نجم عالي

تصرفك عجبني جدااااا بجد ربنا يبارك فيكي،، من رأيي ماتكلمهوش خالص لإن دة ممكن يعمل نتيجة عكسية ويبني حاجز بينكم وهيبقى طول الوقت محرج منك ومش عارف يتعامل معاكي... أناشايفة انه كفاية اللي انتي عملتيه واقفلي الصفحة دي خالص ومتعمليش أي خطوة تاني... وادعيله... وخرجي نفسك م حالة الصدمة دي لإن طبيعي معظم الشباب ان مكانش كلهم بيقعوا ف الذنب دة وعلى وصفك فهو إنسان بيجاهد مش منغمس ف الذنوب اللي من النوع دة...فخلاص انتي اتصرفتي كويس ومتجيبيش سيرة لأي حد لا مامتك ولا اخواتك ولا أي حد يعرف اللي شفتيه...

ممكن تقرأي لو بتحبي القراءة.. مارسي أي هواية بتحبيها... بالنسبةة للأكل حاولي تتكلمي معاهم يوفرولك إمكانيات ع الأقل تعملي نفسك... لو معندكيش دراسة حاولي تشتغلي وتكفي نفسك مادياً وبالتالي تستقلي وتعيشي حياتك بالشكل المناسب ليكي...

بصي أنا أصلاً مكونتش لاقية مسمى لتصرفاتها... وفضلت سنييين بعاني وولا كنت فاهمة أصلاً ان دة له أصل أو اسم ف علم النفس من كتر الجبروت والشيطنة كنت متخيلة ان مفيش حد عنده نفس الأزمة دي.... فكلمة نرحسية مش انا اللي أطلقتها عليها وشايفة انها شوية أصلاً على اللي بشوفه منها... عندي استعداد احكي والله ودة اللي بدور عليه أصلاً إن اشارك مشاعري مع حد يكون واعي ويفهم ويدعم

اعمل جمعية كبيرة وف خلال الوقت دة دور على عروسة ولما تقبضها تتقدم وتقول إمكانياتك... دي مشكلة نص الجيل تقريباً ... ربنا يعين يارب

هتتعبي جدا حاولي تتخطي

معناه انه راجل غير أمين وفاضي وبيتسلى، حطي نفسك مكان مراته وتخيلي زوجك بيفكر ويتواصل مع واحدة تانية! الحل انك تقفلي الباب دة خالص وتبلكيه من كل الأماكن وماتحطيش نفسك ف مةضع يخليكي تنشغلي عن نفسك ومستقبلك لإنه حتى لو بيحبك فدة هيفضل حب من غير فعل لإن خلاص بقى عنده بيت وحياة غيرك

يعني إي يدخلوكي أصلاً ف الأمور دي؟ معلش دي عيلة مش تمام حاولي تقطعي معاهم سطحي العلاقات ع الأقل على قد السلام وبس

طالما البنت من نفس بلدك اعرضي عليها مثلاً تتقابلوا أو إنك تعزميها عندك ف البيت عشان حابة تعرفي أهلك عليها، وشوفي رد فعلها...