عايزه اسأل سؤال محيرني هو لو انا قعدت اتخيل سيناريوهات ومواقف مثلا ف دماغي او كده دي ممكن تتحقق؟؟ يعني عشان عارفه ان الاقدار موكله بالمنطق وتؤخذ من افواهكم وكده ف ساعات بخاف اتخيل حاجات وتتحقق حتي لو منطقيه اخاف يتحقق لمجرد اني فكرت فيه فاهميني؟
تم النشر الخميس، ٢٤ يوليو ٢٠٢٥
دلوقتي انا لسه ٣ اعدادي حبيت واحد معايا ف الدرس وهو كان لسه جديد حتى معرفش عنو اي حاجة غير اسمو بس حبيتو اوي واللي خلاني احس اني حبيتو اوي اني عيطت عليه عشان مكنتش اعرف هو بيحبني ولا لا فعيطت وكل يوم كنت بعيط عشان بحبه وخايفه ميحبنيش كنت ف كل صلاه ادعي ربنا انو يطلع بيحبني وفضلت ادعي كده ٥ شهور ومحدش يقولي حب مراهقه عشان أنا عمري ما حبيت حد كده لدرجه اني اعيط عليه اصلا ولا عمري فكرت اني ممكن احب واحد اصلا كان اهم حاجه عندي تعليمي ومكنتش بفكر ف الحب اساسا ..... المهم لقيت مكتوب ع الحيطه اللي تحت بيتو انو بيحبني وكده فرحت جدا بس هو كان كاتب اسمو من غير اسم الاب ف اسمو متكرر عندنا ف الدفعه فمكنتش اعرف مين المقصود ف كتبتلو منه مين اللي انت تقصدها واسمك عبدالرحمن ايه ولو بتحبها أدخل اعترف لها يمكن تكون بتحبك وكان عندي امل مش طبيعي انو هيدخل يعترفلي ف اجازه نص السنه وفعلا دخل اعترف لي وانا كمان اعترفتلو بس قولتلو مش هنتكلم عشان مبكلمش ولاد قالي انا عارف وقولتلو ان اهلي شداد وبيفتشو ف فوني فمش هينفع قالي مش عايز يحصلك مشاكل اكيد بس انا عايز اطمن عليكي كل شويه قولتلو تمام بقينا نطمن ع بعض كل فتره ومكنتش حطاه ف لوك شات او اي حاجه بعد كده بقينا نتكلم كل يوم فأصبح جزء من يومي واتعودت علي وجوده وبصراحه هو كان اكتر حد بيطمني واكتر حد بعرف اتكلم معاه براحتي وبيفهمني ف كنت بحبه كل يوم اكتر م اليوم اللي قبله لحد ما اتقفشت وامي منعتني انزل دروس يومين وقعدت اعيط واقولها نزليني وكده ونزلتني فعلا بس ف اليومين دول لما عرفت كانت عايزه تروح الدرس تضربه ف انا حطيت اكونت الفيس ع تاب اخويا وكلمتو وقولتلو كل حاجه فقالي انو لما قرأ الرسايل ادايق وكده واخوه الكبير دخل عليه وقعد يقولو مالك وكده لحد ما عبدالرحمن حكالو واخوه الكبير كلم ماما واعتذر لها وبعدها فضلنا نتكلم ع التاب كده لمده شهر واتقفشت تاني وهو المره التانيه كلم امي بنفسو وقالها انا بحبها ماما ف الاول كانت متعصبه منو واتعصبت عليه وشتمتو بعدها قالها كلام معرفش اي هو مرضيتش تقولي بس هديت من نحيتو وشافتو راجل اللي اعرفو انو قالها انو بيحبني مش قصدو حاجه وحشه طبعا ماما عامله لفوني باسوورد وانا حلمت بالباسوورد جيت اجربو لقيتو صح ف كلمتو شهر تاني واتقفشت واخويا عرف بابا وبابا كلمني وقالي لو اتكررت تاني مش هيحصلك كويس المهم انا قولت كفايه محاولات عشان أهلي ميزعلوش مني تاني وهكلمو من فون صحابي ف الدروس اطمن بس يعتبر بكلمو ١٠ دقايق نص ساعه بالكتيرر ف اليوم كلو هو اه الموضوع مدايقني بس قولت احسن من مفيش عارفه انو حرام وغلط ومينفعش اعمل كده بس غصب عني انا بحبو اوي وصحابي قالولي مش هنديكي الفون تاني احنا كده بنساعدك ف الغلط قولتلهم انا عارفه انكو مش راضيين من جواكو ونيتكو مش قصدكو تعملو كده وانا اللي هشيل المسؤوليه كامله وبعفيكو من ذنبي ف هل برضو هياخدو ذنب لو ادوني الفون؟
تم النشر الجمعة، ٢٣ مايو ٢٠٢٥
