Aya omar

انت مش بس مفتقد وجودها انت كمان حاسس بالوجع دا لانك شايف رغم كل التضحيات دي انت هونت عليه و اكتر من مرة تطلب انكم تبعدو عن بعد و دا شعور طبيعي أن تحب و متلاقيش مقابل أو حتى المقابل يبقا عكس أدنى ما تتوقع انا حقيقي معرفش المشكلة بس هي عملت كدا لحالة من اتنين ملهمش تالت اولا ممكن تكون المشكلة اللي في نظرك صغيرة هي نفسها بالنسبة ليها كبيرة و اثرت عليها و مقدرتش تتخطاها ثانياً في حاجة اسمها ضغط عاطفي يعني هي شايفه نفسها نقطة ضعف ليك و ممكن تكون شخصية غير ناضجة فلم انت صدر منك خطأ في حقها استخدمت البعد عن بعض وسيلة لعقابك و نصيحتي ليك الحب يعني الامان فلو العلاقة ملقتش فيها امان يبقا توفر مشاعرك للشخص اللي يستحق و زاي ما بتقول انه كان في ابتزاز عاطفي منها فلو بتحبك بجد زاي ما بتقول عمرها ما توجعك عشان اللي بيحب حد بيخاف علي زعله جدا يعني باختصار احتمال كبير تكون مكنتش بتحبك اصلا بس انت كنت بالنسبة فترة و هتنتهي فبص لنفسك و قدر كرامتك و احترم ذاتك اووي دا اهم حاجه و كام نقطة كدا يساعدوك باذن الله تتعافى من التعلق دا اعمل لدماغك قاعدة الإتصال الصفر يعني اي شات بينكم أو صورة ليها امسحهم ادي لنفسك مساحة انك تفرغ المشاعر السلبية اللي جواك من سبب الموضوع بس تفرغ الطاقة دي و تبدأ تمارس حياتك مش تفضل واقف عند لحظه انفصالكم اعمل بلاك لست بكل مواقف التلاعب العاطفي اللي كانت بتعاملك بيها و كل لما تحس بشعور الاشتياق لوجودة اقراءهم و قول لنفسك انا استاهل احسن من كدا و الله يعينك و يعافيك من اللي انت فيه

بالنسبة لبابا فلو انتي مش بتعرفي تعبري عن حبك ليه بالكلام فممكن الأفعال يعني وانتي مسافرة خدي لبابا هدية لو الكلام وجها لوجه صعب فممكن مسجد واتس بسيطة تقوليله وحشتني يا بابا أو جملة تعبر عن حبك و هو اكيد بابا بيحبك بس مفتقد وجودك جنبة فانتي استغلي فترة السفر كله خليكي معاه شاركية أنشطة بيعملها و خليه يحكيلك عن ذكريات دي كلها حاجات هتعمل الفة بينك و بين بابكي

بصي يا جنى اللي بيحصلك دا اسمه تراكم عاطفي يعني زاي ما بتقولي مكنش بيحصلك و انتي صغيرة لكن بقاله كام مرة بيحصل و دا عندك مخزون حزن من سبب الوداع و السفر اللي بيحصل كل فترة و المطار بقي بالنسبالك مكان صدمة لان منه بيحصل مشهد الوداع فانتي حاولي تغيري روتينك السفرية الجاية أن شاء الله يعني بدل ما تستسلمي و تسترسلي للفكار المتبعة دي قولي لنفسك انا مسافرة اشوف بابا و دي حاجه جميله و هعيش اللحظة من غير حزن كلمي نفسك كدا صدقيني هيفرق جدا معاكي و كمان فرغي مشاعرك بالكتابة خلي ماما تساعدك احكيله لو امكن

ممكن يكون انخفاض الدوبامين يعني في البداية كان الجيم بيمثلك مكافأة كنت بتشوف نتائج سريعة وبتحس بإنجاز فالدماغ بيفرز دوبامين عالي بيخليك متحفز بعد 3 سنين الموضوع بقى عادة روتينية الدماغ مبقاش يفرز نفس الكمية من الدوبامين تجاه الجيم فبقيت تحس إنه مجهود بدون مكافأة نفسية فورية وده بيخلق حالة الزهد اللي أنت فيها. أو غايب الدافع يعني كان في الاول انت غاية بتروح عشانها و دلوقتي أولوياتك اتغيرت يعني طاقتك بتخلص في الكلية و الدراسة و اتغيرت نظرتك للجيم من متعة لعبء طيب تتعامل ازاي ممكن تغير الجيم أو معاد التمرين دا كسر الروتين القديم و هيعيد الشغف لنفسيتك متحطش نفسك في زاوية ضغط عشان مش هتعمل حاجه طالما بتتغط نفسك يعني بدل ما تقول انا اروح عشان لازم قول انا هروح عشان كذا و كذا و عدد النوايا الصالحة

