AbdulRahman Hasan Mohamed

,ممكن تستعملى. طريقة الخرائط الذهنية يعنى.تعملى ملخص لعناصر الدرس والافكار الرئيسية فيه وكلمتين تلاته من كل تعريف عشان تفتكرى التعريف كله... وحاولى تختارى مكان المذاكرة كويس وياريت يكون بعيد عن السرير... ولازم تذاكرى كويس جدا قبل ما تحلى عشان متحسيش بإحباط لو محلتيش... بعد ما تتأكدى انك ذاكرتى الدرس كويس حلى عليه كتييييير عشان الحل هو اللى بيثبت المعلومة وياريت تكون اسئلة بطرق مختلفة يعنى شوية علل شوية اختر شوية صح وغلط وهكذا وبالتوفيق والتفوق

اولا بس كده عاوزين نفرق بين الارتباط اللى الشرع محدده إما خطبة او زواج وأى علاقة تانية غير كده متنفعش لو كان الموضوع خطبة او زواج فالقرآن بيحددلنا الطريق "ليس البر ان تأتو البيوت من ظهورها ولكن البر من اتقى وأتوا البيوت من ابوابها واتقوا الله" فانت عندك طريق واحد للبنت اللى عجباك هو بيت اهلها وبس فلو اهل خطيبتك موافقين ان اهلك معندهمش علم بالموضوع-وده فرض نادر جدا إن لم يكن مستحيل - وانت عندك اسباب جدية عشان متقولش لاهلك يعنى مثلا بيرفضوا اى حاجة وخلاص-وأظن انهم بيكون عندهم اسباب كفاية- وانت عندك القدرة المالية انك تفتح بيت وخايف على نفسك من الوقوع في الحرام .... فتوكل على الله لان النبى عليه الصلاة والسلام قال من استطاع منكم الباءة فليتزوج اما لو حاجة تانية غير خطوبة او زواج فكده انت رايح فى طريق غلط وحرام 👌

استعيذ بالله من الشيطان الرجيم ربنا جاوب على سؤالك فى آية جميلة جدا "الشيطان يعدكم الفقر ويأمركم بالفحشاء والله يعدكم مغفرة منه وفضللاً والله واسع عليم " دايما الشيطان بيكون لعبته معاك انه يحسسك بأنك قليل وضعيف وملكش لازمة ومحدش مهتم بيك عشان يوصلك للنقطة اللى هتكسبه هو.. "الانتحار" فيوهمك انه هو الحل عشان تستريح من كل اللى انت فيه.. ويبقى كده هو خسرك الدنيا والاخرة استعيذ بالله والجأ له وقرب منه هتحس بجمال تانى خالص وراحة وسكينة وهدؤ نفسى وافتكر دايما آية "ومن أعرض عن ذكرى فإن له معيشة ضنكا"

قبل اى حاجة الاستعانة بالله والصلاة "فى وقتها" هى اللى كفيلة بإذن الله تنظم وقتك انا مش متخصص بس دى حاجات ممكن تساعدك انشاء الله اول حاجة انك تتخلص من المشتتات ومسببات المماطلة زى الموبايل اللى ظاهر من كلامك انه بيضيع وقتك تانى حاجة الهدف يعنى لازم يكون عندك هدف هتوصله يعنى مش بذاكر لمجرد المذاكرة ولا بقرأ القرآن لمجرد القراءة لأ لازم يكون عندك هدف قوى يحفزك تالت حاجة تحدد اهدافك اليومية "مش جدول" يعنى مثلا النهاردة مش هنام غير لما اعمل كذا وكذا ويا ريت تكون كاتبهم قبلها بيوم وتعلقها فى اى مكان ظاهر بالنسبالك ومتححدش وقت معين للهدف الا لو هتلزم بجد رابع حاجة توقف عن المماطلة يعنى "دلوقتى مش بعدين" ولا تأخر دقيقة كمان بمجرد تكرار العادة هتثبت كروتين يومى وهتبطل مماطلة بإذن الله

استعملى الخرائط الذهنيه فى الحفظ وافهمى الاول اللى بتحفظيه عشان تسهلى عملية الحفظ وممكن تعملى كلمات مفتاحية يعنى مثلا لو إجابة تعريف من ٣سطور ممكن تختارى كام كلمة تفكرك بالتعريف كله وهكذا....بالنسبة لوقت المذاكرة افضل وقت بعد ما تصلى الفجر وتقرأى الأذكار واهتمى بترتيب مكتبك وكتبك لانه بيقلل التوتر ويكون قدامك الكتاب اللى بتذاكرى فيه بس عشان متحسيش بتراكم المواد والكتب الكتير اللى قدامك وأبدأى بالمواد الصعبة او الجزئيات الصعبة فى المادة لأن دماغك فى الاول بتكون فى اقوى درجات الاستعداد وبتمل تدريجياً والاستعانة بالله اهم من كل الكلام اللى قلته بالتوفيق والنجاح الدائم

