Ghada Elsafaey

السلام عليكم ورحمة الله وبركاته الله يوفقك اولاً ف جميع خطوات حياتك الكبيرة والصغيرة. لو حاسه إنك في مظلمه مع حد مش علشان تسهيل حياتك لا عموماً علشان يدعي عليك ولا لقدر الله يحصل حاجه ونندم بعدين "روحي كلميهم واطلبي منهم يسامحوكي ولو العكس سامحي" على فكره دي إفادة ليكي أصلاً ولنفسيتك وراحتك كمان. إما بقى إن ربنا يقفل البيبان علينا ربنا لما بيقفل باب وإتنين وتلاته وعشرة بيكون مش صالح البيبان بس بما إننا بنى آدمين بنتشعلق وبنفضل نسأل طب ليه أنا عايزه كذا وكذا، مع العلم إنه أصلاً ربنا بيقفل البيبان دي وبيكون في بيبان مفتوحه لينا إحنا بس ملبوخين بالبيبان التانيه أو عقولنا رافضه حاجه تانيه أو إن ربنا عايزنا نسعى للباب دا ونشوفه كويس. طب بس الحبوب دي كترها مش صح ولصحتك عليها حق عليكي متضرهاش لإن كل اللي انتي فيه هيعدي والله ومهما طول. احسبي كل اللي انتي فيه دا ابتلاء محبه لأنه فعلاً محبه من ربنا. ضيفي إنه مين مش مبتلي بس احنا وكمان لو ركزتي في غيرك مشاكله الاكبر هتعرفي نعمتك اللي انتي فيها. تعالي اقولك إن اليوم مش هيجي تاني وكلنا عارفين دا يعني درجاتك عدت بس اكيد لسه فيه وقت لحاجات تانيه تقدري تركزي فيها مع نفسك بسم الله كده خطوه خطوه واتعب التعب اللي متأكده إنه لو تعبته هكون في قمه فرحتي وادعي دايما يارب ارضيني واكرمني من كرمك ولطفك عليا مش بتعبي اصل لو بتعبنا مش هنوصل لحاجه. اتعملي علشان تغيري سواء كبتك وتوترك اتكلمي مع ربنا اول خطوه وانتي بتعملي طاعاتك وعباداتك تاني دوني والله لو تعرفي قيمه التدوين سواء ع الفون او نوت بوك لطيفه زي قلبك كده هتحسي بتحسن كبير. ومن قلبك قولي دايماً رضيت يارب كل ما يجي منك يا حبيبي حبيبي واستغفري وسبحي هيفتح كل البيبان اللي مقفوله والله كل دا علشان ربنا عايز يسمعك اكتر ربنا يرضيكي بكل خير وجميل وابشري والله.

السلام عليكم ورحمة الله وبركاته. هقولك حاجة لو انتي شايفه إنك فاشله بعيد عن إنهم شايفينك كده تمام إنتي فاشلة، إنما لو حاسه إنك فاشلة علشان هما شايفينك فاشله ف صدقيني إنتي مش فاشله. ما شاء الله متخرجه مراحل تعليمك إنتي مش فاشلة فيها ضيفي كمان إنك اشتغلتي وكان سبب تركك لشغلك غصب عنك أصبح إنك مش فاشله، طيب بتحضري ماجستير تمام في قمه تفوقك. طيب نقف بقى عند نقطه إني اعمل مقارنات عايزاكي تتأكدي إنه لو عملتي مقارنات هتقفي مكانك، بصي ظروفك غير ظروفهم حياتك غير حياتهم. ركزي بس مع نفسك في حياتك والله هتنجحي في كل حاجه وعايزاكي تعرفي إنه كله ترتيب ربنا وكله خير لو علمتي مافي الغيب لاختارتي الواقع. رزقك لسه مجاش والله في الجواز، ربنا مخبي ليكي شخص مناسب ليكي بترتيب ربنا ليكي هيجي ف وقت ومكان مناسب بظروف مناسبه صدقيني. كوني راضيه ومؤمنه وثقي باختيارات ربنا ليكي وانه والله كل اللي بتتمنيه ربنا هيرزقك بيها بس كل حاجه ليها وقتها. ارزاقهم المتأخره أفضل من ارزاقهم المتقدمه بس اصبري واحتسبي الاجر.

بصي كل الناس بتشوفك بعينك انتي هفهمك ازاي.. يعني لما يكون نازله مثلا من بيتك مش مهتمه بنفسك ومش حابه نفسك انا كمان هشوفك نفس نظرتك، لما اكون في بيتك مثلا ومش بتحاولب تتعاملي هشوفك انطوائيه بمعني كل اللي انتي بتشوفيه وتحسيه صورة للناس تشوفك بيه، انتي مش وحشه أصل محدش وحش كل الحكايه شخص بيحب نفسه مش حد الغرور مهتم بنفسه وفاهم نفسه.(ان لنفسك عليكي حق) احبها اصاحبها ادللها ومستناش من حد يعمل دا اعمله انا اكافئها ولو على كوبايه شاي بجد والله احفز نفسي واهتم بيها اقدرها. إيه يعني معنديش صحاب ما اجرب اتعرف على ناس شبهي اصاحبني انا اول انتي بالتاكيد منعزله او انطوائيه واوعي تفكري انه علشان احساسك دا انتي وحشه. اما انك فاشله انتي اللي قولتيها لنفسك ماهو لما افضل احفزني بمقوله انا فاشله مش بعمل حاجه دول ناجحين انا مستاهلش هتفضلي كده لا انتي مش فاشله انتي بس مش عارفه تعملي اي تقومي من افكارك وتبعدي عنها ازاي... حسني كل دا اشتغلي على نفسك هيا تستحق والله. شوفي طاعاتك وعباداتك خديها واحده واحده كل نهايه اسبوع كافئ نفسك بالبسيط ثم الابسط عادي جداً اعملي حاجه بتحبيها جربي اشغلي نفسك اسمعي بودكاست عن حب الذات بودكاست نفسي طوري نفسك، افهمي انك جميله حفزي نفسك اهتمي بشكلك جسمك اسلوبك ولبسك انتي جميله في عيون ناس كتير والله. صدقي نفسك في كل حاجه اتعلمي واتفقهي اقرائي كوني مثاليه لنفسك علشان نفسك اتعبي علشانها شويه هيا والله تستحق. اتعرفي على بنات قريبه منك تدريجي هتلاقي نفسك اعملي صحبه واخرجي جربي تعملي اكل اتعلمي هاند ميد انتي بنت عارفه يعني اي بنت انثويه ليكي حقوق على نفسك أصلاً واهتمامات بنفسك ابدائي من تاني في حق نفسك وشوفي التغيير.

كل حاجه خير والله

ثقي بنفسك زياده اكتر واعرفي ان مفيش حاجه فاتتك ولا هتفوتك واشتغلي على نفسك وبس ومتركزيش مع حد.