اللي انتِ بتتكلمي عنه دا عرض مش سبب شعورك بالذنب أو المبررات اللي بتطلعيها لنفسك دا ناتجة عن اللي عملته و هنا بقا نجي لنقطة مهمة الا و هي انك عندك شعور بالاحتياج سوا احتياج عاطفي أو معذرةً في اللفظ جنسي و دا شىء طبيعى انتِ مش عليكِ حرج في شعورك دا دي فطرة الله فينا بس احنا ربنا جعلنا حدود مينفعش نتخطاها و لو تخطناها نتوب و نرجع و لو التوبة هتتكرر الف مرة ربنا هيقبلنا في كل مرة باذنه عز وجل النقطة المهمة بقا ازاي نعالج الاحتياج دا سد الفراغات اه سد كل فراغ في حياتك تشغلي نفسك بكل حاجة تنفعك في دينك و دنيتك ادخلي كورسات اهتمي بتعليمك اتطلعي لمستوايات اعلى من مستواكِ في كليتك و اسعي لتحقيق دا و خدي بالاسباب الشخصيات اللي في حياتك دي نقطة فارقة جدا حاولى تملئ حياتك بشخصيات تحبك و تحترمك يعني صديقات و قرايب و لو ملقتيش دا معاهم فحاولى تزودي نسبة حبك لنفسك افخري باي نجاح و افرحي بسعيك بحيث انتِ تكتفي بكل اللي في حياتك و متدوريش علي حد يعطيكي الحب اللي انتِ مفتقداه الموضوع مش هيتغير من يوم و ليلة محتاج صبر شوية اعانكِ الله و يسر امرك

بصي انت واضح من كلامك انك حابة مجالك و دا عامل ممتاز جدا بفضل الله و هساعدك انك تتطوري من نفسك مش *و لكن نقطة* اهلك اللي مش واثقين فيكي واضح أنه مآثر عليكي بس الحل: الثقة لا تُطلب بل تُبنى. لما يسألوا حد تاني متزعليش بالعكس قولي تمام ولما تتأكدوا هتعرفوا إن كلامي كان صح مع الوقت لما يلاقوا توقعاتك بتطلع مظبوطة مرة ورا تانية هما اللي هيجوا يسالوكي نقطة الابواب المقفولة بخصوص الشغل فدا عادي يعني اوقات كتير المستشفيات بتكون عامله فوانين خاصه للطلاب تحت سن معين فانتي ادعي ربنا ييسرلك الأمر و تلاقي الشغل اللي عايزاها و خدي بالاسباب و دوري في العيادات الخاصة و المراكز الطبيه اعتقد هتلاقي شغل مناسب ليكي

قائد ناجح متوتر عادي جدا و مفيش تناقض بصي ياريت نفصل بين العقل الواعي (الثقة، المبادئ، المهارات القيادية) وبين الجهاز العصبي اللاإرادي. هو شخص ناجح و لكن عنده جهاز عصبي حساس جدا المثيرات و فعلا استجابة الكر و الفر دي حاجه بتحصله لو واجه اجتماع بسيط و لاكانه حاجه بتهدد حياته فيبدأ الجسم بضخ كمية كبيرة من الادرينالين و الكرتيزول و يبدا خفقان القلب و رعشة الرجل و كل دا من سبب تراكم الضغوطات اللي بتحصله عشان يوصل للنجاح دا فلم تحصل لحظة مواجهة مع الآخرين يخاف من السقوط أو الفشل فبيحصل دا كله الإنقاذ السريع من حالة الكر والفر يعني تنفس عميق و بهدوء لمدة دقيقتين و لو امكن الحركة برضو من المكان

بالنسبة لكلام الناس اللي حواليكي اللي مآثر عليكي دا فدا عادي جدا طبيعي الناس لما تشوف شخص بيبان عليه أعراض وساوس بينكرو عليه و يضايقو بدل ما يساندو فانتي حاولي مش تبيني لهم الأعراض دا بقدر الإمكان تظاهري كانك عادي خالص عشان زاي ما بتقولي هيعملو اللي بيستفزك اكتر و يزودو عليكي الله يعافيكي و يهون عليكي

