Ibrahim Taha

صباح الخير يا فندم واضح إنك تحت ضغط نفسي كبير، وده ممكن يكون سبب العصبية والشعور بعدم التقدير. إحساسك بالوحدة والانتقاد المستمر ممكن يسبب توتر زائد. جربي تخصصي وقت لنفسك، حتى لو بسيط، واعرفي إن التعبير عن مشاعرك مش ضعف. لو حسيتي إن الموضوع مأثر على حياتك بشكل كبير، ممكن تستشيري طبيب نفسي يساعدك على التعامل مع الضغوط بشكل صحي.

صباح الخير يا فندم اللي بتمري بيه مفهوم، لكن لازم تقييم دقيق من دكتور متخصص في المخ والأعصاب أو الطب النفسي، لأن ADHD له معايير تشخيصية محددة، واختبارات الإنترنت مش دقيقة. بما إن الأعراض مأثرة على دراستك وحياتك، أنصحك بزيارة دكتور عشان يحدد السبب الحقيقي ويوجهك للعلاج المناسب، سواء كان تنظيم وقت، تمارين تركيز، أو أدوية لو لزم الأمر. متقلقيش، كتير بيكون عندهم أعراض مشابهة وبيلاقوا حلول تساعدهم بشكل كبير.

ابنك وزنه كان قليل وقت الولادة وعنده نقص كالسيوم وحديد، وده ممكن يكون سبب تأخير المشي والكلام. لو عنده سنة ونص ومبيتكلمش غير بالزن والإشارة، الأفضل تزور دكتور تخاطب عشان يقيم حالته. أما قلة التركيز، ممكن تكون من نقص الفيتامينات، لكن الأفضل استشارة دكتور أطفال أو أعصاب أطفال لو استمرت المشكلة. متقلقش، بس التحرك بدري أحسن

صباح الخير يا فندم مع حضرتك د. ابراهيم طه، لازم يا فندم دكتورة استشاري نساء وتوليد، و يتم عمل سونار على المنطقة علشان ممكن يكون مشكلة تانية، النقطة إن الشطافة منقدرش تخترق الغشاء بسهولة، حضرتك أصلا لو حاولت تخترقيه شخصياً بدون أداة مش هتقدري، فبالتالي نعرف الوالدة و نروح للدكتور و نتأكد مليون في المئة إن طالما انتي مش غلطانة متقلقيش من أي حاجة و ربنا عمره ما بيسيب حد.

بصي أنا هقولك حاجة، ربنا عمره ما بيشيل حد فوق طاقته و عمرك ما هتشيلي حمل مش بتاعك، لو فاكرة إنك جاية الدنيا دي علشان ترتاحي تبقى غلطانة، ربنا سبحانه وتعالى قال " إنا خلقنا الإنسان في كبد " يعني هتفضلي طول حياتك تعبان، الراحة الأبدية وقت الحساب غير كدة دي راحة مؤقتة مش أكتر، اتقي ربنا في تصرفاتك و في الناس اللي حولك، و معلش انت مش هيحصل معاك أكتر من اللي حصل مع الصحابة و رغم كل اللي حصلهم قالوا ربنا ولا تحملنا ما لا طاقة لنا به و اعف عنا و اغفر لنا و ارحمنا، ف استعيني ب ربنا و ابدأي من جديد انت كدة كدة مش خسران حاجة، حاولي تتعرفي على ناس جديدة و حاولي تتجنبي التفكير في اللي بيضايقك حاولي تعملي حاجة جديدة و بالنسبة للالتزام حاولي تزودي التزامك اقرأي في الدين اشتري كتب تحاول تغير تفكيرك ،و ربنا يوفقك يارب و يرزقك الخير أينما كان

بداية ربنا يعافيك إن شاء الله و يعفو عنك من كل سوء، بس ضروري تراجع حد مختص لأنك هتقابل أعراض إنسحاب لأنك بقالك فترة كبيرة، لو فعلاً عندك نية إنك تمتنع عن ده لأي سبب زي إنه مذهب للعقل و ده حرام طبعاً علشان ربنا كرمك عن باقي مخلوقاته بإن عندك قدرة على التمييز بين الصح و الغلط عن طريق العقل و انت على الناحية التانية بتتعاطى علشان تذهب العقل ده ف أنصحك تتابع مع حد مختص و ربنا يرزقك الخير أينما كان

بداية لو عندك خوف من التجمعات أو غير إجتماعية تعاملي مع الفوبيا دي بالعكس، بمعنى إنك لو بتخافي من حاجة روحي نفذيها علطول بدون تفكير حتى، يعني لو بتخافي من الزحمة انزلي مرة واحدة في مكان زحمة و تفضلي فيه شوية و شوفي نفسك هتتصرفي ازاي و صدقيني لو جربتي الطريقة دي عمرك ما هتندمي و ربنا يرزقك الخير أينما كان