متأسف على الإطالة ولكن اقرأه كاملا فضلاً وليس أمراً . . وهل الانتحار هو حل؟! ....ان اعتقدت ذلك فأعد ترتيب حساباتك لم يخلق الله الدنيا لتكن دار الراحة فالدنيا دار شقاء شئت ام أبيت...... ولكن يختلف ابتلاء شخص عن آخر وكلما عظم البلاء عظم الأجر والثواب ولكن الاجر هنا يكون على الصبر وليس الجزع والقنوط من رحمة الله ..... فلا يقنط من رحمة ربه إلا الكافرون ولا اعتقد ان كل أيامك ابتلاءات فلا يوجد عسر الا ومعه اليسر وإن كثرت عليك الابتلاءات فإن هذا اختبار الله لك فإن شئت النجاح او الرسوب هذا اختيارك وأذكرك بحديث سيد الخلق صلى الله عليه وسلم ": من قتل نفسه بحديدة، فحديدته في يده، يجأ بها بطنه يوم القيامة في نار جهنم" فإن اعتقدت انك ستهرب من هذه المشاكل التى تواجهك بالانتحار فهروبك منها سيكون فى الاتجاه الخاطئ.......كم ستستمر معك مشاكلك ؟! يوم شهر عام؟! ستنتهى يوما ما ولكن تحتاج الى صبر وثقة بالله ثق بالله كما وثق به يعقوب عليه السلام ورد الله له ولديه بعد ان فقدهما ....بعد أن كان احدهما عزيزا لمصر وهو يوسف عليه السلام. لا تعلم تدابير الله لك ... "فرب ضارة نافعة " عندما اوحى الله لأم موسى عليه السلام بحفظ ولدها قال لها "فإذا خفت عليه فألقيه فى اليم " وأخذه ورباه عدوه بنفسه ثم قال الله عز وجل بعد نجاح ام موسى فى الاختبار "فرددناه الى امه كى تقر عينها ولا تحزن ولتعلم ان وعد الله حق" انت لا تعلم تدابير الله لك رب مشاكلك تلك لأن الله يعدّك ويجهزك لشئ اعظم يسرك فلا تسئل الله ما ليس لك به علم راجع نفسك وتقين ان الانتحار ليس حلا بل هو بدايه لمشاكل اكبر

التكرار ثم التكرار ثم التكرار على حسب مقدرتك وحفظك السابق -إن وجد- تقدر تحدد مقدار معين (صفحة -ربع - حزب-جزء ) تكرره يوميا لغاية إتقانه يعنى مثلا لو الجزء الاول وانت حافظ منه بنسبة 40% هتقرأه اول يوم وتانى يوم وتبدأ تسمعه لنفسك تالت يوم هيكون حفظك فى اليوم التالت يقرب ل70-80% ولو تطلب الامر يوم رابع وخامس كمان مفيش أى مشكلة وبإذن الله الطريقة دى تضمنلك إتقان الحفظ من95-100% وعن تجربة شخصية ملحوظة مهمة جدا متنساش المراجعة مع الحفظ يعنى مثلا كل ما تخلص جزئين راجعهم على بعضهم تانى وهكذا ولو خلصت عدد اجزاء كتير ممكن تخصص اسبوع للمراجعة ويكون الافضل فى الاسبوع ده حد يسمعلك وبإذن الله هتحس بالفرق وده بفضل الله عن تجربة شخصية ...وبالتوفيق ❤️❤️

انتِ كده عرفتِ السبب ومعرفة سبب المشكلة اكتر من 50٪ من حلها.... حاولى تعالجى المشكلة دى ولو فشلتى فى منع العياط مرة حاولى تاتى وتالت ورابع لحد ما تتحكم فى مشاعرك

خلاص ممكن تجربى تبصى على نفسك من منظورهم يعنى تخيلى نفسك. مكانهم وراجعى تصرفاتك اللى خلتهم يتضايقوا او تصرفاتك عموما...وشوفى لو حد عاملك بنفس طريقتك بالظبط هيكون رد فعلك اى.. يعنى مثلا شوفى هل بترفعى صوتك فى الكلام هل بتحركى ايدك وانتى بتتكلمى.. نظراتك..تعبيرات وشك..... وهكذا

ولو هتقدرى تروحى عند دكتورة نفسية تحكى.معاها مشاكلك وتحاولوا تشوفوا حل.مع بعض هيكون افضل جدا ليكى.... لو مش. هتقدرى فيكون الملجأ الوحيد لله اشتكيله وادعية "إنما أشكوا بثى وحزنى إلى الله"

انتى ممكن تتجاهليهم لو شايفه انك صح اما لو حاسه انك غلطانة فلازم تقبلى النقد البناء يعنى تشوفى اى اللى مش عاجبهم فيكى وتحاولى تغيري من نفسك لكن مش لازم تسمعى كلام كل واحد.. انت ليكى شخصية مختلفة عن كل. الشخصيات فلازم يكونو متقبلينك بشخصيتك ولو حد متضايق من شخصيتك تجنبيه