Mohamed Elsayed

طيب بالعقل كده انتي جبتي مجموع قد ايه في الدبلوم اللي ممكن ينفع تدخلي بيه معهد ومن ثم كلية هندسة مثلا .. الثانوي دلوقتي صعب جدا وخطيبك في أغلب الظن مش هيوافق لانك لو اتجوزتي مش هتعرفي تذاكري ولا توفقي بين طلبات ومتطلبات زوجك وبين دراستك خصوصا أنه ثانوي لو كان كلية كان ممكن يقف جمبك ويساعدك انك تنهي دراستك إنما ثانوي ووراه كلية بنسبة كبيرة مش هيوافق

المنطقة فعلا بتفرق جدا من حيث التغطية يعني تلاقي في أماكن مثلا فودافون شغالة كويس جدا ومنطقة تانية لا . طب اقولك عندي في الصالة مفيش شبكة لكن في البلكونة الشبكة كامله في فودافون و اورانج لكن اتصالات صراحة مجربتهاش لا هي ولا وي

صدقني يا صاحبي انك تحبها مفيش مشكلة وعايز تطلبها بالحلال وتخطبها دي تبقي مئة كويسة . بس احذر البنت لسه صغيرة لسه متعرفش يعني ايه خطوبة وجواز وبيت ومسئولية غير مثلا لو هي بتبادلك نفسه الشعور ممكن جدا يتغير من ناحيتها لأنها لسه مقابلتش ولا عرفت حد ولسه في بداية دنيتها ولسه عقلها وتفكيرها علي قدها و كمان لسه صغيرة علي الخطوبة وكمان ٤ سنين خطوبة كتير جدا وداخل وطالع ع البنت مينفعش حاول انك تبعد شوية أو استني شوية وممكن تلمح لصاحبك أن لو حد جالها في نية الخطوبة دلوقتي ولا لا . لو لقيت في نية صارحه وقوله بكده لو وافق هيكون في صفك وعلي الأقل تستني سنه كمان أو اكتر وبعدين تخطبها

بسيطة جدا اولا مفيش تعليم كويس مع أن كل حاجة بقت سهل الوصول ليها اكتر من الاول ثانيا مفيش قراءة ولا ثقافة لو كل رب أسرة قرأ كتاب واحد عن تربية الأطفال ونشئتهم ده هيسهل كتير في التربية السليمة ثالثا مفيش صحة ولا اهتمام بالصحة لأن العقل السليم في الجسم السليم كل ده من بداية الطريق رابعا الحالة الاجتماعية والاقتصادية السيئة ال بالتالي بتأثر علي نفسية أغلبية المجتمع خامسا أن في ناس في كل مجال في البلد زي ما يكون قاصدين أن محدش يطلع كويس أو يفيد وطنه ابدا بدليل أغلبية العقول ال في البلد بتنجح بره البلد . قليل قوي لو لقيت ناجح هنا لأن البيئة ليها تأثير كبير جدا في التطور والتعليم . لما تكون البيئة سليمة النتيجة بتكون إيجابية اكتر من اللازم . لو البيئة سيئة اينشتاين ذات نفسه مش هيقدر يحل مسألة رياضيات في ثالثة ابتدائي

بالتأكيد دي مشكلة بس مفيش مشكلة ملهاش حل . تأكدي اول كل حاجة إن كل شئ مقدر ومكتوب والخوف ذات نفسه هو المشكلة زي مثلا بتخافي تفرحي كتير وبتخافي ترتبطي بجد و الخ .. دلوقتي لازم تتعلمي ازاي تواجهين خوفك لأن خوفك هو مصدر المشاكل والقلق وكمان بيفقد الثقة في النفس في كل حاجة .. اكتر حاجة ممكن تكون فعالة بالنسبة لوجهه نظري انك تواجهين كل ال بتخافي منه كل حاجة انتي بتخافي منها اعمليها وواجهيها هتدعمك لقدام وهتتعلمي ازاي تواجهي نفسك

ممكن حضرتك تشتري ذهب بيهم لحد ما يكبر وتبيعهم احسن من فوائد البنوك وبرده سعر الذهب بيغلي وده رأي شخصي في علماء اتجهوا أن الفوائد ربا.. وغيرهم قالوا إنها حلال فالافضل تبقي بعيد عن الشبهات بين الحلال والحرام . ومن ترك شيئا لله عوضه الله خيرا منه

مفيش حاجة احب إلي الشيطان من التفريق بين الزوجين رأيي الشخصي اصبري لكن مع عدم الاستسلام من أنه يتغير حاولي كتير . لكن قبل كل ده شوفي هو ماله يمكن يكون أثر نفسي أو زيادة ضغوط ف خلته استسلم وفاقد الامل وقال بالبلدي كده مفيش حاجة جايبه همها .. ممكن من كتر الضغوط النفسية والاجتماعية والاقتصادية ال عليه خلته كده ف المهم حاولي تلعبي ع النفسية شوية واتعبي معلش كتر المحاولة بيجيب نتيجة انتي أساس البيت ومن غيرك البيت ملوش قيمة ف لو بتحبيه اتعبي اكتر معلش والجزاء والثواب عند ربنا وصديقتي ربنا مبيضيعش كل عمل نيته خير

كل ما يكون معاك فلوس استثمرها في أي حاجة هات بيها اي حاجة تنفعك .. لو بتجهيز مثلا شقتك هات مرة طلبات الكهرباء ومرة للسلامة وكذلك هتخف عندك ضغط كبير لما تيجي تتجوز الطريقة نافعة جدا معايا ومع اصحابي وأخواتي وكل ال نصحتهم بيها اوعي تظهر فلوس قيمتها بتقل مع الوقت

خذ كورسات في التسويق الإلكتروني قبل اي حاجة واشتغل علي نفسك واعرف انت عايز ايه ولازم تاخد خبرة الاول وتفهم الدنيا ماشية ازاي قبل ما تخطي خطوة واحدة ويكون عندك استعداد تام انك تتعلم الاول ومتملش لو فشلت في الأول لأن الفشل اول طريق النجاح

اولا القرض ربوي ويمحق الله الربا ويربي الصدقات ف اركن القرض ده ع جمب أستعين بالله واتوكل ع الله ولو الشقة اخر حل ف بيعها أو ارهنها وخليك فاكر من ترك شيئا لله عوضه الله خيرا منه ..

الاقرب لقلبك وال بتحبيه اعمليه ومتخافيش من حاجة جاية طالما صح الاختيارين صح بس ال انتي ميالة ليه وطموحك فيه اعمليه ومتخافيش من بكره خليكي ف النهارده

السؤال الأهم انت شايف انها تنفع تبقي ام لاولادك وتشيل المسئولية وهي قدها ولا لا بعيدا عن القلب فكر بعقلك وشوف هو حب ولا اعجاب ولا انبهار ولا حاجة هتروح مع الوقت ولا ايه