بداية موضوع الإرتباط ده مش صح أولا بسبب إنك بتعصي ربنا و بتستنفذي مشاعرك و حاجات كتير، لو هو فعلاً كان يستحق الدعاء اللي انتي بتدعيه ليه كان جه اتقدم ليكي بصورة رسمية، و ده محصلش طبعاً، خلاصة القول وفري دعاؤك لنفسك و ركزي في مستقبلك و شوفي اللي حصل في علاقتكم خلاكم تسيبوا بعض يمكن ده يعلمك لمستقبلك إن شاء الله

طب هل حصل موقف في الجامعة ضايقك أو حد من الأهل قلل من مكانتك العلمية أو حاجة شبه كدة ؟

بداية موضوع الوراثة ده مش تحت تحكم أي حد، الوراثة عموماً مصطلح مش معناه إن كل حاجة بيتم توارثها بتشتغل، بمعنى لو فيه أب طويل و أم طويلة ممكن الإبن يطلع قصير عادي لأن جده للأب مثلاً كان قصير بس الموضوع ده متوارثش عند أبوه ف ده مش في تحكمك، الحاجة التانية إنك متأثرة زيادة بالاعلانات بتاعت الفترة دي و السوشيال ميديا لأن معظم الناس الفترة دي بتتريق على موضوع المناخير الطويلة و على الناحية التانية بيجيبوا شباب حلوين يعملوا إعلانات على القنوات، ف هم بيظهروا بصورة كويسة اوي كأنه مفيهوش غلطة بس ده اللي ظاهر، خلاصة القول إن مفيش حد كامل غير الله عز وجل و كل واحد فيه مننا مشكلة، أهم حاجة يكون دينياً و أخلاقيا كويس و يراعي ربنا فيكي، وربنا يرزقك الذرية الصالحة إن شاء الله و يرزقك الخير أينما كان

بالنسبة لموضوع الفاتورة ف فيه شخصيات بيبقى نمط التفكير بتاعها إنه عايز يحس إنه شايل مسؤولية و بيعرفك ده علشان تعرفي إنه راجل و تقدري ده، و دي مش هقدر أقول عليها حاجة وحشة على قد ما هي حاجة مش حلوة و ممكن يكون خد الطبع ده من الأب أو من حد من الأقارب أو كنصيحة من حد من أصحابه، بس على الأغلب هيكون من الأب لأن تعامله مع الناس الكبيرة في السن مش أحسن حاجة زي ما حضرتك وضحتي، و ربنا يرزقك الخير أينما كان

طبعاً مش سطحية، ده زواج مش نازلة في ديت مع واحد و يا عجبك يا معجبكيش، الموضوع في إنك هتكملي حياتك مع الشخص ده بطباعه ب أهله و طباعهم ف لازم تختاري صح طبعاً و الموضوع يبقى محسوب مش اللي هو أنا بحبه ف هتجوزه و خلاص و أنا راضية، علشان متوصليش لمرحلة من الاتنين و هم لو قدر الله الطلاق أو الصبر على اللي انتي فيه لحين ظهور أحداث جديدة و الاتنين هيأدوا لطريق واحد و هو الندم، ربنا يكتبلك الخير أينما كان

يجوز، لأن ربنا سبحانه وتعالى قال: إنه لقرآن كريم في كتاب مكنون لا يمسه إلا المطهرون صدق الله العظيم، ف هنا ربنا قاصد الكتاب ذات نفسه اللي هو المصحف مش القرآن بشكل عام، والله أعلى و أعلم

بداية ده مش شرط يكون سحر او مس او جن عموماً ده ممكن اضطراب القلق يخليكي متعرفيش تعملي أي حاجة و واقفة حرفياً عند نقطة مش بتتحركي، أهم حاجة تعمليها إنك تقرأي سورة البقرة كاملة مرة واحدة و تقوليلي حسيتي ب اي

لازم يبقى عندك حد تحكي معاه و تشاركيه تفاصيل حياتك و في حدود الأخلاقيات بتاعتنا لأن غير كدة ممكن تدخلي في نقطة الأذى النفسي

كون إن معندكيش صحاب ده ميسمحش أبدا إنك تفضلي تتنازلي عن حاجات كتير ، ممكن شخصيتك مختلفة مش اكتر عنهم، لكن مهما عملتي هتلاقي صحاب متقلقيش دي طبيعية يعني

زراعة أنسجة إيه بالظبط، ممكن تفاصيل اكتر

ده بديهي إن أي حد يضايق، هي لو متضايقتش تبقى مش طبيعية، بس اللي نتكلم فيه إن هي مش طبيعي تفضل تعيط، ده معناه إنها حالياً من جوة هشة، واجبنا في الوقت ده هو الكلام الإيجابي و الدفعة النفسية ليها، واجبنا إننا نوجهها و نساعدها على الثقة في نفسها و تقبل الاعتراضات بشكل طبيعي مع ثبوت الثقة في النفس.