عشان تذاكر ف ثانويه عامه صح لازم تشيل من دماغك كل الكلام الاتقالك عنها من انها صعبه ورخمه وهتجبلك عقد نفسيه وهتطلع مدمر وهي اللي هتحدد مصيرك والكلام ده كلو ثانويه عامه زيها زي اي سنه لا بتحدد مصيرك ولا مصير غيرك الفرق بينها وبين اي سنه انها مفيهاش ترم اول وترم تاني السنه كلها علي بعض وده مش عائق كبير اوي يعني طول ما انت حاطط ف دماغك انها صعبه عشان كلام الناس هتلاقيها صعبه ولكن لو شلت الكلام من دماغك وقولت اجرب بنفسي واخوض معركتي بنفسي وابقي احكم صدقني هتشوفها سهله ده مش كلام عشان اطمنك بالعكس بعد ما تخلص ثانويه عامه وتدخل جامعه هتعرف ان ثانويه عامه اسهل بكتيررررر جدااا وان كل اللي فات ده مكنش صعب الجامعه اصعب بكتير وكل مرحله وليها صعوبتها وثانويه عامه مش صعبه زي ما انت فاكر مشكلتها بس انهم بيظلمو العيال ف الدرجات بس لو انت عندك امل ف ربنا مش هتتظلم وحتي لو اتظلمت يمكن خير ليك ف حاجه احسن انتظم ع الصلاه ف الثانويه وادعي ربنا يوفقك عشان الصلاه هي اللي هتظبط مودك ونفسيتك لو اتضغطت بالحاجتين دول انت قادر تعدي ثانويه عامه عادي ١_ الصلاه (هتغير حياتك، هتوفقك فيها، وهتحسن نفسيتك ١٨٠ درجه لانك بتقابل ربنا ٥ مرات ف اليوم بتدعيه باللي نفسك فيه وبتفضفضلو ف بترتاح) ٢_طول ما انت شايل فكره ثانويه عامه صعبه من دماغك ده هيخليك تجتازها بسهوله وذاكر عادي زي اي سنه بتذاكر فيها افضل عيد ع المعلومات كل شويه بس مش اكتر
تم النشر الخميس، ١٠ يوليو ٢٠٢٥
تفكير انك متصليش ده برغم ذنوبك ده تفكير سئ جداااا وغلط جداااا جداااا مهما عملت ايه صلي وتوب حتي لو توبت ورجعت عملت الذنب تاني وفضلت كده سنين ربنا مش هيزهق منك بالعكس ربنا بيحب التوابين وهتفضل تتوب تتوب لحد ما هيجي ف يوم اكيد هتبطل صلي مهما كان الصلاه بتنهي عن الفحشاء والمنكر افضل صلي مهما كنت بتعمل ذنوب ايه وادعي ربنا كتيررررر يمكن ربنا حطك ف الموقف ده عشان ترجعلو وتدعيه يمكن عايز يسمعك وانت بتدعي او ابتلاك عشان ترجعلو ... متتكسفش ترجع لربنا حتي لو عملت ذنوب ياما انت لو اتكسفت من ربنا ومتكسفتش من البشر ف انت كده ف حته غلط بجد ف طريق غلط المفروض العكس انت تتكسف من البشر ومتتكسفش من ربك وربك غفور رحيم .... ارجعلو ربنا ابتلاك عشان ترجعلو وادعيه كتيررررر وخلي عندك حسن ظن بالله لان ربنا سبحانه وتعالي قال انا عند حسن ظن عبدي بي فإحسن الظن بالله واعرف ان ببان الدنيا كلها اتقفلت ف وشك ربنا عمرو ما هيقفل بابه ف وشك ابدا
تم النشر الخميس، ١٠ يوليو ٢٠٢٥
طبعا حاولي اعتذريله ع اللي عملتيه ده وكلميه براحه اللي هو افهم موقفي ك بنت مينفعش اديلك حاجه زي كده وانا معرفكش كويس لسه وكده يعني واتكلمي معاه براحه واعتذريله ع اللي عملتيه وقوليلو انا مقدراك بس لازم انت كمان تقدرني وتفهم موقفي وكده ونعيش فتره بس نتعرف علي بعض لحد ما احس اني عرفتك اكتر وحبيتك واحس اني جاهزه
تم النشر الاثنين، ٧ يوليو ٢٠٢٥
مش هقولك اشغلي وقتك وبتاع لانك محتاجه تاخدي وقتك ف الزعل كل انسان عشان يتعافي محتاج ياخد وقته ف الزعل ويقعد مع نفسه كده شويه وياخد وقته بس متخليش الوقت يسرح منك وتنسي تعيشي حياتك اه ادي لنفسك وقت تزعلي عشان تتعافي لكن متضيعيش حياتك كلها ع الزعل
تم النشر الاثنين، ٧ يوليو ٢٠٢٥
بصي هو انا حاولت ابعد كذا مره بس مقدرتش ف عشان كده بقولك بس ان الموضوع صعب عليا لان صعب انك تبعدي عن حد بتحبيه فهماني يعني لو حطيتي نفسك مكاني وحد انتي بتموتي فيه ومضطره تبعدي عنو ف السن ده دي حاجه تدايقك ومش كل الناس تقدر تعملها بذات اللي بيحب بكل قلبه ده
تم النشر الاثنين، ٢٦ مايو ٢٠٢٥
لا هو مش فيك بصراحه لانو كان مكسوف يجي يعترفلي ف اعترف ع الحيطه بس بعد ما عرف اني كمان بحبه دخل اعترفلي بقي .... هو حاجه وحشه انك تكوني حبيتي واحد وهو راح حب واحده تانيه وخطبها بس اكيد ربنا شايلك الخير في حد تاني ويمكن الحد التاني ده يكون احسن من قريبك ده ف ان شاء الله ربنا يعوضك خير يحبيبتي♥️
تم النشر الاثنين، ٢٦ مايو ٢٠٢٥
لعرض الملف الشخصي في فدني اضغط هنا