Mark Mark

بصي انا عندي نفس المشكلة دي للاسف من صغري و هي معايا اعتقد اني اتولدت كده او نشئتي في البيئة المحيطة بي غصب عني خلتني كده برغم اني معنديش مشاكل مثلاً عويصة في الطفولة.... ما علينا انا بس بقوللك ان حالتك موجودة لا تقلقي ...متحسنتش شوية الا لما اقتنعت ان الوجود في الدنيا مجرد اختبار و ضغط نفسي و مش بتحسن الا لما بستسلم و بسيب كل الحاجات اللي مش بتحكم فيها .... اصل هعمل ايه يعني تفكيري الزايد ايه نتيجته! بلح ولا حاجة ... و منكرش ان ساعات بتجيلي هجمات شديدة من الكآبة و الحزن و العدمية و اللي هو انا مين و ايه فايدتي و ليه بحس ان كل الناس احسن مني و اشطر و افضل مني في كل حاجة بس بقول ان دي كلها برده قلة ايمان بالمسلمات و جلد ذات علي الفاضي .... انتي في طريق العلاج طالما معترفة بان عندك مشكلة .... حاولي تدربي نفسك كل يوم تصحي تشعري بالامتنان علي كل حاجة حلوة لمدة خمس دقايق بعدين كل لما تواجهك فكرة وحشة او كئيبة اكتبيها علي ورق و ردي عليها بكل منطق

حاولي تقولي لنفسك ان دي اوهام م حقيقة و الاعراض دي موجودة عند ناس كتير جدا بنسب متفاوتة. عشان هتدخلي نفسك في دوامة هتأثر عليكي و تخليكي مريضة نفسياً فعلاً حتي لو مش مريضة ناو....خففي علي نفسك و هوني عليها و لو عاوزة مساعدة احنا هنا ف الكومنتات معاكي و لو فعلا مافيش تحسن ممكن تتواصلي مع دكتور نفسي او اخصائي

اعتقد ان سواء موضوع الدراسة او الخطوبة وانتي بتفكري فيهم حطي قدامك نقطتين اول حاجة تبقي سعيدة في حياتك باللي بتعمليه و القرار اللي هتاخديه و التاني انك تفكري بمنطقية بدون اي ضغوطات حواليكي.....انا كرأي شخصي متحطيش الاتنين بدايل لبعض ..اعملي الاتنين .. لو شايفة انك مستعدة لخطوة الخطوبة خديها مع الدراسة و ادي الاتنين نفس الاهمية

لو الموضوع زاد عن حده لازم تروحي لطبيب نفسي و لو حتى جلسة واحدة..... حاولي تهدي نفسك و تعملي الحاجات اللي بتحبيها

لازم تشوفي و ترتجعي نفسك في السبب اللي كان مزعلك و تعااجيه

لازم تتكلمي مع حد في اقرب وقت ..قريب او صديق او حتي حد يكون نفس دماغك و تتعرفوا علي بعض.....لو ملفتي حد ممكن نتكلم هنا ف التعليقات نحاول نوصل لحل

الجواز ده قرار هيستمر معاكي طول حياتك .... لو مش مستريحة بلاش تكملي