أنا شايف تخليكي زي ما انتي افضل على الأقل ضامنة الفترة المقبلة بس إن الوضع زي ما هو و حتى لو فترة قصيرة، لحد ما تلاقي فرصة أفضل و حاولي تدوري على شغل بمجالك يكون أفضل و ربنا يرزقك الخير إن شاء الله

بصي ده راجع لعدم اقتناعك بأن الحياة مشقة و إن إحنا مش هنرتاح دلوقتي كل واحد بيبقى ليه ابتلاء بصورة معينة، فيه واحد بيبتلى في رزقه و واحد في صحته، لازم تلحقي اللي فاضل من نفسيتك، صدقيني لو نفسيتك راحت كل حاجة هتروح، حاولي تقعدي مع نفسك و ترتبي أفكارك و تشوفي عايزة تعملي أي، اتعلمي حاجة جديدة، قومي اتعلمي حاجة ملهاش أي علاقة بدراستك و عمرك ما فهمتي فيها قبل كدة يعني لو بتدرسي هندسة قومي اتفرجي على فيديوهات تخييم مثلاً، حاولي تشوفي حاجات جديدة و تتعرفي على الدنيا، اتعلمي مهارات جديدة تنفعك حتى لو هتقومي تتعلمي إزاي تحسني خطك، المهم اوعي تسيبي نفسك ل نفسك علشان لو قعدتوا مع بعض انتوا الاتنين حرفياً هتدمري، و طبعاً قبل أي حاجة استعيني ب ربنا و دايما قولي اللهم إني أعوذ بك من الهم و الحزن و العجز و الكسل و صدقيني لو بتقرأي الأذكار كل يوم و تفهميها كويس هتلاقي نفسك اتحسنتي إن شاء الله و ربنا يرزقك الخير يارب

الصح في العلاقات زي كدة إنك تتكلمي معاه بصراحة و تستفسري عن السبب اللي بيخليه يعمل كدة علشان انتوا هتكملوا حياتكم سوا ف مش معقول يفضل يعمل كدة باقي عمركم

ماشاء الله يعني عندك حلول كتير زي إنك تقرأي عن قصص لقضايا قديمة و تتعمقي في الموضوع و تفهمي عن كذا حاجة في كذا مجال كمثال الطب الشرعي مثلاً و تقعدي مع حد شغال في مجالك و تتكلمي معاه و تفهمي اكتر هتعرفي بعد كدة انتي لي بتدرسي، و خليكي عارفة حاجة مهمة أوي إن دائماً اللي متعلم بيبقى ليه مكان في اي حتة عن غير المتعلم مع احترامي ليه طبعاً، بس هتلاحظي إن المتعلم ليه مكانة تانية علشان هو جه على نفسه و استحمل و فضل سهران و عنده مقومات غير أي حد ف بالتالي لو انتي مش بتذاكري ف انتي عاملة زي غير المتعلم من حيث التفكير و المنطق في الحياة و ربنا يرزقك الخير أينما كان

طب انتي دراستك اي

دي حاجة ب ايد ربنا مش ب ايد حد طبعاً و خليكي عارفة حاجة و واثقة فيها مليون في المئة ( الطيبون للطيبات و الخبيثون للخبيثات ) ف لو هو كان كويس و انتي كويسة ربنا هيكرمكم سوا و لو حد فيكم مش كويس مش هتبقوا مع بعض و ده قدر منقدرش نقول لربنا لأ و دائماً نحمده على قراره و ربنا يصبرك

أكيد فاهمك ربنا يرزقك الخير يارب

يا فندم موضوع وشه مليان و كدة فيه أكل و أنظمة غذائية للموضوع ده ممكن تحاولي لما تأكلوا سوا تحطي الوجبة دي من ضمن وجباتكم عادي و لو الموضوع نجح خلاص لو منجحش خدي قرار صريح علطول علشان لو كملتي معاه و انتي شايفة إن لو وشه تخين ده عيب فيه هو شخصياً لما هتيجوا تختلفوا بعد كدة هيبقى الخلاف أكبر بسبب وشه متخيلة!!! ف خدي قرار واضح و صريح و الأفضل تصلي صلاة استخارة طبعاً و تستخيري ربنا و أهم حاجة بعد صلاة الاستخارة هي إنه يكون على خلق و علم و دين و يراعي ربنا فيكي لأن ده بقى صعب الفترة دي و ربنا يرزقك الخير أينما كان