اللي بتعمليه دا مش غلط فعلا بس هل انتي بتنظفي كل الحاجات اللي تخصك عشان بتحبي النظافة فعلا احب اقولك لا انت بتنظفي عشان تتجنبي مخاطر التلوث عشان عقلك بصي اقولك كام نقطة و حاولي تطبقيهم بأمر الله اولى حاجه التعرض و منع الاستجابة قاعدة العشر دقائق يعني حاولي تاخري الاستجابة عشر دقائق مثلا شايفه أن الكوباية عايزه تتغسل اهدي شوية و مش تقومي تغسليها علطول بحيث تدي اشارة للتفكير دا أن الشعور هيقل تلقيء و مش هيحصل حاجه لو اتاخرت شوية عادي تاني حاجه الاحتمالات قولي لنفسك هو اي اصعب حاجه ممكن تحصلي لو مغسلتش الكوباية هتلاقيه حاجه مش خطر اووي يعني حتى لو عقلك طلعلك أن النتيجة خطر لو فكرتي كويس هتلاقيها مش هتحصل اصلا في الواقع تالت حاجه الجيد يكفي يعني نظفي بنسبة 80٪ و متزوديش عن كدا و خديها تدريجي يعني النسبة تقل كل شهر

لا حول و لا قوة الا بالله بصي اولا سورة البقرة دي علطول و نزلي الرقية الشرعية و كل يوم تشغليه مش هقولك صبح و ليل بس اقل الايمان مرة واحدة في اليوم علي الاقل و اذكار الصباح والمساء حصني نفسك قبل دا كله استعيني بالله و ادعيه يحفظك و يدفع عنك الأذى

عفواً الله يعينك و ييسر امرك

خلينا واقعيين تالتة ثانوي علي وشك الانتهاء و انتي بحاجة لاستغلال اي وقت متبقي و بما انك كنت بتحب حاجات و اتمعنتي عنها عشان الثانويه فبلاش تفكيري في الحرمان دلوقتي و تضيعي كل حاجه من ايدك لانك بشكل دا لا هتبقي بتمارسي الرياضة اللي بتحبها و كمان هتضيع فرصة الثانوية من ايدك عوضي نفسك عن اللي اتحرمتي منه بطرق بديلة تكون مباح ليكي دلوقتي زاي المشى أو التمارين الخفيفة في البيت و اعمل كدا من باب المكافأة يعني ذاكر و في البريك اعملي الحاجات دي عشان عقلك لما يحس أن في ترف خلال اليوم هيتحفز تلقائيا انه يوقف تفكير و يتقبل المذاكرة فبلاش الكبت والتفكير السلبي و الخيل دا من الضغط اللي انتي فيه

عشان توصلي للاتزان الحقيقي من غير ما تفقدي نفسك أو تضطري لتمثيل دور مش شبهك، ركزي في الـ 3 نقط دول: الحدود "مرونة" مش "سور": الاتزان مش معناه إنك تلغي حدودك عشان ترضي الناس، لكن معناه إنك تخليها زي "الباب"؛ يفتح للي يقدرك ويقفل في وش اللي يستغلك. القوة في إنك تختاري مين يدخل، مش في إنك تقفلي على نفسك تماماً. التلقائية محتاجة وقت: طبيعي في البداية تحسي إنك "متأهبة" وبتحسبي كل خطوة لأنك في مرحلة تدريب لعقلك على نظام جديد. مع التكرار، عقلك هيبرمج إن (المنطقة الوسطى) هي الطبيعي، وهتلاقي نفسك بقيتي متزنة تلقائياً من غير مجهود. الصدق مع النفس: اسألي نفسك دايماً: "أنا بعمل كدة عشان خايفة أخسرهم، ولا عشان أنا فعلاً حابة أكون لطيفة؟". لو السبب هو الخوف، يبقى إنتِ بتيجي على نفسك. الاتزان الحقيقي بيبدأ لما يكون عطاؤك نابع من اختيارك وحبك لنفسك أولاً. الخلاصة: النضج هو إنك تحبي الناس وتتعاملي معاهم بمرونة، بس من غير ما تسمحي لأي حد إنه يهد "ثوابتك" اللي بتحميكي.