو اللي هيصرف من غير ما يتكلم ،او مثلا في دماغه أنه يوصلكم مرحله معينه من التدريس وبعد كده خلاص ،لازم تعرفي وجهة نظره ،وبعدين هتلاقي في حاجه غلط في الموضوع

المشكله انك بتمشي ورا الكلام ولكن ملكش دعوه بالكلام لو الكلام في دعم ليك ادعم نفسك لو الكلام سلبي ومحبط اعتبره تحدي وخليك دائما متفوق وبعدين ايه اللي خلاك تتراجع من الطموحات والأهداف 🤔 ارجع وشوف انت عايز توصل لإيه وتعمل ايه وحط هدف وأبدا في سعيك مش قادر قول يارب ساعدني يارب هد بايدي وملكش دعوه بكلام الناس المحبط ومتخليش عندك اوقات فراغ حاول تشغل دماغك باي شئ

لازم تعملي ليكي حدود وشخصيه قويه علشان اللي يقرب منك يفكر الف مره علشان ياخد الخطوه أما لو انتي سايبه نفسك كده واللي يقرب يقرب هتخافي من اي حاجه وحياتك هتسوء عن الاول وشخصيتك هتبقي ضعيفه متسمحيش لحد يقرب منك اللي يقرب وقفي عند حده

في رجاله اه بتحب تخدم وبتحب تطبخ كمان ولكن المشكله هنا في شخص بيعمل ده علشان هو بيحب يعمل كده من نفسه وفي شخص تاني بيعمل كده علشان هو عايز يرضي الطرف التاني مع أنه بيجي على نفسه ،وبعيدين انا مش لاقي مشكله في الكلام وكله طبيعي 🤷

انا عارف انها صحبتك ومقدر ده طبعا ولكن هي مش عامله على مصلحتها انتي اللي هتعملي عليها؟ هتبقي بتيجي ع نفسك ،وبعدين اقولك مثال هو انتي لما بتجيبي فاكهه مثلا عنب أو تفاح او او ويكون في واحده بايظه ومعفنه فيهم هل الباقي هيقدر يصلحها أو يرجعها تاني ،الحقيقه لأ ولكن هي اللي هتأثر عليهم هتلاقيهم بعد فتره هتحسي أنهم باظو زيها 👌اظن الرساله وصلت