يجوز والله أعلى و أعلم

في أي وقت مفيش أي مشكلة، و متنسيش خيركم خيركم لأهله

اتمنى ده يحصل، و لو احتاجتي أي حاجة أقدر أساعد بيها معنديش مشكلة انتي زي أختي

هو أكيد بس لو لاقيتي حد تثقي فيه متتردديش تحكي له بس أهم حاجة بدون مجازفة

بصي هو الأفضل إن يكون ليكي حد تحكي معاه و تتعصبي عليه و كدة علشان تحاولي تخففي من على والدتك شوية و بالتدريج كله هيبقى تمام إن شاء الله

بصي ده إحتمال يحصل فعلاً ، طب انتي ليكي حد قريب تحكي معاه و كدة ولا لأ

إن ضميرك يأنبك دي حاجة كويسة و بعدين متقلقيش طالما وصلتي للمرحلة دي يبقى هترجعي عادي بعد كدة معاها

يبقى كويس وصلنا لنقطة كويسة، الخطوة الجاية بقى نعمل حساب الكلمة المؤذية أو رد الفعل المؤذي اللي إحنا بنعمله و حسابه عند ربنا سواء كان شخص عادي او بالذات الأم

ده كدة المشكلة مش مع والدتك، او هي مش سبب حاجة على الأغلب، كدة انتي حصل ليكي موقف أدى لصدمة، أنا بقولك الكلام ده عن تجربة لأني مش بتعصب على حد غريب بس ببهدل الدنيا في البيت، لأني عارف إنهم هيسكتوا زيك بالظبط انتي عارفة إنها هتمتص غضبك و نتيجة الصدمة بتعملي كدة

ولا شكر ولا حاجة ربنا يكتب ليكي الأحسن إن شاء الله

فيه نوعية من الناس عايزة تمسك العصاية من النص بمعنى انك انتي لو بعدتي هي هتبقى موجودة، و العكس صحيح يعني لو هي حصل حاجة و أهلها مثلاً عملوا مشكلة أو الموضوع مكملش ف انتي اللي هتبقي الاحتياطي، أنا مش قاصد أي إساءة والله بس كان لازم تفهمي بالطريقة دي علشان تفوقي لنفسك

بصي انا مش هقولك الجنة تحت أقدام الأمهات و الكلام الكتير ده، بس راعي أمك لحد آخر لحظة، يمكن أوقات بنتصرف تصرفات طائشة و مش بنحسبها و بنستحمل الغريب عن القريب بس خليها دائماً في دماغك كدة، خيركم خيركم لأهله، أنا ك شاب لو حابب مثلاً أتقدم لواحدة و لاقيتها بتعامل ناس غريبة كويس و أمها بطريقة وحشة هقول أي اللي هي بتعمله ده و مش هكمل و ده مثال بسيط من أمثلة كتير، ممكن مش عارفة تحتويكي، طب حاولي انتي يا ستي تحتويها و تنكشيها و شوفي ردة فعلها اي و صدقيني قصاد اللي هتعمليه ده ربنا مش هيسيبك و هييسر ليكي حالك...

بداية لازم تبقي عارفة حاجة مهمة أوي،سواء راجل أو ست بعد الإنفصال علطول بيحتاج يلاقي حد يعوض المكان الفاضي بتاع الشخص اللي فات ف هو محبكيش هو بس سد بيكي المكان الفاضي ده، و بدليل إنك بتحاولي دلوقتي تسدي مكانه الفاضي و بتسألي هنا، أهم حاجة الفترة الجاية تمسكي نفسك كدة و هي فترة والله و هتعدي إن شاء الله

طب انتي حاسة إن فيه تفرقة بينك و بينهم يعني هم ليهم أفضلية عند والدتك شوية أو حاجة، او مثلاً والدتك مقصرة معاكي في حاجة بس مش مقصرة معاهم

طب انتي عندك كام سنة و كام أخ و أكبر منك ولا أي

عموماً دي تسألي فيها دار الإفتاء لأنهم أولي الأمر، و كمان الحلفان بالطلاق وقت الغضب لا يحتسب على ما أعتقد والله أعلى و أعلم

طب بقالك قد اي كدة !!

طب هل حصل موقف أو حاجة من فترة سبب صدمة ليكي !

طب يا ستي ما انتي زي الفل أهو أهم حاجة تواظبي على صلاتك و الأذكار و متركزيش في حاجة تاني